همس الخواطر والمشاعر

[ود النصر]

روعة الابداع تتجسد بين طيات معاني كلماتك (موفق باذن الله)

[عبدالله عبدالرحمن عبدالله]

روعة الابداع تتجسد بين طيات معاني كلماتك (موفق باذن الله)

ـــــــــــــــــــــــــــ
تنسمت مرورك العطر اخى ود النصر
تحياتى

[/color]

[عبدالله عبدالرحمن عبدالله]

أمسى عليك قبل نفسى
لانك اغلى من روحى
لقيتك كل احساسى
وسجنتك منى ما تروحى
نبض قلبى وكمان نَفَسى
عصيفير غنى فى دوحى

[عبدالله عبدالرحمن عبدالله]

ادراجات

بتنفسك
يافراشة
اعطر وردة
حماية الاسرة والطفل
مقدمة برنامج تلفزيونى
لى وين معاك
قلبك هفا
كيف يبدأ الحب
حيرة
اصطفيتك
قلم وامسية
هل بتكتب
نسمة وعطش
مشتاق يمة
اريج

أوكامبو
ياقلبى ليه سويت كدا
ناهد
الحاجة
الشرطى عنوان
عيونك
اهملتنى
انا مالى والهم والشجن
الوحدة الجاذبة
الخصلة التائهة
هو ...عمرك كم ؟!
انا غايتو ..........؟
على مهلك
برج الامانى
خواطر لقيط

[عبدالله عبدالرحمن عبدالله]

ســــــــــد مـــــــروى

خلِيني في كَنفـِك دوام
أنــا يا بلـــــــــد
مــن قلبي ليك منى احتـرام
ما لــيهو حَــد
أروينى مـن حُبـِك تمــام
وادينى من صبرك جَلـَـد
أرعينى زيدي الاهتمــام
خليهـو جَـــد
كــل الرسايـل المنى ليك
مـُـحتاجـه رد
يا أُم حنوُن بِتغني بيكى
بَلَحِنِك نِعـــم البلــــد
يا زينــة في كــل العصــور
زيّن بهاك في مَـــروِى سَد
شامـِـخ تحدِى وعُنفُوان
بي خير كثير شعبك وَعَــــد
الســــِّـر زَرَع وآدم حَصـَــــد
في كُـردُ َفان نَــوَّر حَمَـــد
ياربى تِمـُو وأحفَظُــو
وادِينـــا مِن فَيضَـك مَــدَد
نعــدِل ونبسِــط شِرعَتـَـك
يــا ربى يا فــرد يا صمد
دار فور تعـود نهضــة ومَسيــد
تبرا الجِــراح والخير وَرَد
أدروب تَعمُــو التنمِيـــة
ومُلوا ل صِبــِـح أَكبَر سَنـَـــد
يا مُلهِمَة يا رايعــة تاريـخ
الجُـدُود فيــكى اتوَلَـــد
جانــا الســـلام لي رِفعتِك
شِيبنا وشباب شعب إتحَـد

[عبدالله عبدالرحمن عبدالله]

ست الشاي

حقُو ناخد لينا وقفة
في التكافل والتراحم
في التآزر والتعاضُد
وكل شي يِقربنا زُلفي

حقُو ناخد لينا وقفة
في القوانين واللوايح
في التشرد والرِّعاية
ونِعتنِي بِي كُلِّ نُطفة
حقو ناخد ليناوقفة
للافق ننظر نخطٍط
ومانسيب حاضرنا تايه
وما يجينا الجاي صدفة
**************
تِسعة والوالد تَوفي
والرِّزق كان بيتو يِجفي
تسعة يوم ماضاقو إلفة
لا الطعام شبَّع وكفي
الوالدة واصلت المسيرة
صابرة مؤمنة ياحليلا
في ضرا الكرتون مقيلا
لا صديق بي لُُقمة يِلفي
ولا رفيق لي عطشة يَطفي

تسعة والوالد توفي
ووالدة بين كانون ومصفي
بس ياريت الشاي يصفي
والزباين تلقي وصفة
شاي مظبوط حالا يشفي
والقروش تُحسب كتيرة
وللعيال تنفكا حيرة
وللمؤجِر والمديرة
والقسط تدفع أميرة
والدكيكين يلقي خيرا
وتلغي صفحة وتبدا غيرا
والديون قاسية وعسيرة

الوالدة واصلت المسيرة
صابرة مؤمنة ياحليلا
للجمرة والكانون زميلة
الحاجة للاولاد كفيلة
ماهرة سِت شاي وقديرة
والسُلوك راقي وأصيلا
ما بتفكر في جريرة
وما بتهين شرف القبيلة

(وهل تذكرت القبيلة؟
تَحصِّن الأولاد تَعيلا)
لا صديق بي لقمة يَلفي
لا رفيق لي عَطشة يطفي

تسعة والوالد مُفارِق
والوالدة للاسواق تساسق
ولعنة الاسواق تلاحق
والرزق ممحوق وماحق
وللضرورات ماهو لاحق

واليتيمة قوامها شاهق
يومي للوالدة ابترافق
نظرة واغراءات تلاحق

ولسه بتقاوم أميرة
عام وتانى ويوم وليلة
وللزباين ألف حيلة
ومرت السنوات تقيلة
والدة مشغولة وكسيرة
والقبيلة !
ما بتجيب خبر القبيلة !
ولينا مشروعات عليلة
وللزباين ألف حيلة
طرفة واغراآت تقيلة
والنفيس إنهدَّ حَيلا

خارت وانهارت أميرة
واختلت طايعة وكسيرة
وقبل ما تهلك اميرة
والجريمة تكون خطيرة
وام تولول مستجيرة
ناس مكافحة الرزيلة
قاموا بى ضبط الجريرة
ورجعوا الانفس جميلة
الا لسه الام كسيرة
**************
دُنيا لما تشيل رفيقك
البآزرك والبِطيقك
الحزُن بزرع دريبك
والليالي تنوح تِشيبك

الصبر بِشفيك يطيبك
بيهو جلِد عنقريبك
وخلي عطر التقوي طيبك

[عبدالله عبدالرحمن عبدالله]

[بسم الله الرحمن الرحيم
صباح جديد
دا صباح جديد زاهى وفريد
آمال وريد واجمل نشيد
غناهو احساسى السعيد


قال فى عيوناتك غزل
وزرع ربوع الحب أمل
عن روعتك سائل زحل


دا صباح جديد
ما زى صباحاتى المشت
اجمل مشاعر لى غشت
ورويحتى فرحانة انتشت
هشت زهورى وانعشت
فوقى الورود اتعرّشَت


بى حولى حوام الفراش
نديان خديد الوردة هاش
جدول مشاعر فينى ماش
رقراق وزايدنى انتعاش


دا صباح جديد
شفت الشمس من غير شعاع
والدنيا ما لبست قِناع
وحبيبى من غير التياع
دا الكان عزيز ظنيتو ضاع
وعليهو نفسى اتحسرت
رجعت عيونو اتبسمت
وسمت احاسيسو وصفت
بالروعة حالتو اتوصفت


ضمانا فى إلفة الصباح
لبس المكان اجمل وشاح
واللوحة ألوانها ارتياح
وصباحنا كان اجمل صباح
دا صباح جديد]

[waya]

[grade="00008b ff6347 008000 4b0082"]تسلم يا ملك علىالابداع ,,

وصباحاتك ديمة حلوة

تشكراتي[/grade]

[عبدالله عبدالرحمن عبدالله]

اخى الكريم waya
سلمت اخى على توقيعك ووضع بصمتك على ادراجى المتواضع
مساك سعيد وصباحك فل
تحياتى

[عبدالله عبدالرحمن عبدالله]

والقليب وكتين يناور
يبقى قطعا شاف لو شوفة
فينى اعزفى يا امانى
وغنى الحان من طيوفا
اصلى زول مكتول محبة
وما بخاف لمعان سيوفا

[عبدالله عبدالرحمن عبدالله]

زواج ذوى حالات خاصة.........

نهضتى مشيتى قمتى عديل
وجيتك مشتهى أشيلك
وشايلك قبلى ايمانك
قناعتك وانهزام ليلِك
وكنتى معايا فى الاحلام
وفى الصحيان بناديلك
وقبلك كُنت مُعاق آمال
مُحطم روح وجاييلِكْ
عزيمتِكْ تصلِحْ الأحوال
ويجهر ضى قناديلك
وكان فينى الأمل غناى
يوم قررتَ أمشيلِك
لقيت جواى وتر شجاى
ونغماتو ابتغنيلِكْ
لقيت الدنيا بى خيرها
وفضلة خيرها من خيرك
وصُناع الأمل ابداع
وهمة ناس تضويلك
ظلام يأسك أسى أمسِك
وينداحن تراتيلِكْ
خليل نفسِك شريك حِسِكْ
وخطواتِكْ أناديلك
حمداً للإله شكراً
اتزوجنا؟!.... يا حليلك
........................................

[عبدالله عبدالرحمن عبدالله]

[align=center]معقولة بس؟!

ورونى فرق الحب شنو
من الجنون ومن الهَوَسْ
بتألم.. وبتكلم كتير
ومرات كتير بسرح وبس
وحالات بغيب منى الوعى
وبلازم الاحساس يَبَسْ
مُش دا الجنون؟! وداك الهوس؟!
ممكن نقول الحب جنون
او حتى فى الغالب هوس!
او قولوا مس !ومعقولة بس
رقة مشاعرى يصيبا مس
وانا كنت حصنت الشعور
ودخلنى من الدِينْ قََبسْ

استغفرك ربى العظيم
يا خالق الروح والنفس
انا لى قليب ريّاد حنين
منعتو من الحب عبَسْ
وسجنتو فى حبس انفرادى
رفض يطيعنى وما انحبس
زجرتو عذبنى اشتكيت
سلمتو وردية عسس
وكتب تعهد وما استجاب
ورجع يريد تانى انتكس
معقولة بس ..رقة مشاعرى
اعيشا مس ؟!
استغفرك ربى العظيم
ياخالق الروح والنفس![/align][/color][/size]

[مها]

ما بخونك كيف اخونك
وكيف اعيش العمر دونك
وانت اروع امنياتى
وقلبى ماسور بى عيونك

[عبدالله عبدالرحمن عبدالله]

[عايز اكتب عن عيونك
الا غالبانى الكتابة
ما عيونك ليا واحة
وضحكة فى زمن الرتابة

[عبدالله عبدالرحمن عبدالله]

طبعِكْ غلب

طبعِكْ غلب .....
احترت اسوى معاك شنو
نادانى احساس فى غضب
ياخى الحفر ليك ادفنو
والريدة حمالة عجب
ياخى البسيبك أهملو
ارض الله ما ضاقت بعب
لى وين مشاعرك قبلو
وقدر الله مهما كان صعب
لابدَّ نفسك تقبلو

وكلمنى احساس انتحب
سايلات دموعو يحننو
خليها فى رعاية الهوى
يشملها من قلبك حنو
كان وردة فيهو اتفتحت
بيها المشاعر اعتنو
بثوها خلجات الغرام
كتبوها اشعار لحنو
عزفوها انغام الهيام
غنوها نشوة ودندنو
طبعك غلب.....
احترت اسوى معاك شنو

[عبدالله عبدالرحمن عبدالله]

عايش مخملى

كيف حالى من نار فُرْقَتِك ؟!
ان شا الله بسْ تتخيلى
من عشتَ محروم طلتِك
قلبى المتيم عاش خلى
بدل الحنان الكان روا
بقى بالهواجس ممتلئ

ما كنتى تسمحى لى عنيك
ترمقنى ما كان تسألى
وما كنتى تسمحى لى وشيك
يجهرنى نورو ترسلى

جمَّلتِى للريد المسار
حفيتى بالنور والنوار
وخليتى عايش مخملى

بدلتى بدل الجنة نار
خليتى فيها بيصطلى
ماسألتى عنى ولا الحروف
حاولتى مرة توصلى
لا رسالة لا رنة جوال
ولا صدفة مرة بتسألى !
ولا ذكرى فى عمق الزمن
حاولتى طيفها تحصلى
كيف حالى من نار فرقتك
ان شا الله بَسْ تتخيلى !!!

[عبدالله عبدالرحمن عبدالله]

عصافيرالأمانِى


سلام لى احلى زول جواى
بنظم للقليب نبضو
كلام هامس بحسو براى
يجيك من قلبى من بعضو
صباح الخير على زولاً
ملك فى قلبى اغلى عضو

صَحَيتِى الغرام جُواى
عصافيرالأمانِى شَدُو
واتفيأت ظِل ريدك
دا ما بشبه ظلالو شَدْو
وحتى الحبو من قبلى
مشتاقين يحبو غدَُو

لاهم بالقديم قِنْعُو
ولا العايشِنُو هسى رضو
يحدِقُو صارُو فى الآفاق
وحالهُم كلو من بعضو

واستنيت عويناتِكْ
سؤال فى خاطرِى ماردُّو
لابرقت بريق الحب
ولا الحال انقلب ضدُّو

سنينك لسه يادابا
دى عِقْدين فيها دوب عدُّو
وانا الفوق اربعين عديت
طموح والله فات حدُّو
وحيرة ناس على المرفأ
شراعم لسه ما شدُّو
ًوتانين ضاقو شهد الحب
كَوَتْهُم برضو نار صدُّو
ذهول اجتاح ملامح ديل
مكافين الهوى ببعدو

[عبدالله عبدالرحمن عبدالله]

وحسيت انى مازولك
مجرد خاطرة ِِبى عدت
عبرتى مشاعرى نا دولك
مشاعرى حزينة ارتدت
بشيشك ياقدر سوقنى
خطاويك عاجلة امتدت

[عبدالله عبدالرحمن عبدالله]

للعُلا صوتك وسيلة

لو بتحلم يا مواطن
بى حياة رغدة وجميلة
فيها تتقدم وتنتج
تشملك طفرة وفضيلة
أبقى أحسن اختيارك
للعُلا صوتك وسيلة
شوف حقيقتك هسه قارن
بين ظروف امسك والليلة
اصطفاك ربك أجارك
فى بلد اخلاق نبيلة
ونهضة انتظمت بلادك
وفى النفوس قِيمك جليلة
وحِسبة فى اعمال عبادك
ربى حرمت الرزيلة
البمشى فى درب استقامة
للوصول ما بتوه دليله
يبقى فى الفردوس مقامو
وصٌحْبَةْ الأخيار حليلا
ودا المؤشر لاختيارك
وشجرة الآمال ظليلة
تستريح فى ظلالا أُمة
تصطفى الامجاد مقيلة

البصون ارضك وعِرضك
وليكا بوهب كل غالى
ادى صوتك وليهو ادعم
ارفع الراس لا تبالى

حقك الدستورى مارس
والريس بلازمو والى
وتلقى صندوكين امامك
كل ثلاثة اصوات غوالى
والرموز لو حتى كِترت
ضل شجرتك ضل مثالى

المجالس والقوايم
الدُرر فيها ولآلى
والعناصر الصلبة مكسب
لى وطن تقييمو عالى
وضدو استهداف مُنظم
من عميل ماكر ضلالى

أوعى يجرفك المُثبِطْ
للهِمم ... والاحتيالى
يحشدك أوهام وتاريخ
يحكى ايامو الخوالى
وانتَ جِدك مجدو شارك
جاد بروحو وكل غالى

أوعى يجرفك المُحلل
للرزيلة ... الانحلالى
يُفقدك دنياك ودينك
ينقلك للآخرة خالى

[مها]

يا وحيد قلبى الرهيف
يا نبيل يا اغلى طيف
وين وصالك يا عفيف
ووين ليالينا البواكى
ورعشة الشوق النزيف