الرشوة والواسطة

[ضو البيت محمد النور]

الواسطة والرشوة من اكثر المعاملات فتكاً بالمجتمعات ...
ولها تأثيرها علي الاقتصاد والتنمية .. والعلاقات الاجتماعية
فيها قتل للمواهب ودفن الجهود وضياع حقوق ...
مارايك في الرشوة والوساطة ...؟
ايهما اشد خطورة في مجتمعنا واكثر انتشاراً ؟
كيف تتوقع حالنا اذا انعدمت هذه الصفات والممارسات في مجتمعنا ؟

الموضوع للنقاش .....

[sudan boy]

شايف الناس دي كلها ما علقت مالهم خايفين ولا شنو؟؟..
الرشوه دي اكيد بداية الفساد لـ اي مصلحه والواسطه برضو من الاشياء البتدي حاجه لـ زول احيانا في زول بكون احق منو بالحاجه دي سواء كانت وظيفه او غيرو..واكيد الاتنين خطرات بس اكيد الرشوه اخطر واكيد اذا اختفت العادات السيئه دي في حاجات كتيره ح تتصلح اكيد وما ح نلقا واحد جايب مقبول شغال واحد جايب امتياز بلعب كشتينه تحت الشجر ولا حنلقا موظف مرتبه م لاحق الالف جنيه ساكن في عماره ولا ح نلقا مواطن عايز يعمل مشروع واقفه قدامو قروش الاكراميه عشان امورو تمشي..

شكرا ع الطرح وحقيقه الموضوع يستحق النقاش

[jasmina]

[glow=ffff99]

صراحة الموضوع مهم شديد وبحاجة لنقاش انا شايفة انهم الاتنين خطيرين
انتشار الرشوة يعني انتشار الفساد في المجتمع ووجود افراد يسيئون للصورة العامة
للمنشأة البيشتغلو فيها وللبلد البينتمي ليها وفيها كمان مخالفة انظمة بيحاول المرتشي
يتعداها عشان مصلحتو الخاصة اولا

والواسطة مشكلة كبيرة برضوا بس عاملة زي السوسة البتنخر تحت تحت يعني مابيحس
بيها المجتمع الا لما يلقى انو انتاجو خف وجديدوا مافي بسبب وجود الاشخاص غير المناسبين
في المكان المناسب لاشخاص تانيين كان ممكن ترتقي وتحسن المستوى بمهاراتها والامتيازات
العندها

بس انا شايفة انو الواسطة منتشرة اكتر والزول الماعندو واسطة ضااااااايع وكتير بتمشي شركة
ولا مؤسسة تلقاهم كلهم من نفس الجنسية او من نفس المنطقة انا مرة مشيت مكتب سفريات كان
كل الفيهو من نفس المنطقة ؟؟؟؟ ماصدفة طبعاً!!!!!!!!

بس بصراحة شديده للاسف ممكن احيانا كتير مننا بيفتش الواسطة او يكون مشى امورو عن طريق
شخص بيعرفو سهل ليهو اموروا وبصراحة كده بقى اليومين دي الماعندو واسطة ربنا يعينو على
المصاعب الحيواجهها لحدي مايثبت وجودو ..... ولما يثبت وجودو حيكون واسطة حلوة للناس الحولو

[/glow]