رايكم في الاغاني دي ؟؟؟؟

[alnaeem]

يااخوانا ادونا رايكم في الاغاني الهابطه التي ظهرت بكثره في الفتره الاخير ناس وراء وراء وغيرها من الاغاني ؟؟؟؟

[ملاك الورد]

الاغنيات دي صراحه بتعكس الانهيار الاخلاقي و الثقافي لفئه من الشباب بتعاني من الفراغ الشديد
بسبب عدم توفر العمل
و الحاله الماديه المتدنيه
و يدخل كمان التربيه

شكرا للطرح الجميل
تشكراتي

[saare]

دي اغاني هابطة وبتعكس انو شعبنا السوداني بقا ما زي زمان
لو زمان كان الكل بيعترض عليها لا هسى الكل عايزها من
كبيرهم لى صغيرهم
ومنها اغنية راجل المرة
دي يوم انا فى حفله العريس رسل واحد وطلبها من الفنانة
يعني داير يفهم زوجته دي انو هو شنو

[سمارا]

انا اصلا ما فاهمه هم بقولو فى شنو

ولو ركزت شديد بلقى كلام لافى الشرق ولا فى الغرب

زى مثلا

لاقانى هناك تحت الشجره حكيت لى الحصل....

نقعد سوا ونجلس سوا ما جا العسكرى

برى برى برى من العسكرى!!!!

غايتو جنس محن على قول هناى

[نهر المحبه]

أغاني من اسمها هابطه
وللاسف ظهرت في جيلنا
وهي ماليها اي معنى
مجرد كلمات ملصقه مع بعض
وكلمات منحطه اغلب اغاني الحفلات بقت بالشاكله دي
ده بخلينا نفكر
احنا مابقنا عندنا شعراء عشان كده اغلب الشباب ظلو متمسكين باغاني الجيل القديم
وهل فراغنا بخلينا نصل للدرجه دي
عشان الناس ماتفهم غلط
الكلام موجه للفئه اللي بتتغنى بهذا النوع من الغناء
وهذه الفئه جزء من الجيل الذي ننتمي اليه

[alnaeem]

الاغنيات دي صراحه بتعكس الانهيار الاخلاقي و الثقافي لفئه من الشباب بتعاني من الفراغ الشديد
بسبب عدم توفر العمل
و الحاله الماديه المتدنيه
و يدخل كمان التربيه

شكرا للطرح الجميل
تشكراتي

اختي ملاك الورد فعلا هي تعكس الانهيار الاخلاقي ومد الحاله التي وصل اليها مجتمعنا

[alnaeem]

الاخوان نهر المحبه
ساري
سمارا
مشكورين علي المشاركه في الموضوع والمشكله انو بدات تظهر بكثافه وبازدياد يوم عن يوم

[حبيب الناس]

اغاني ظريفه ولذيذة

[ود الحاج]

و الله انا بشوف انو لكل مقان مقال
لكن ده مامقام
زمان كان في اغاني البنات بيغنوالبناتبالجركانات والدلوكة
لكن انا شايف الاغاني دي اطورت ومرقت من علبا وبقت مع الاسف بيغنوها فنانين وشكلها الناس لو استمرو كده حيكون.......والله اخير اسكت

[مهند الطاهر على حيدوب]

اسمحى لى ياملاك الورد اولا اقول انه تعريف الغناء بالهبوط بيختلفو الناس حوله وناس بيقولو اغانى البنات حقو كان تدونا نصوص حية عشان نعلق الكلام العاااام كده مابيفيد بعدين التأثير السلبى على الاخلاق والقيم بقى ماهو السبب الوحيد اسى انامن خلال الموقع ده ممكن اقول نثر او شعر بذىء جدا ومااخاف انه زول يعرفنى انتشار الوسائل من وسائط فضائيات تكنولوجيا نت وغيره ساعد على الانتشار وسرعة التأثير انا غايتو يخيل لى الشباب الجامعى كله حيعمل لغة جديدة عشان كده حقو الانسان يكون عنده ضوابط ذاتية والدين طبعا رافد مهم فى الحتة دى وتحياااتى

[saare]

انا اصلا ما فاهمه هم بقولو فى شنو

ولو ركزت شديد بلقى كلام لافى الشرق ولا فى الغرب

زى مثلا

لاقانى هناك تحت الشجره حكيت لى الحصل....

نقعد سوا ونجلس سوا ما جا العسكرى

برى برى برى من العسكرى!!!!

غايتو جنس محن على قول هناى

دي المشكلة انها بتغني بطريقة كأن البلد مافيها ديمقراطية العسكري ده بعد ماجا حصل شنو الله اعلم

[بعد الزمن]

الشعراء والفنانيين قالوا هو الجمهور عاوز كده
وتانى وين وزارة الاعلام ومراقبة المصنفات
الفنية , وتانى ماه السودان براه مصر ولبنان
والحبل على الجرار , الشغلانة بقت موضة
وكمان الاغانى دي معظمها بغنوها
فى اعراس ,ممكن الجو, والتفاعلات
هي سبب انجذاب الناس بكونوا
دايرين يرقصوا وما بحطوا
بالهم مع الكلمات بكون
دايما بالهم مركز مع الثاون

بس والله بعضها مخدش لاحياء
والمشكلة اطفال حفظنها وبغبغبيها
وشكرا

[بعد الزمن]

دي المشكلة انها بتغني بطريقة كأن البلد مافيها ديمقراطية العسكري ده بعد ماجا حصل شنو الله اعلم

جو اللى ما بسموا زادها طين وموية وهي ماكانت ناقصة

[بعد الزمن]

اغاني ظريفه ولذيذة

الظاهر لسع ما صحيت كويس , وما عارف الموضوع شنوا
اصحى
عارف انت الالذ والاظرف
عارفك يا قلهم بتكلموا عن اكل وبرجر


ههههههههههههههههههه
بالهنا والشفا وبدأبيمينك ...........

[alnaeem]

اغاني ظريفه ولذيذة

بالله عليك كدي اجلس بينك وبين نفسك واسمعها هل هي ظريفه وتامل في كلامتها ستجدها كلها كلمات سوقيه ...

[mohamedomer]

الاغانى الهابطة مشكلة
وهى تعبر عن الذوق العام فى الزمن الحاضر اليوم وهى نتاج لانفلات حاصل فى المجتمع نتيجة للوضع الاقتصادى الراهن

[الحلاوية]

الاغاني دي كلمة هابطة عليها شوية
يا جماعة صحي وصلنا للمرحلة دي
دي اغنية دي :
ورا ورا ورا
الما عندها ورا ما بتبقى مرا
؟؟؟؟؟؟؟؟؟؟؟؟!!!!!!!!!!!!!!!!!!!!!!
حسبنا الله وحده

[alnaeem]

الاغانى الهابطة مشكلة
وهى تعبر عن الذوق العام فى الزمن الحاضر اليوم وهى نتاج لانفلات حاصل فى المجتمع نتيجة للوضع الاقتصادى الراهن

صح قلمك اخي محمد عمر وهي نتيجه للانفلاتات الحاصله داخل المجتمع السوداني

[alnaeem]

الاغاني دي كلمة هابطة عليها شوية
يا جماعة صحي وصلنا للمرحلة دي
دي اغنية دي :
ورا ورا ورا
الما عندها ورا ما بتبقى مرا
؟؟؟؟؟؟؟؟؟؟؟؟!!!!!!!!!!!!!!!!!!!!!!
حسبنا الله وحده

اختي الحلاويه لك التحيه وحقيقة تحتوي هذه الاغاني علي كلمات ومعاني يخجل الانسان ان يزكرها في نفسه فما بالك تزكر اما جمع من الناس .... اللهم اصلح حالنا[/color]

[TARIQNASS]

هبوط الذوق يفتح المجال لكل ماهو هابط