البوس في الشوارع ..!!

[سلمي200005]

اماطة الاذى عن الطريق ادنى درجات الايمان .
الحديث عن ما تنثره بعضهن في الطرقات من قبلات موصوله بمكبرات صوت كأنهن يستخدمن السماعات الخارجيه لشفاههن ساعة التقبيل لاضفاء المزيد من الاثاره والشوق ..!
بالتاكيد السلام سنه لا ريده لا محنه .. ولكني تساءلت بيني ونفسي كثيراً عن وجهة النظر الشرعيه في ( الظاهرة ) التي اصبحت عاده نراها يوميا وعدد من المرات في اليوم الواحد !!!
واثقه ومتاكده ان موضوعي ده هايكون موضع دهشة اخواتي .. ما انا اكيد بمارس ( الحركه دي ) .. انا ما بنهي عن خلق وآت بمثله .. فقط انا احاربها في الشارع العام والاماكن العامه وحيث تجمع الرجال .. فقط ..!!
ولحسن حظي عثرت للشيخ محمد احمد حسن فتوى في هذا الموضوع في راديو اذاعة الكوثر وفك ربطة لساني واراحني كثيرا .. واليكم رأي الشيخ : اعتبر الشيخ محمد احمد حسن ان السلام بين الفتيات بهذه الطريقه ليس سلاماً اسلامياً بل هو دخيل علي العادات السودانيه .. ووصفه بأنه اقرب للاثاره والفتنه من كونه يشيع الود والمحبه التي امر بها الاسلام ..
كما نصح البنات بترك السلام بهذه الطريقه ودعاهن للسلام بالطريقه المعروفه قائلاً : ( سلمن بالسلام المعروف .. سلام الحبوبات وسلام الاباء .. الزوله تقابل اختها ، عمتها ، خالتها ، أو صاحبتها وتسلم عليها في ايدها سلام محترم كده وتسأله عن صحتها واحوالها ، ده السلام المشروع .
من الملاحظ في الفترة الاخيره ان الكثير من الطالبات والبنات في الشارع تلقى الواحده منهن تقابل صاحبته ولا يمكن زميلته زمان ولا حتى معرفه ساي كده .. تسلم عليها في خدودها ( جضومه ) ويتبادلن القبلات وطبعا دي تعتبر زي قبله وقدام الناس والشباب في الشارع فيها شي من الاثارة !!
يعني بالمختصر يا عزيزاتي السلام ده ما اسلامي .. والصاح الواحده تسلم علي التانيه في ايده سلام سمح ولذييييذ ده المطلوب والله لكن ابو خدود ده دخيل وفيهو اثاره خاصه قدام الشباب من الجنسين !!
يلا يا حبايبي بتمنى ان نكافح هذا الفعل ( القبيح ) في طوره المائي في البيت قبل ان يخرج للشارع ليثير الغبار والكوامن .. فمن فعلت هذا الفعل لم تأتي من كوكب بلوتو ولا عميله اسرائيليه مدسوسه في السوق العربي للنيل من قدرات شبابنا في الشوف والشوق والدهشه .. من تفعل ذلك هي انا وانتي صديقتي وصديقتك من بنات جنسنا .. هي اختك زوجتك وبنت عمك يا شباب .. فلماذا نكتفي بالاستنكار والشجب والتنديد و ............. البحلقه تحت تحت !!!!

[مصعب الحداد]

هههههه والله عليكي مواضيع ياسلمى
العجيبه ياريت لو كان على الخدود بس
المشكله فيها (قداديم) كمان
ومابيسوهوا الى قدام الاولاد
الله يهديهم بس
والله حصلت قدامي وفي الجامعه كمان

[سلمي200005]

هههههه والله عليكي مواضيع ياسلمى
العجيبه ياريت لو كان على الخدود بس
المشكله فيها (قداديم) كمان
ومابيسوهوا الى قدام الاولاد
الله يهديهم بس
والله حصلت قدامي وفي الجامعه كمان

اللهم اهديهم يارب

[عاشقة النيل]

تسلم عليها في خدودها ( جضومه ) ويتبادلن القبلات وطبعا دي تعتبر زي قبله وقدام الناس والشباب في الشارع فيها شي من الاثارة !!

يعني زي مابيقولو "بو طبيع مايجوز عن طبعة"
انا عن نفسي من الصعب اني اخلي العادة دي لاني اتعودت عليها من ايام المدرسة ..اتعودنا نلسم على بعض كدا ..بس طبعا لمن نكون في مجمع اوماشابة بنسلم بس برقة ..يعني مابنطلع الاصوات البشعة اللي بتلفت الانتباه..
وشكرااا ياعسولة..

[أبو أحمد]

والله كلام الشيخ دة ضحكنى لأنى إتخيلتو قاعد قدامى
و بيتكلم .. عشان طريقتو مميزة

[سلمي200005]

اخطر ما في موضوع البوس بالاضافه لانو دخيل علينا وما بيشبهنا انو بقي وسيله استدراج لبعض الفتيات لادمان المخدرات.اسالوني كيف؟اقول ليكم يا حبايبي يا حلوين العصابه تكون مجنده مثلا بت في الجامعه.البت دي تخت نوع من البدره المخدره مخلوطه مع البلاوي الما عارف اسمها شنو علي خدودها او جضومها بالسوداني وتبدا تبوس في المسكينات.المسكينه تتباس وتبوس وتحس بتخدير لذيذ واحساس حلو من استنشاق الريحه الحلوه دي في جضوم البت ديك وتقوم (تموت فيها ركن) وتاني يوم تجيها وتفتش فيها عشان تحس بالاحساس ده تاني.اها بعد كم يوم المسكينه تسال المجنده (الحاجه الحلوه البشمها فيك كل يوم دي من وين) وهنا تبتسم المجنده ابتسامه خبيثه ما خلاص العصفور وقع في الشرك وتقول ليها تعالي معاي وتبدا عمليه الشم المجاني كم يوم وبعد داك بالشرتيت يعني بالقروش وتدخل دنيا الادمان بت ناس مسكينه ذنبها كلو انها اخدت (بوسه) علي الخد.ما ذكرته اعلاه ليس من وحي الخيال ولكن من اخر تقارير لشرطه مكافحه المخدرات وتم نشره في عدد من الصحف.وتوته توته خلصت البوسه.بس خلاص علي قولت شعبولا في دعايه هلا للاثاث

[بعد الزمن]

حاجة غريبة , وتخوف وترعب , ليه دايما كل شيء دخيل او جديد , شر اكثر من خيروا,
اهم حاجة كل واحدة تشيل حذرها , وتمسك شلاليفها وجضومها عليها , وتبطل
تمسح احمر شفافيها , فى واحدة مابتعرفها ولا ما بتثق فيها , وربى يحفظ
اخواتنا من كل شر ...................

صراحة انا لم هسع محتار شديد , وين وصل بيهم الجرم والخبث ..
الشكى لى الله والله غالب ..............

[بعد الزمن]

تسلم عليها في خدودها ( جضومه ) ويتبادلن القبلات وطبعا دي تعتبر زي قبله وقدام الناس والشباب في الشارع فيها شي من الاثارة !!

5:..يعني مابنطلع الاصوات البشعة اللي بتلفت الانتباه..
وشكرااا ياعسولة..

على الصامت ..................كويس .........

[saare]

اخطر ما في موضوع البوس بالاضافه لانو دخيل علينا وما بيشبهنا انو بقي وسيله استدراج لبعض الفتيات لادمان المخدرات.اسالوني كيف؟اقول ليكم يا حبايبي يا حلوين العصابه تكون مجنده مثلا بت في الجامعه.البت دي تخت نوع من البدره المخدره مخلوطه مع البلاوي الما عارف اسمها شنو علي خدودها او جضومها بالسوداني وتبدا تبوس في المسكينات.المسكينه تتباس وتبوس وتحس بتخدير لذيذ واحساس حلو من استنشاق الريحه الحلوه دي في جضوم البت ديك وتقوم (تموت فيها ركن) وتاني يوم تجيها وتفتش فيها عشان تحس بالاحساس ده تاني.اها بعد كم يوم المسكينه تسال المجنده (الحاجه الحلوه البشمها فيك كل يوم دي من وين) وهنا تبتسم المجنده ابتسامه خبيثه ما خلاص العصفور وقع في الشرك وتقول ليها تعالي معاي وتبدا عمليه الشم المجاني كم يوم وبعد داك بالشرتيت يعني بالقروش وتدخل دنيا الادمان بت ناس مسكينه ذنبها كلو انها اخدت (بوسه) علي الخد.ما ذكرته اعلاه ليس من وحي الخيال ولكن من اخر تقارير لشرطه مكافحه المخدرات وتم نشره في عدد من الصحف.وتوته توته خلصت البوسه.بس خلاص علي قولت شعبولا في دعايه هلا للاثاث

والله بنات الزمن ده منهم خوف الله يسترنا منهم

[تاج السماح]

اخطر ما في موضوع البوس بالاضافه لانو دخيل علينا وما بيشبهنا انو بقي وسيله استدراج لبعض الفتيات لادمان المخدرات.اسالوني كيف؟اقول ليكم يا حبايبي يا حلوين العصابه تكون مجنده مثلا بت في الجامعه.البت دي تخت نوع من البدره المخدره مخلوطه مع البلاوي الما عارف اسمها شنو علي خدودها او جضومها بالسوداني وتبدا تبوس في المسكينات.المسكينه تتباس وتبوس وتحس بتخدير لذيذ واحساس حلو من استنشاق الريحه الحلوه دي في جضوم البت ديك وتقوم (تموت فيها ركن) وتاني يوم تجيها وتفتش فيها عشان تحس بالاحساس ده تاني.اها بعد كم يوم المسكينه تسال المجنده (الحاجه الحلوه البشمها فيك كل يوم دي من وين) وهنا تبتسم المجنده ابتسامه خبيثه ما خلاص العصفور وقع في الشرك وتقول ليها تعالي معاي وتبدا عمليه الشم المجاني كم يوم وبعد داك بالشرتيت يعني بالقروش وتدخل دنيا الادمان بت ناس مسكينه ذنبها كلو انها اخدت (بوسه) علي الخد.ما ذكرته اعلاه ليس من وحي الخيال ولكن من اخر تقارير لشرطه مكافحه المخدرات وتم نشره في عدد من الصحف.وتوته توته خلصت البوسه.بس خلاص علي قولت شعبولا في دعايه هلا للاثاث

وصلت لهذه الحاااال بهن ..
إلى هذه .. الدرجه ..
هل ضعف إيمان أم تقصير في التربية
أم انحراف ... الله المستعان

من المسؤول عن هذا الإنحراف
أين الآباء والأمهات وما ذنب أولئك المسكينات
نسأل الله العافية

[دلوعه وكلمتى مسموعه]

شكرا علي موضوعك الروعة ومواضيعك كلها روعه جدا ومفيدة بتمنى انك تزيدينا من مواضيعك لانو اتعودنا علي مواضيعك الجديدة والمثيرة للاهتمام دايما

[ملاك الورد]

موضوعك موضوع نقاش ميه ميه
صراحه ما عايزه ارد على اي شي قلتيه في البوست , ما عشان ما لاقيه الاقوله ,
لكن عشان انت لمن الزول يشارك في مواضيعك اللي هي مواضيع نقاش و جدال ميه ميه
بتردي على الزول بكلمة "شكرا , تحياتي , مشكور على المرور"
كانه الزول ما قال و لا اتكلم
بحس انك بس بتكتفي برايك
على العموم شكرا على البوست , تشكراتي

[سلمي200005]

موضوعك موضوع نقاش ميه ميه
صراحه ما عايزه ارد على اي شي قلتيه في البوست , ما عشان ما لاقيه الاقوله ,
لكن عشان انت لمن الزول يشارك في مواضيعك اللي هي مواضيع نقاش و جدال ميه ميه
بتردي على الزول بكلمة "شكرا , تحياتي , مشكور على المرور"
كانه الزول ما قال و لا اتكلم
بحس انك بس بتكتفي برايك
على العموم شكرا على البوست , تشكراتي

انا اسفة جدا يارائعة ولكي العتبي حتي ترضي قولي ياراقية رايك وشوفيني ارد ولا لا

[ملاك الورد]

تثلمي يا سلمى انا ما قصدي شي لكن بس مواضيعك حواريه و جدليه و مفروض تكون مليانه نقاش
انا بشكرك كتير والله
و رأيي في موضوعك المهم ده

1- صوت المرأة عورة , عشان كده ما مفروض يكون ظاهر و ملفت للأنتباه في الاماكن العامهز
2- الحياء شعبة من شعب الايمان و اهم صفات البنت , مفروض تتحلى بيه البت اينما كانت , و عدمه سيئ .

اعتقد دا بفسر رأي

تشكراتي

[سلمي200005]

تثلمي يا سلمى انا ما قصدي شي لكن بس مواضيعك حواريه و جدليه و مفروض تكون مليانه نقاش
انا بشكرك كتير والله
و رأيي في موضوعك المهم ده

1- صوت المرأة عورة , عشان كده ما مفروض يكون ظاهر و ملفت للأنتباه في الاماكن العامهز
2- الحياء شعبة من شعب الايمان و اهم صفات البنت , مفروض تتحلى بيه البت اينما كانت , و عدمه سيئ .

اعتقد دا بفسر رأي

تشكراتي

ياريت لو كل البنات يسمعو منكن الفقرتين الذكرتيهم ديل ماكان في بوس في الشوارع

[الفرح المهاجر]

موضوعك موضوع نقاش ميه ميه
صراحه ما عايزه ارد على اي شي قلتيه في البوست , ما عشان ما لاقيه الاقوله ,
لكن عشان انت لمن الزول يشارك في مواضيعك اللي هي مواضيع نقاش و جدال ميه ميه
بتردي على الزول بكلمة "شكرا , تحياتي , مشكور على المرور"
كانه الزول ما قال و لا اتكلم
بحس انك بس بتكتفي برايك
على العموم شكرا على البوست , تشكراتي

[دعد]

[align=center]والله الموضوع دا بازمني جد

والمشكله في بنات ما براعو انك ما عاوزة تسلمي عليهم بالطريقة دي قدام الامة كلها

بتشدك وتسلم وانتي ما تقدري تقولي شي لانو في ناس

حركة بايخة جدا قدام الناس

وما فيها اي حياء

لكن المشكلة انها استشرت شديد

الحبوبات بقو يسلمو كدا

والله عندنا جارتنا مرة كبيرة ما بتسلم علي الا كدا

ظاهرة صعب تنتهي محتاجة فرق مكافحة قوية[/align][/size]

[سلمي200005]

[align=center]والله الموضوع دا بازمني جد

والمشكله في بنات ما براعو انك ما عاوزة تسلمي عليهم بالطريقة دي قدام الامة كلها

بتشدك وتسلم وانتي ما تقدري تقولي شي لانو في ناس

حركة بايخة جدا قدام الناس

وما فيها اي حياء

لكن المشكلة انها استشرت شديد

الحبوبات بقو يسلمو كدا

والله عندنا جارتنا مرة كبيرة ما بتسلم علي الا كدا

ظاهرة صعب تنتهي محتاجة فرق مكافحة قوية[/align][/size]

والله دي كارثة الخوف من حقين البدرة وانا شايفة البنات البعملو كدة فلهمة منهن ونحنا ستايل و و و و و عشان كدة دعودة اظهري عدم ارتياحك للشغلة دي وبخلوك في حالك انشالله

[امرأه نخلة]

لك الشكر أيتها العزيزة
كنت أعاني من هذه الظاهرة وقد أستعملت لفظ الماضي لأني والحمد لله تخلصت منها يمكنكن أن تعلن صراحة وسط من يفعلن معكن هكذا تحية رفضكن البات لها قولياً وفعلياً ومع الوقت تجدي من حولك أعتادوا على رفضك ولن تقدم أحداهن على فعلها ولا تهتمي لما يقولوه عنك .
مظهرنا في الشارع العام ومكان العمل أو الدراسه عنواننا ..
لك التحية مرة أخرى ..

[سلمي200005]

لك الشكر أيتها العزيزة
كنت أعاني من هذه الظاهرة وقد أستعملت لفظ الماضي لأني والحمد لله تخلصت منها يمكنكن أن تعلن صراحة وسط من يفعلن معكن هكذا تحية رفضكن البات لها قولياً وفعلياً ومع الوقت تجدي من حولك أعتادوا على رفضك ولن تقدم أحداهن على فعلها ولا تهتمي لما يقولوه عنك .
مظهرنا في الشارع العام ومكان العمل أو الدراسه عنواننا ..
لك التحية مرة أخرى ..

الامراة النخلة كلامك مظبوط 100% وربنا يكملك بعقلك وفعلا عندما يعرف من هم حولك لايستطيعون ان يتعدوا علي خطك الاحمر