والصلاة والسلام على اشرف خلق الله اجمعين واما بعد في هذا الصباح الجميل الذي
لا شكلي زي البقدم لي في برنامج صباحي اوكي حختصر واخش في الموضوع طوالي عنكبوشة الشمار الذي حير الشمشارين
الشمار الذي هز الوطن الشمارتي
ها هو لاول مرة وفقط على منتديات انا سوداني
والان ما هو هذا الاسم عنكبوشة من اين يأتي وما معناه ولماذا سميت مدرسة الشمشرة به
اليكم التفاصيل في قصة قصيرة
في يوم من الايام كان الابن ذا الخمسة سنوات في طاولة الطعام مع امه يأكلان ملاح بامية مفروكة
اكل الطفل وذهب لكي يغسل يده ولكنه وجد صعوبة بسبب اللايوق كما يسمى
وفي يوم اخر دار بين الام وطفلها هذا الحوار
الابن : يمة عاوز اكل ملاح عنكبوشة
الام : ملاح شنو ؟؟!!؟؟
الابن : ملاح عنكبوشة الاكلتو اليوم داك معاك
الام : لكن مافي ملاح اسمو عنكبوشة يا ولدي
الابن : يا يمة اكلناهو يوم داك
الام ولم تفهم شيئا : يا ولدي انا اكلت معاك ملاح عنكبوشة متين ؟
الابن : يمة انا شفت جارتنا عملتو
الام وقد بدت حاستها الشمارتية : خلاص يا ولدي استنى هنا انمش اشوف عنكبوشة العند جارتنا دا
وبعد ان عادت الام وهي تضحك على ابنها
الام : يا ولدي دا اسمو مفروكة ما عنكبوشة
الابن : لالا اسمو عنكبوشة لانو ببقى عنكبوشة في الغسيل وما بيطلع بسرعة
ومن هنا انطلق هذا الاسم .
والان يبقى لماذا سميت المدرسة على ملاح مفروكة ؟
وهنا اقول انا
عشان نحن في مدرسة الشمشرة نعلمك تكون عنكبوشة في الناس ما في الغسيل
يعني نعلمك تتعنكبش في الناس لما يدوك الشمارات ومهما كان ما تخلي زول عندو شمار الا وتبقى ليهو عنكبوشة لما يديك الشمار
هههههههههههههه
رايكم شنو في التسمية مناسبة صاح
[/align][/size]
[/align][/size]