قسمه ونصيب

[زوبه]

قسمة ونصيب
كل الدروب اتلونت
حتى القلوب اتلونت
اتلونت
اتغيرت
بعد الصفا وإلفه
ووفا
وسبب الجفا
قسمة ونصيب
يا لوعتي
في الدنيا دي
أي شيء
قسمة ونصيب
هجر الحبيب
قسمة ونصيب
جرح الحبيب
قسمة ونصيب
غدر الحبيب
قسمة ونصيب
يا قلبي
ما في إيدي شيء
غير أنو
أرضى واستجيب
عارفهو جرحك
ملتهب
ينزف نزيف
داير الطبيب
وين الطبيب
خاطري إنكسر
دمعي أنهمر
أصلو الطبيب
أبى واعتذر
وكان العذر
قسمة ونصيب
وأنا بعتذر ليك
يا قلب
رغم الجراحات والأسى
من وين أجيب ليك الطبيب
من وين أجيب
ليك الدواء
فوق الأرض
تحت الأرض
جنب القمر
حتى البحر
وأرجع وأقول
يا قلبي ما في إيدي شيء
عملت كل المستحيل
شان أسعدك
لكن أظن بس قسمتك
وجعه ونحيب
ما كل شيء
قسمة ونصيب

[الدغري]

لك التحية زوبة

على الابداع .......

القسمة والنصيب

شماعة اصبحت نعلق عليها

فشلنا في الكثير من الأشياء

وخاصة غدر الحبيب

[زوبه]

لك الشكر اخي الدغري وفعلا ان كل شئ قسمه ونصيب

[انفلونزا الحب]

روووعة يا مبدع

فعلا الدنيا قسمة ونــــــــصيب

[محمد سليمان]

لك التحية زوبة

على الابداع .......
لكالشكر والتقدير

[زوبه]

شكرا للاموره انفلونزا الحب والرائع محمد سليمان

[روج فوشي]

تسلم ايدينك يالغلا
ع الطررح

دمت كما تحبين

[زوبه]

تسلمي روج فوشي وشكرا على مرورك

[طلال الحكيم]

تحياتي ..
كلمات جميلة رغم أنها مفعمة بالأحزان ...
إلا أنها عبرت عن الواقع ..
كفيتي .. ووفـيتي ..
أسأل الله أن تكون قسمتك ونصيبك هي السعادة ..
لك التحية
وتقبلي وجودي هنا .

[سهيلي سعيد]

بسم الله
قسمه ونصيب
انحنا السودانين نستخدم هذه العباره عادة
عندما يتقدم او يخطب شخص اي فتاه ويرفضوا
يقوا الزواج قسمه ونصيب
وهذا صح
لكن ؟

كل شئ قسمه ونصيب
والقسمه بيد الله








اللهم لا تجعل الدنيا اكبر همنا



تقبلوا تحياتي
ومروري

[امينوف]

الرائعه زوبه

ماهو العجيب
الحب رهيب
والريد غريب
والدنيا تحلى مع المغيب
والصدفه لمان القدر إستجيب
عز الشمس نحس الهمبريب
ووسائد الغربه تتلاشى فى جلالة قعاد العنقريب
بالظبط ياهو الحبيب
سودان جميل صنديد مهيب
وناس الفه ومحنه وتوءم عسل زى هيبه وهيب
وتواضع نادر - هظار الفلاح والطبيب
وماغريب على وطناً ريدو زايد فى اللهيب
بس كلامى ليك ماتستسلمى والعيار البدوش مرات بصيب

[زوبه]

شكرا للرائعون طلال الحكيم وسهيلي سعيد وامينوف ومشاركتكم وكتاباتكم اجمل قسمه

[الضراع]

يالله علي الابــــــــــــــــــــداع
والله اي حاجة قسمة ونصيب
قلبي انجرح قسمة ونصيب
فاتو الحنان من الحنين
والريد شرد ........شرد
بقيت براي انا والانين
ماالحب عظيم
ودايما بقولو الريد
قسمة ونصيب
زوبة اي زوق واي كلمات
التي سطرتيها في صفحات هذا المنتدي
انا اشهد انك متألقة ومتزوقة للشعر
تحياتي بلاحدود