انا كوول كتب:موضوع مميز يا الاصيل ... و حكايه انو يجي زول مغترب من بلدو للسودان و ما شايل في ايدو حاجه للناس في بعض الاحيان بيعتبروها كانه غلطة كبيرة لكن انا في رايي انو لو جاب معاهو شي حاجه جميلة و من الناحية التانية لو ما جاب برضو مافي مشكلة مش بيقولوا اي شي موجود برا بيكون كمان في السودان ؟
الغاليـــــــــــــــــــــــــــــــــه انتى كولــــــــــــــــــــــــــــــــــــ اولا :: مشكوره كتير على الاشاده بالموضوع والشئ الثانى تطرقتى لنقطه مهمه انتى وهى المغترب اصبح لا بد ان ياتى محمل بالبضائع والحاجيات ولابد ان يجتمع اهل الفريق لكى يروا فلان جاب وجاب فى الوقت الذى يمكنه توفير الجهد ويشترى جميع هذه الاغراض فى بعض الاحيان باقل من ثمنها وزن وتعب وعتاله ونقل دون جدوى !!!! النقطه التى وددت لو تناقشى فيها البت الكولـــــــــــــــــــــ الاسباب والممارسات والافعال والبرامج التى يتبعها مغترب صاحب راتب مغرى ويمكث عدة سنين ثم يعود بعدان يستلف ثمن تذكرة الرجوع ما هى الاسباب ؟؟؟؟ شكر كثيـــــــــــــــــــــــــر تمنياتى بعودتك للحوار
غرام 2009 كتب:صباح الخير تصدقو يا اخواني انه انا مولودة في السعودية لكن زوجي عاش حياته كلها في السودان الغريبة انه ما اتعودنا اننا نمسك القرش زي ما بقولوا ودائما مبزرين ليه لانه ما بنلقي حاجة كفاية دائما ولما نلقي المال بنحاول انه ما نبخل علي انفسنا وبعدين دلوقتي اهل السودان عايشييين اكتر مننا وبعدين لو بخلنا علي افسنا ونحن في بداية شبابنا صراحة حنشيب بسرعة دي وجهت نظري واحكي ليكم قصة واحدة عاشت في السعودية بالتحديد وبخلت علي نفسه مررررررررررررررة وبنت عمارة في السودان وحتي انها ما مشت السودان عشان تبني العمارة دي واقول ليكم انها ما ولدت حتي ولما جاء اليوم الموعود رجعت السودان والشيب ملا راسها وماتت بعد ايام من رجوعها وزوجها في اربعين وفاتها اتزوج واحدة تاني عشان ما عنده اولاد واسفة للاطالة
الرائـــــــــــــــــــــــــــــــــعه غرام حسب ما سمعت وليست لى تجربه فى هذا الشان , بانه اغلب المتزوجين فى بلاد الغربه اى يصطحبون معهم زوجاتهم لا يستطيعون التوفير ولكن يمكنهم ان ينفقوا على انفسهم بصوره مريحه محور حديثك الثانى القصه التى ذكرتيها هذا نوع من البشر يبخل بالمال حتى على نفسه وما قصتك هذه الا نموذج للعديد من القصص توفى اصحابها دون ان ينعموا بكسبهم وجهدهم وهؤلا ء الذين ((يعيشون حياة الفقراء ويحاسبون محاسبة الأغنياء !!!!! ))
اسمحى لى ان اعود بك الى مربع الحوار من زاويته الاساسيه لماذا نجد بعض المغتربين يمكثون اوزقاتا طائله فى بلاد الغربه ويعودون دون فائده ؟؟؟؟
مشـــــــــــــــــــــــــــــــكوره على الاطاله شرفينا بالعوده
غرام 2009 كتب:
انته ناسييين حاجة البلم قريشاته ده ما بيعرف والصدقة تطفي غضب الرب وترفع البلاء وتزيد من رصيدك في الدنيا والاخرة وصدقوني مجرب [img]http://[/img]
يكفى قول الله تعالى اعوذ بالله من الشيطان الرجيم ((خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ إِنَّ صَلاتَكَ سَكَنٌ لَهُمْ وَاللَّهُ سَمِيعٌ عَلِيمٌ))
صدق الله العظيم شكرا كتيـــــــــــــــــــــــــــــر
بعرف مغتربين لهم أكتر من عشرين سنه بيصرفوا بما يعادل أضعاف أضعاف أجرة موظف عادي..
ولكن كل همهم كان ف المظهر والرفاهية والسفر والسياحة.. والان بدأو يحسوا بما اقترفوه
كان من الممكن يعيشوا يومهم.. ويفكروا لما هو بعد يومهم.. بس الظاهر بيفضلوا انهم يعيشوا اليوم باليوم..
الجيـــــــــــــــــــــــــــــــــــــــــو حقيقه الصرف على المظاهر الغير مفيده من اسباب فشل المغتربين بصوره كبيره ابسط شئ كلام البت الكول لما ذكرت انو لازم اجيب اشياء وهى متوفره فى السودان بس للمظاهر وفلان جاء وجاب فقدنا مبالغ كان ممكن نكسى بيها عارى ونطعم بيها جائع مشكــــــــــــــــــــــــــــــــــــــو الجيـــــــــــــــــــ ود ــــــــــــــــــو
مايا كتب:الاغتراب اصبح مشكلةالقدر يعمل حاجه زمان عمل والماقدر من الصعب يعمل حاليا وفى الظروف البعانى منها المغترب ---- بالنسبه للشغل الرواتب بقت ضعيفه جدا يعنى دوام واحد ما بعمل ليك اى حاجه عشان تقدر ترسل لى اهلك وتحوش منهم لى مستقبلك حتلاقى وحده من الكفتين مالت وياريت لو مالت حتطلع خسرانه كمان الاهل ما بحسو بى معاناتك طلباتهم كتيرة جدا وما بعرفو انته بتاعنى كيف عشان ترسل البترسله ولاعايش كيف وايجار بيتك كم وبتدفع كم للسيارة لو عندك ولو عندك قرض شهرى بيتخصم من راتبك كم بالجد معاناه ------
فى مشكلة تانية عند السودانيين بهتمو بالمظهر اكتر من اى حاجه ممكن تلاقى المصرى فى كم سنه عمل ليه بيت واشترى ليه محل وكم حاجه كمان الناس ديل بعرفو يستثمرو الفلوس كويس جدا نفس الملابس الجى بيها من بلده ما بزيده غير جبنه ما بياكلو حاجه برسل لى اهله حاجه بسيطة جدا يقول ليهم مشوا نفسكم بيها يخلى اهله يتاقلمه على حاجه معينه وينزل بلده باشا زى ما بقولو
لكن نحنه لازم ملابس كشخه وتياب فوق ال 500 درهم وسيارة اخر موديل وعفش مبالغه كانك حتقعد فى البلد دى عمرك كله -----
عشان تعمل حاجه ------ لازم تشتغل اكتر من وظيفة وتتعلم تحوش جزء من الفلوس وفى نفس الوقت ماتحرم نفسك وتخلى اهلك نفسهم يساعدوك
سودانى اصيل بحيك على المناقشة الحلوه وانشاءالله من خلاله نلاقى لينا حل لى مشاكلنا فى الغربه وبحى الاخوة المشاركين تحيااااااتى
العزيـــــــــــــــــــــــــــــــــــــزه جدددددددددددا مايــــــــــــــــــــــــــا تحيه من قلبى على تفضيل حبك للوطن على هواك الشخصى هذا الكلام بخصوص تغيير صورتك الرمزيه مع صدور قرار المحكمه الدوليه الموضوع قصدت ان ارد عليك اخر متداخل لاختم بك جوله من الردود فى جلسه واحده ملخص مداخلة مايا :- 1/ ضعف الرواتب ــــــــــــــ 2/ الصرف على الذات والاهل وعدم عذر الاهل ومراعاة ظروف المغترب ومصروفاته الضروريه الكثيره 3/ المظهر ايضا تتفق مايا مع خسائر المظهر بالمقارنه مع توفير الاشقاء المصريين وتجاهلهم للمظاهر الحلول من وجهة نظر مايا :- 1/ عمل اكثر من وظيفه او اكثر من دوام ((ضعق الراتب)) 2/توفير مبلغ ثابت مع الصرف على ضروريات العيش ولوازمه 3/حث الاهل على تخفيف الطلبات بالاقتصار على الاشياء الهامه ما شاء الله يا مايا تشرفت واستفدت من هذه المداخله القييمه ولك ايضا مليون سلام وتحيه اصالة عن نفسى ونيابه عن جميع المتداخلين امنياتى عودتك لاثراء الحوار لعميق فهمك وثراء دلوك كتيـــــــــــــــــــــــــــــــــــــــــر مشكوره
العزيـــــــــــــــــــــــــــــز مستر بوقز ((شنو بالله كدا صح)) اولا مشكور على اشادتك بالطرح اما بخصوص كلامك لو رجعت قليلا تجدنى تطرقت لهذه المشكله وهى مفهوم المغترب اصطلاحا المغترب هو رجل يمتلك اموال طائله عند وضعه لاول قدم فى بلاد الغربه !!! مشكله بالطبع ,,,,,,,,,,,, المستر بوقز محور النقاش يتلخص فى مغترب مكث عدة سنين وكان يعمل طيلة هذه المده ثم استلف ثمن تذكرة الرجوع حسب تجربتك او نظرتك الشخصيه البحته ما الاسباب ؟؟؟؟؟ مشكــــــــــــــــــــــــــــــــور وتعال راجع
اهااااااااااا قلت لي كدا
معلييييش انا اصلو مرات الموضوع يفوت 8 سطور ما بقراو بجاوب طوالي على العنوان بس
( مستر بوقز ) صاااااااح
حسب ما اراه امامي انو المغترب بجي الدولة الاغترب فيها
بحسب مفهومو عن المغترب وليه هو مغترب برضو بعيد كلامي
هو عايز يعمل لي ( قريشات ) حيضغط علي نفسو شديد
ولا هو عايز يغترب عشان يعيش زي المغتربين (في تصورات بعض السودانين )
ياخ اقول ليك ههههههههه
شوفت التيااااااب التياااااب والهدايا ساي الداير يشيلا لي اهلو السودان بتكون مرات قدر الوفرو في سنة
واصلا زي ما قلت ليك برضو الاغتراب في الزمن دا ما منو فايده والله الزول يلا يلا يعيش
الاسباب التى تجعل المغترب يرجع بدون فائده رغم السنين التى قضاها فى الغربه ؟؟؟
فى نقاط كما ترى ؟؟؟؟
شكرا ليــــــــــــــــــــــــك
وتعال راجع
اخي الغالي السوداني الاصيل الاسباب التي تجعلنا في دائرة الفشل رغم جهدنا ومعاناتنا في الغربة هي اسباب نحن خلقناها لتكون لنا احلام مستقبل وفي الاخير . يتبخر هذا الحلم و يصبح الامر واقع
السبب . في نظري هو عدم التناسق بين الواقع و الحال الذي انت فيه . انت لاتملك شي وترسم وتخطط وتوعد بمشاريع كبير وعدم تحديد الهدف والذي يجب ان يكون علي قدر الامكانية هو السبب الاول
الاستسلام للفرصة الاولي وعدم التفاضل بين الفرص والاستمرار رغم عدم الرضاء
الدخول في التزامات لتحقيق رضاء الغير والدخول في طائلة الديون التي هي السبب الجوهري
العامل النفسي في التعامل مع الواقع . من السنين الاولي . اذا رجعت بقول رجع فاضي و الاستمرار في الازمة النفسية يحطم الطموح وبالتالي يزرع بزور الفشل في النفس
واسباب اخي و. للحديث بقية , لي عودة
العزيــــــــــــــــــــــــــــــــزه ام صبا ((الناطق الرسمى باسم الجمعيه )) والله بالتاكيد وسلفا كل شئ بارادة الله ولكن هنالك اسباب وغياب للعقل فى التصرفات تجعل المغترب يعود بخفى حنين ما هى هذه الاسباب وما هو التصرف والسلوك القويم لتحقيق الفائده القصوى من الاغتراب ؟؟؟ مشكـــــــــــــــــــــــــــــــوره وتعالى راجعه
تعرف يا اصيل المصيبة اننا احيانا وذي ماقلت ما بنحكم العقل وننسى اننا جينا لهدف معين
ومفروض نعمل حساب بكره واننا لما نرجع نكون حققنا الجينا عشانه ونقعد نهتم بالمظاهر واننا نفرش الشقة ذي شقة ناس فلانه ونسافر محملين بالهدايا وووووووووو وفي النهاية نلقى اننا طلعنا من المولد بدون حمص وحقه بعد كده نعمل حساب بكره ونشد الحزام ونفكر في بكره وانه الاغتراب بقى ما زمان ويكون هدفنا الاول والاخير اننا نرجع بالسلامة وعملنا شي للمستقبل
بسم الله الرحمن الرحيم
الاخوة الاعزاء انا حا ارد ليكم من واقع تجربتى الشخصية والتى هى 12 سنة اغتراب بدولة قطر ( حا اكملها انشاء الله يوم 29 /5 الجاى باررركولى والعقبال عندكم ) ، المهم اول حاجة طالما انت زول شغال وبتحب الشغل ما تشيل هم لبكرة والقرش مهما راح بجى تانى طالما انت زول بتحب الشغل ودى اهم حاجة اية شغل شريف مهما كان نوعو موظف، عتالى، سواق شغل خاص، اية شغل المهم يكون فى قروشك البركة ولو عرفتو الله بدى قروشكم بركة كيف تكون اتحلت وحا ترجعوا كلكم سالمين وتامين وغانمين وانا حا الخصها ليكم فى اشياء من واقع التجربة :-
1 / البعد عن الزنا والعياذ بالله يعنى ولا تجى بالشارع البجيبك جمبو.
2/ ما تاكل حق زول ولا تاكل شى حرام انشاء الله تموت من الجوع .
3 / ابعد عن اصحاب السوء من اية جنسية كانو ولو كانو سودانيين صاحبهم بالمعروف وهو افشاء السلام والنصحية لوجه الله تعالى يعنى ما تجينى داير تنصح ليك زول ماشى غلط قدام مية نفر كدا حا ينفر منك اخدو براحة كدا وبراكم ووريهو غلطو ولو سمع ليك خير وبركة ولو ما سمع ماتسمعوا كلام فارغ وتمشى منو حاول معاه تانى وتالت لحد مايزهج ويخلى البعمل فيهو دا .
4/ ادى الشغل حقو المواعيد مواعيد تجى فى وقت الحضور وتمشى فى وقت الانصراف ، ومافى مانع لو عندك قدرة بعد داك تشتغل اوفر تايم مية مية والزيادة خير وبركة .
5/ ادى الرحم حقها وعمرك ما تقطتعها حذارى ثم حذارى .
6/ احفظ لسانك من كل كلمة سيئة وخليهو رطب بذكر الله فى كل لحظة ، واتعوذ من ابليسك لو جا جمبك ووسوس ليك.
7/ حا اكمل ليكم بعدين الصلاة مواعيدها جات لو فهمتم قصدى يعنى ما تخلوا صلاتكم لى اية سبب هى كلها خمسة دقايق بس ( يلا بكمل ليكم بركة كويس ) سلام .
سمعتوا بالواقع في البير او وقع من فوق عليو فيل
يعني ده حال المغترب السوداني خصوصا جاي من اهلوا وشايل معاو هموم او مشاكل اهلو وداير احلها واهلوا ماملين انو ولدن المشى ده حيحل كل المشاكل والهموم وانو ولدن قطعة البحر بس تاني يوم حيرسل القروش لكن ولدن بجي وحيخش في دوامه ماليها نهايه ساقية جحا تشيل من بحر او تكب في بحر والايام تجري والسنين تمر وتلقاهوا معلق ليهو بنت ناس ماليها اي ذنب في الحكاية مستنياهو الم حق الشيله وحق الحفله ومفتكره سنه بالكتير وحيجي للعرس ولمن مايجي اهله ولا صاحباته احرشوها ويقولوا ليها شوفي غيرو وهو متى مانزل ولقى واحده عرس او رجع بعداك جاب ليهو هم جديد او جا داير حق الفيزه اوجابا اولدت بعداك الاولاد كبرو اوبقو في سن الجامعه اها ده مشا اودا جه وهو نسا انو في يوم من الايام حيرجع اهلو ورجع السودان حيقعد وين في بيت الاهل ولا بيت النسابه الثنين نفس الحكايه بيوت عيله تعالوا شوفو الكلام الحيتقال
ولد فلانرجع اريته رجعت عدوك رجعت السجم والرماد ونسو انو ضحى بعمرو او شبابو عشان اهلو بصراحه انا بحاول اختصر الكلام لكن ماقادره موجوعه بالجدلانو في ناس ضاقت المذله عشان اهله وماعملوا لانفسم حاجه نحنا بصراحه شعب حنين بنتعامل بالعواطف يعني ما بالعقل وده البميزنا عن باقي الشعوب لمن اكون الواحد في بلد الاغتراب برسل ولمن ارجع بشيل لكن لابد من العقلانيه شويه يعني بالنسبه للاهل يعني الام والاب والاخوان والاخوات الواحد ملزوم بيهم اما الباقي الفيها النصيب الواحد اديها وبصراحه انابزعل على المغتربين لانو بعيشوا ضغط نفسي رهيب صراعات الاهل والاولاد والعمل وبذكر الاولاد لمن امشوا السودان ديل براهم حكايه كل سنه في السودان بنكتشف ليهم القاب جديده اقولوا ليك ديل حناكيش والبقول ليك اودوهم محل سكينه او غير الفي الجامعات البعملوا فيهم مقالب والله نحنا تعبنا لا عرفنا مشاكل المغترب ولا اولادوا والمغترب في النهايه ماساه بحدذاته
نار البعد والغربة شوق لاهلي والصحبة
اول حاجة يا شباب الحكاية حظوظ في ناس يكونوا وضعهم كويس وناس لا ، حتى الوضعو كويس ما برجع بسهوله ، ممكن تلاقي زول ما قاري وما عنده شهادة يشتغل احسن شغل وراتب عالي ، وواحد تاني خريج ومتعلم كويس ما يتوفق ، في النهاية التوفيق من الله سبحانه وتعالى ،.
الموضوع جميل ،وادعو المولى عز وجل أن يوفق جميع المغتربين ويحققوا ما اردوا اليه
والله موضوعك حلو انا ماجربت امشي السودان واشوف هناك قرايتها كيف بس في ناس كثير بعرفهم مابيقولو حتى لو رجعنة بلدنا يد ورة ويد قدام كفاية اننا قرينة اولادنا بيقولو انها حاجة ماساهلة في السودان انو الواحد يكون عندو كم عيل وكلهم عايزين مصاريف لقرايتهم صعب على الواحد يقريهم في السودان بس هنا حتى الي ماعندو ولاشي بيقدر يعلم اولادو كلهم بدون مايدفع ولاقرش الكلام دا زمان كان كدة وحتى هسي بقو بيطالبو الاجانب بقروش بس بيقولو ارحم بكثير من انو يمشي يقرا في السودان واكيد الحاجة دي ماشوية
أهم شيء الواحد يعمل إعتبار إنه ماراح يعيش في الغربة طول عمره ويفكر إنه مهما طال الوقت راح يرجع لبلده ولو فكرنا بالطريقة هذه راح نهتم في أشياء كثيرة إحنا غافلين عنها وهي تأمين بنية تحتية
للعائلة وهي راجعة للوطن وأفهم يا فهيم
هذه اول مشاركة لى :
المغترب السودانى يختلف عن بقية الاجناس الاخرى وذلك بسبب الترابط الاسرى فتجدنا نحن السودانيين نغترب عشان الاسرة ( الاب الام الاخوان وتمتد حتى ابناء الاخوان والاخوات والخيلان والاعمام )يعنى شمعة تحترق عشان تضئ الطريق للاخرين.وتضحية . عكس الجنسيات الاخرى
والله هذه حقيقية إلتمستها فى نفسي وكل من عرفته فى الغربة .
بسم الله الرحمن الرحيم
السلام عليكم ورحمة الله وبركاته
لاخوه والاخوات بصفه عامه
الاخوه المغتربين بصفه خاصه
كثير من نسمع ان فلان مغترب ولديه سنين عددا فى الاغتراب
ولكن اتى بدون اى فائده وبالطبع الخسائر موجوده
ما الذى يجعل مغترب يمكث عدة سنين فى بلاد الغربه
تاركا ابنائه واهله ثم يعود هذا ان عاد بلا شئ ؟؟؟
ما هى الممارسات والافعال التى تجعل الاغتراب
بلا فائده ؟؟؟
بالمقابل
ما هو التصرف الامثل لكى يستفيد المغترب الفائده القصوى
من اغترابه ؟؟؟
اتمنى النقاش حتى نستفيد ولو امكن تجارب شخصيه
اخي السوداني الاصيل والله موضوع مهم شديد فعلاً نحنا بنجد عدد من الاخوان المغتربين ما بستفيدوا من الاغتراب ولو بذرة كنا فاكرين انه الواحد ما بجد الوظيفة الملائمة معه ومع تعليمه ولكن هنالك كثيرين من الشباب المغتربين لجوا لقضاء اجازاتهم في اماكن سياحية يصرفونا فيها اموال طائلة بدل ما الواحد يرجع لااهله الذين طال انتظارهم لرويته زايد انه المغترب اول شي المفروض يفتش البديل في وطنه قبل كل شي يعني الواحد يحاول يعمل ليهو مشروع داخل بلده عشان لما يرجع يجد مصدر عيشة له ولي اسرته زايد انه في بعض المقتربين بجيبوا اسرهم معهم والصرف يصيح ثقيل عليهم شقة وفرش واكل وشراب وضيوف بعرف اسر في الاغتراب كل العزابة المغتربين بيكونوا معهم يوم الخميس والجمعة في حاجات غير الزكرتها لو الناس راعت ليها امكن يتحسن وضع المغتربين ويقدروا يعملو حاجة زايد الهداية والملابس الكلي مرة واحد جايب ليهو عشرين شنطة والله العظيم الملابس في السودان بقت ارخص شي ولو الواحد وفر قروش الدلاقين دي وجابها لااهله انا عندي احسن من الف مليون هدية لان السودان اصبح ملي بكل شي وبالاقصاد تفرش احس فرش وتجلب احسن معدات كهربائية فلماذا اذن ؟ ده العندي يالسودان الاصيل وربنا يكون في عون الجميع ويحقيق امال المغتربين والمن اجلها تغربوا
الاخ الفاضل /السوادني الاصيل
اسمح لي في البداية ان اشيد بالموضوع الاكثر من رائع
وردود الاعضاء الشيقة فتحت شهيتي للمشاركة
رغم انهم ماشاء الله لم يتركوا لنا مجال بقصصهم الواقعية والمريرة في نفس الوقت
اتفق مع ردود الاعضاء
ولكن اسمح لي ان الفت نظركم للموضع بطريقة اخري
((((ما الذى يجعل مغترب يمكث عدة سنين فى بلاد الغربه
تاركا ابنائه واهله ثم يعود هذا ان عاد بلا شئ ؟؟؟))))
للاسف الشديد يمكث المغترب علي الاقل عامين ثم يعود ويري من وجهة نظهره ان يعوض اهل ويعبر لهم عن شوقه بالهداية التي لا تقل عن 5000ريال غير تعب ومشقة النقل ونضيف عليهم 2000ريال تذاكر سفر هذا بالاضافة الي المبلغ الذي قام بجمعه او تحويشه وفي الغالب تكون الاجازة 3شهور يصرف فيها هذا المبلغ
اولا نتفق ان سبب طلب الهداية هي المدة الطويلة
لكن ماذا لو قام اخينا المغترب وخاصة المتزوج بالنزول اجازة دورية كل 6اشهر (مراعاة لحق الزوجةالشرعي) او علي الاكثر كل عام
نقدر نقول في الحالة دي انه- ضرب عصفورين بحجر- مثل ما بيقولو المصريين قضي مع اولاده وقت اكبر وفي نفس الوقت تمتع بالعائد المادي الاوفر واراهن ان هذه الفكرة اوفر بكثير جدا حتي وان كان المبلغ قريب الا ان يوم وسط الاهل والابناء يساوي اضعاف واضعاف
ولي صديق بالفعل يفعل هذه الطريقة ربما نحن نراه اثناء زيارته اكثر مما نري اهالينا في قريتنا
ولازم احنا ياخونا نعود اصحاب العمل العرب علي نزولنا المتكرر مثل الهنود او غيرهم
***للاسف الشديد انا بداية رحلة الاغتراب ارجو ان استفيد من مشاركتكم واعمل بها
اعتذر عن الاطالة وارجو ان اكون اصبت في الهدف وتوصيل المضمون
وإن شاء الله لي عودة اخري لموضوعك الشيق
واسفة للاطالة
