يا جماعة دا اول موضوع اشارك به فى المنتدى وحابى ابدا بى بسمة
احبابي حبابكم عشره بلا كشره ,امانه عليكم ادونا ابتسامه ظريفه كدا وفكوا التكشيره دي, والله ما حلوه انك تقوم الصباح من النوم وانت مكشر ونظره واحده في المرايه بتعرف كده, ابتسم تبتسم لك الدنيا
ياريت لما اي واحد
يصحى الصباح يبتسم
مهما كانت همومه ,
وابتسم تبتسم لك الحياه
, واهلنا بقولوا بليلة مباشر ولا ضبيحة مكاشر ,
ابتسامه لا تكلفك الا استخدام عضلتين فقط
فكم عضلة تستخدم في الكلام؟!
وذي ماقال الحبيب عليه افضل الصلاه
واتم التسليم ابتسامتك في وجه اخيك صدقه,
اتخيل انت الصباح طالع
وصادفك واحد مكشر
وزعلان من الصباح اكيد
حا يأثر عليك بأثر سلبي عشان كده
دي دعوه ليكم مني في الصباح
ده اننا نبتسم في وجه المحن
ونطلع للعالم بوجه بشوش
ولا انتم عندكم راي تاني يا احباب
