اسماء موضات فى الخرطوم تقشعر منها الابد

[mostafa00]

الاخوة الافاضل
تحية طيبة
قبل فترة كنت فى السودان وشفت ورايت ببعض الموضات واللبس والاسماء الغريبة التى تفقد الانسة والمراة الادب والحياء ولم توتى المراة بعد الاسلام خير من الحياء
تعالوا مع بعض نشوف اسماء الملابس وهى
لملابس الفاضحة تعرض بالمحلات التجارية بوسط الخرطوم وتحمل تلك الملابس النسائية أسماء تدل على الاستهتار بالقيم و الدين.. فتوجد بلوزة لا تغطى الاجزاء العلوية من صدر الفتاة تسمى مس كول وأخرى اشد خلاعة تسمى فصل الدين عن الدولة ، كاشف رقم ، اتحداك طلقني،لو سمحت كفكف لي،خطوة،حركة ...........
السؤال هو لماذا التهافت على مثل هذه الازياء التى لا تشبه قيمنا واخلاقنا ولا تتوافق مع هوية المجتمع السودانى وارثه الثقافى والدينى، ثم أين دور الاسرة ورب الأسرة على وجه الخصوص كيف يرتضي لفتياته ان يرتدين مثل هذه الملابس
وثم ما هي الاسباب هل هي تقليد للفضائيات
ام نحن شعب فاسد ام ماذا؟
ونحنا مشكلتنا فى التالى فى المجتمع الان
زمان .. كانت المرجله .. في الأخلاق والنخوه
هسع المرجله بقت قروش .. قدر العندك الناس تحترمك

..
زمان البت لي ود عمها ..
هسع تجيب ليك مفعوص من الجامعه ..
لو رفضتو بالقاضي تعرسو ..
وبعد كمين زمن يتطالقو ..
وينال منهم المجمع ما ينال ..

...
زمان .. أبوك وأهلك وناس الحله يربوك
هسع .. العيال كلام أبوهم ما يسمعو
...
زمان البت تعاين ليها تدنقر ..
هسع تعاين ليك جوه عينك لمن إنت تدنقر
...
زمان بالفي والمافي تعرس والناس كايسه سترة الحال
هسع .. لو ما ميسور ولا تفكر ..
...
زمان .. كلمة عيب كانت تمثل المعيار الأخلاقي
هسع لا عيب ولا حاجه دي حضاره وتقدم دون ذلك تخلف
...
زمان الناس هداوة البال
وإنت زمانك الترحال
قال تعالى « ان الله لا يغير ما بقوم حتى يغيروا ما بأنفسهم »
وانا اظن ان بيت القصيد فى المشكلة ان لكن الوازع الديني شبه إنعدم
إلا عند من رحم ربي .. أولياء الأمور زاتهم ما فاضين .. جارين وراء لقمة العيش
الواحد ما عندو وقت يربي أولادو ..

أهان الناس دي بتتربى كيفن .. بتربيهم القنوات الفضائية نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي اللقت فيهم أرض خصبه
لأنهم جيل .. ما متواصل مع الجيل القبلو .. ورافض ليهو عديل ..

لا وازع ديني .. لا ناس تربي .. نتيجه حتميه الشايفو إنت والشايفو أنا والشايفنو كلنا
طبعاً الكلام ده ما شامل الكل .. في ناس لسع قابضه على الجمر
الموضوع للنقاش لكى نغيير من حالنا المائل جدا وديراين نسمع راى الشباب والجيل الجديد

مصطفى نور الاسلام

[ذكرى الجراح]

والله يا اخ مصطفى كلامك القلتو كلو صح ومافيو نقطه غلط وانا بصراحه بقيت احزن لحال مش البنات بس حتى الاولاد بقى عندوم حاجات غريبه زمان الشعب السوداني مفخره للأخلاق والقيم والعادات السودانيه القديمه زمان البت مابتخاف من اهله وبس لا بتخاف من اعمامه خيلانه اخوانه حتى ولد الجيران حسي العكس تمامآ ويمكن البنشوفوا في القنوات الفضائيه السودانيه خير دليل على ذلك أما الاولاد حاجه تانيه لاقرايه ولا شغل عشان يساعدو اهلوم بالعس كلام شماسه وطبعآ الحاجات المعروفه للشباب من غير ماأنا اقوله ولكن ده مابيمنع من وجود البنت المحترمه ولا من وجود الراجل الشهم الغيور على مش أخواتو بس لا على بنات حلتو كمان و بصراحه انا مابرجع الكلام ده على القنوات الفضائيه ولا على صراع الموضى والحضارات‘‘‘‘‘‘‘‘ الكلام ده من الناس انفسم لأنو دينا الاسلامي زي ماهو؛؛؛؛؛؛؛ صالح لكل زمان ومكان والزمن ياهو الزمن؛؛؛؛ مانعلق أي شي فيو ساي هو صح إتغير بس مافي الحاجات ديه حاجات تانيه بعيده خالص عن الحاجات ديه وماننسى (نعيب زماننا والعيب فينا ومالزماننا عيب سوانا)

تقبل مشاركتي

[بعد الزمن]

اولا نحن ليس شعب فاسد

ثانيا : الحق على وزارة التجارة
وناس الجمارك والضرائب
ليه يخلوا بضائع زي كدا
تدخل البلد , مع انوا القانون
واضح , يمنع مثل هذه الاشياء


وشكرا

[ود أب دقن]

بعد غيبة طويلة شدني هذا البوست الرائع الذي يدل على أصالة كاتبه وعمق ايمانه
زادك الله من قضله وحفظك وايانا من ما يحدث والله يكون قي العون

[عمار ود الشرفه]

طيب انت لو دخلت جامعه من الجامعات تقول شنو ؟؟؟
بنات انا ماعارف الواحده بتطلع من بيت ايوها باللبس دا كيف ؟؟؟
وبكل صراحه ووضوح اصبح الجتمع يتقبل كل هذا ...
وشر الزمان ما اجتمع فيه فساد الراعي والرعيه ... لك التحيه علي الموضوع ... وتقبل مروري

[سهيلي سعيد]

لا يمكنان نضع اللوم علي البنات
وانت لماتحدثت تكلمت عن البنات بصفه عامه
وانا لا اوافقك في هذا الراي
والله في بنات في الجامعات تستحي ان تتحدث معهم من شدة الادب
في اي مجتوع في الصالح والطالح
والفساد لما يكتر الخير يصبح اقل
وهنا البنات محترمات





تقبلو ردي
وانااسف علي انتقاد الموضوع
ودامت ايامكم حب وفرح



تقبلوا تحياتي

[مهاجر في البلد]

الاخ مصطفى نور الاسلام والاخوة المتداخلون

السلام عليكم ورحمة الله وبركاته

في مختصر سرد الاخ مصطفى نجد ان اللوم على البنات والابناء لأنهم

مابسمعو كلام ابائهم
ادمنو القنوات الفضائية والانترنت
البنات اقبلن على موضة زات اسماء توحي الى اشياء رزيلة
الابناء لا يكترثون الى شيء

الاخ بعد الزمن زكر ان الدولة لماذا تسمح بدخول هذه الاشياء ووزارة التجارة

الاخ ود الشرفة والسهيلي ركزوا على ان البنات في الجامعات يجعلنك تستغرب كثيرا
اللبس خليع وكيف طلعوا كده من بيت اهلهم

كلنا نتحدث ونكتب عن الفساد الاخلاقي والبنات وطريقة اللبس والخلاعة وبعض المياعة من الاولاد في الجامعات ,,, اولاد السستم والشعر المفلفل ولبس البلوزات الضيقة والسلاسل والنظارات الشمسية بتاعت البنات

هنا ربما اختلط على البعض بعض الامور

لكن !!!!!!!

اللوم قالو بجي بي الغفلات

اللوم على مين ,,, من الذي احضر القناة الفضائية وتركها مباحة ومن الذي احضر النت وهيأ غرفة خاصة دون تدخل في الشئون الخاصة للبنت او الولد
من الذي يغض الطرف عن ( انا ماشة بايتة عند ناس صاحبتي ) دون التأكد هل هنالك صاحبة ام ماذا وعزره هنا يقول لك انا زول وواثق من بنتي وبنتي كبرت وعارفة مصلحتها
من الذي لا يعرف ابنه في اي مستوى من الدراسة
الاب لا يملك ما يكفي اسرته لنصفق اليوم والبنت تحمل جوال قيمته تكفي الاسرة لمدة نصف عام مع الترف

لا نقول ان الظروف الاقتصادية هي التي ادت الى ذلك

هل يوم الحساب نقول الى الله ان الظرف الاقتصادي هو السبب في اننا لم نربي بناتنا وابنائنا على الاخلاق الرفيعة والعفة والدين هل نقول الى الله تعالى ان الرؤساء والحكومة هي السبب في ان نجعل بناتنا يعشقن اللبس الخليع والتبرج
هل عزرنا يوم الحساب ان نقول ذلك الى الجبار ونحسب ان الله تعالى سيقول لنا ادخلو الجنة فانتم مغلوبون على امركم

اخواني واخواتي انا اعرف ان بناتنا اشرف وانقى بنات لو تم قياس الامر عالميا مهما حدث

ولكن الخص هذا الخطاب القصير في ان السبب الرئيسي في تدهور الاخلاق

عدم التربية الصحيحة والمتابعة والحث على الاخلاق الرفيغة
عدم تمكن الدين في مفوس الاسر
عدم استصحابنا معية الله تعالى

ارجعوا الى اخوانكم الشباب واخواتكم المراهقات وفي الجامعات
كونو اصدقائهم اعرفو بعض احوالهم
لاحظو التغيرات وطريقة اللبس

يمكن ان يكون النهي والزجر بطرق رائعة وبدون قسوة وبدون عنف

في الختام

الاسرة هي نواة المجتمع ومن هذه النواة يتخرج الى المجتمع الصالح وقد ياتي الطالح

مع خالص ودي

[أبعاج]

[frame="7 80"]والله يامحمد نحن دائما ناسنا بيسوى شين !!الناس بتطلع حبه حبه نحن صاروخ طوالى ,,يعنى أنتقال سريع من الحشمه والادب ,الى الخلاعه وشراب الشيشه فى القهاوى للبنات ,, مره واحده , ولاواحد بيقول بغم !! وحتى شيوخنا صمتوا صمت الحملان !! وكأن هذا الشىء عاجبهم ,لاتوعيه دينيه ولا إرشاد! كل االقنوات السودانيه ,, نجوم الغد وربك يهون , والغريق جاى !!![/frame]

[رفعتي في ديني]

لا حولة ولا قوة
يعصون الله علي ارضة ومن نعمة
اللهم اسالك الهداية لي ولجميع المسلمين والمسلمات