استئجار (نائحات) في المآتم هي إحدى ظواهر عديدة
اجتاحت المجتمع السوداني الذي تسارعت فيه عجلة التغيير
في السنين الأخيرة. هذه الظاهرة تناولها بطرافة
;كتاب (عجائب الخرطوم السبع):
لفت نظري قبل ثلاثة أسابيع في منزل ضخم واسع بوسط
محافظة الخرطوم حيث ذهبنا لتعزية صديق في والده, لفت
انتباهي مرور امرأتين في حالة بكاء وعويل وهما تدوران
حول المبنى الداخلي وبالتفرس في وجهيهما وسحنتيهما أيقنت
أنهما ليستا من أقارب المرحوم ولاحتى من معارفه, ولما
اشتد بي (الشمار) سألت أحد أقارب المرحوم من الشباب
عنهما فقال لي: ديل يا عمو (بكايات) يعني ببكن بالقروش،
المستطيع يأجرهن طوال أيام المأتم والعاجز يكتفي باليوم
الأول فقط!! لاحظ العاجز دي..
تحضر النائحة إلى منزل العزاء وتطلب الـسي في ،
أي السيرة الذاتية للميت من زوجته أو ابنته الكبرى:
العمر: 70 عاما.
المهنة: ضابط معاش وله وكالة سفر وسياحة.
المستوى التعليمي: دبلوم الحربية زائدا بعض الكورسات
في الترجمة والحاسوب.
أسماء أكبر الأبناء والبنات: فيصل, أحلام, رابحة, عواطف.
هل قام بأي عمل بطولي: نعم, محاولة
انقلابية فشلت في فترة الرئيس نميري.
تأخذ النائحة المعلومات وتعقد اجتماعا عاجلا بزميلاتها
وبعد التداول يخرجن للملأ وهن يرددن: الليلة ياب دقنا
دايرة وخدودا نايرة وقدرتن فايرة وشيكاتن طايرة- كتلنا
فيك الليلة يا أبو أحلام يا الشالوك للصالح العام وحكمو
ا عليك بالإعدام – ما دايم إلا الله ووووووووووووووووووووووووب
وأحييييييييا.. الليلة يا السايق الكراون يا أب مدفعا هاون وينك لينا؟
أوروروووووووووووووووك.. وهنا يهج البيت ويفور بالعويل
والنواح وتميل النائحة يسارا ثم تنحني ضاغطة بيدها
اليسرى على أنفها ثم تنظر إلى ابنته الكبرى نظرة ذات
فحوى ولسان حالها يقول: لقيتيني كيف؟ وتواصل في
الوصف وتعديد مآثر الفقيد: الليلة يا الساكن ديم لطفي
أب كلمة تشفي الما متزوج عرض زايلة وخربانة
(يعني مازول دنيا) ، البجيك بتجبرو والواقع بتشيلو يا
السايق الباجيرو.. مو دار عمار فقدتك السكرتيرة والطربيزة
المستديرة والمرسيدس الخنزيرة خليتنا لمنو ياخووووووووووي
يي يي يييي إهيء ؟! لاحظ العربة قبل دقائق كانت كراون!
بعد ذلك تذهب النائحات إلى غرفة قصية حيث يؤتى لهن
مبلغ 300 ألف جنيه وتقول لهن همسا: ضروري حضوركن
بكرة المغرب عشان ناس السعودية والبلد جايين.. كويس؟
بالجد حاجه عجيبه الواحد ما بيعرف ده تطورر والا حاجه رجعتنا لورا لكن المتفق عليو انها بالجدعجيبه اخر الزمن يجيبو ناس يبكو ليهم والاهل مشو وين والا عاوزين يقولو شوفو حباايب المرحوم كتار كيف؟
والنواح وتميل النائحة يسارا ثم تنحني ضاغطة بيدها
اليسرى على أنفها ثم تنظر إلى ابنته الكبرى نظرة ذات
فحوى ولسان حالها يقول: لقيتيني كيف؟ وتواصل
طبعا لقيتا ( لقطة )
انا يا كنجة من الخرطوم - والله لحدي الان مالقيت حاجة زي دي
ومشيت عزاءات في :
الخرطوم 2 و 3 و الخرطوم غرب والعمارات والديم وبري والمنشية وناصر والرياض والطائف والمعمورة والجريف وامدرمان وبحري وشرق النيل والكلاكلات والشجرة واللاماب والعزوزاب وجبرة وحي الشارقة والدوحة ويثرب والمدرعات والاسكان وعجيب والمايقوما والشقلة وسوق 6 ومايو والسلمة والازهر والصحافات واركويت والفردوس جنوب وشمال )
ما سمعت بي حاجة كدا لكن سمعت بالبوار بتاع النسوان في بيت البكا وانو في توب اسمو توب البكا نوب اخر موديل وفي دهب خاص للبكيات وحنة البكاء المفسطنة وكريم البكا ,,,
لكن برضو وارد اصلو القصة بقت غريبة
واخر ماسمعتو انو واحدة في مدني عندها صاحبتا ابوها مات ما قدرت تجي رسلت التغزية بالبريد الاليكتورني مصور قيهم attachment فيديو (عزيية قوية مع صيحات)
والنواح وتميل النائحة يسارا ثم تنحني ضاغطة بيدها
اليسرى على أنفها ثم تنظر إلى ابنته الكبرى نظرة ذات
فحوى ولسان حالها يقول: لقيتيني كيف؟ وتواصل
طبعا لقيتا ( لقطة )
انا يا كنجة من الخرطوم - والله لحدي الان مالقيت حاجة زي دي
ومشيت عزاءات في :
الخرطوم 2 و 3 و الخرطوم غرب والعمارات والديم وبري والمنشية وناصر والرياض والطائف والمعمورة والجريف وامدرمان وبحري وشرق النيل والكلاكلات والشجرة واللاماب والعزوزاب وجبرة وحي الشارقة والدوحة ويثرب والمدرعات والاسكان وعجيب والمايقوما والشقلة وسوق 6 ومايو والسلمة والازهر والصحافات واركويت والفردوس جنوب وشمال )
ما سمعت بي حاجة كدا لكن سمعت بالبوار بتاع النسوان في بيت البكا وانو في توب اسمو توب البكا نوب اخر موديل وفي دهب خاص للبكيات وحنة البكاء المفسطنة وكريم البكا ,,,
لكن برضو وارد اصلو القصة بقت غريبة
واخر ماسمعتو انو واحدة في مدني عندها صاحبتا ابوها مات ما قدرت تجي رسلت التغزية بالبريد الاليكتورني مصور قيهم attachment فيديو (عزيية قوية مع صيحات)
شوفوا ياخوانا النسوان ديل في مصر سمعنا بيهم
لكن في بلدنا دي نحنا يانا ناس البكيات ذاتهم اسالونا من اي حركة
من بكى مرت المرحوم وانت نازل (شفع الحلة) الواحدة من دموعها تعرفها بتقرب ليو شنو
لكن الحركة الاخيرة دي(النواحات ديل ) ماااااااالقينهم لحسي ... على العموم لو في حاجة ذي دي
فالاقربون اولى بالمعروف ولا رايكم شنو؟؟؟؟
مهاجر في البلد : احرجتنا وفتنا في عدد البكيات (اتاريك مهاجر في بيوت البكا )
ولا رايكم شنو؟؟؟؟
)
