روايتى الاولى (ارجوك لا تتركنى)

[The Sniper]

مبدعة يا بسمتي

خيالك اوسع من الواسع ههههههه

لكن مافي داعي تحرقي دمنا كدا

بسرعة كملي لينا

[بنت العمدة]

مبدعة يا بسمتي

خيالك اوسع من الواسع ههههههه

لكن مافي داعي تحرقي دمنا كدا

بسرعة كملي لينا

يلا ده الجزء الجديد

[The Sniper]

يلا ده الجزء الجديد

وين الجزء الجديد

ما شايف شئ

ولا عايزة تحرقي دمي زيادة

[بنت العمدة]

زياد: هناء عليك الله اسمعينى انتى اختى الوحيدة عارفة كويس انو بابا ما فى و ماجد شغال فى القضية انا محتاج لى زول يكون جنبي

هناء وهى مندهشة : طيب ااااااامممممممممم أأأأأ أأأأأأأ أأأأأأأدخل دقيقة انا ماشة اشغل الجننيتر (مولد الكهرباء )

: طيب

غريبة زياد جانى بي رجلينو آآآآآآآآآه يا اخوى بالجد انا كمان محتاجة زول جنبي _ رجعت الكهربة

:هتشوووووووووو هناء ممكن موية لو ما فيها تعب

هنا: موية شنو الظاهر عندك برد دقيقة اجيب ليك حاجة لازم تغير هدومك

"هدوم رجال هسي دى اجيبها من وين اووووووووف"

هناء: هاك البس الروب ده ماعندى حاجة رجالية

زياد : لكن ده لونو بمبي

هنا : عفوا

زياد : اسف شكرا

بعد عشرة دقايق :-

هناء : زياد انت كنت وين وقاعد وين بعد ماما اقصد امك توفت

زياد: هناء انا ما جاى بس عشان اتكلم برااى انا حاسي بيكي يا اختى انا عايز افضفض الجواى حاسي بي نفسي مكتوم-وبدا يبكى - تخيلي يا هناء امي اللى كانت كل يوم بتصحينى من النوم للصلاة وانا بقول ليها كويس عشان تمشي واللى بتسالنى انت جااى من وين ورايح وين نفسي ترجع وتسالنى تانى واكلمها انى واحد عربجي وبتاع نسوان

هناء وهى تبكى دما : يا ربي هى هسي بتكون مسامحانى على العملتو فيها ما برد على اتصالاتها وبطنشها حتى يوم عيد الام ما بهديها اى هدية ولا حتى اتصال - شهقت بالبكاء ثم واصلت- انت عارف يعنى شنو انك تفقد حنان امك يا زياد انت كنت قاعد معاها طوال لكن انا ، انا اللى لى 5 سنوات ما تكلمت معاها ما سمعت صوتها يا خي دى امى امى انا ليه الناس بتحسبني ما بحس كيف ما ابكي ودى امى اللى تعبت واللى ربت واللى سهرت عشان تجيب واحدة عاقة زيي

زياد وهو يمسح دموع اخته ويحضنها ويمسح على شعرها : لالا هى مسامحاكى يا هناء كانت دائما بتحكى لى عنك وكيف انك ناجحة خلتنى احس انك ملاك نزل للارض وما بتغلطي

___________________وقضيا باقي تلك الليلة وكل واحد منهما يشكو احساسه ويبكيان على امهما التى رحلت وهى تحمل سرها


فى اليوم الثانى فى الصباح الباكر :-

ترررررررررررررررن ترررررررررررررررررررررن

هناء وزياد اللى ناموا فى الصالون وكل واحد بقايا الدمع على خده

زياد: هناء هناء قومى قومى افتحى

هناء: .............................

زياد: خلاص انا بفتح

رنا يا ربي ما تكون عملت فى نفسها حاجة احسن اضرب تانى
ترررررررررن تررررررررررررررررررن

زياد فتح الباب: وجع خلاص عرفنا

رنا اول ما فتح الباب لفت وشها

زياد: الاخت انصار سنة ولا شنو

رنا : لالا بس انت امشي البس حاجة

زياد ( هيه الروب وينو ) وجري

رنا ( ده شنو ده من بتين هناء بتبيت معاها رجال فى بيتها )

رنا : هناء يا قرف انتى

هناء طلعت من الصالون وشعرها منكوش ولابسة البيجامة : مالك بتشتمى من الصباح يا بت

: انا الغلطانة انى عرفت واحده قليلة الادب زيك يا تافهه يا حقيرة عشان كده طردتينى امبارح مش عشان تعملى عمايلك السودة دى - وطلعت وقفلت الباب بى وراها باقصي قوتها

هناء : !!!!!!!!!!!!!!!!!!!!!!!!!!!!!!!!!!!!!!!!! دى مالها دى جنت
plz donot stop the music
ده الظاهر تلفون زياد
: الو هاااااااااااى زيودى انت وين انا منتظراك من الفجر
:هناء : وعليكم السلام انتى منو
: انتى المنو
هناء : انا السالت الاول
: يا زياد يا حقير
طوط طوط طوط - قفلت الخط
هناء : بسم الله الناس مالهم كلهم بيشتمو من الصباح

: مالك شايلة تلفونى

هنا: لالا بس فى واحده قالت انها مستنياك من الفجر وبعدين قالت ليك يا حقير وقفلت انت بتاع بنات يا ولد ولا شنو

زياد : ما انا خليت الحركات دى قسما بالله بعدين تعالى دى منو البت الجات قبل شوية

-وحكى زياد لى هنا كل القصة -

هناء : ههههههههههههههههههههههههههههههه عشان كده هى فهمت غلط والله رنا دى غايتو

زياد : انتى الليلة مارقة

هناء: ايوة غاشية المكتب

زياد: ممكن اجي معاك

هنا: انت ما عندك جامعة ؟

: صباح الخير الليلة الجمعة

هناء : بالله خلاص معناهو انا زاتى ما ح امشي لانو المكتب ما بيفتح الجمعة

زياد : طيب

************************ بعد اربع اشهر قضيتها فى جمع بقاياي اقسمت خلالها ان اتغير نحو الافضل فهذا ما تريده امى علاقتى باخى الصغير تحسنت كثيرا اصبحنا لا نفارق بعضنا الا نادرا ولا تزال رنا على تلك النظرة التى وضعتها فى راسها لا الومها فانا لم احاول ان اشرح لها

منتصر : قلت ليكى لا

هناء : عليك الله يا منتصر انا قلت ليك انى خلاص بقيت كويسة

منتصر: هناء انتى لو اشتغلتى فى القضية دى ح تشتغلى فيها بمشاعرك وعاطفتك فرجاءا لا

هنا: اسمعنى يا منتصر انت سواء اديتنى القضية دى ولا لا انا برضو ح اتابعها من وراك فاحسن اشتغل قدامك فى ،رايك ح اخلى القتل امى يفلت بجلده يلا سلااااام- وقبل ما تصل الباب

منتصر : خلاص

هناء : بالجد بالسرعة دى

منتصر : عمرى ما شفت الاصرار اللى فى عيونك اليوم يا هناء بس ما تخيبي ظنى وثقتى فيكى

هنا: ان شاء الله ما ح اخيبك يا منتصر تشكر مع السلامة

منتصر : ماشو وين استني

هناء: فى حاجة

منتصر : ايوة ح تشتغلى بس على شرط

هناء : يا دي النيلة العالم كله بيتشرط طيب اوامرك

مننتصر: انك تشتغلى 3 ايام بس فى الاسبوع وما تشربي قهوة تانى

: ااااممممممممممممممممم 3 ايام ممكن بس القهوة ما اظن بس بحاول لا سلاااام

: مع السلامة - صراحة اتغيرت هناء بقت بتنكت كمان

خارج مكتب منتصر :-

هناء : اووووووه رنا انتظرى

رنا وهى ماشة : ....................

هناء : والله انتى فاهمة غلط وادينى ساعة بس واشرح ليكى

رنا : اووه فاهمة انك واحده قليلة الادب عشان شفت بعينى واحد فى بيتك يا بنت ال#######
ما تكلمينى تانى سامعة - وواصلت المشي

هناء : عذرك معاى يا رنا استنى بس

: الو زياد

: اووه هناء ازيك

: اسمع انا عايزاك فى حاجة اسمع الكلام ده ( وورتو الخطة)


بعد رسم الخطة

نجلاء : هناء تعالى بسرعة

هناء : اووه نجلاء فى شنو

نجلاء : شوفى ده التقرير بتاع المشرحة فى اميركا وصل هسي

هناء: اربع شهور على القضية ويرسلوه هسي

نجلاء : البركة الرسلوه كانو عايزين يخلو القضية بتاعتهم بس

هناء : طيب ورينى

نجلاء : طبعا طلعت مرة

هنا: شنووووووووووو "لا تتركنى "مرة

: ايوة صح بس عارفة المرة دى الظاهر ما عملت احتياطها كويس خلت وراها دليل شعره فوق ملابس الضحية وزى ما شايفة العلامة اللى بتعملها كل مرة ما زى الفاتو - وورتها رسم توضيحى- شايفة فى اختلاف من ناحية العمق والعرض طلعت استخدمت سكين عادية غير اداه كل مرة


هناء : طيب الكلام ده يوصل لمنتصر

نجلاء : توصي معلم يا هنو

هناء ابتسمت : الله يخليكم لى بعض - وطلعت

نجلاء ( غريبة اول مرة اشوفها بتبتسم وكمان دعت لينا سبحان الله مغير الاحوال)

**********************

رامى : وين يا ماجد يا خى انت مختفي كده اخبارك ياخى والصحة

ماجد: الحمدلله وانت اخبارك

شادى: وانا مافى اى سوال

ماجد: كدى انت سلم الاول

رامى قاطعهم بسرعة : سمعنا طبعا بام هناء وجينا نعزيها

شادى : اى والله سمعنا متاخرين شوية وبالمرة نستاذنها لو بتخلينا ننشر الخبر شايف ما فى زول عرف غيركم

ماجد: والله امشي اتفاهم معاها براحتك انا مالى دخل فيكم

رامى وشادى : ههههههههههههههههههههههههههه

رامى : انتو لسه عاملين زى الطرده

ماجد: ما تجيب لى سيرتها

هناء : سيره منو

رامى : ههههههه جبنا سيره القط وجانا عايز مشاكل

هناء: اهلا رامي وشادى مالكم قاطعين

شادى : البركة فيكم يا هناء ما سمعنا الا متاخرين والله

رامى : اى والله كنا مسافرين البركة فيكم

هناء - يا ربي تانى نسيت بيقولو شنو -

رنا : اسمها البركة فيكم يا هناء

هناء :اوه شكرا رنا

رامى : انتى لسه ما بتعرفى تقوليها

شادى : انا قلت انتى اتغيرتى شوية

زياد: السلام عليكم يا جماعة

الكل ما عدا رنا : وعليكم السلام والرحمة

رامى و شادى : زياد البركة فيكم

زياد : البركة فى الجميع

وقرو الفاتحة على روح المرحومة

رامى : اخبارك يا زياد عامل شنو

شادى: مالك ما ظاهر اختك هناء دى داساك مننا ولا شنو

هناء : ادسو شنو من حلاتو يعنى

رنا: دقيقة دقيقة هنا انت اخو هناء

زياد: ايووون والصغير لقيتينى كيف عليك الله

رنا طنشتو: هناء انا انا اسفة بالجد ما كنت عارفة

هناء : ولا يهمك تعالى معاى المكتب - ومشوا

شادى : هييييييييييييه انتو طرتو وين

رامى : مفهين الاخوان زياااااااااااااد مااااااااااااااجد انتو وين

زياد : قلتو لى اسمها رنا عجيبة لكن

رامى : اى والله صاروخ على قول مااجد

شادى : هييه انت ماااااااااااااجد وين

ماجد : نعم

زياد : مالك كضمت كده فى مين للى واخدة بالك كده رنا مش عسل والله

ماجد: والله انتو ناس فاضييين وما عندكم شغلة مع السلامة

شادى ورامى وزياد: !!!!!!!!!!!!!!!!!!

رامى : ده مالو اتغير 180 درجة

شادى : سبحان الله بيذكرنى بي هناء زمان

زياد : اى والله حلوة شديد

رامى وشاادى : !!!!!!!!!!!!!!!!!!

زياد : هي معليش انا استاذن يلا مع السلامة - ده كلو منك يا رنا انتى انس ولا ملاك بس انا وراك وراك

زياد: ماجد يا ماجد استني

ماجد : نعم فى حاجة

زياد : مالك يا اخوى شكلك ما عاجبنى

ماجد: اسمع انت ابوك وين

زياد: اى صحي نسيتو - فى زول بينسي ابوه يا زياد- ما هو اتعاقد مع شركة فى اميركا عشان يوسع شركاته قبل سنة ومشي هناك وامى مشت تزورو مفاجأة يعنى ما تقول لى انت شاكى فيهو والله دى ضاعت منى لكن ابوى

ماجد: لالا انا ماشاكى فى اى زول طيب يلا بالاذن

****************

منتصر: ادخل

ماجد: السلام عليكم

منتصر: وعليكم السلام والرحمة

: انت عارف انو ابو زياد خالى فى اميركا

: ايوة وهو لحدى هسي محبوس على زمة التحقيق لكن انت عارف المفاجأة اللى اتفجرت شنو ؟

: شنو

: طلع خالك يا سيدى معرس ورى ام زياد يعنى احدة اميركية

ماجد: شنووووووووووووووو معرس

هناء : معررررررررس

ماجد: انتى مالك داخلة فى اى حتة _ بالجد فيك حاجة غريبة الليلة يا هناء

هناء طنشته : منتصر فى الخط رقم واحد السفارة من اميركا رد

منتصر : طيب ....... السلام عليكم طيب _ان شاء الله بكره-هناء و ماجد - طيب مشكور مع السلامة

ماجد: مالو ماجد

هناء : مالها هناء

منتصر عايزننا نجى اميركا

*************************** يلا سلام تصبحوا على خير

[بنت العمدة]

وين الجزء الجديد

ما شايف شئ

ولا عايزة تحرقي دمي زيادة

ما تصبر يا ولدى بكتب والله بكتب

[The Sniper]

اخيرا نزلت جزء زيادة


منتظرين لينا اسبوع


لكن مواصلة في ابداعك ما شاء الله




لكن لو نزلتيها كلها في مرة واحدة وريحتينا ما احسن من البتسوي فيه دا

نترجي فيك عشان تنزلي جزء


يلا منتظرين باقي الحلقات بسرعة

[بنت العمدة]

اخيرا نزلت جزء زيادة


منتظرين لينا اسبوع


لكن مواصلة في ابداعك ما شاء الله




لكن لو نزلتيها كلها في مرة واحدة وريحتينا ما احسن من البتسوي فيه دا

نترجي فيك عشان تنزلي جزء


يلا منتظرين باقي الحلقات بسرعة

اوريك حاجة عقابا ليك تانى ح انزل جزء كل شهرين كده كيفففففففففففففففففف

[سوداني2010]

ابداع ياماوراء بسمتي شنو بتنزليها بالقطاره كدا نزليها كلها ماتشوقينا
يلا منتظرين باقي الحلقات عشان اكون في الاخراج

[بنت العمدة]

ابداع ياماوراء بسمتي شنو بتنزليها بالقطاره كدا نزليها كلها ماتشوقينا
يلا منتظرين باقي الحلقات عشان اكون في الاخراج

بالقطارة ؟؟
وانا حالتى قلت بنزل اجزاء كتيرة شديد احسن اخففها

[بنت العمدة]

والله العظيم كتبت الليلة جزء لكن ما نزل الظاهر اتمسح وانا قفلت
تصبحوا على خير بكره بنزل الباقي

[بجبوج الاصل]

منتظرين الفصل الثانى

[مرسال الشوق]

هوووي عملتي لينا شعتفة في الشلال العصبية
وزهج مزمن في القضروف
يعني نموووت ولا رائيك شنو
الكعي تمي القصة

[بنت العمدة]

اوك الليلة العصر

[بنت العمدة]

بسم الله نبدا

-------------------
هناء: بكره؟

منتصر: لالا بكره ح نودى الجوازات عشان التاشيرة وكده وعاينو عليك الله اجمعوا معاكم كل ملفات القضية نشيلها معانا امكن نحتاج ليها والسفر بعد اسبوع من الليلة

***************

فى اليوم التانى لم يكن على هنا دوام:-

فى شقة زياد:-

هناء: والله طلعت خطير يا زياد مؤجر شقة من وراء ظهر ابوك

زياد: بعد مرات بحتاج انى اكون براى ....................... انتى البت الاسمها رنا دى من وين ؟

هناء: لالا يا زياد ما تقول لى خاتى عينك على البت دى لالا البت دى مسكينة وما بسمح ليك تلعب بمشاعرها

زياد : العب بمشاعرها شنو انتى كمان ........ هى امها الاجنبية ولا ابوها

هناء: امها انت بتسال مالك

زياد : خلاص انسي يلا ارح

هناء: انا ما مصدقة انك ح تجي تعيش معاى

زياد : انتى القلتى لى كده وانا ما عايز ازعجك والله

هناء: ازعاج شنو اطلع بس اطلع

فى عربية هناء

رن تلفون هناء بنغمة نوكيا المملة:-

: السلام عليكم اهلا رنا كيفك ........ خلاص مافى اى مشكلة يلا مع السلامة

زياد : دى رنا مالها وقالت شنو

هناء: حيلك حيلك يا ولدى بس قالت عازمانا يوم الخميس عشاء فى بيتهم

زياد: وانا اجى معاكم يعنى عزمتنى

هناء: لا

زياد: شنووووووووووو

هناء: ههههههههههههه لالا عزمتك عليك الله تعال اضربني احسن

زياد: خلاص كويس يلا مشينا

************************

فى مكان اخر تحديدا فى مكتب منتصر :-
: ح تسافر وتخلينى يعنى

: كلها كم يوم وبرجع

: كم يوم يعنى ؟

: يا نجلاء قلت ليكى ما عارف انتى بتسالى ستين مرة ليه

: لالابس انا - دق الباب فى اللحظة دى

منتصر: اتفضل

ماجد: اسف ما اكون قاطعتكم

نجلاء : لا لا عادى اتفضل انا ماشة يلا سلام

منتصر: خلاص سلام

ماجد: انت عارف انو خالى طلعوه من الحبس

: اى سمعت كلمونى ما لقو اى دليل ضدو بس هم شاكين فى مرتو

: كريستن

: ده اسمها

ماجد: اى قبل شوية كنت بتكلم معاهو ........... لكن بصراحة ما اتوقعته يعمل كده

منتصر: وانا برضو والله ما توقعتو

رنا دخلت فى اللحظة دى : السلام عليكم

الكل : وعليكم السلام

رنا : بس ما اكون ازعجتكم

منتصر: لالا بالعكس فى حاجة

رنا: بس كنت عايزة اعزمكم على عشا فى بيتنا يوم الخميس

ماجد: والله فكرة عظيمة لينا زمن من اللمات

منتصر: خلاص كويس ان شاء الله بنجي

رنا :خلاص طيب يلا سلام - وقبل ما تصل الباب

منتصر: كلمتى نجلاء

رنا ابتسمت : اى ما تخاف كلمتها هسي فى الباب
وطلعت

**************************

يوم الخميس

زياد : يا هناء خلاص ما تتطلعى اتاخرنا

هناء وهى تقفل الاسورة : خلاص جاية ده كلو عشان حبيبة الالب - بالمصرى

زياد واقف بطوله المهاب ينظر فى ساعته كان قاشر الاخ - لابس بنطلون اسود " ما بلبس غير الجينز " وتى شيرت ابيض فيه كتابات بالاخضر جزمة : اكرمكم الله : لونها ابيض فيها خطوط بالاخضر يعنى باختصار طالع = عجيبببببببب: يا هناء ياخى - فى اللحظة دى طلعت هنا - صفر الاخ- وااااو ما شاء الله اول مرة اشوفك لابسة فستان وكمان عاملة مكياج

هناء : ده من زوقك يلا مشينا

-------------فى بيت رنا

ابو رنا : اهلا استاذا منتصر وانسة نجلاء والغالى ماجد اتشرفت بشوفتكم بتي رنا حكت لى الكتير عنكم

منتصر: والله نحن الاسعد باننا اخير شوفنا ابو رنا

ماجد : اهلا يا خال ان شاء الله كويس

وبعد شوية وصلو هناء وزياد :-

ابو رنا يفتح الباب : السلام عليكم بالانسة هناء زياد يا ولدى ازيك

هناء : اهلين يا عمو

زيد والله الراجل ده وشو ما غريب على وكمان بيعرف اسمي من وين : اهلا يا حاج ان شاء الله بخير

ودخلو وقبل ما يصلو للصالون طلعو سوسن " مرت ابو رنا " ونجلاء وساقو معاهم هناء لمكان الحريم


وهاك يا الونسة والسلامات وبعد ساعة وصل العشاء :

ابو رنا ( عز الدين : ااااااااااااخ نسيت الملاعق

زياد : خلاص يا حاج انا بجيبها بس المطبخ وين

عز الدين : امشي طوالى اول باب على يمينك

زياد - يا رب اشوفها

فى المطبخ -

زياد : يا ربي الملاعق وييييييييييييييين ؟

: وااااااااااااااااو رهيب

: عجيب

: عاينى ليهو طويل كيف

: بديكى عشرة جنيه لو ما حصلت يدو السقف

زياد : !!!!!!!!!!!!!!!!! انتو مالكم بتتشابهو كده ؟؟؟

علا: وكمان غبي

عليا : عمرك ما شفت ليك تؤام

زياد : لكن انتو فولة وانقسمت نصين ... انتو اخوات رنا

علا: لالا نحن الشغالاات

عليا : اى الغفرا بتاعنها امال شايفنا شنو

زياد: بسم الله جنس قطامة

علا : بالله رنا قادانا بيك وكل يوم قبل ما تنوم بتتفرج فى صورك فى الفيس بوك

عليا : اى وكمان قالت لى امشي مع بابا الشغل اجيب ليها الملف بتاعك من الكلية لكن ما تخاف رجعناهو لقيناك ساقط نص المواد

زياد اى ابوكم وانا اقول شايفو وين اتاريهو العميد بتاع كليتنا : قلتو لى بتشوف صورى

رنا : يا بنااااااااااااااااااااات

علا وعليا : اجرى ى ى ى ى ى / وجرو

رنا وهى خجلانة : معليش هم شوية لسانهم طويل انت بتسوى شنو هنا

زياد : جيت عشان اشيلك .............- دقيقة فى حاجة غلط - اقصد اشيل الملاعق

رنا بعد ما ادته الملاعق

زياد : شكرا

رنا : عفوا

زياد : شكرا

رنا : عفوا

زياد : شك.........

رنا عصبت : ياخى خلاص امشي

زياد : طيب خلاص تشااااو وطلع

سوسن وهى تصرخ : رناااااااااااااا يا بت جيببي الملاعق

رنا : هى صحى نسيت

بعد العشاء والتحلية والمواضيع الطويلة دى :-

رنا : هناء استني انا عندى ليك شريط فيديو رهييييييب

هناء : بتاع شنو

نجلاء : فيلم ولا شنو

رنا : استنو بس امشي اجيبو واجي و طلعت

مررت على غرفة التؤام وجدتهم قد ناموا : الحمد لله النامو

ثم اخذت الاشرطة من غرفتى ونزلت الى الاسفل وقبل ان افتح الباب

هنا ء: شنو كيف يعنى

سوسن : زى ما سمعتى لكن ما تكلمى رنا ما عايزنها تعرف هى بت صاحب عز الدين كان بيشتغلو مع بعض فى اميركا وهناك اتعرف صحبو على وحدة اميركية والشيطان لعب بي عقلو وحصل الحصل ولما كلمتو انها حامل انكر انو الولد ده بتاعو مع انه عارف انها مستحيل تخونو مع واحد تانى رغم انهم ما متزوجين وبعد تسعة شهور انا فى الفترة دى اتعرفت على عز الدين واتزوجنا وفى يوم لقينا واحد بيشبه صحبو داك قام مشي عز الدين ولقاهو هو والمهم سلم عليهو وبس قبلنا منو كده جات عربية ماشة بسرعة طقشتو وقبل ما يطلع الروح كلم عز الدين بالكلام وقال انو عايز ولدو يكون مسلم عشان ربنا يغفر ليهو العملو فى بنات الناس ومشينا ولقينا لارا وادتنا البت بعد ما ولدتها ومعاها السلسل اللى فيهو صورتها وقالت ما عايزة اى علاقة بيها ولازم نقول ليها انها ماتت وربيناها ومن الوقت داك ورنا زى بتنا وكل الاوراق باسم عز الدين على اساس انو كان متزوج واحدة اميركية وماتت ورنا بتو وبعد ستة سنوات ربنا رزقنا بي التؤام الشفتوهم عشان يتربو مع رنا بس الله يخليم خلوهو سر بينا

خارج الغرفة :

فى هذه اللحظة تجمدت كل الدماء التى تجرى فى عروقى وحتى الزمن من حولى امتلات عيناى بالدموع ثم

عز الدين : رنا مالك واقفة هنا

نظرت الى ابي الذى ليس بابي رفعت ثوبي الطويل وركضت الى غرفتى تاركه دموعى والاشرطة خلفى

عزالدين : سوسن ما لها رنا كانت واقفة هنا وجرت تبكي

سوسن : لالا شكلها سمعتنا

عز الدين : سمعت شنو

هناء وهى تصرخ : مشت وين

عز الدين : طلعت فوق

ركضت الى غرفت رنا بسرعة لم اركض بهذه السرعة فى حياتى : رنا رنا افتحى الباب اوعك تعملى فى نفسك حاجة - كنت ابحث عن شي ضخم يحطم الباب : منتصر بسرعة تعال

منتصر : فى شنو مالك بتبكى

هناء : ياخى تعال بسرعة

فى ثوانى فقط كان الجميع امام الغرفة :-

كسر منتصر وماجد الباب

هناء: وينها البت

زياد : الشباك

سوسن : لا يارب لطفك

عز الدين : ده كلو بسبببك انا قلت ليكى ما تجيبي سيرة الموضوع ده

منتصر : موضوع شنو

وحكى للكل

زياد طوالى طلع
بعد خمس دقايق :-

منتصر : خلاص كلو زول فى عربيتو

منتصر ونجلاء كانو فى سيارة

ماجد ومعاهو هناء لانو زياد ساق العربية بتاعت هناء

بعد شوية رن تلفون منتصر
: االو عز الدين

عز الدين : الظاهر انها ساقت عربيتى

منتصر : شنو ساقتها وهى فى الحالة دى الله يستر خلاص استناني بره انا بجى اسوقك


الساعة الواحدة صباحا ولم يتم العثور على رنا حتى الان :-

زياد : -

كنت اقود فى الشوارع كالمجنون لا ادرى اابكي على فقدها ام على حبى لها ام لانها لقيطة مشاعرى مضطربة : يا رب رحمتك يا رب احفظها

مررت بالطريق المودى الى البحر لمحت من بعيد سيارة عميد كليتنا تقف هناك قلت عله يأس من العثور عليها او لا قدر الله اصابها مكروه اوقفت السيارة ثم نزلت لمحت شيئا بدا كالسارية من بعيد يقف على الجرف الجبلى ثم شيئا فشيئا قربت المسافة رايتها تقف هناك بفستانها الاخضر الذى يعكس لون عيناها الممتزجتا بالدموع والهوااء يلعب بشعرها الكستنائي تقف فى هدوء فقط دموعها تجرى تمنيت فى هذه اللحظة ان تكون لى وحدى انها من ملكت قلبي ادركت انى لا احبها بل اعشقها غرت عليها من نسمات الهواء التى تداعب وجهها الصافى ثم رايتها تتقدم من الحافة ركضت باقصي سرعتى .

رنا:-

كانت حياتى جميلة بمعنى الكلمة احببت لون عيناى احببت امى التى لم ارها احببت ابي الذى كان بمثابة اخ لى بئر اسرارى فارسي و حصنى الذى يدافع عنى حصانى الذى كنت اركب على ظهره وانا صغيرة ويجوب بي انحاء حديقتنا لكن فجاة اكتشف انه ليس بابي بل كنت غلطة بل نتاج جريمة تستحق الجلد والقذف حتى الموت ابي وامي لم يخططا لانجابي لم يشتريا لى غرفة صغيرة لانام عليها لم يتمنيا ان يريانى ولا حتى فى احلامهما وعندما وجدت فارسي من حلمت ان اركب معه على ظهر فرس ابيض واودع ابي وامي عندما وجدتك يا زياد اتفاجا بانى لقيطة

احس بانى غريبة عن هذا العالم مسحت دمعة ساخنة تسللت من عينى بيدى الباردة كبرودك ايها البحر ، احس كانى حورية البحر ينادينى لارجع الى موطنى الاصلي فردت يداى فى الهواء كجناحى العصفور اغمضت عيناى ثم .......................

[مرغني عبدالله]

الروائيه المبدعه
موهبه متخفيه واصلى الى الامام
ربنا يوفقك ويوفق الجميع

[سوداني2010]

زياد - يا رب اشوفها


هههههههههه والله دا بكايؤ بكا قال جيت اشيلك لمن نسي جاي لي شنو هههههههههههه

[The Sniper]

وما زلتي مواصلة في الابداع

كل يوم بتشوقينا للجزء اللي بعدو


في انتظار البقية

[بنت العمدة]

الروائيه المبدعه
موهبه متخفيه واصلى الى الامام
ربنا يوفقك ويوفق الجميع

مرورك الجميل اسعدنى

[بنت العمدة]

زياد - يا رب اشوفها


هههههههههه والله دا بكايؤ بكا قال جيت اشيلك لمن نسي جاي لي شنو هههههههههههه

نورت البوست سودانى 201:040:

[بنت العمدة]

وما زلتي مواصلة في الابداع

كل يوم بتشوقينا للجزء اللي بعدو


في انتظار البقية

[img]http://vb.arabseyes.com/uploaded/126714 ... %20421.jpg[/img]

تسلم ده من زوقك