طلبات زواج بـ(الكوم) لفتيات سودانيات في الانترنت

[سلمي200005]

قصة شاب ضحك على الفتاة وأسرتها وعنوانه مجرد بريد إلكتروني
لعلها كانت واهمة.. ولعله التعلق بالانترنت والفضول الزائد. لعلها المصادفة والمقادير وما ظللنا نردده خلال السنوات الماضية.. عموماً لم تكن هبة تعلم ان وضع اسمها على الانترنت تحت لافتة طلب زواج سيجلب لها كل هذه المتاعب. اصبح بريدها ملئ بالرسائل.. شباب من كل الدنيا يطلبون ودها. والزواج منها التقطت رسالة احدهم..كان مناسباً للتسلية والدردشة أو هكذا اعتقدت كما تقول بدأت برسائل عادية. شاب سوداني مقيم في احدي الدول الاوربية مع عائلته.. بدأ مهذباً وطموحاً ربما الى حد مخيف.. تبادلا الافكار والرؤي... كانت تجلس الحاسوب حوالي (3-4) ساعات يومياً أي عقب عودتها من العمل مباشرة. عرف كل شئ عنها تقريباً.. اهلها اخوانها لم تكن تخجل في الحديث معه من وراء الاجهزة.. وعرفت عنه كل شئ أو هكذا اعتقدت جاء في زيارة «مخصوص» للخطوبة جاء وحده كانت تعرفه تماماً كما تعتقد وبدلاً من الخطوبة اقترح احدهم هكذا فجأة من نفسه ان يتم عقد القرآن في التو واللحظة وتم عقد القران. اصبحت زوجته في انتظار المراسيم التي ستكتمل بعد حضور اهله الى السودان. استأجر شقة مفروشة واقام في الخرطوم لقضاء بعض المهام التجارية..لمن لشركة والده اصبح من أولاد البيت. بلهجة سودانية ولكنة غربية والدها تاجر. وتداخلت المصالح الولد فالح في التجارة وشاطر.. شايل دفتر شيكاتو وسابق عربية ابوها والموبايل بتاعه.. ما في داعي يشترى موبايل.. لانو راجع سريع.. والعربية ايضاً.. بعد شهر ونص غادر السودان على أن يعود لاحقاً. ايام وجاء الديانة.. زوجها الموعود استلف بأسمها واسم والدها حوالي (50) مليون جنيه سوداني. وسحب اموال من حساب والدها بعد ان اقنعه انه بحاجة الى شيك ضمان.. ومرر الشيك وقبل أن تضحك على الرجل من المفيد ان نخبرك انه باع سيارة والدها واستلم العربون . ولسه المصيبة جاية.

هبة حامل

سألوها كل ما تعرفه عنه انه .. وانه.. وانه كلها معلومات غير صحيحة حتى من ادعى انهم اقرباؤه عندما سألوهم وجدوه قد احتال عليهم ايضاً وان معرفتهم به لاتتجاوز تحايا جاء يحملها لهم من ابنهم في لندن. وطلب بأن يسلموه سيارته ليستخدمها إبان تواجده في الخرطوم ومبلغ خمسمائة دولار.

اتصلوا بابنهم لايعرف شخصاً بهذا الاسم ولم يبعث المبلغ واضاف هذا الشخص يعرفني مؤكد لكنني لا أعرفه..يعرف انني اعمل في مكان بعيد عن لندن وانني قد لا أهاتف اسرتي.. ويعرف الاسماء... و..

الانترنت.. كان قد أودع هذه المعلومات في بريد فتاة سودانية.. تريد الزواج.. المهم رغم ان الحكاية «جاطت» الا أن الثابت حتى الآن ..ان هبة وأهلها والشاب المقيم بلندن واهله كانوا ضحايا بصورة مباشرة أو غير مباشرة لحلم الزواج في الانترنت.. ارجو ان اذكر هنا ان الرجل وضع على بريده الالكتروني فيما بعد صورته وجملة مفيدة جداً (Game is over

[saare]

[align=center]لا حول الله الدنيا فيها ناس بالضمير ده والله ده لاود اصول ولا بيعرف الاصول من اصله[/align][/size]

[سلمي200005]

[align=center]لا حول الله الدنيا فيها ناس بالضمير ده والله ده لاود اصول ولا بيعرف الاصول من اصله[/align][/size]

تسلم ياغالي علي مروررك

[ادهم]

الاخت سلمى

اعتقد انها مجرد قصة كتبها مؤالف بارع

أيعقل ان يكون هنالك اناس بهذه السذاجه اهو مجتمعنا السودانى ام شى اخر
دخل تقاليد مجتمعنا لكى نكون لا نعرف اصول الزواج كيف لرجل ان يزوج بنته
بهذا الاسلوب

كثيرآ مانقراء عن حوادث الانترنت وان فلانه تعرفت على شباب وقمام الشباب
باغتصاب الفتاة الخ 00000000000

ياخوتى النت هى عبارة عن وسيلة مثلها ومثل اى وسيلة اخرى
من قبل كنا نسمع عن حوادث الجامعات واختلاط الشباب
الان وبعد انتشار الانترنت اصبح فقط الاجرام يقع على عاتقها
هى سبب كل مايدور فى مجتمعاتنا من اغتصاب وسرقه وزواج الخ
لماذا لا نتكلم عن واقع حالنا وحياتنا هل اصبح العالم خالى من المشالكل
عن القتل والحروب وعن اعتصاب الاطفال
ياختى الكريمه الحياة كلها وسيلة ولكل منا عقل يميز اين الصواب واين الخطأ

[سلمي200005]

الاخت سلمى

اعتقد انها مجرد قصة كتبها مؤالف بارع

أيعقل ان يكون هنالك اناس بهذه السذاجه اهو مجتمعنا السودانى ام شى اخر
دخل تقاليد مجتمعنا لكى نكون لا نعرف اصول الزواج كيف لرجل ان يزوج بنته
بهذا الاسلوب

كثيرآ مانقراء عن حوادث الانترنت وان فلانه تعرفت على شباب وقمام الشباب
باغتصاب الفتاة الخ 00000000000

ياخوتى النت هى عبارة عن وسيلة مثلها ومثل اى وسيلة اخرى
من قبل كنا نسمع عن حوادث الجامعات واختلاط الشباب
الان وبعد انتشار الانترنت اصبح فقط الاجرام يقع على عاتقها
هى سبب كل مايدور فى مجتمعاتنا من اغتصاب وسرقه وزواج الخ
لماذا لا نتكلم عن واقع حالنا وحياتنا هل اصبح العالم خالى من المشالكل
عن القتل والحروب وعن اعتصاب الاطفال
ياختى الكريمه الحياة كلها وسيلة ولكل منا عقل يميز اين الصواب واين الخطأ

والله ممكن لكن عاوزة اقوليك حاجة يادهم نحنا من كتر ماسذج زوجنا بناتنا للبنغالة

[يابلادى]

تحياتى الى جميع الاعضاء ما اريد ان اعلق به عن القصه سواء ان كانت حقيقيه أو كتبها مؤلف داير اقول
يا اخوانا نحنا سودانيين ولينا عادات وتقاليد منذا الازل مفروض ما نتخلى عنها تماما يعنى من المعروف وفى الاصول اى بت عايز اتقدم ليها شاب اى ان كان ذاك الشاب المهم وفى الاول يجو اهل الشاب ويخطبو البنت وتكون معروفه مكانن وين وقبيلتهم وكل شى عنهم هذه الخطوه اهم خطوه ولا يمكن ان يتانزلو عنها اهل العروس حسب العرف والتقاليد السودانيه وقبل الخطوة دي كمان لازم اهل العروس اسالو من الشاب الجاييهم اذا هم ما بيعرفوهو واتاكدو منوا تماما
ومهما كان التعارف سواء كان التعارف عن طريق النت او المواصلات اواى وسيله اخرى المهم طبعا دى من اهم الاشاء وما ممكن انا كا اب عروس اعقد على بنتى من غير اجينى اهل العريس ولا يمكن ان اتعامل مع زوج بنتى من اول يوم وادخل معاهو فى مبالغ وشيكات واشاء من هذا القبيل واذا حصل خلاف ذلك ممكن الناس تعتبرو مجرد حادثه حصلت من غير الناس ما تعلم والمفروض الناس تتمسك بالعادات والتقاليد فى كل شى ( لا اريد ان اطيل ارجو ان تكون وجهة نظرى وصلت والسلام )

[zeft]

مافي كلام،زي دة، والكاتبة القصة دي ،أصلا مؤلف كبير...عليك الله خلونا من الدجل والإستهبال والكضب دة، كرهنا الكضب ذاتوا..قصة طويلة وكلها كضب..في كضب...عاملة زي مواعظ الشيوخ الكلها نفاق ديك برضوا...ياخي هوا عليك الله زول ساكن الطائف..البخلي يكون أهبل كدة شنو..لحدي ما (العولاق دة كلوا يحصل)..وهو الزمن دة في زول أهبل للدرجة دي..عليك الله أنسونا ياخي...طممتوا بطنا بس

[مسلمة وافتخر]

مافي كلام،زي دة، والكاتبة القصة دي ،أصلا مؤلف كبير...عليك الله خلونا من الدجل والإستهبال والكضب دة، كرهنا الكضب ذاتوا..قصة طويلة وكلها كضب..في كضب...عاملة زي مواعظ الشيوخ الكلها نفاق ديك برضوا...ياخي هوا عليك الله زول ساكن الطائف..البخلي يكون أهبل كدة شنو..لحدي ما (العولاق دة كلوا يحصل)..وهو الزمن دة في زول أهبل للدرجة دي..عليك الله أنسونا ياخي...طممتوا بطنا بس

[صلاح الدين محمد]

لا حوله لا قوة الا بالله
هذه الفتاة حظها كعب جدا
لكن فى قصص ناجحة كتيره