فوائد الاستثمار

[بت أبوها]

السلام عليكم ورحمة الله وبركاته

عندي اسأله عن الاستثمار انواع الاستثمار واهميته وفوائده واسبابه واهدافه

وشكرا ليكم

[بت أبوها]

سلام

يا جماعه الحاصل شنو؟ ساعدوني الله يخليكم انا عندي بحث

وشكرا مره تانيه

[الدغري]

بنت أبوها لك التحية .............
استثمار مضمون جدا .....................
قد تكون نسبة الأربح فيه أكثر من 700 ضعف ...............

الاستثمار مع الله سبحانه وتعالى ............

الحسنة بعشرة أمثالها ...............

والصدقة تضاعف للمتصدق

[تاتاي]

تحية طيبة لك وتقديرا

زي ماقال ليك الاخ/ الدغري احسن الاستثمار وأكسبه
ذلك الذي مع الله سبحانه وتعالى ....
وعدنا الله يبحانه وتعالى ووعده الحق بأن لنا الجنة
حين أشترى منّا أنفسنا وأموالنا .... وده استثمار
بالطبع ....وأن الله تعالى يضاعف الحسنات وده
كمان استثمار .....
وايضا هناك الاستثمار الدنيوي في التجارة والمشاريع الصغيرة
والكبيرة بأن تدخلي برأس مال او فكرة تشكل رأس المال ثم تقومين
باضافات عليها من ابداعات ومتابعات ودعاية وتسويق وما الي ذلك
ومن ثم في فترة معينة تقومين بحساب مالك وماعليك ومن ثم تحددين
موقعك في خارطة الاعمال ربح أم خسارة

لك التقدير

[بت أبوها]

شكرا ليكم

ماقصرتو بس برضو ما استفدت

يسلمو

[تاتاي]

شكرا ليكم

ماقصرتو بس برضو ما استفدت

يسلمو

تحية طيبة لكِ مرة أخرى

في الحالة دي عليك ان توضحي بالضبط
انت دايرة تفهمي شنو تحديدا
ونحاول حسب معرفتنا نفيدك يابت ابوها

لا تيأسي

[بت أبوها]

انا بحثي بتاع التخرج عن الاستثمار الاجنبي في السودان
وعاوزه اعرف معلومات عن البحث ده وعاوزه اعرف اي شىء بخصو لانو انا جايطه شدييد

وشكرا ليك

[تاتاي]

انا بحثي بتاع التخرج عن الاستثمار الاجنبي في السودان
وعاوزه اعرف معلومات عن البحث ده وعاوزه اعرف اي شىء بخصو لانو انا جايطه شدييد

وشكرا ليك

تحية طيبة لك

ركزي معاي طالما انتِ بصدد بحث تخرج
ماعليك الا بالذهاب لوزارة الاستثمار الاجنبي
وهناك بتلاقي المعلومات الواااااااافية وتوريهم
انك طاااااالبة عشان مايفتكروك مستثمرة تبحث
عن طريق

أكيد يابت ابوها خطة البحث حقتك موجودة ومجازة من
الدكتور المشرف مش ؟؟؟
لأنو على ضوء الخطة الجماعة ديل بيساعدوك
وانتِ اخترت بحث صعب ما أظن في مراجع
أكاديمية متوفرة ليهو .....

بالتوفيق