هسي ديل اولاد ديل؟؟؟؟؟؟؟؟

[بخور توتيل]

الاولاد الزمن بقو حاجة ما عادية صعبوها عديييل .....متفقين معاي ولا لأ؟؟؟؟؟؟؟؟
طيب كدي خلوني احكي ليكم القصة دي و بعدين احكمو
امبارح مشيت مع بت خالتي الدكتور بتاع الجلدية عشان عندها حساسية في يدينا قام كتب ليها مرهم
قلتليها مدام جمبو صيدلية نغشاها بالمرة ..دخلنا الصيدلية
كانت زحمة شديدة ملانة شديد بنات و اولاد (شباب يعني ) لكن النصيحة الاولاد كانو اكتر.. نحنا بالجد استغربنا شديد الناس العيانين ديل كترو كدة مالم ؟؟؟؟؟!!!!!!! بعد شوية نعاين ليك للخلق كدة ما حقت عيانين كلو كلو ,,,,و الاولاد ..........المشية في البنات تخجل و اللبانة و الوش دا نااااااااااااااير في البنات مافي و الشعر كيف كيف و القصة .......غرييييييييبة و كل واحد طالع و شايل ليهو علبة كدة سغيرونة
انا غايتو الشمار حرقني شدييييييد قمت سألت البت الجمبي :العلب دي بتاعة شنو؟؟؟قالت لي :دي خلطات لي تفتيح و تنعيم و توحييييد لون الوش........رديت بي خلعة :الييييييييلة و الاولاد بيشتروها لي روحم ؟؟؟؟؟؟؟؟؟
قالت لي :و مال لي اخواتم دييل حيرونا عديييييييييييل بعد شوية نحنا الحانمشي نخطبم .....
سكت و اتلفت على بت خالتي و قلت ليها امرقينا من هنا في مية صيدلية تانية
و الظريفة كمان و انحنا مارقين لاقانا ولد داخل عاين لينا كدة من فوق لي تحت و قال لينا بي كل جرأة :انتو قايلين روحكم بنات ؟؟؟؟؟؟؟؟؟
اتحرقت منو شدييد لكن ما عرفت ارد ليو لانو مافي مقارنة بيني و بينو الوش بي هنا ناير و ناعم و وشي يا يمة من الحبوب تحلف تقول صيدلية و على العليو غبااااشة ...و اللبس كيف ؟ والطقيم؟ البنطلون الابيض و الكاب الابيض و التشيرت اللبني طقم الجزمة و انا ما شاء الله عباية و طرحة مامعروف راسم من قعرم كل وحدة شكل بس غايتو نحمدو ونشكرو براحة لقطنا وشنا و مرقنا .نسوي شنو ؟الحقيقة ما مرة ....المهم و الدايرة اقولو

وييين الرجالة السودانية ؟
وين الراجل الحسو يهز الجبل ؟؟؟
وين الراجل اللمن يدخل ليو محل ولا يفتح خشمو الناس تتكبكب ليو ؟؟؟؟؟؟
و الله انا اخجل انو اقول على الزي ديل سووودانييين


ردو و وروني لو كنت غلطانة ولا حاجة

[الفرح المهاجر]

[align=center]اول اهلين وسهلا بيك
يا اختى انتى لو عايزة تبارى الاشياء دى يجيك وجع مخ وجلطة فى الراس
عاش كدا قول الحمد لله الذى عافنا مما ابتلى بة غيرنا
يا اختى القصة لامن الاولاد ولا البنات من التربية فى البيت
قبل شوية قريت بوست فى الحوار العام بتاع ايمان لندن
اها دى مو بنت نقول شنو يعنى العتب على التربية
وغرس القيم فى النفس
برضو فى بنات يلبسو ضيق وشاذ لمن تستحى منهم
يعنى تخجل تقول دى سودانية
بس قولىربنا يسترنا فى الدنيا والاخرة[/align][/size]

[القلب الملك]

حسبنا الله ونعم الوكيل ،،،


كما قيل ،،، المربي ناقص تربية ،،،

[ودالعاصمة]

اسمعى الكلام دة فى ياتو صيدلية ..؟؟

انحنا قاعدين برة البلد دى ولا شنو ..؟

قايتو الا يكونو الاولاد الاصغر مننا لكن الحاجات الماكويسة برضو فى وبى كميات لكن مالى درجة الزحمة يعنى
قايتو ربنا يهون ويبعد المتمسحين مثل البنات والمتحنكشين والمانافعين وبعدنا من البنات البحبوا الاولاد المتمسحين وبساعدوهم على انو كدة بيكونوا اولاد استايلات ووسيمين
وجمال الرجل فى خشونتة على ما اعتقد
والحمد للة على نعمة الرجولة والحمد للة على التربية السليمة

[بكور]

كلامك ف محلو بخور توتيل و انتى بختك بتلاقى الاشكال دى مره مره .... من الدفعه البعدينا ف الجامعه ف واحد من الجماعه ديل ... ف كنت قاعد مع واحده من زميلاتى و سألتها عن نظرتها للنص الراجل ده .... قالت لى كلام حلو ( ده نص راجل كتيره عليه و ما ليه الشرف عشان اسلم عليه او اتكلم عنو على الاقل عشان كده غير الموضوع ) .... ودى سمعه ع البلد و سمعه لينا

الحمدلله ع نعمه الرجوله و حسن التربيه

[فــتى الفلامنكو]

انا والله مابقدر أحكم عليهم لاني ماشفتهم بس سمعت عنهم حآآجات تشيب الرااس

وإذا عن الخليج شفنا وشبعنااخصوصا المغتربين السودانيين >> بعضم<< واهل البلد ما بسوو الحركات

اللي بعملوها دي... الله يهديهم

[الضراع]

يابت والله موضوعك اسوي للواحد مقص بطن عديل
والله الحمدلله الربنا ماشوفنا نوع ديل
لكن ذي ماقالو اخونا دي تعتبر نقص في التربيه
فيااختي والله الشخص البكون مربي تربيه صحيحه
كان ولد ولابنت مابمشي منها يمين ولايسار حتي كان قدرت
الظروف وفارقتو عن والديه
المشكله عندنا في السودان الان البنات والاولاد اصبحو عايزين
يفتحو بشرتهم وبدل من مايكونو وجيهين بكونو قبيحين
ومليانين حبوب وخرابهم عايط
حتي بعض من المزيعات عندنا تشوفها مكتره الخراب عليها البسوهو في الوجه
الانا اصلي مابحب اشوف البنت عاملاهو
تلقي الواحده عاملة وجهها كلو بدره لدرجة تكون مسيخه حتي
والمشكله التانيه البنات برضو قعدن بحبن بس الولد المسبسب شعيراتو
وجالط راسو ليهو بجل

لكن انا والله اتكيفت منك شديد لنبذك لامثال هؤلاء
ربنا يكثر من امثالك ويبارك فيكي وفي من رباكي
وابشرك والله عندك في السودان شباب اسدو عين الشمس
والواحد كان اتكلم تحسي برجوله في كلامو
تحياتي وتقبلي مروري

[بخور توتيل]

هي سمرتنا دي احسن منها مااااااااااااافي و الكريمات دي بتبيخ منظرم و المشكلة انهم قايلين روحم استايل و في القمة و الله دي قصة دي
بشكركم شديد لانكم اتطلعتو على الموضوع لانو موضوع زي ده مهم شديد ولازم يصل لي اكبر عدد من الناس و بشكركم على المشاركات لانها بتزيد من عدد الناس البيدخلو الموضوع
شكرااااااااااااااااا

[ليه كل العذاب]

كلامك صح حاصل كتير وبقى مشكلة يخجل الزول من انو يشوفها يارب اهديهم واهدينا

[وليد مختار]

والله الكلام دا حاصل وفي حلتنا موجوده وفي كل حاره بتلقي نموزج منهم وديل الشفع القايمين بحبو يكونو نايرين ومتسبسبين ودا كلو من الجكس المجنن الواحد داير يظهر قدامن بي منظر هو خاتيهو جميل لاكن ياحليلك ينايم علي حيلك ...... ودا كلوووووووووو من بنات حوا يدينا ويديكم العافيه ويصلح حال اولادنا وبناتنا وسلام

[بخور توتيل]

الييييلة جابت ليا كلام تاني مش؟؟؟ سويتوا فينا كمان مش و الله دة كلام دة !!!
فتناكم في كل شي بقينا احسن كمان و كت ما قدرتو تلحقونا عملتونا السبب
قصة واخرا لسسسسسسسسسسسسسسسسسسة

[نهر المحبه]

لا حول ولا قوة الا بالله
ذكرتيني قبل كم يوم في التلفزيون بقى شيل الشعر للاولاد بالليزر
ياربي لك الحمد
طيب اذا الواحد ماربى شنبه وهذبه بيقولو عليه راجل كيف
اذا الواحد مابقى صوته قوي مش خشن يعني بيقولو عليه راجل كيف
اذا الواحد ملس وشو وسبسب شعره كده بقى راجل
للاسف مابقدر انظر للشكل ده وباسف انه يكون من اولاد بلدي

[بخور توتيل]

كلامك عين العقل

[وليد مختار]

[glint]

والله يابنات يجيكم واحد مسبسب وناااير ولابس منطلون كبايه وداك ياالتشيرت البرتقالي وريحتو فايحه

.... تجو جااااااااااااارين وراهو جري

[/glint]

[بخور توتيل]

كان كلامك كده احسن تتلهي و تشوف ليك نوم ينفعك

[وليد مختار]

[blink]

ديل مااتو دايرين كدا.....

[/blink]

[بخور توتيل]

ما تتشوبر ساي قايلم ساكتين ليك نايمين بس لكن لمن يصحو بكرة حيبستفوووووك و ما حا تلقى زول يدافع ليييك احسن ليك تحسن علاقاتك

[الفرح المهاجر]

[align=center]الاخت بخور توتيل والقاش
بس قولى ربنا يستر بنياتنا كمان مو الاولاد
لوحدهم البنات بقو اكعب واكعب واكعب
الغريبة والشئ البحرق الحشاء وينجض الكبدة
الجمعة الفاتت دى لقيت بت للاسف سودانية لافة فى الاند مارك
يعنى سوق كبير زى المول لابسة ردا وفلينة حملات وكل حاجة ظاهرة
يعنى شبة عارية بنسبة 81% لو ما لونا اسمر كان قلت فلبينية
بس للاسف قطرى لفت نظرى قال لى ها يازول شوف الزولة شو لابسة
حبت انكر قلت ليهو دى زنجية امريكية بس للاسف نطق بس بى كلمة يا زولة
بصوت عالى والبت اتلفتت قال شوف يا زول هدى امريكية ولا زولة
بس اقول شنو ابرر بى شنو
اقول يارب السترة يارب السترة يارب السترة فى الدنيا والاخرة[/align][/size]

[امال الناس]

الاولاد الزمن بقو حاجة ما عادية صعبوها عديييل .....متفقين معاي ولا لأ؟؟؟؟؟؟؟؟
طيب كدي خلوني احكي ليكم القصة دي و بعدين احكمو
امبارح مشيت مع بت خالتي الدكتور بتاع الجلدية عشان عندها حساسية في يدينا قام كتب ليها مرهم
قلتليها مدام جمبو صيدلية نغشاها بالمرة ..دخلنا الصيدلية
كانت زحمة شديدة ملانة شديد بنات و اولاد (شباب يعني ) لكن النصيحة الاولاد كانو اكتر.. نحنا بالجد استغربنا شديد الناس العيانين ديل كترو كدة مالم ؟؟؟؟؟!!!!!!! بعد شوية نعاين ليك للخلق كدة ما حقت عيانين كلو كلو ,,,,و الاولاد ..........المشية في البنات تخجل و اللبانة و الوش دا نااااااااااااااير في البنات مافي و الشعر كيف كيف و القصة .......غرييييييييبة و كل واحد طالع و شايل ليهو علبة كدة سغيرونة
انا غايتو الشمار حرقني شدييييييد قمت سألت البت الجمبي :العلب دي بتاعة شنو؟؟؟قالت لي :دي خلطات لي تفتيح و تنعيم و توحييييد لون الوش........رديت بي خلعة :الييييييييلة و الاولاد بيشتروها لي روحم ؟؟؟؟؟؟؟؟؟
قالت لي :و مال لي اخواتم دييل حيرونا عديييييييييييل بعد شوية نحنا الحانمشي نخطبم .....
سكت و اتلفت على بت خالتي و قلت ليها امرقينا من هنا في مية صيدلية تانية
و الظريفة كمان و انحنا مارقين لاقانا ولد داخل عاين لينا كدة من فوق لي تحت و قال لينا بي كل جرأة :انتو قايلين روحكم بنات ؟؟؟؟؟؟؟؟؟
اتحرقت منو شدييد لكن ما عرفت ارد ليو لانو مافي مقارنة بيني و بينو الوش بي هنا ناير و ناعم و وشي يا يمة من الحبوب تحلف تقول صيدلية و على العليو غبااااشة ...و اللبس كيف ؟ والطقيم؟ البنطلون الابيض و الكاب الابيض و التشيرت اللبني طقم الجزمة و انا ما شاء الله عباية و طرحة مامعروف راسم من قعرم كل وحدة شكل بس غايتو نحمدو ونشكرو براحة لقطنا وشنا و مرقنا .نسوي شنو ؟الحقيقة ما مرة ....المهم و الدايرة اقولو

وييين الرجالة السودانية ؟
وين الراجل الحسو يهز الجبل ؟؟؟
وين الراجل اللمن يدخل ليو محل ولا يفتح خشمو الناس تتكبكب ليو ؟؟؟؟؟؟
و الله انا اخجل انو اقول على الزي ديل سووودانييين


ردو و وروني لو كنت غلطانة ولا حاجة

الرجال ماتوا في حرب الجنوب ودارفور يا رب تستر اولادنا وجميع اولاد المسلمين والسودانين خاصة وتجعلهم من الصالحين والناجحين

[بخور توتيل]

الله يكون في العون