هل اولاد المغتربين حناكيش؟؟؟؟؟ ادونا رأيكم...!!

[بكري عثمان]

حقيقه هنالك بعضهم في الوقت الحالي او المسالة بقت على البنات فقط لان الظروف تغيرت وذهاب الاولاد للجامعات السودانية غير منهم شويه ووضع المغتربين اصبح مبهدل

[@@الغريب@@]

كل الحوارت جميله ولكن الاغلابيه تتكلم عن أنو اولاد المغتربين حناكيش ودي حقيقه
وهم غير ملامين عشان طابع التربيه والبيئه النشواء فيها
ولكن هم حناكيش بس عندهم خلفيه عن السودان ومتداركين الحياة هناك
ام الاغلبيه العظما كلها تعبانه
مع واقع اعيشه هنا او في السودان علي العموم الكلام كثير بس مافي داعي ممكن الغير يعتبرو تجريح وانا ما احب اجر بشر عموما الله يرجعنا السودان وبس موضوع في غاية الروعه تقبل مروري الخجل

[eladndane]

المحترم جداً / صلاح يحي سليمان
احييك علي فتح هذا الموضوع المثير للجدل
واسمح لي ان ابدي برائيي
اولا : ليس اولاد المغتربيين حناكيش
حسب تفسيرك لمعني الكلمة
سيدي الفاضل اذا جلست مع (البدو) من ابناء الجزيرة العربية ستجد لهم مصطلح يطلقونه علي ابناء بلدتهم من (الحضر)
واذا جلست مع ابناء الطبقة المتوسطة من بعض الدول العربية ستجدهم يصفون ابناء الطبقات الراقية بوصف قريب من الحناكيش احيانا (فافي او مرفه او دلوعة )
لكن لان مستوي المعشية في السودان متقارب ولتمسك ابناء الوطن بعادتهم ايا كان منصبهم ومستواه
تجد ان اي صاحب مفردات جديدة ودخيلة علي ابناء الوطن حالة شاذة او مختلفة وقد اختارو له هذا المسمي الحناكيش
ولــــــــــكـــــــن
مع التطور والتقدم الحاصل للسودان حاليا
ستجد انتشار القصور والفلل والاحياء السكنية المغلقة المسماه بالكامبوند ويسكن ابناهها الفلل الخاصة ولهم نواديهم ومدارسهم الخاصة وكل وسائل الترفيه التي ستلهيهم عن الاحتكاك بالمناطق المحيطة
وسوف ينشأ جيل حــــــــــنــــــــــــاكيش جديد علي الوطن حناكيش الداخل
ربما سيندهش لتصرفاتهم ابناءالوطن المغتربيين اكثر من ابناء الوطن المقيمين
((((هذه وجهة نظر شخصية ربما تحمل الخطأ أو الصواب ))))

تخريمة : عن نفسي اكره تصرافات الحناكيش القادمون الي قريتنا وكل همهم نقد حياتنا المعيشية
ودمـــــــــتم بــــــــود

[ابراهيم حامد]

موضوع مهم جدا واوكد ليست كلهم حناكيش

[تاج السماح]

[align=center]مشكور أستاذ صلاح على طرح هذا الموضوع وأسمح لي بهذه الإضافة المتواضعة ...
فـي الســودان أولاد المغــتربيـن لهــم عــدة أسمــاء يطلقـهـا عليهـم بعـض الناس
ومن أبرز هذه المسميات ( طلاب الشهادة العربية ) ( الحناكيش ) وبعضهم هداهم الله يسمونهم ( المتخلفين ) لأنهم يبدون غـرباء ... والحنكوش أعتقد أنها مفردة تعني ذلك الشخص الذي يعيش حياة سعيدة ذات رفاهية لا حدود لها ... لـم يـذق فـي حيـاتـه طعـم الشقـاء والعـذاب ولـم يصقـع بلهـيـب الشمس أو بزمهرير البرد ...
ولم يأكل " الكسرة بالسخينة " ولم يشرب " الموية من الزيـر " كما اسلفت ... ولم ... ولم ... بل كان يتمتع برغـد العيش ونعمْ يحسد عليها ، حسب ما يصور لهم خيالهم .
يأكل الوجبات الجاهزة ... ( الهمبرجر ) و( العتود المندي ) ،،،
والسمك والفروج الطازج ... بيتزا هوت ... جلكسي جواهر ...
وكل حنكوش أو حنكوشة لديه غرفة خاصة به أو بها ... تلفزيون ... كمبيرتر ... بلاي ستيشن ... و(كمان) جوال بكاميرا بأرقى المواصفات ... الجيل الثالث ...
أولاد المغتربين في السودان عملوهم شماعة وقالوا هم أهل (الحنكشة) ... وقد يوجد في السودان من غير المغتربين من تنطبق عليهمم صفة ( الحنكشة ) ...
وخاصة الذين يعيشون عيشة هنيئة ذات رفاهية قد تكون أرقى من حياة أولاد المغتربين .
وقد يوجد بين أولاد المغتربين في بعض دول المهجر من يعيش حياة متوسطة الحال ومنهم من يسكن في السطوح ومنهم من يتناول بعض الوجبات بالعدس أو الزبادي أو قراصة بزيت وسكر .. وقد يوجد بعض أولاد المغتربين بالسودان من يعيشون حياة عادية ومتواضعة ويتزاحمون مع غيرهم في المواصلات ...
نحن نعلم أن حياة أولاد المغتربين في دول المهجر وفي البيئة التي يعيشون فيها والمجتمع الذي يختلطون به من جنسيات عربية وغيرها قد يكون له أثر في التربية والأخلاق والسلوك والثقافة سلباً أو إيجاباً ..
وقد يجد الشاب أو الشابة من أبناء المغتربين أنفسهم غرباء في السودان خصوصاً لدى عودتهم من أجل الدراسة الجامعية ، أو دراسة السنوات الأخيرة من المرحلة الثانوية ... لكن هذا نتاج النشأة بعيداً عن أرض الوطن ، وبالتالي غياب الكثير من المفاهيم والعادات والتقاليد عن هذه الشريحة ( الضحية ) ، ربمـا نفـس الشـيء يمكـن أن يحـدث للمـواليـد داخـل الوطـن إذا سـاقتهـم الظـروف إلى دولـة أخـرى ، فقد يبدو أحدهم غريباً .
ومن الممكن أن تنطبق عليه صفات أسوأ من ( الحنكوش ) أو ( شهادة عربية ).
لكن الحقيقة التي يجب إلا يختلف فيها اثنان هي .. أن هؤلاء الحناكيش .. وهذه الشهادات العربية لو قارنا فهمهم للحياة وذكائهم ومواكبتهم للتقنية ولإيقاع العصر ، وما حصلوا عليه من علوم ، خصوصاً في مجال اللغة العربية والعلوم الإسلامية لتفوقوا ــ وهم دون الثانوي ــ على فهـوم ذوي المراحل الجامعية ... فهماً واستيعاباً وتحصيلاً ...
نعم تفوقوا على ذوي التخصص في مجالهم ...
لقد ظلت النظرة السالبة تلاحقهم ... كما العـيْن ( الساحرة ) التي ظلت تلاحقهم وتلاحق ذويهم وتصيبهم فيما يبهر أهل البلد الذين يفلحون في إطلاق الألقاب والنكات والمسميات ، ويطلقون أبصارهم أيضاً بلا حدود وبلا ( ما شاء الله ) .
ربما هنا يكمن مربط الفرس الذي أوجد حزاماً فاصلاً بين أبناء المغتربين وأمثالهم من بني جلدتهم ممن لم يهاجروا . التندر والسخرية ، والنظرة القاصرة ظلت تلاحق هذه الفئة ظلماً وجوراً ومن غير إنصاف ... لكن الصورة الحقيقية ليست مثالية ، إنما هي نتاج حصاد الهجرة ...
والبعد عن الجذور لكنها أيضاً ليست من القتامة بالشكل الذي يروج وينتشر .[/align]

[يوسف بلة العاقب]

سلام للكل ,,,
حقيقة يااخوان ونحن مقتربين التربية تحت ضوء الشمس تختلف من التربية تحت المكيفات , الراحة تجعل الشخص حنكوش حتي في السودان في حناكيش لكن مكيفات 24 ساعة
نحن لما ننزل السودان لما نجي راجعين شكلنا غير ,,, نصيحة للمغتربين اربطوا اولادكم بالسودان

[البجاويه]

السلام عليكم
انا عضوه جديده وعجبني الموضوع شديد
على رئي المقيمين في السودان انو كل المقيمين بره السودان حناكيش والرئي ده خطأ ما كلهم حناكيش اللهم بس انو هم متربين وعايشين بره وفي وضع ثاني غير عن المتربين في السودان ولمن يمشو السودان يتصرفو تصرفات غريبه مثلاً يكون اللستر لسه ما فتحو يقوم الجاي من بره يقولهم حر وده اه انا ما بقدر اعيش كده يقومو المقيمين في السودان يقولو ده حنكوش واتمنى انهم يغيرو النظره دي في العيشين بره السودان *والواحد مهما كان لوطنو*وصلى الله وبارك

[بت كردفان]

[align=center]مسا الخيرات
موضوع جميل
بس زى مابتقولو اولاد المغتربين حناكيش ؟
اولاد البلد دى كمان فيهم المكملين الحنكشه وزياده[/align][/size]

[رحـــال الشمـــال]

والله كونو الزول يمرق من mode معين لتاني أو من جو لجو آخر أكيد حيكون في مقارنة في نفسوا بين الحاجات الكانت في واللي بقت مافي
والفترة دي طبيعية لأنه( الثلج كن مرق من التلاجة بيبقى موية والتغيير بس حيكون في فترة الذوبان دي لكن بعد ده حيتعود على إنه بقى مويه) , وماممكن نطلق على الشخصية دي مسمى حنكوش
لكن الجاي يفتش الماضي نقوليه خلاص الماضي ولا زمانو...وحبابك عشرة في سودانك

[عســل وبــس]

بصراحة اولاد المغتربين ما حنكوشين وان كان في منهم الحنكوش فهو من طبيعة البيئة فاكييدحايشوفوا تغير في البيئة وفي الوسط وتغير كبير جداااااااا فدا البخلي تصرفاتهم غير عن العايش السودان لان طول عمرهم ما كانو عايشين بالسودان :040

[ود اهلى]

السلام عليكم ورحمة الله وبركاته

صراحة موضوع حلو يطرق ناقوس ربما يودى بالكثيرين الى الهاوية ( ضياع المستقبل والعزله الاجتماعيه )
ربما يتسال سائل من اين او كيف تتطور الشعوب ؟ الجواب بالاتصال مع الشعوب الاخرى ذات التجارب المختلفة ما يعنينى فى الموضوع ان اولاد الحناكيش او المغتربيين كما يحلو للبعض ان يسميهم يكفيهم اختلاطهم وتعايشهم مع كل الشعوب منها المتحضره بالطبع ومنها الاقل منا كذلك يكتسب الانسان الواعى الكثير من العادات المفيده هناك عادات غير مفيده من الممكن ان يحملها الانسان معاه بس للتربيه دور فى ذلك .
ما العيب فى ان نجعل وقت للراحة ووقت للعمل واخر للزياره ووووو!
اما كل اليوم فى السودان يضيع سدوى فى المواصلات حتى الدراسه للاسف اذا تاملت حالها تجدها اما انك تقرا فى الجامعة كل يومك واما يكون مصيرك لن تنعم بالتفوق المطلوب ويا الله تنجح وتتخرج !!!
نعترف ان هناك سلبيات لكن ليس باكثر من الموجودين بالسودان من ابسط ما يكون لا تدرى من شباب جامعى ماهى واجبات الصلاة , البت لا ترى ما يجب عليها فعله عند تعرضها للامر يمس طهارتها !!!
لذلك كله تجد ابن المغترب يذهب السودان ويقرا الجامعة وسريعا ربما يعود الى غربته لانه وجد ان السودان غربه فى النفس وليس المكان هذا هو الحال الان
فاختار الغربه الحقيقيه بدلاَ من العيش لا هو مغترب ولا هو مواطن
فيكفى اننا تلاقينا بلا معياد ولن نسى جرح عميق كان
تحياتى

[نسيم الموج]

والله الموضوع حلو كثير بس انا شايفه انو كل الاولاد زي بعضهم بس ناس السودان شايفين انو اولاد المغتربين حناكيش وانا بقول انو ده كلو نوع من انواع الغيره على اساس انو ديل عايشين في السودان وديلك لا بس احسن انو الواحد يكون عايش في بلدو

[المحب لوطنه]

و الله الواحد عايش في الغربة عندو زمن بصراحة الدردحة الللي هنا مازي الدردحة اللي في السودان كخط عريض
لكن ماكل البرا حناكيش أنا بعرف النوعيات السودانية هنا - في اليمن - تقريباً كلها ماعدا من يتبرأ من الوطن وديل نسبة أتفه من أن تذكر الحناكيش القبلتهم بيتعدوا على الأصابع و لكن البقية أهل حارة و فرسان حوبة وصدق فيهم القال:

وقت الصح يقع السوداني يخوض النار

لكن في تصرفات أكتسبت هنا لا يستطيع الإنسان بسهولة تغييرها و ما أظن دا يعتبر حنكشة

وأدام الله المحبة
و أعاد أبناء الوطن
المحب لوطنه

[دانة]

[foq1]والله انا حاختصر الاجابه الحنكوش دا عندوا عوامل عشان يبقى كدا وما تظلم اولاد المغتربين لانهم ما كلهم حناكيش هههههههه[/foq1]

[درة الوطن]

شكراً يامشرفنا والله يديك العافيه وطووووووووووووووولة العمر............ نحنا المغتربين ماغيرنا الا المستوى المعيشة العايشين فيه والبيئة والناس البنتعامل معاهم مثلا انا اتولدت وعشت في بلد الغربة وحسي من المستحيل اخليها لانها صارت جزء من حياتي ومابقدر اتعود على حياة نحن ماعيشنها............... الخلاصة في الموضوع ان الحياة في السودان صعبة واولاد المغتربين مابقدر يتعود عليها علشان كدا بيقولو عننا حناكيش................... شكراً

[وليد مختار]

الاخ صلاح يحي لك التحيه والتقدير علي طرحك لهزا الموضوع وهزا السؤال المهم ....
واقولها بلفم المليااااااااااااااااااااااااان كل ابناء المغتربين حناااااااااااااااااااااااكيش

[omnia]

السلام عليكم
طبعا شكرا على طرح مثل هذا الموضوع لانوا من الجد ده موضوع مهم وبانسبه للمغتربين
لاني انا مغتربه في السعوديه لما امشي السودان بقولوا لي ياحنكوشه طبعا كلامهم ما صح
اولاد المغتربين عايشين في جو هم متعودين علوه بس لما يمشوا السودان الجو مختلف عشان كده
بكونوا ما قادرين يتاغلموا مع جو السودان فبقوموا يعملوا زي ما هم عايشين برى السودان
عسي لوا الناس العايشين في السودان طلعوا بره السودان حيكونوا حناكيش لانهم غير متعودين على
الجو ده

[بعد الزمن]

حناكيش , حناكيش , بحقهم ...................................................
هههههههههههههههههههههههههههههههههههههههههه
البعض , يرى انهم ,مقارنة بأقرانهم المتربين , محليا, يجدونهم ,مدلعين ,
او مدللين اكثر من اللازم ,وزي ما قال الاخ اللفوق الحكاية حكاية
ظروف فقط ...............

[الحلاوية]

الكلام ده 50% صاح و 50% ما صاح واضرب ليك مثل بي انا و اختي الاصغر مني
انا وهي قمنا و اتربينا و كبرنا و قرينا في السعودية
بس هي حنكوشة و انا ما حنكوشة تسالون لماذا
مع انو البيئة واحدة و مصدر التربية واحد لكن انا بتاقلم و هي لا عشان كدة
اعتراف :
اول مرة في حياتي اركب مواصلات عامة كان يوم 7 / مارس العام الجاري و كانت مرة اولى و ستكون الاخيرة

[النورس المهاجر]

اشكرك كتير أستاذ صلاح على هذا الطرح حتى تتصحح مفاهيم الناس ( المتهم والحنكوش)
الحنكشة طباع وتربية وعادة وإدعاء :
طباع // من تربى على مستوى معيشي معين داخل أو خارج البلاد يرى ما دونه بنظرة دون ويبدأ في التعامل والتعبير لعكس ما يعيشه لذا يسمى التصرف أو صاحبه ( حنكشه أو حنكوش)
تربيه // ما يعرف بالدلع ( للأسف تجد من يسمى نفسه بالمسى) وأعتذر ؛ مستوى معيشي ذيادة بل فيه تعالي على الغير __ ما انتم فيه من نعمة يجب شكرها بالتواضع ومراحمة المساكين بعدم الدلع امامهم أقل شيء .
إدعاء// يفرح من وصم بالمدلع لذا تجد الكثيريين من يتمنى أن يكون من هؤلاء لذا يعمل على اكتسبها حتى ولو هو لا يشبههم لا مال ولا خلقه ولا أخلاق _ تظاهر ومظهرية .
*اما العادة // الوسط الذي عاش فيه أو الدولة أو الحي ( ما ممكن يكون في حنكوش من الحي ... ) ــ واكثر ما يوصف بهذه الصفة أو يتمنوا أن يوصفوا بها أولاد المغتربين ... ليه ؟؟ لان هناك غييييييير!!!
بس في سؤال ؟؟ هل الحال في الغربة يدوم أو بالاصح هل لا عودة للوطن الخرب الترب ؟؟؟ لالوب بلدنا ولا تمر الناس !! من تواضع لله رفعه وزاده .
مهما كان حال أهلنا الطيييبين غير حال أهل الخارج برضو أحسن وافضل وممكن نصل لما وصلوا إليه ( انظروا لحال السودان 1955 وحاله 2010) اكيد غير.
اوصي الجميع // لا داعي للحنكشه والترفع على الناس !!! ممكن الانسان يعيش حياة راقية داخل أو خارج البلاد بس بدون تجريح للاخريين وبدون تعالي واعرف من زالت عنه النعمه واصبحت عليه نغمه وجاءته الطامة بمرض أو كشف عرض بسسب الحنكشه .