بطاطس X بطاطس ،،،

[حزن السنين]

محشي البطاطس
كيلو بطاطس صغيرة الحجم
ربع كيلو رز مصري
ربع كيلو لحمة مفرومة
شمار + بقدونس + نعناع + فلفل اخضر حار (3 حبات) + بصلة كبيرة
مرقة دجاج (2 مكعب) + ملح وبهار (حسب الرغبة) + زيت
صلصة كوب متوسط


الطريقة :
تقطع البصلة قطعاً صغيرة وتحمر في الزيت ويضاف اليها اللحم المفروم والملح والبهار وتترك لمدة ربع ساعة في النار ويضاف اليها بعد ذلك الارز والشمار والبقدونس والنعناع والفلفل الاخضر الحار وتقلب جيداً ويضاف اليها بعد ذلك كوب الصلصة ، تترك لمدة نصف ساعة على نار هادئة ، وتقشر البطاطس وتغسل جيداً وتسلق نصف سلقة ثم تفرغ من الداخل ويتم حشوها بالارز واللحم وترص بعد ذلك في حلة متوسطة ويضاف اليها عدد 3 كبايات ماء مذاب فيها 2 مكعب مرقة الدجاج حتى يتم تغطيتها تترك على نار هادئة لمدة 45 دقيقة,وبالهنا والشفا .............



كفتة البطاطس
كيلو بطاطس + 8 بيض + نصف كيلو لحمة مفرومة ناعمة + كباية زبادي كبيرة + نصف كيلو بقسماط ناعم + بقدونس اخضر + 2 بصلة مفرومة + ملح وبهار حسب الرغبة


الطريقة:
تغسل البطاطس ثم تسلق بقشرها فوق النار لمدة 45 دقيقة وتبرد بعد ذلك وتقشر وتهرس ثم توضع في الخلاط مع كباية الزبادي وتخلط خلطاً جيداً ويضاف اليها 8 بيض + بقدونس اخضر والملح والبهار ثم يضاف اليها اللحمة المفرومة مع البصل بعد تسويته على النار لمدة نصف ساعة ثم يبرد ويضاف للخليط السابق ويضاف اليه نصف كيلو بقسماط ناعم تخلط هذه المقادير جيداً وتصبع اي تشكل على هيئة صوابع وتحمر بعد ذلك في زيت غزير حتى يصير لونها ذهبياً وبالهنا والشفا ..................

[نغم]

الله جوعتنا دا الاكل ولا بلاش اجمل حاجة المحشى اى اكلة دخل فيها البطاطس جمييييييييييييييلة.تسلم اخى حزن السنين يارائع.

[حزن السنين]

الغالية نغم //
مشكورة يا ستي علي المرور و التعقيب و لكن خليك قريبة او ما تتطلع الصينية تعالي جارية بي صحنك

[شاربة توت ولابسة بوت]

يم يم يم
محشي بطاطس !
اكلتي المفضلة !
تسلم الايادي يا شيف حزنو !



على جنب كدا :
الوصفة دي في الاسبوع مره
للناس البتحافظ على رشاقته !
ولا شنو ؟




تشكرات ،،،

[البادرابي]

مشكور اخي حزن السنين - على الوصفات دي
و الله نحنا معانا واحد من الشباب غادينا بطاطس كل ما يكون عليه اليوم بطبخ بطاطس انا حا اديه الوصفات دي عشان اغير شوية
و الله ارجعنا للسودان بالسلامه عشان الواحد انعم ليه باكل هنئة زي دي
و تسلم يا سيدي

[حزن السنين]

[align=center][grade="FF4500 4B0082 0000FF 000000 F4A460"]مشكورين يا حلوين علي المرور و التعقيب ،،،،،[/grade][/align][/b]

[هدندوية مية المية]

يا حزن مرة بيتزا مرة شاورما مرة ...... ده شنو تجوووعنا وتخلينا

شكرا على الاكلة الحلوة دي

[حزن السنين]

[grade="00008B FF6347 008000 4B0082"]هدندوية مية المية
مشكورة يا ستي و القادم احلي بس خليك متابعة ،،،،[/grade]

[بنت الكلاكلة]

ما شاء الله يا حزن السنين بقيت شيف ماهر

يديك العافية و تسلم يدك على هالاكلة الطيبة كتييييييييييييييير

بنت الكلاكلة

[حزن السنين]

[grade="00008B FF6347 008000 4B0082"]الغالية دوماً / بنت الكلاكلة
تسلمي يا غالية علي المرور و التعقيب و لكن عايزين زول يتبرع لينا بي نفسوا
و يجي المطبخ يضوك الاكل و يورينا رايوا شنو ،،،،

رايك شنو تكوني انتي ...؟؟؟؟

تخريمة :
ما تخافي الاسعاف قريب و الستشفي اقرب .....[/grade]

[بنت الكلاكلة]

ههههههههههههههههههههههههههههههههههههههههههههههههههههه

ولا يهمك انا بجي اتذوق الاكل اللذيذ حقك ده

و بعدين ربنا يسهل و يستر ههههههههههههههههههههههههههههههههههههههههه

بنت الكلاكلة

[حزن السنين]

[grade="00008B FF6347 008000 4B0082"]الغالية / بنت الكلاكلة

تسلمي يا ستي علي المرور و التعقيب
و لا يهمك انشاء الله خير ،،،، حنرسل ليك نصيبك من البطاطس

بالدرفر ،،،،،،[/grade]