المشرف: بانه
مشكوووور ابو صديقأبو صديق كتب:بالجد إبداع وأنت تنقلنا من تشويق
إلي إمتاع لمّن بيغاادي
يلأ ياخي الحكاية شنو تراويح
أرح أمرق الجنا النعجة ده بعج بطن أبرياله
ألكع يا عييييييييك
سوداني2010 كتب:القصه ناقصه ياجنا اها ابقي مارق لي جاي
ودكبوشيه كتب:الشمالي :
والكم الهائل من الابداع
اقف مكتوف الايدي
سلمت
الشمّالي كتب:
عـــــــــــــــــــــــدنا
اها يا الجنيات مع بداية المصارعة ولقطات المقدمة السريعة ديك كان تشووف هاشم النعجة طااار فوق متل الديك ونزل بكوعو عديل علي كريشة حسن ابريالة وقبل يصل الكريشة قابلو العنقريب والجنا كراااب طااخ فلخ العنقريب علي فقشتين وواصل طريقو علي كريشة حسن ابريالة علا يالاخوان ضربة العنقريب دي هدنت اندفااع الجنا والمسنوح ده , والزول علي شوية كان بودي حسن المقابر راسو عديل , والجنا لما حصل الواطة وتسمع طااااخ بعدها الغبار ربط في السماء وما شفت اي شي بس كان تسمع اه اه عوووووي وعوووووع وللللي يدي انفكت , كريشتي انبعجت عووووع ولما الغبار انقشع كا نشوفلك هاشم ممدد في الواطة ويكووورك يدي انفكّت والجنا حسن ابريالة ممدد علي بطنو وعيني اتشلقن في السماء لا بودي لا بجيب , اها في واحد من الشبااااب ديل باقي عندو حبة خبرة عمل لي حسن ابريالة تنفس صناعي وشممناهو بصلة حتي الجنا فتّح عينيهو بس الجنا مما فتح عينيهو طلّع الفي بطنو كلها (استفرغ) شي كسرة بروووب وشي بصل محرووق وشيتا اسود كدة ضنيتو شيط وملاح ام بقبق بايت وام فتفت ها جنا حسن الصاقعة التخلي وطاتك خلا شن مياكل انت ؟ رددها ود الضهبان وهو يضحك وخشمو مفتوح علي اخره وسنونو المسوسات ومهرمات متل حبّ البطيخ , اما الجناء هاشم النعجة طلع صحي نعجة مع يدو الانفكت دي قام عليهو عم ابراهيم ده بتنه بتنه (جلده) لامن يموت ما ينساها , ومن بكانو دااك ودوهو علي بصير الحلة عشاان يوقع ليهو يدو الانفصلت ,اما حسن ابريالة ربنا لطف عليهو وستر , اها بعداك الناس الكبار قالو الا ايتموا بااقي المصارعة والحصل حصل وبسيطة ومن اول جولة وتعااال شووف الجماعة والتعليقات , ود النعيمة شفت الجنا ابشعرن احمر ده باقي لي خطر , شوف فقرتو كان سنكيت جمل ناس التاي الاعور , كان تسمع عمر العوقة هووي المصيبة الجاية بتجري دي مرة ولا راجل , مرة كيفن اجنا هي شوف الشعر طواال كيف , هي يمين راجل , وبدات الناس تشجع ده مع ابشعر احمر وداك مع ابو عضلات وده مع الزوول الرقّاص وده مع الطائر ومن تبدي الجولة الانفاااس دي تقيف والناااس مشدوهه علا جنس حالتن وفي النوع البنفعل مع الاحداث وشوف عيني ود النعيمة حااال ما انفعل اي حركة يسوها المصارعين طواالي بيان بالعمل ببرة ومعاها عضة لسااان وصرة عين , واي نظرية تتطبق في التلفزيون صاحبنا بره بس كان تسمع الجنبو يكورك اه اه يا ود النعيمة ياخي ما تشلّت فينا وطبعا دي انفعالة ركلة هوائية وشال لك الجنا عليش فت جدعو زرقوا تحت العنقريب , علا يالحبان مع سخانة المصارعة كان الجو مولع نااار والغرفة دي ريحة طير طير , جاء داخل عم اللمين ود حمد هااا ناس انتوا ما بستحموا ريحتكم العجيبة ردّ عليهو الرفيع ود التاية :- نحن بنستحمي عمي اللمين , والرفيع ده من الوسخ لمن لونوا قَلب , هسي في ذمتك الرفيع ابرويس اخر مرة استحميت متين؟ , رد الرفيع بفرح والله استحميت عيد الضحية الفات وعيد الضحية الفات ده مرة عليهو تسعة شهور , الكترابة تسعة شهور يالرفيع , اها من جات المصيبة الاسمي التلزون دي اللعب بدل الرمة وحراسة وشليل اللعب بقي مصارعة ساااكت وكل يوم طاقين ليهم او فالقين واحد غايتو جنس حال ده مسمي روحو سالتانا طبعا قاصد (سانتانا) والعتب علي السمع والخشم الما اتعود علي الاسامي الاجنبية وهاشم النعجة بوكيت مان (بوقي مان) حتي الرضاء ابصلعة سمي روحوا ماااك يون ( ماك يونغ) .وبداءت منذ ذلك الاشياء تتغير ده حالتوا تلفزيون وكمان ابيض واسود وحتي اللهجة اتغيرت وبعد فترة المسجد جابو ليهو دينمو (بابور كهرباء) وده كان فيلم لحالو والبنات يووم الدينمو ده ركبوهو بقت تغني النور ولع فاطنة تتدلع والنو همد (طفي ) عشة بت .......
......................
وخليكم قريبين
بعد الزمن كتب:
والله دي معركة حامية الوطيس
برمة:
ياخي انت غيرت العنوان البوست دي وجهجهتنى جنس جهجهة
لما قمت اكورك زي ام الحسن وين الحسن
واصل الغنى بتاع البنوتات
اوعى فاطنى دي تكون
ويعيش احمد عرابي وتحيا الوحدةأبو صديق كتب:هلّا هلّا تعيش الحكومة
وعقبال البيّارة
بلدنا ود الضو حاج النور
أكتل اللمبة أغمت الزول
يلأ خلينا نشوف الجنا تير( الجناريتر) سريع
سوداني2010 كتب:ابداع اخي واتمني لك مزيدا من التقدم وراجين منك باقي القصه
تقبل مروري
الشمّالى ازيك وينك منتظرين باقى القصة تعال بى جاى كمل لينا القصةالشمّالي كتب:عـــــــــــــــــــــدنا
بعد التغيرات الجديدة هاشم النعجة سمي روحو (نظرة) وصلاح سمي روحو سانتانا , ورحل شليل وشال عضمو واختفت الرمّة وحراسة , وغادرت لعبة (تعول ليو)الغميضة و و و و اشياء اخري جميلة , المهم ناااس الحلة وبعض الناااس المريشين قالوا لازم نعمل جننيتر كهربا للمسجد واليوم داك جو الكهربائيين للتركيب والتوصيل وقالوا كده الجماعة اتلمو هااا زوووول شن بتسو في ؟ يعني بتسوي في شنو ؟ ده احمد ابهرم بسأل في واحد من المهندسين ,وصلاح ابريالة لفّ علي الحلة بيت بيت عشااان يكلمهم و واثناء التركيب وانشغال المهندسين , الجماعة قعدوا يتونسوا , انت عارف يا حميدان الداهية دي قاااالو
ختره (خطرة) البتمسكو ده يمين تفكوا عبوب ,كاااااك لكن يا يالشرفان اخوي قالوا ليك البطقوا الكهرباء ده النااااس يضربو بالخشب والعيدان والعككز , كان تسمع جعفر الكيشة كان كده عكااازي المضبب ده بكسرو تب فوق راس زوووول والبجري مننا ده والله سنة للحول ننتظروا . الجماعة شغالين ونسة والمهندسين تركيب لما جات الساعة 12 ظهرا اي وااحد جاء شايل ليهو جردل عكااارة (وموص ) والشائل ليهو جردل ليمون والشائل ليهو غبااااشة كيييف النااااس في الكرم ده ما بقصروا تب المهم رغم غرابة المشروبات الغازية دي (كاااااااك) علي المهندسين انبسطوا تب وفي واااحد من المهندسين ديل حال الغباااشة ما عجبتوا لمن الجردل ده قلعوه منو قلع , وبعد داك القهوة دورت وفووووق دويرت القهوة دي جاء ثلاتة الجيلي والفاضل وبركاااات اي واحد جاب خرووووف وكع العرب ديل ضبحو الخرفان والعتان (العتود) ديل ما بدن الدرب (هع حرم ديل اهلي), المهندسين ديل لما شااافو الدماء دي سالت جداول الخلعة الدخلت فيهم اتلقي للان ما مرقت منهم وانبسطوا اخر انبساااط وجدعوا ليهم خروفين في عربيتهم المهم العصر المهندسين انتهوا وجات التجربة والعالمين ديل الاعمي شائل المكسر وبداو يدورو في الدينمو رغر غغرغ وفي المرة التالتة البتاع لما قااال رووووو عمر الاطرش ده قاااام جاري والجماعة مسكوا جنب المقابر وفي واحدة من النسووووان حال ما انخلعت فكتها زغروووودة ومعاها جرية ما وقفقت الا في بيتها كان هاااا زول علب اللمبة , ها جني علب الضي البره و و و ......................................
الجوع كااااافر وانا جعت
خليكم قريبين ولي عوووودة
ام مودة كتب:الشمّالى ازيك وينك منتظرين باقى القصة تعال بى جاى كمل لينا القصة
تحياتى
مشكور تسلم منتظرين ابداعاتكالشمّالي كتب:اتخيلي ياا ام مودة نزلت مشاركتين لكن اتحذفوا
بسبب مشكلة المنتدي قبل 10 يوم لكن عشان
خاطرك امزلم تاني واسعدني مرورك
جــــــــــداد بسميرة كتب:الشمالي يامدبع ومتميز
بس انتو حلتكم دي مافيها زول ماعندوا اسم كويس
الاسامي دي حقيقية ولا من نسج الخيال
وتاني ست نور وبناتها مابحضروا معاكم
ولا ناسك العجيبين ديل مامدنهم فرصة
لازم تورينا الحصل شنو بعد
وصولو ليكم الكهرباء
كااااااااااية
انت كااااااااااااااااك دي بتاعت الدجاج
ولا واحدة تانية
ايديك العافية ام مودةام مودة كتب:مشكور تسلم منتظرين ابداعاتك
تحياتى
