قرات موضوع عن كيفية قطع العلاقة مع الجنس اللطيف
خاصة لو كنت فى علاقة معها ،،
بحثت عن هذا الموضوع ولكنى لم أجده
وكان فى الموضوع عدة وسائل للتخلص من الجكس بتاعك
بعد علاقة حب أصبحت مملة
وأنت لا تنوى الزواج بها وبالذات
علاقة الجامعات .. أغلب الشباب بحبوا فى الجامعة
ويعرسوا من الاهل او من الحلة ،،
يعنى تكاكى برة وتبيض فى الحلة وتبقى قصة
حب الجامعة ذكرى تنتهى كثيراً بعد
التخرج خاصة وأن كثيراً من الشباب يكون لديهم علاقات
متعددة فى كليات مختلفة
ويكون بقول لى كل واحدة كلام مختلف من ورا التانية ...
والبنات برضه فيهم النوع دة بالمناسبة عشان الشباب ما يزعلوا ..
أنجع وسيلة للتخلص من الجكس الغير مرغوب فيه هو الاتى :
أرسل مسج لموبايلها وكأنك أخطأت ولو كان اسمها مثلا سلمى ترسل
مسج حب لاخرى وهمية مثلا اسمها عبير تقول فى الرسالة :
عبير حبيبتى شنو ماقلتى
لى صباح الخير ولا ونسة امبارح بالليل الاربعة ساعات
خلوك تزهجى منى
طبعا بعد شوية تلفونك حيرن ،، ويدور الحوار التالى :-
ترررررررررررررررررن ( دة الموبايل طبعا )
- ألو ،، أهلين حبيبتى كيفك مشتاقين ..
- لا مشتاقين ولايحزنون عبير دى منو ؟
- عبير منو يا بنت انتى جنيتى ؟
- أها عاوز تعمل لى فيها ما عارف ،، هسى رسلت رسالة والحمد لله ربنا كشفك
ورسلتها لى بالغلط ..
- ياتوا رسالة انا ما رسلت ليك اى رسالة ..
- كدى شوف موبايلك طالما عبير دى شالت بالك وبقيت ما عارف بترسل وين ..
- لحظة بضرب ليك ..
وتقفل منها الخط و طبعا ما حتضرب تانى وبعد فترة حتتصل هى تااااانى :
- مالك ما ضربت ..
- أضرب أقول شنو أكيد ما حتصدقينى مهما قلت ..
- بالله ،، كمان عاوزانى اصدقك ،، عبير دى منو اللى بتصبح عليك كل صباح ،،
وانا الغشيمة بقول انك ما بتاع بنات ..
وهنا تتصنع أنك زعلان شديد
- أها كمان جابت ليها بتاع بنات ،، اسمعى يا بنت الناس انا جنى وجن الكلام دة ،
وطالما أنت ما واثقة فينى على كيفك اعملى البريحك ..
هنا تكون وصلت معاها للاخر خلاص وحتقفل منك التلفون وانت تانى ما تضرب طبعا
وهى ما حتضرب بس حتحاول تعرف عبير دى منوا وتطلع ليها روحها ...
وطلع روحك انت كمان
ملطوووووووووووووووووش
كويس انك قلت لينا من حسي عشان نعمل حسابنا.. 
.طيب لو البت زهجت من الجكس المعفن دا تعمل شنو؟ 
والله يا ادهم يا أخوى انا ماعارفه الفدائية دى منو البتتزوجك ؟ الله يكون فى عونها بس:D
[/align]
..
بس ماحقول ليهو نسيت قروشي لا؟؟