حركات سودانية بائخة !!

[سهيلي سعيد]

يا ناجي دي هينه
لو في السودان
المشكله تكون الصفات دي وفي الغربه
حدث ولا حرك
مرات انو نكره نكون سودانين
بيتصرفات الغير
احراجات والله تدخلك في اضافرينك



ربنا يكون في العون
وسهل الصعب

[احاسيس]

وحاجة غريبة جدن بمناسبة الحفلات دي
اللى هى حكاية تجلبط الوش بتاع البنات ده ياخ دى ابلد حركة يمكن فى تاريخ البشرية ترسيخ شديد جدا لمعنى الإستلاب وعدم العرفة
الواحدة تلقى لونها يفتح النفس بالله وزى لون القهوة بالحليب تقوم هى ونسبة لمحدودية المعرفة وتدنى الحس الجمالى عندها وبلادة وبشاعة المجتمع الفيهو تقول لا عايزه وشها يبقى ابيض بالله لاقاك مرض اكتر من كده ؟الواحدة يكون عندها نعمة وهى ما واعية بيها نفسى اعرف بس الزول القال ليهم انه اللون الفاتح احلى منو
والتناقض الغريب إنو الرجال بقولوا البيضاء(الحمره) سمحة وغير انه كل ما تحصل مشكلة بينه وبين زوجته يقول ليها لو كنتي حمره زي فلانه(ممثلة في الغالب) كان عملتي شنو ؟,,يعني في النهاية البنات ديل بحاولوا ارضو الرجال !!!!
مرحب بيك ياود الشرفة

والله فعلا دى مشكلة حقيقية لكن السبب الاول والاخير فيها جنس الرجال لانو معظمهم ومش كلهم بيهتمو بالمظهر الخارجى وبينسو انو الجمال جمال الروح عشان كدا تلقى البنات بتنافسو منو الحتكمل علية المكياج فى الاول فى وشها عشان تكون نجمة الحفل وعشان ثقتها فى نفسها تزيد

مشكووووو رعزيزيى على الطرح الرائع ولى عودة ان شالله [grade="00008b ff6347 008000 4b0082"]بمواقف سودانية باااااايخة[/grade]

[ناجي عثمان عبد الرازق]

شكرا عاشقة الاحزان ، سهيلي فقد قرأت ماكتبتم ولى عودة إنشاء الله فيه شكرا للمرور ولاتغيبوا

[albkhty]

اغلب الحاجات دي بترجع لعدم التعليم ( مع انو للاسف ناس متعلمين وتطلع منهم الحاجات دي )

السنه لعق الاصابع بعد الانتهاء من الاكل

كلام النسوان اغلبو قالو وقلنا يعني غيبه ونميمه

البنات البجلبطن وشوشهن ديل ( خاصه في الاعراس ) بعضهن دايرات العرس وبعضهن دايرات يشدن الانتباه ليهن خاصه باقي البنات والباقيات نظام وجاهات وقشره وكدي

تسلم على الموضوع القيم اخي ناجي

[ناجي عثمان عبد الرازق]

albkhty
شكرا لمرورك العطر فكثيرمن الطقوس والعادات التي تتحكم في مجتمعنا يجب أن نسلطعليها الضؤ لايجاد طرق لحلها