مع اللسف ( الاسف ) المكرمش انا بعاني من حساسية ضد حبوب اللقاح اي والله الدكتور زمان قال كده قلت ليهو كيف الكلام ده . قال لي يعني محل تقوم زراعة دي انت اجري منها قدر ما تقدر وكان واحد اهدي ليك زهرة ما تقبلها الا ان كانت اصطناعية , وفعلا من يوم داك اكتشفت اني فعلا كان جيت شاقي الحواشات سااااكت جنس عطس وحكة والوش يبقي كفتة غااااغ بالتالي فقدت الكثير من لغة عنقالتنا المزارعية ومعرفة مصطلحات الزراعة , وفي ناس انشغلوا بمتغيرات العصر وابتعدوا عن الزراعة وفي الحناكيش الما بعرفوا زراعة خالص عشاني وعشان ديل عائز افتح مجال عشان نتعرف علي المجال ده غااااااغ الظروف ما معروفة ممكن نبقي مزارعية في يوم من الايام , السنة الفاتت نزلت اجازة البلد المهم نفسي هفت لي اشوف حواشة الوالد المهم ابوي سبقني وقلت ليهو وصف لي الحواشة وبدا يشرح لي تمشي تحسب تلاتة بيوت وبعد ابو عشرين التاني الجنب الرزقالة ما بعرفو شنو كده تلقي ابو ستة مكسووور وطبعا الكاشف اللي هو انا ما ناقش اي حاجة وكلامو ده كلام طير في الباقير , اها المغرب كدي لما الوالد رجع سألني هاا جنا مالك ما جيت الحواشة , قلت ليهو جيت بس ما لقيت الحواشة غاااااغ وانا فعلا مشيت بس علا التنقليزي بتاع الوصف ده ما عرفتوا , عشااان كدة العنقالة اقصد المزارعية اجي بجاي وادخلونا معاهم الشبكة وانا عندي شوية تلاقيط كده وبساعدهم كااااااااااك
وكدي نبداها من الحواشة وتبعاتها تقند وسراب وابوستة و و و و و والعارف يشرح ,
تخريمة
قال ليك واحد من المزارعية شالو كلية الزراعة ومع بداية العام الدراسي الزول مرض قريب شهرين ولما بقي كويس نزل الكلية ولقي واحد من زملاءه الحناكيش , ها جنا الشهرين الفاتو ادوكم شنو ؟ رد ليهو الحنكووش ادونا ابوعشرين وابو ستة والتقند , قام رد ليهو زولنا والله كان كده النمشي علي اهلي واجيكم مع الحصاااد كان دي قرائتكم غاااااااااغ
ملاك الورد كتب:
النفير و السربة و الطورية
تاني ما متزكرة شي عن الزراعة
# خربشة .... ههههههههه احلى شي يا الشمّالي انك جبت العذر عشان لو سألوك انت ليه ما بتعرف عن الزراعه thumbup.gif ....
ميآآآو ....
ملاك ما دام عرفتي النفير والسربة والطورية
ما عندك عوجة تب , والنفير جماعة تعمل مع
بعض (عمل جماعي وغالباً خيري) والسربة دي
اخد البهائم الي الحواشات في الليل , والطورية
من ادوات الزراعة غاااااااغ
يا ترباله كيفنكم ... والله يا الشمالي كلامك زي لقيط الباميه لمن تكون لابس ليك خيشه في يديك ... نحن ناس بوابير وبحر بنعرف لي سرقة البتيخ نص الليل ... واكل تبش البلدات ساعة العصريه و الموليته البعد المغرب ... يا سلاااام يا الشمالي والله كان عندنا جرف سمح بالحيل بمش مع خالي طواااالي ولمن نكون راجعين بنمله مخلايتنا خدار ,,, والله الحاج بتكيف مني كيف ... قولت ليهو علي الطلاق يا حاج لو في لحمة كان جبتها ليك معاااي ... كـــــــــــــــــــــــــع ........ موضوع سمح تـــــــب
يا ترباله كيفنكم ... والله يا الشمالي كلامك زي لقيط الباميه لمن تكون لابس ليك خيشه في يديك ... نحن ناس بوابير وبحر بنعرف لي سرقة البتيخ نص الليل ... واكل تبش البلدات ساعة العصريه و الموليته البعد المغرب ... يا سلاااام يا الشمالي والله كان عندنا جرف سمح بالحيل بمش مع خالي طواااالي ولمن نكون راجعين بنمله مخلايتنا خدار ,,, والله الحاج بتكيف مني كيف ... قولت ليهو علي الطلاق يا حاج لو في لحمة كان جبتها ليك معاااي ... كـــــــــــــــــــــــــع ........ موضوع سمح تـــــــب
مجنن ناس البطيخ جن
كاااااااااك اها يا عمار اخوي مالو برضو
ادينا من ثقافة الجروف دي ودي برضو
زراعة وكان للبطيخ والتبش والعجور
يمين كلنا في الهواء سواء غااااغ
وطبعا الكاشف اللي هو انا ما ناقش اي حاجة وكلامو ده كلام طير في الباقير , اها المغرب كدي لما الوالد رجع سألني هاا جنا مالك ما جيت الحواشة , قلت ليهو جيت بس ما لقيت الحواشة غاااااغ وانا فعلا مشيت بس علا التنقليزي بتاع الوصف ده ما عرفتوا 
....
