جميع المغتربين ((بم تحسون عندما تزورون السودان؟؟))

[دانة]

شي لمن اشوف اهلي ما بقدر احبس دموع الفرح وببكي شديد لانو الفرحه البشعر بيها الله اعلم اذا زول تاني بشعر بيها وبشكرك على السوال دا الله يديك العافيه

[مومو و بس]

بحس بالفرح الشديده وامنى انو ما ارجع للاغتراب مره تانيه
يسلمو ع الموضوع
مومو و بس

[العمده2]

والله انا بكون فى حاله عجيبه من الاستمتاع
وبرتاح نفسيا مجرد اشم ريحة الوطن
ربنا يرجعنا بلدنا ونقدر نستقر

[انفلونزا الحب]

صراحة شعور حلو انك تكون بين الاهل بس برضو بتشتاق للغربة وللاصدقاء هنا ويسلمووووووووووو

تقبلوا مروري

[ادهم]

ماحاقول ولا كلمه
علشان مابكى ليكم هنا

[ابوعبيدة]

اولا السلام عليكم ورحمة الله وبركاته
اانا مغترب من عام 1999
مشيت السودان مرتين في الفترة دي
المرة الاولي عام 2003 م وطبعا الواحد بيشعر وكانه اتولد يوم وصوله الي السودان لكن مش عارف انا لما قعدت 15 يوم شعرت بالغربة في الوطن لقيت الناس كلها مشغولة بي همومها ومتطلبات الحياة اليومية ومافيش حد فاضي لحد ولذلك الواحد جاي اجازة 6 شهور ممكن يغير رايه ويرجع في 45 يوم اذا بالغ وقعد في الحقيقة ما شعرت بي طعم الاجازة ولا حتي بطعم العودة الي الوطن
الاجازة التانية كانت في عام 2009 من شهر 6 الي 17/ 12/ 2009 6شهور والله انا قعدت الاجازة كاملة في السودان وشعرت وكأن الاجازة دي كانت 15 يوم بس من شدة ما حبيت السودان والاجازة الحمد لله تزوجت في الاجازة دي واحلي ما في الاجازة كان الريف لاني اتزوجت من الريف وقعدت 5 شهور في الريف وا لشهر السادس في الخرطوم مع الاسرة لان اسرتي ساكنين الخرطوم بس حقيقة هناك فرق بمعني هذه الكلمة الفرق كبير جدا من جميع النواحي وخاصة الاجتماعيىة ابدا ما ارتحت في الخرطوم لدرجة اني ما قعدت اكثر من 15 يوم بس ورجعت وتركت اهلي في الخرطوم رجعت الريف
المهم رجعت في النهاية الغربة التعيسة وتركت زوجتي في السودان والواحد والله لما جاء النداء الاخير في مطار الخرطوم عن الرحلة بتعتي كنت خلاص علي وشك تغيير راي والغاء السفقر نهائيا والله خنقتني العبرة وبكيت من شدة الم الفراق لارض والوطن وفي الذكري تلك الايام الجميلة التي قضيتها في السوادن وعلي وجه الخصوص فقي البلد
وحتي الان انا علي حالي ما دخلت الفورما لسة خارج التغطية وما قادر اركز في شغلي ولا حتي في اي شئ فاقد الاحساس بالحياة وارسلت جميع الاوراق الخاصة بدراستي وشهادات الخبرة للحصول علي وظيفة في السودان بغض النظر عن مسمي الوظيفة
وانا اعمل مراجع حسابات داخلي في الشركة في بلد التغرب
اتمني من اللهان يوفقني ويوفق الجميع في العودة الي الديار وما احلي العودة الي الديار
واسف للاطالة والسلام امانة للجميع

[omnia]

السلام عليكم
شعوري لما اصل السودان واشم ريحتوا اقع في الارض وابوسها لانو بصراحه الغربه ما حلوه
احلها تكون عايش بين الاهل والاحباب

[سامر عوض]

لا استطيع ان اعبر عندما اكون بين اهلي واحبابي وامي وابي
لانني مهما كتبت لا اقدر وصف فرحتي

[الأسيره]

احساس بالامان مع انو الواحد بخلي امو وابو واخوانو ويمش لسودان لكن فعلا شعور لايوصف وعلى العموم الغربه شي مؤلم