مغتربون آخـر زمـن

[أمين السنجك]

بعض المغتربين من الرجال والنساء على حد سواء عندما يأتوا إلى بلاد الغربه ويتذوقون لبن المراعي وطراوة الكندشن والبيبسي العائلي والدجاج المدخن ماذا يحدث ؟ ( تتغير أشكالهم ده شئ طبيعي أما ألفاظهم ومبادئهم وعادتهم وتقاليدهم ونسيانهم للوطن مع ذمـه بمقولة دي بلد دي لماذا ؟ )سؤال محيرني
وعليه أقول لهذا النوع من المغتربين ومن على دربهم :ـ
[align=center]العيب الكبير ننسى الوطن بالفيهـو
نهجر لي ضفافو وننكروا نجافيهـو
الرزق إن قليل ود البلد كافيهـــو
والزول البيشحد أصلو خيراً ما فيهـو[/align]

طرفة :ـ في واحدة مغتربه جاءت في إجازة وفي أول يوم راحت لبتاع الدكان وكان شايقي قالت ليهو عندك جيببببببنه قال ليها لا في جحنيييييية ( طحنية )[/color]

[استارو]

مبدعنا
امين السنجك
مااروع مانثرته تجاه وطننا الحبيب
فلك الف تحية وله مليون الف تحية
نتمنا ان لاخوننا الذين يمكثون معنا فى الغربة
ان يكتفو بهذا الغدر وعدم التمادى وماخفى كان اعظم
تقبل تحياتى القلبية من الرياض محملة بالمحبة والاخاء والسلام










تخريمة :.
اشفيك يا طويل العمر
يابوى ترا ماتخذ فى قلبك شى
هاتى احوال الدنيــــــــــــــا
ههههههههههههههههههههههه

[ابراهيم الجيو]

[quote="أمين السنجك"][align=center]العيب الكبير ننسى الوطن بالفيهـو
نهجر لي ضفافو وننكروا نجافيهـو
الرزق إن قليل ود البلد كافيهـــو
والزول البيشحد أصلو خيراً ما فيهـو[/align]

[/quote]



سنجــــــك يا فنان,,, بلداً زي بلدنا,, وناس بلدنا ,,, ما بتتنسي,,, قد يكون السبب في التغيير طول المدة الجبرية للأبناء في الغربة دون الرجوع إلى السودان حتى ولو زيارات,, وهنا يحاسب رب الأسرة,,,

وعلى قولتهم: صـــح لسانــــــــــك,,,,,[/color]

[sunni]

العزيز أمين،،،

أيها الرائع المترع بحب الوطن،،، يامن تتلذذ بالشرب من نخاع القيم الأصيلة،،، لك الشكر وأنت تسعى لتعيد كل عربات القطار التي تحيد عن القضيب الحديدي،،، لك التجلة وأنت تزيل الغثاءالذي يغطي هذا البحر العميق الكريم الذي لا يبخل لطالب بما يحتويه. وطالما أن هناك من يقبل بحزمة معطيات التبروقة والزير وكلمة يا ود أمي والتآذر الإجتماعي،، ويرفض بحزمة الكدنشة والعربات الفارهه والكريمات المرطبة ،، فإن السودان بخير عزيزي،،، فلا بد للغيم أن ينجلي،،، لا بد أن يستجيب القدر

يدي بيدك،، ويد من يقرأ معنا،، لنحافظ على قيمنا من كل المفاهيم الدخلية السلبية.

شكري لك عزيزي

[أمين السنجك]

الأخوان الأعزاء:
أستارو - إبراهيم الجيو - sunni - شكراً جزيلاً على هذا الثناء وأحب أن أقول نحن عايشين في بلاد المهجر بفضل الرجال الذين سبقونا وتركوا لنا صوره جميله للزول السوداني فالواجب علينا على الأقل المحافظة على تلك الصورة إذا لم نستطيع إضافة جديدة ( يدي على يدكم ) مشكورين مرة ثانية .

[كيمو]

في واحدة مغتربه جاءت في إجازة وفي أول يوم راحت لبتاع الدكان وكان شايقي قالت ليهو عندك جيببببببنه قال ليها لا في جحنيييييية ( طحنية )

هههههههههههههههههههههههههههههههههههه
لالالالالالا والله دي قويه بتاع الدكان زاتو عمل
مغترب والله دي عوجه
والله يا امين كلامك في محلو
مشكور يا مان ولقـــــــــــــــــــــــــــــدام

[متوكل]

أخي العزيز / أمين السنجك
مساءك خير
أولاً عيني باردة عليك، كلامك في محلو والله أثلجت صدورنا ورفعت رؤسنا تسلم يا السنجك.
وأقول ( لو ما كنت سوداني وأهل الحاره ديل ما أهلي ) المغصة تقتلني .

[أمين السنجك]

الأخوان / كيمو ، متوكل
بعد التحية ، كلمة شكراً لكم قليلة في هذا المدح والثناء آملاً أن أقدم ماهو أفضل من ذلك وعلى كل حال مشكورين على هذا المرور ، ودمتم بخير

[بت أبوظبي]

بحب الوطن نحيا ..
وبدون الوطن نشقا ..
فماذا نسوى بدون الوطن ..؟
نعمه لا يقدرها ألا من حرم منها !


شكرا صديقنا

[ايمن_2007]

الاستاذ امين السنجك
اليك اجمل التحايا ..وبارك الله فيك وفى امثالك من ابناء هذا الوطن الذين لا يتغاضون النظر عن تلك المشاهد التى قد تؤثر على مجتمعنا السودانى..
ونحن فى انتظار مزيد روائعك.
دمت للوطن فخرا واعتزاز.

[أمين السنجك]

الأعزاء / بت أبوظبي * أيمن 2007

بعد التحية .
قد اذهلني ما تكرمتم به علي
وقد ازداد إسمي تالق وازدهر وانا
أراكم ترسمون حروفه على رمال الشاطئ
اشعر بالكسوف وانا اراكم تسارعون للرد
فلا املك الا عبارات الشكر لعلها تفي بالمطلوب
الف شكر لكم

[mohab ahmed tombel]

عشانك يابلد يانيل ياليل استاذنا السنجك هؤلا من يقال عليهم يحاولو يتحنكشو لكن علي ماذا اي شئ ولا الوطن مشكور جد عودتنا علي البوستات الرائعة تحياتي مهاب

[بنوتة]

شكر اخوي على الموضوع
بس عندي وجهة نظر وحدة

الواحد لو كان اتولد وعاش برة السودان طبيعي لسان وتقاليد هتختلف شوية عن تقاليد السودانيين ...ويمكن تلقاه ما بيعرفه ... ان شاء الله ده ذنبه ..ما ظني ...

وشكرا ليك مرة تانية

[أمين السنجك]

الأخ / مهاب والأخت بنوته

كلمات الشكر ... تقف حانية الراس
لمجرد مروركم .. امتنانا لترحيبكم وحفاوتكم
بالنسبة للمولود في ديار الغربة ، أكيد ح تحصل تغيرات بس عشمنا في أهله.
وثانياً :ـ موضوعي مع الناس المشوا كبار .
تحياتي .

[ضـــوء القـــمــر]

مشكور امين السنجك على الموضوع
الحزن الكامن جوه القاع ...و الدنيا الصغرت ...صغرت
و الحزن نفض توبو و شاع ....و الدنيا لسه بتصغر
و انا ...و هو ...و المسافة
و لسه الدنيا ما زالت تصغر
دقيت الشوق وتد في القلب
و قلت اركز ...قلت هسع المطر بيرجع
و الخريف بينادي
و هسع و هسع

نيلينك والابنوس والشوق الجاري عليك

حاجة فيك...
لابتبدي ... لا بتنتهي
خلتني أرجع للقلم وأتحدى بالحرف الألم ...
وأضحك مع الزمن العريض ...
وأنسف متاريس الطريق ...
وأعرف متين أبقى المطر ...
وافهم متين أصبح حريق ...
حاجة فيك ...

والكلام حقيقه...........

[بنت بلادها]

شكرررررا
علي المضوع صح كلامك

[سوداني جداً]

حلو السودان لمن نرجع نندعك فيو ....
نضوق حرو ونشيل همو ونزيد فيو ...
نشرب من نيلو و ننوم و نصح ونعاين فيو ...وأنشاء الله نجتمع كلنا من ودالدرديري لي إبراهيم الجيو ...


( أمين السنجك) لك كل الشكر والإبداع من هنا الي هناك .

[صلاح حامد]

بس يا اخى اللبن وماشابه ذالك لم ينسى الزووووووول اهلو صح بنشرب لبن ولاكن مازي لبن بقرى والبيبسى البتحكى عنه موجود فى السودان ومركز اكثر ما هو فى الخارج على الاقل با ايدى سودانية
اما المكيف طبعا كامل التلوث جو غير صحى طبعا محال يكون زي هواء بلدى النقى (( يا حليلنا انحنا ***الله يكون فى عونك يا مخترب ويا متغرب ويا معزب

[أمين السنجك]

أخواني العزاز
ضوء القمر
بنت بلادها
سوداني جداً
صلاح حامد
تحية طيبة وبعد
أعزورني على هذا التأخير في الرد على مشاركتكم في هذه الصفحة .
فهو شرف لي ان تمروا عليها وتشاركوني الحديث .
لكم مني كل الود والتقدير

[السقا]

حنبنيهو البنحلم بيهو يوماتي
وطن عاتي
وطن خير
ديمقراطي
و
عزيز انت يا وطني
برغم قساوة المحن
برغم بصعوبة المشوار
وكل ضراوة التيار