بما ان المنتدى يتقدم في ممارسة الشمشرة قررت بناء مدرسة لنعلم فيها الاعضاء اساليب الشمشرة ومبادئها لنتقدم نحو مستقبل شماري افضل :
وعينت في المدرسة طبعا معلمين وكمان مدير
المدير هو الاستاذ فارماس لانو لديه خبرة شمارية رائعه وكمان حيوصل الطلبة الى المدرسة بالبص بتاع الراكوبة حقو
نائب المدير ومسؤل عن طلاب السنه الرابعة الي هي اخر سنة وتتخرجوا من المدرسة وتحصلو على شهادة في الشمسرة هو الاستاذ بكور
استاذ سنة ثالث حيكون ود النصر لانو برضو عندو خبرة في الشمارات باين عليه
استاذ تاني حيكون بعد الزمن ولو انو ما استاذ في الشمارات لكن حيقضي الخدمة هنا
وسنه اولى حنديها لي رغودة شكلها كدا بتحب الشمشرة
وزي ما قلت ليكم في دروس عصر وحتختاروا الاستاذ العاوزينه و عندنا ركن لسة ما اكتمل بناءه
وهو للناس الحيتخرجوا من المدرسة ونديهم هناك وظائف لكن طبعا راتب مافي ليهم
يعني نشغلم حقارة وامتصاص شمارات بس
وممكن المدير فارماس لو عايز يعين مدرسين جدد وكمان انا ما عينت بواب ولا فراش ممكن هو يعينهم على راحتو .
واي سؤال عاوز تستفسر عنه الاساتذه حاضرين
وممكن حسب الخبرة الشمارية بتاعتك تلتحق بلصف اللي انت عاوزه يعني لو عندك خبرة بسيطه ممكن تمشي تاني طوالي ولو عندك خبرة عالية طوالي رابعة وكدا يعني
تخريمة :
المدرسة دي انا بنيتها لوجه الله تعالى عشان نبقى دائما الاوائل في الشمشرة والشمارات وعشان نتعلم برضو لان العلم نور والجهل مهند
مهند شنو قصدي ظلام
وقبل اي دروس عاوزة اقول ليكم انو المدرسة اسمها عنكبوشة لي؟؟؟؟
لكن ما هسع بعد ما ينتهي الاسبوع الاول لطلاب في المدرسة ولو جبتو شمارها براكم حنطلب من المدير الاستاذ فارماس انو يوديكم رحله استكشافية شمشارية في انحاء منتدى انا سوداني .[/align][/size]
والله اتاريك ما هينة يا تيويتا
وانا عايزة اسجل في المدرسة
حتعملوا لي معاينة تحددوا فيه قدراتي الشمارية متين؟
وما قلتي لينا كلمة عنككبوشة دي افتش ليها في اي مرجع؟
..
