روايتى الاولى (ارجوك لا تتركنى)

[بنت العمدة]

احببت ان اشارككم بعض كتاباتى التى اعشقها بعد ان ينام الناس امسك قلمى وابحر مع مخيلتى لانسج لكم هذه التى لا اعرف حتى الان نهايتها واتمنى منكم مشاركتى برودكم ان كانت تصويبا لى او انتقادا لى فى شي فعلى استفد من خبراتكم
وكما قال عمر بن الخطاب "رحم الله امرئ اهدى الى عيوبي "

اترككم الان فانا اكره الاطالة



الفصل الاول :

اعرفكم على شخصيات
القصة تدور احداثها عن العمل فى مكتب التحقيقات الجنائية والبطلة هى
الانسة هناء :انا المحققة الرئيسية بالمكتب عمرى 23 سنة شخصيتى جادة ويقولون ان قلبي قاسي لكن هناك الكثير عنى لا يعرف الاخرون احب ان اكون كتومة لا يعرف الاخرون عنى غير انى امراة ناجحة فى عملها فاشلة اجتماعيا يظنون انى سعيدة لانى غنية ومشهورة لكن من الصعب ان تعيش وحيدا فى هذا العالم ..


نجلاء :تتخصص فى الطب الجنائى " يعنى بتتعامل مع الجثث والموتى "
وهى انسانة طيبة جدا عمرها 25 سنة تحاول تصادق هناءلانها غامضة جدا وهى خطيبة منتصر ح اوريكم هو منو.


منتصر :ده المدير العام بتاع مكتب الاستخبارات " والله طلعتى خطيرة يا نجلاء "
شخصيتو جادة جدا بس يموت فى حاجة اسمها نجلاء ما يرضي فيها اى كلمة وعمرو 32 سنة

ماجد : عدو هناء اللدود ما يتلمو فى حتة ابدا عمرو 29 سنة هو الخبير بتاع الحواسيب يعنى تقدرو تقولو عبقرى حواسيب "اى عارف" اووووووووووف واهم صفة عندو انو مغرور لابعد درجة عشان كده هناء بتكرهو لكن كمان وسيم لابعد درجة كل البنات بيذوبوب لما يكلمهن الا هناء بتكرهو لدرجة ما تتصوروها وهو كمان ما يطيقها يعتبرها متخلفة وجاهلة لا نها ما تعرف تلبس على الموضة رغم انها غنية .


شادى و رامى : الاتنين صحفيين يعنى ناس شمارات حاشرين نفسهم فى اى حاجة بس وقت الجد يبقو جادين .

بس دى شخصيات اساسية و حنتعرف على شخصيات اخرى .

نبدا :

كنت اجلس على مكتبي اتابع اخر اخبار الساعة حيرنى ذلك القاتل الذى لا نعلم عنه اى شي لا نعلم حتى اذا كان هو او هى . فقط يترك اسمه الغريب بعض الشي (ارجوك لا تتركنى)
نعم هذا هو اسمه بصراحة 3 سنوات وانا جارية وراهو بحاول اعرفو بيختفى بسرعة البرق من اى مكان يمشي ليهو ومن غير ما يترك خلفه اى دليل ولا حتى شعره آآآآآآآآآآآآآآآآآآآآآآآه بالجد ارهقتنى بس انا وراك والزمن طويل وانا بفكر بعمق .........

ا. منتصر :هناء تعالى بسرعة فى قاعة الاجتماعات . وطلع بنفس السرعة اللى دخل بيها
" ان شاء الله خير " اخدت الجاكيت تبعى وطلعت .

كانت القاعة فاضية بس سامعة صوت كعب حذائى وبسرعة دخل منتصر ونجلاء و الفقر ماجد و

دقيقة دقيقة دى منو دى لااااااااااااااا ما تقولو لى متدربة جديدة .
بعد ما قعدنا
ا. منتصر :السلام عليكم
الكل : وعليكم السلام
: طبعا انا جمعتكم هنا عشان انتو احسن ناس فى جهاز الاستخبارات رغم صغر سنكم ....
نجلاء :وانت يعنى الكبير .
ماجد: اها بدينا ......... وانت يا استاذ منتصر لو منادينا بس عشان تقول لي انى احسن زول فمتشكر وانا عارف نفسي
منتصر : اولا نزل رجلينك من الطاولة وثانيا انا قلت كلكم ما خصصت زول هنا
" هههههههههههههههههه شاكوش جامد يا ماجد" دى هناء طبعا والشماتة
منتصر : المهم دى رنا طالبة متفوقة فى كليتها و حاليا هى فى الاجازة وانا طلب منى انى اخليها تشتغل معانا عشان الخدمة لالزامية وكده وانا اخترت نجلاء عشان .....
هناء : عشان تبقى المشرفة عليها يلا خلاص فهمنا انا ماشة. وتطلع قبل ما تصل الباب
منتصر بنبرة حادة: هناء استني هناء ما عشان انتى احسن واحدة هنا ترفعى راسك غيرت رائى انتى اللى حتمسكي اشرافها .وكلامى انتهى وطلع وقفل الباب باقصي قوتو
وطبعا نجلاء طلعت واره
هناء استوعبت الكلام بعد مسافة : شنوووووووووووووووووو انا ما بجالس الاطفال ما بمسك الشافعة دى استحالة ام........
ماجد: اعملى حسابك ممكن تترفدى كلام المدير وانتى تنفذى يا ...........سوبر نانى ههههههههههههههههههههههههههههههههههههههههههههههههههههههه
وطلع
نظرت لرنا التى بدات عيناها فى ذرف الدموع نسيت تماما وجودها آآآآآآآآآآآىخ انا غبية
ركضت بسرعة رنا الى الخارج وتركتنى بين متالمة لدموعها و غاضبة من تصرفى الغبي لو لم انهض واقل كلامى الفارغ لما اصبحت مسؤلة عنها .
هذه هى مشكلتى الكل يحسبني عديمة الاحساس لكن قلبي يتقطع عندما ارى شخصا يبكى .

مرت 3 ساعات ولم ارى وجه تلك المخلوقة
لا يهم كل ما افكر فيه الان هو كوب من القهوة فى طريقي الى مكتبي لمحت تلك الصغيرة تركض خارجة من مكتبي تفاجأت من تصرفها الوقح كيف تجرؤ على اقتحام مكتبي سوف أ..........

لم اصدق عيناى مكتبي مرتب ونظيف ما هذه الرائحة العطرة تفوح منه رائحة الياسمين من اين عرفت انى اعشق ورود الياسمين لحظة رائحة القهوة دخان يتصاعد من كوبي الاسود الكبير اغرتنى تلك الرائحة
لقد صنعت لى فنجان قهوة لقد ظلمتها بتفكيرى هذه هى مشكلتى ..
ا
انتهى الدوام لا اعلم كم مكثت داخل المكتب اقلب صفحات الماضي جرائم حللتها واخرى اقصد واحدة لم احلها تحيرنى آآآآآآآآآآآآآىه ارجو الا تكون نقطة سوداء فى حياتى اى نقطة فانا ماضي كله اسود

خرجت من المكتب بعد ان حملت حقيبتي الكبيرة و مفاتيح سيارتى
وفى الطريق رايت........................

بس الفصل الاول انتهى او بالاحرى يدينى وجعونى يلا اشوفكم لما االف الباقي
ولا تنسوتوقعاتكم ح يحصل شنو = ردودكم ربي لا يحرمنى منها

[بنت العمدة]

ما فى ردود يعنى هيروح لسلة المحذوفات كمان

[أبو صديق]

ما فى ردود يعنى هيروح لسلة المحذوفات كمان

لا بالعكس حا تتعبي من الردود وبداية موفقة ومنتظرين باقي الرواية وما تحرمينا يا باشمهندسة من روائعك وكمان ما تيأسي من أول الطريق وأعتبري أنّك بتكتبي لنفسك وهنا ســلة محذوفات

[The Sniper]

والله روايتك مبالغة

طلعت مبدعة كمان


كدا عرفنا عنك حاجة تانية غير انك مصارعة مشهورة

طلعتي كاتبة لا يشق لها غبار

واصلي ونحن في انتظارك

[انفلونزا الحب]

صراااحة رواية جميلة جدا

ومعروفة دائما مميزة وتاتي بالجديد

تسلم ايديك يا عسل

[سوداني2010]

روايه رائعه كروعتك لكن اقول حاجه بدل ماتقري هندسه شايف افضل ليك تواصلي في الموهبه دي وانشاء الله حتشتهري وتكوني كاتبه معروفه ولاشنو ياجماعه
تقبلي مروري

[بنت العمدة]

لا بالعكس حا تتعبي من الردود وبداية موفقة ومنتظرين باقي الرواية وما تحرمينا يا باشمهندسة من روائعك وكمان ما تيأسي من أول الطريق وأعتبري أنّك بتكتبي لنفسك وهنا ســلة محذوفات

مشكوووووووووووووووووور بالجد ابو صديق على الرد االجميل

[بنت العمدة]

والله روايتك مبالغة

طلعت مبدعة كمان


كدا عرفنا عنك حاجة تانية غير انك مصارعة مشهورة

طلعتي كاتبة لا يشق لها غبار

واصلي ونحن في انتظارك

مصارعة دى حلوة و الاحلى لا يشق لها غبار كنت قايلاك نسيت العرببي خالص يعنى هندى بس على العموم اسعدنى مرورك يا زوق

[بنت العمدة]

صراااحة رواية جميلة جدا

ومعروفة دائما مميزة وتاتي بالجديد

تسلم ايديك يا عسل

انفلونزا بالجد انا محتاجة ليكى فى الرواية دى لازم تعادينى بالحب لانى زيرو فى الحاجات دى والرومانسيات بس بحاول اكتب على قد البقدر عليهو نورتى

[بنت العمدة]

روايه رائعه كروعتك لكن اقول حاجه بدل ماتقري هندسه شايف افضل ليك تواصلي في الموهبه دي وانشاء الله حتشتهري وتكوني كاتبه معروفه ولاشنو ياجماعه
تقبلي مروري

سودانى 2010 وانا اقول النور ده من وين ( ما تصدق كمان)
لا لا احسن الهندسة دى مضمونة ودى خليها هواية جانبية

[مرسال الشوق]

مشكوورة جدا علي الطرح الجميل وفعلا روايتك حلوووة وجميلة ليه بس مختفيه بين الاطلال نرجو ان تفكي عنان وقيود هذا القلم المدهب حتي تأتينا بكل ماهو جميل وشيق
ونحن في الانتظار لبقية الرواية
فلا تجعلينا نملء الانتظار
وتقبلي مروري المتواضع
مرسال الشوووووق ،،،

[بنت العمدة]

مشكوورة جدا علي الطرح الجميل وفعلا روايتك حلوووة وجميلة ليه بس مختفيه بين الاطلال نرجو ان تفكي عنان وقيود هذا القلم المدهب حتي تأتينا بكل ماهو جميل وشيق
ونحن في الانتظار لبقية الرواية
فلا تجعلينا نملء الانتظار
وتقبلي مروري المتواضع
مرسال الشوووووق ،،،

ما راح اتاخر لانى فاضية متواجدة على مدار ال24 ساعة اليوم كلو بفكر فى كتابة الرواية وكيف ستنتهي
وبس اليوم اعذرونى ما بقدر اكتب لاسباب تتعلق بوجع الراس
غدا ان شاء الله ح انزل الجزء الثانى
تسلم على المرور يا مرسااااااااااااال الشوووووووووووق

[مرسال الشوق]

ما راح اتاخر لانى فاضية متواجدة على مدار ال24 ساعة اليوم كلو بفكر فى كتابة الرواية وكيف ستنتهي
وبس اليوم اعذرونى ما بقدر اكتب لاسباب تتعلق بوجع الراس
غدا ان شاء الله ح انزل الجزء الثانى
تسلم على المرور يا مرسااااااااااااال الشوووووووووووق

تسلمي من كل اذي ... وان شاء الله اجر وكفارة
بس اشربي ليك كباية شب كبيرة شاي صاموتي
واخدي ليك نووومة وان شاء الله حتبقي كويسة
ونحن مخير الله فينا اها دي تفرجخة ومنتظرين
وياااااا يوم بكرة ماتسرع

[بنت العمدة]

مشكور ما قصرت عملتو وهسي احسن

[بنت العمدة]

: رنا .................اوه انتى لسه بتبكى مالك جنك بكى كده عشان انا قلت ليكى شافعة
رنا:.....................

هنا: اكلمك نصيحة لو عايزة تشتغلى معاى ما بحب حركات الشفع دى انا ما فاضية كل مرة اقعد امسح ليكى دموعك انتى خلاص بقيتى بت كبيرة و ...........

رناهزت راسها بسرعة : انا ما ببكي عشان كلامك ما هى اصلا الحياة كده لازم تستحمل متاعب انك مستجد(= جديد ) لكن انا ببكي عشان ............ عشان ............. عشان نوسة ماتت ، وانخرطت فى البكاء مرة اخرى .

هنا: اووه - بيقولو شنو فى المناسببات الزى دى يا ربي - بركة
رنا:!!!!!!!!!!!!!!!!!!!!!!!! ههههههههههههههههههههههههههههههههههههههههههههه

هنا: سبحان الله المجانين فى نعيم مالك بتضحكى
رنا: اذا قصدك البركة فيكم فمقبولة منك بعدين نوسة دى كديسة بت جيرانا وهى كلمتنى قبل شوية انها وقعت من راس البيت وماتت عشان كده انا ببكي . يلا سلام عايزة حاجة ومشت

هنا لسه خجلانة من نفسها - اوووف انا اصلا غبية وما بفهم اى حاجة بعدين : رناااااااااااا

رنا : وجع قديتى لى اضانى انا وراك ما تصرخى
هنا شكلها بت طيوبة : اوصلك

رنا : ليه ؟؟؟؟؟؟؟؟؟؟ ( يا سلام شكلها عايزة تعتذر لى )
هنا: شايفاك فاضية ما عندك شغلة وبتضيعي دموعك فى الفاضي قلت اوصلك فى طريقي احسن .
رنا ( والله شكلى ح اتعب معاك يا هناء بتكابر وما بتقول انها غلطانة) : طيب ما فى مشكلة

فى العربية:-

: واااااااااااااو صراحة عربيتك عجيبة نوعها شنو ودى شنو الحاجة دى
هناء: ما تفتحى اى حاجة وخليك فى كرسيك لحسن اطردك بره
رنا: طيب طيب يا عجيبة
مرت لحظات صمت بعد مسافة

رناو هنا فى نفس الوقت : انتى ... ههههههههههههه
هنا : خلاص اتكلمى انتى
رنا : لالالا انتى الاول انا كلامى كتير اسالي
هنا: طيب عمرك كم يا رنا
رنا : اممم 19 وتانى ما تقولى لى شافعة
هنا: قالو اكبر منك بيوم اعلم منك بسنة ولا ماصاح انتى شكلك امك اميركية ولا بريطانية صح
_ بالمناسبة نسيت واصف ليكم رنا عيونها خضراء لان امها زى ما قالت هنا اميركية ولسه وراها حاجة البت دى ح نعرفها بعدين ولونها ما شاء الله زى الدهب ومتوسطة الطول والكل بيكون قايلها اجنبية- وابوك سودانى

رنا تصفر: وااااااااو يا العجيبة صراحة خلعتينى عرفتي كيف انو امى امكن ابوى هو الاميركى

هنا: شوفت السلسل بتاعك اللى فيهو صورة مرة اجنبية وشكلها امك وتانى مرة لفى طرحتك دى كويس لانو فى رجال فى الشغل ولا انتى ما مسلمة
رنا غرقت عيونها بس بسرعة خبتهم عشان هناء ما تكشفها : لا انا مسلمة ليه اى زول بيحسبني ما مسلمة وتانى مرة ما ح اكررها كده كويس
هنا: كويس ما تخلى اى زول ينزل دمعة من عينك يا رنا كده انتى ح تبقي مكشوفة للكل الكل عارف نقطة ضعفك دموعك دى حاجة غالية ما تنزليها بالساهل اعتبريها نصيحة من اختك الكبيرة

رنا : كويس بحاول

هنا : حاولت تغير الجو شوية : عندك اخوات؟

رنا: ايوة عندى تؤام اسمهم علا وعليا
: عمرهم كم ؟
رنا : عمرهم 13 سنة وهم ...........
--------------------- واستمرو على الحالة دى لحدى ما وصلت هناء رنا ورجعت بيتهم

فى بيت هناء:-

انا اسكن وحدى فليس لى اخوة او اخوات توفى ابي عندما كنت فى الثالثة من عمرى وبعد سنو تزوجت امى رجل اعمال مشهور دائما يعمل فى الخارج ولا يعود الا فى الاجازات ولدى من امى اخ فى ال19 من عمره معرفتى به سطحي فمنذ ان دخلت عالم الاستخبارات انقطعت لم اعد اكترث بعلاقاتى الاجتماعية ولا ازور امى الا نادرا لانى اكره زوجها جدا فهو خال الفقر ماجد اصبحت حبيسة القضايا والملفات

اخذت حماما دافئا فى بيتها الكبير المهجور فقط تسكنه هى والخدم صنعت لنفسها كوبا كبيرا من القهوة لان اليوم هو الخميس والخدم فى العطلة الاسبوعية دخلت مكتبها المعطر برائحتها المفضلة الياسمين ادارت الموسيقي الهادئة وانهمكت مرة اخرى فى العمل على قضية " لا تتركنى"


********************************************************

فى مكان اخر بعيد عن اجواء العمل :-

زياد: لااااااااااااااااااااااااااا تصدق انك بالجد واحد غبي وفارغ

ماجد: والله انت الاغبي منك ما فى ،فى زول بيتكلم مع الاكبر منو كده

زياد:ياخى فى زول بيضيع مزة زى دى ليه فوتها ياخى

ماجد: ياخى مزة بتاعت الساعة كم انت كمان عاين ليها عاملة زى المفراكة كيف ولا رجلينها العاملين زى السكاكات ديل انا شفت وشها وهى قاعدة ملينا شلاضيم قلت مليانة حبة بالله قامت بس هيكل عظمى

زياد:والله يا ماجد انت بلجد غريب اكبر صايع عمرا ومعرفة وما بتحب البت الخفيفة اللى بتجى براها قال عايز واحده تقيلة قال شكلك ما بينفعوا معاك الا ناس هناء اختى - عرفتو زياد ده منو -

ماجد تشق بالعصير وهم قاعدين فى مطعم المول : كح كح كح كح كح ..............اتفل من خشمك يا ولد قال هناء قال والله اختك دى لو بقت مش اخر مرة فى الكون لو بقت اخر جثة مرة ما بدفنهاولا بصلي عليها حتى .


زياد : هع هع هع هع والله انت التقول اصلا بتصلي الفروض عشان تصلي الجنازة

ماجد : والله انا الحاجة دى حارقانى كل ما اتذكر الصلاة قلبي بيوجعنى وبيقول لى امشي صلي لكن فى حاجة بتقول لى ما تصلي .

زياد:مااااااااااااااجد الحق خلينا من الصلاة هسع شوف الصاروخ الجاى ده اقبضضضضضض

ماجد : ههههههههه والله انت بالجد انسان فارغ انا عايز اعتزل الفن ده بعد ده - اول ما شاف الصاروخ " على قولهم " - ولا اقول ليك خليها مرة تانية ... وين يا حلوة و..........

---------------------------- دى حالة ماجد وولد خالو زياد اخ هناء من امها كل يوم خميس بيحومو فى المطاعم و المولاات يجمعوا اكبر حصيلة ممكنة من ارقام البنات

نتكلم عن زياد شوية : طبعا زى ما قالت هناء هو عمرو 19 سنة بيدرس فى جامعة الخرطوم قانون بعد ما عاد سنة تالتة 3 مرات حتى نجح وجاب نسبة عالية لان ابوه حلف ما يقرا الا بي مجهوده وهو اكبر صايع فى الخرطوم البنات كلهم بيعرفوه عشان كده بيخافو منه وهو وماجد رغم فرق السن اللى بينهم الا انهم اصحاب شديد وهم فولة وانقسمت نصين زى ما بيقولو .وكمان هو وجيه شديد لونو اسمر وطويل جسمو رياضي واحلى حاجة فيهو انو عندو غمازات


***********************************************

بعد 3 اسابيع من الاحداث السابقة :
توطدت العلاقة بين رنا وهناء اكثر

فى الكتب :-

هناء : رنااااا لو سمحتى جيبي لي معاك قهوة

رنا : طيب لكن على شرط

هنا: وكمان بقينا نتشرط اها قولى

رنا: تورينى انتى مالك الليلة شكلك ما عاجبنى

هنا: بصراحة ما عارفة قلبي واجعنى حاسة بقبضه يعنى .............. اوريك حاجة بطلي رغى وامشي جيبي لى حبيبتى القهوة
رنا : كويس وطلعت قبل ما تصل الباب : عايزة حاجة تانى

هنا: ايون نسيت عايزة الفيديوهات من فنى التصوير بتاعت اخر جريمة لى "لا تتركنى" شوفيهم لو جهزو

رنا: اووووك ، قبل ما تفتح الباب جا منتصر داخل بسرعة

رنا: بسسسسسم الله خلعتنى

منتصر : رنا لو سمحتى عايز هنا ء

رنا : انا اصلا طالعة

منتصر : رجع تانى يا هناء
هناء: اخيرا رجع " لا تتركنى"كنت منتظراهو اها لقيتو الجثة وين المرة دى

منتصر شكلها عرفت بس ما واضح فيها: عرفتى كيف انها جثة ما ممكن تكون اختطاف

هناء رفعت حاجبها اليسار وخلفت رجلها : لانك بكل بساطة جيت من اتجاه المشرحة بتاعتنا ، واخدت الجاكيت بتاعها وطلعت بسرعة على المشرحة .

منتصر : هنا ء استني اوووووووف اصلها كده دايما متسرعة

فى السكة لاقيت رنا واخدت منها القهوة

فى المشرحة:-

هنا: اممممم قهوة حلوة

ماجد : سبحان الله فى مشرحة ومع الجثث وبتقول قهوة حلوة

هنا : انت ما تسترجل شوية

ماجد : انا راجل غصبا عنك وعن عين .......

منتصر دخل وهو هايج : ماجد بسرعة اطلع بره ما اى جثة تجى تتفرج ، نجلاء يلا ورينا الجثة

نجلاء : من عيونى

ماجد : سلاااااااام يا ابو الرومنسيات

منتصر جر ليك نور لى ماجد وماجد : خلاص انا استأذن

هناء والله الولد ده غبي : نجلاء يلا ورينا ال...........

ووقعت كباية القهوة ووراها هناء

منتصر : نجلاء بسرعة الحقينى بكباية موية واتصلي على الاسعاف غبية دايما متسرعة انا كنت عايز اكلمها

نجلاء وعليه علامات الخوفو هى تتصل بالاسعاف : تكلمها بي شنو

منتصر : انو دى امها
---------------------------------------------- انتهى الجزء يلا اشوفكم على خير

[الشمالي]

ما شاء الله بقيتي شاعرة وبتكتبي روايات
بوليسية , تسلم ايدك ومنتظرين المزيد ,
والحاجات كنت داساها وين , ولا فساالة
منك ,

كاااااااااااااااااك

[نهـاد]

ابدعتي يا ما وراء بسمتي
وانا من عشاق الروايات البوليسية
يلا واصلي سريع عايزة اعرف باقي الرواية

[بنت العمدة]

ما شاء الله بقيتي شاعرة وبتكتبي روايات
بوليسية , تسلم ايدك ومنتظرين المزيد ,
والحاجات كنت داساها وين , ولا فساالة
منك ,

كاااااااااااااااااك

ايووون فسالة وغتاتة بسسسسسسسسسس

[بنت العمدة]

ابدعتي يا ما وراء بسمتي
وانا من عشاق الروايات البوليسية
يلا واصلي سريع عايزة اعرف باقي الرواية

والله انا كمان نفسي اعرف باقي الوراية ان شاء الله تكون حلوة لانكم تستاهلو كل خير

[بنت العمدة]

فى المستشفي :-
منتصر:اها يا دكتور طمنا
الدكتور : انت زوجها

نجلاء بسرعة: لالالا اخوها

منتصر:لا يا دكتور انا مديرها من الشغل

الدكتور : اها فهمت طيب وين اهلها

ماجد : يا دكتور عليك الله طمنا هى مقطوعة من شجرة ونحن زى اهلها هى مالها

الدكتور : لالالا بس شوية هبوط فى الضغط الظاهر انها تعرضت لى صدمة شديدة وبعدين هى مرهقة شديد ولقينا فى دمها نسبة عالية من الكافيين وانتو عارفين طبعا انه حاجة خطيرة لازم تاخدو بالكم منها وانا وصفت ليها بعض الادوية المهدئة و اغلبها منومة لانها محتاجة راحة يلا عن اذنكم

منتصر : الحمدلله جات سليمة ، خلاص يا ماجد انا ونجلاء ح نرجع للشغل عشان نواصل التحقيق يلا بالاذن نجلاء ارح

رنا وهى المسكينة كانت فى حالة يرثي لها بتبكى ومادارية عن اللى حولها

ماجد (ياخى دى شنو الورطة الورطت نفسي فيها لكن دقيقة زياد وخالو احمد: رنا عن اذنك انا ماشي اتصل على زول وبجي راجع .

رنا:.....................................

داخل قاعة المحاضرات فى جامعة الخرطوم :-

: زياد زياد ياخى اصحي الاستاذة ح تطردك
زياد: ياخى المرة الفلقة دى لسه ما انتهت بعدين انت مالك ومالى يا مصعب خليني انوم

مصعب : خلاص وانا مالى غسلت يدى منك

بعد ربع ساعة :-

زياد: ياخى دى شنو المعاطة دى مصعب يا مصعب يا زفت انت

مصعب : .................................

زياد: مصعب يا اخوى خلاص امسحها فى وشي المرة دى انا محتاج ليك وما انت .....

مصعب : خلاص ياخى ما ترغى وتدور لى الاسطوانة دى عايز شنو

زياد : يا سلام عليك طيب انا ح افتح الموبايل وانت مسكل لى عشان اطرد

مصعب : خلاص كويس وانت ما ترد عشان ما تخسر لى رصيدى

زياد: خلاص كويس

ورن الموبايل بنغمة plz donot stop the music

الاستاذة : ده شنو ده انت يلا بسرررررعة بره

زياد اخيرررررررررررا : حاضر يا استاذة

بره القاعة :-

ياخى ده ما بيفهم قلت ليهو مسكول بس
لحظة ده ماجد
: الو

: الو ماجد كيفك

: البركة فيكم ياخى

: البركة فى الجميع بس ما قلت لى المات منو ؟

ماجد يا دى النيلة انا العملتها فى نفسي شكلو ما عارفة - اكلمكم حاجة عن زياد هو عندو سكرى عشان كده بيخاف عليهو من اى حاجة- : طيب اسمعنى امك فى البيت - سوال غبي

زياد: ما عارف انا اصلا ما قاعد امشي البيت بس فى الشقة بتاعتى لكن شايفها مرسلة لى رسالة قبل كم يوم افتح موبايلك وانا مسافرة ماشة اميركا قبل اسبوع عشان كده ما سامع ليها خبر ومرتاااااااااااح بلا جيت من وين بلا ماشي وين

: طيب يا زياد انا فى مستشفي ال(----------------) تعال لى هناك

: مستشفي ان شاء الله عايز تعمل لى واحد من فحوصاتك الغبية دى عشان تشوف السكرى وما حا خليك لو كانت وحدة من خططك سامع

: اى سامع بس انت تعال بسرعة

: طيب مع السلامة

: مع السلامة

رنا : ماجد

ماجد: نعم

رنا : هى هناء ح تصحي بتين

ماجد : ما عارف عاينى انتى امشي البيت بتاع هنا وجيبي ليها حاجات

رنا : حاجات زى شنو

ماجد: خلاص خليهم امشي انتى بيتكم وارتاحى وتعالى بكره

رنا: لالالا انا عا..........

ماجد بزهج : ياخى قلت ليكى امشي البيت

رنا خافت : خلاص كويس مع السلامة

ماجد: الله يسلمك


***************************
فى مكتب الاستخبارات:


منتصر: ايوة هى كانت فى اميركا والسفارة جابت لينا الجثة الليلة الصباح اسمعي يا نجلاء واصلي فى التشريح وشوفى لي العلامة اللى تركها " لا تتركنى " بنفس الطريقة ولا فى اختلاف انا ماشي السفارة اشوف حاجة وراجع

نجلاء: طيب

منتصر فى العريبة :-
والله انت غريب يا " لا تتركنى " اول مرة تكون واحدة من ضحاياك مرة العادة كلهم رجال وبنفس الطريقة بيموتو بيمشوا اميركا ويرجعوا جثث احى انا يعنى ما لقيت غير ام هناء انت عارف كويس قدر شنو انا بحتاج لى هناءهى اللى بتعرف ليك كويس يا ربي وفقنى

_____________________________
فى المستشفي :-

: لو سمحت انت بتقرب للمريضة اللى فى الغرفة رقم 45

ماجد: ايوة

الممرضة : طيب هى صحت وانت ... هى فى زول مات ليها

ماجد: ايوة ليه بتبكى ؟

الممرضة : لا بس الظاهر انها داخلة فى حالة صدمة وما اعتقد انها ح تبكي بس صدقنى ما ح ترتاح الا تطلع اللى جواها ممكن تتفضل تمشي ليها

ماجد: لالالالالا انا ما بمشي ليها

الممرضة: طيب لو سمحت وجودك هنا ما ح يفيدنا وبرضو ما ح يفيدها فياريت تتفضل

ماجد وزياد ح يجى هسي : طيب خلاص انا ماشي

داخل الغرفة :-
هناء:_----------------------

ماجد:-----------------------------

ماجد: البركة فيكم

هناء : البركة فى الجميع اللهم اجرنى فى مصيبتى

ماجد:زياد جااى

هنا: هو عرف

ماجد: لالا لسه هو عندو سكرى عشان كده قلت احسن يجي المستشفي لو حصلت ليهو اى حاجة

هنا: طيب انا ماشة البيت

ماجد: لالالالالالالالا مافى اى مرقة انتى لازم تقدى فى السرير انتى تعبانة ومحتاجة راحة

هنا وده من بتين بخاف على : انت مالك دخل بي خلينى ولا عشان انا ما عندى ام ولا ابو بتشفق على لا يا بابا وفر شفقتك دى لزول تانى ولو منتصر مقعدك معاى هنا على حساب كم قرش انا مستعدة اديك لهم هسي

ماجد!!!!!!!!!!!!!!!!!!: شنوووووووووو انتى بالجد واحدة مجنونة انا ما قاعد هنا اصلا عشان سواد عيونك يا ماما عشان ولد خالى جااى وبس لانو لماا يعرف انو امو ماتت ح يبكى ما زيك يا المتجمدة الاحاسيس

هنا بكل برود : اتفضل اطلع بره

: انا امى ماتت!!!!!!!!!!!!!!!!!!!!!!!!

هناء وماجد : زياد !!!!!!!!!!!!!!!!!!!!!!!

زياد: انا امى ماتت امى انا كيف امبارح كانت بتكلمنى ورسلت لى رسالة قبل اسبوع وبعدين انا ...انا ,,, ياجماعة كيف يعنى امى ماتت كيف امى تخلينى وتمشي لالا هى مستحيل هى بتحبنى وقالت انها ما ح تخلينى كلو كلو وبدا يبكى كالاطفال

هنا بقلب ابرد من المتجمد: انا ماشة البيت

ماجد : خلاص يا زياد قوم ربك اراد كده _ وانتى يا هناء عاملة فيها ما بتحسي طيب ليه الهبوط

------------------------------------------------
بعد اسبوع :-

تحديدا فى يوم الخميس كانت السماء تنذر بالمطر الساعة السادسة مساءا فى بيت هناء:-

رنا : يا هنا انا اسبوع بحاول معاكى لازم تتكلمى ردى على انتى .......

هنا : يا خى انتى شايفانى خرساء ما اهو انا بتكلم ، ولو سمحتي يا رنا اطلعى بره عايزة اقعد براى

رنا: ايواااااااااااا بتطردينى كمان كويس يا هنا مع السلامة وطلعت

والله ما بيدى يا رنا انا ما عايزة اعيشك فى دوامة احزانى الما بتنتهى ، احسن اخذ لى حمام دافئى

بعد ربع ساعة :-

وقهوة كمان
فى المطبخ :-
قطعت الكهربة فجأة وبدا المطر فى النزول : يا ربي ده كمان الناقصني
لحظة فى صوت ده الباب تكون دى رنا رجعت
كانت الدنيا ظلام فى ظلام وصلت الى الباب بصعوبة فلما فتحته ابرقت السماء لمحت وجه ذلك الطويل الذى يقف امامى
: زياد ؟ !!!!!!!!!!!!!

********************** نشوفك يوم تانى تصبحوا على خير