اولا ازيكم وان شاء تمام وما في عوجة
طبعا انا امتحنتة الشهادة السودانية السنة دي وفي انتظار النتيجة
اي زول ممتحن في الايام دي تلقاهو سرحان ولونو ازرق
وكان ناديتو يجرجر رجلينو ويجيك بعد ساعة
حيلو مهدود وراسو مليان كلام
واما الكوابيس والاحلام المزعجة خلوها ساي
تلقاهاو يضرب ويحسب كم غلطة والنسبة والجامعة
اما في ناس تانين ما شغالين بالكلام دا كلو
امكن كمان بدو يشترو في هدوم الجامعة وما شغالين بالنتيجة كتير
اي زول امتحن السنة دي يدخل يورينا شعورو
ويا جماعة ادعو لينا الله يوفقنا انا وما وراء بسمتي والتانين الانا ما عارفاهم
يلا انمشي اسرح تاني واضرب واحسب
والله انا ما شغالة بالموضوع كتير زيك بشترى فى هدوم الجامعة من هسي
وبفتش فى الكليات الحادخلها
يلا زى ما تيجى تيجى
انا عملت العلى والباقى على ربنا
يارب لا لا يا رب لطفك انا كل يوم بحلم انى ساقطة مواد ومواد كده اول مرة اسمع بيها فى حياتى سقطت فيها(عمركم سمعتو بماده اسمها تصوير واخراج افلام )اصلى حلمت انى ساقطة فيها
ههههههه واالله حالتكم حالة
انا لم كنت ممتحنة كنت زيكم وزيادة شوية كمان
وللان لم يجي موعد المؤتمر بخاف مع اني اتفكيت منه بس لسه بخاف من اسم الشهادة
والنتيجة والمؤتمر والتقديم والكوابيس دي
ربنا يوفقكم ونسمع بيكم في التلفزيون وتدخلوا الكليات العايزينها
رفعتى فى دينى ، ماوراء بسمتى ،مجنونة بس تجنن، ملكة الاحساس ،، وبت جيران بعد الزمن بالتوفيييييق ياااارب ،،بى جد حاسين بيكم ضغط وقلق وهم ،، ان شاء الله خير ،، ماتشيلو هم زى ما تجى تجى النجاح ما بيتقاس بالشهادة السودانية ،، المهم اى مجال تدخلوهو تكونو حابنو ومتفوقين فيهو ،، اوعى تدخلو حاجة ما راغبنها نصيحة ،، وبالجد دى البداية ليكم ما النهاية،،ربنايوفقكم وينور طريقكم
