فاطنة السمحة والغول. (برؤية جديد وبقلمى..)

[Hamaada]

الحلقة الاولـــــى..

بقلمــــــــــــــــى..

الزمان::
بدايات القرن العشرين يعنى 1865م

الزمان:: حلة المجغمسين ولاية كلفورنيا..



كانت فاطنة احلى بنات الزمن داك فسميت(السمحة) يعنى كانت مكسرة اولاد الحلة كلهم ودفعتة فى الجامعة كلها..
طبعا ً كانت بتقرا اداب لغة شايقيه فى جامعة (هارفاد الامريكية) وفطومة ماكانت حلوة حلاة جسم بس ااى ااى (الكلام الاخلاق خخخخ) كانت طيبة ومحترمة ومابتخلط فى نشاط الجامعة الا مرتين بس فى اليوم وماعندها الا شريحتين بس (زين و اريبا عشان بالليل خخخخخخ) وكانت استايل لمن غلط هدوما كلها من (السى دى -بوتيك راقى فى السوق العربى) وعندها شعر طويل ومنيل زى اسفلت الزلط و عيونا انسو بس صحن فتة بتاع طلب واتقدمو ليها اكتر من (75490) شاب وفق اخر احصائية لذالك العام و رفضتم كلهم لانها كانت محنكة مع الود محمد بتاع الاتصالات والكريمات الجنبهم وكانو بحبو بعض من هم صغار..

وفى نفس قرية فاطمة كان هناك جبل اسود يعيش فية الغول المرعب فى فيلا جميلة محاطة بالاشجار والورود والغول دة كان بيصحى كل 20 سنة وينزل القرية من الجبل فى عربيتو الهمر و يختار بنت من بنات القرية ويتزوجة وياخدها معاهو للجبل..
ولما موعدو يقرب ناس الحله كلهم بيخافو ويدسو بناتهم لكن هو برسل الغراب بتاعو يطير ويعزل ليهو احلى بت ويرمى ليهو تفاحة ع بيتها عشان الغول يعرف البيت..

وجا يوم طلوع الغول..




(فى بيت ناس فاطنة)


امها:-
ــ يابت فطومة لابسة ماشة وين؟؟

فطومة:-
ــ اجى يايمة نسيتى ماقلت ليك ماشة السوق اشترى لى عدسات لى خطوبة صاحبتى سلافة..

امها بى هجمة:-
ــ يابت انتى جنيتى ولا شنو الليلة مايوم الغول ومافى بت نصيحة تمشى تحوم برة..

فطومة:-
ــ ياامى غول شنو دة حنك منكم ساى عشان تهرشونا وبعدين انا ماشة كلها نص ساعة بمشى بى ركشة وبجى بى ركشة..

امها:-
ــ يابتى خليهو لي بكرة وانتى ماخايفة من الغول ولا شنو..

فطومة وهى تشيل شنطتها وتختها فى كتفها:-
ــ امى انتى شوفتى الغول دة؟؟

امها بحيرة واستسلام:-
ــ لا لا.!!!

فطومة وتضحك وتتجة الى الباب:-
ــ خلاس ياخ يلا باى خمس دقايق بس ماتقلقى..

ثم تنظر الى عتبة الباب بحيرة وهى تغمغم:-
ــ ياربى التفاحة دى الجابة هنا شنو؟؟


ثم خرجت وتوجهت الى الزلط وهى ترفع يدها وتاشر وتصيح:-
ــ ركشششششششششششششششششششششة..

يتبــــــــــــــــــــع..

[بسمة الحياة]

هههههههههههه

خيال وااااسع خلاص

اها كمل متابعين

[Hamaada]

الحلقة الثانيـــــه..

ــ ركششششششششششششششششششششة.

كيييييييييييييييييييييييييك فرام الركشة ورجع خلف وقف الركشة وسال فطومة:-
_ ماشة وين.


فطومة:-
ــ السوق لوسمحت..


بتاع الركشة:-
ــ اتفضلى..


فطومة:-
ــ بديك خمسين قرش (مالكم دة العملة فى 1865م) اوكى..


بتاع الركشة:-
ــ مامشكلة ارح..


ارررررررررررر ارررررررررررر فوووووووووم اررررررررررر..


فطومة فجاءه:-
ــ هى انتة رحتة ولا شنو دة ماشارع السوق..!!


بتاع الركشة بابتسامه خبيثة:-
ــ ااى ااى عارف دة شارع مختصر بعدين ناس المرور قاصين هناك وانا ماعندى رخصة..


فاطنه:-
ــ اوكى..


ررررررررررررررررر اررررر فوووووووووووووور رررررر ارررررررررر


فطومة تانى بخوف:-
ــ لو سمحت انتة ماشى ع الجبل ولا شنو ياخ نحن كدة بعدنا وانا اتاخرت..


بتاع الركشة:-
ــ جبل شنو انتظرى بس وانا ح اوصلك اسى ماتكوركى..


ارررررررررررررر فوووووووووووور ارررررررررررررر


فطومة وهى تمسك بتاع الركشة بخوف من قميصة:-
ــ لو سمحت رجعنى البت طيب انا ماماشة السوق زاتو..


بتاع الركشة بخشونة:-
ــ لعب هو مابرجعك ولا ااى شى نحن اتفقنا خلاص..


فطومة والدموع خلاص بقت اربعة اربعة:-
ــ ياخ رجعنى وبديك قروشك الحتة دى مخيفة والله..


فجاءه تحول بتاع الركشة الى غراب ضخم وصاح بصوت مرعب :-
ــ اسكتى ساى ما اسمع صوتك.. والله بديك كفين اسى..


فطومة وهى تبكى:-
ــ خلاص انا اسفة ح اسكت بس ماتأذينى.. اهي اعى اهى اهى اهى ..ياريت لو سمعت كلام امى وماطلعت..


ارررررررررررررررررررا فوووووووووووووور

اخترقت الركشة الجبل الاسود الرهيب وهى تجتاز اشجار مخيفة وسط ظلام غريب واسراب الخفافيش تحوم حول الركشة فى جو مرعب وفطومة منكمشة فى مقعد الركشة بالخلف وهى تبكى ع حظها المنيل..


وفجاءه يطل طريق نظيف محفوف بالورود ينتهى الى فيلا سوداء انيقة تحيط بها اشجار الفاكهة ويتوسطها حوض سباحة و وتغرد حولها العصافير فنست فطومة خوفها وهتفت بانبهار:-
ــ دى فيلا منو؟؟


الغراب بزهو:-
ــ دى فيلا السيد الغول..


فطومة :-
ــ لا لا رهيبة عديل..



اجتاز الغراب المدخل بالركشة بعد ان اتم اجرات الفحص الامنى من حرس الغول بواسطة الاشعة بين الكحلية وتحت الخضراء وفحص مسامات الاضان ومطابقة العطسة الجينية..

وتقدم الى الفيلا وامسك فطومة بقسوة من يدها وجرها الى الدخل وهى تحاول التخلص منة فى استمامتة..
قادة الى ممر طويل سراميك (مراية بس) ودخل بها الى صالة كبيرة فيها شاشة بلازما 60 بوصة و موكيت لحدى الركبة ونجف نيم بس..

وهتف الغراب:-
ــ هندى فاطنة ياسيدى الغول..


ومن مكان مظلم فى ركن الصالة ظهر الغول كان ضخما لة جسد غوريلا وعيون حمراء زى الجمرة ورائحة قزرة زى ريحة الشراب و اسنان حادة وتقدم من فاطمة وهو يبتسم بقبح وهو يقول:-
ــ لا لا والله ياغروبى البت عسل زوقك اتحسن فى الـ20 سنة الفاتت دى..


الغراب بابتسامة:-
ــ اشكرك سيدى دة بفضل توجيهاتك ..
وغمغم الغراب فى سرو (عسل شنو ع الطلاق البت دى كريمات ساى..)


فطومة بقوة وثقة:-
ــ غول ولا بتاع.. انا ماخايفة منك ولو سمحتة رجعنى بيتنا انا عندى حفلة ماشة احصلة..


الغول عمل كدة>> وهو يقول:-
ــ دة شنو دة؟؟ والله الغيلان هيبتها راحت.. البت ولا خايفة زاتو منى..؟؟!!


فطومة وهى تتقدم نحو الباب :-
ــ ااى ماخايفة ح تعمل شنو يعنى..


نظر الغول لى فطومة بغضب وهو يقول:-
ــ ح اعمل شنو طيب..


اشارا اى تمثال متقن لفتاة مصنوع من الحجر ثم نظر الية وهو يتمتم بكلمات وفجاءه تحول التمثال الى فتاة حية ثم سقطت ع الارض وهى تهتف (الفتاه طبعا ً):-
ــ سيدى الغول انا اسفة ارجوك ماتحولنى تانى تمثال لمدة 20 سنة ارجوووووووك ح انفذ كل رغباتك بلييييييييييييز..


وقبل ان تنتهى من كلامها اعادها الغول مرة اخرى الى تمثال وهو يقول لفاطنة:-
ــ تحبى احولك لى جبنة مضفرة واديك للغراب دة يفطر بيك..؟؟


فطومة بغضب:-
ــ خلاث.. خلاث.. جبنة شنو انته غول عبيط ولا شنو!! انا موافقه خلاث ع الزواج بس عندى شروط..


الغول وهو يفكر اممممممممممممم:-
ــ اوكى بس ماتقولى عاوزة ندى القلعة فى رقيص العروس انا ح اجيب زهرمان.. اتفقنا..؟؟


فطومة بطمع:-
ــ اوكى اتفقنا.. بس ح تحقق كل شروطى الباقية..


الغول وهو يبتسم:-
ــ ااى ااى كل شروطك مجابة ياعسلنا انتى..

يتبــــــــــــــع..

[ملاك الورد]

ههههههههههههههه
و الله يا حماده ما عارفه لحدي هسي عدت القصه دي كم مره
ما شاء الله لكن سيناريو تحفه
منتظرين باقي القصه بالرؤية الحديثه :D
و سلم لي على الغول

ميآآآآو ...

[الحلاوية]

[align=center]هههههههههههه
رهيييييييييييييييييبة
بس وين التكملة
اندمجنا خلاص[/align][/size]