الزول لو نزل عيد مع اهلو مش احسن

[محمد نعيم]

بعدو عندو مصنع برااااهو
مابنحب نقطع عيش الناس

ما خاتي بقى وجيهوني

هع

[مرسال الشوق]

ما خاتي بقى وجيهوني

هع

المال يغير اي حاجة

[محمد نعيم]

المال يغير اي حاجة

انت مالك ما اتغيرت

موش عندك كارو؟

[GentleMan]

السنة دي مبيت النية تب عشان امشي اعيد مع اهلي واكل اللحم علي اصولو
واشرب لي جك آبري آآآقصد
اسمو شنو والله نسيتو البعملو بالبلح دا الله يقطع سنين الغربة
نستنا اي حاجة حلوة ...اها خلاااص اتذكرتو الشربوت ونضوق
طعم العيد مش ذي هنا جانا العيد وانت مافي عشان كدا اقوم من دربي دا
اشتري لي شنطة همباك الم فيها هدومي ديل وباقي صابونتي وليفتي واشيل
قروشي صرة وخيط وامشي اعيد مع اهلي باقي العمر
مامعروف الزول يقوم يستشهد سااااكت في بلاد الغربة
اثر انفلونزا حمير ولامش عارف ايه لاتمهله طويلا تلحقو امات طه
والقروش علي الطرب بتلاتة ابت تتلم تب للزول
من قومة الصباح يجي البيت المغرب وعيونو بقن
زي البلي وكرعيهو اليمين بقت شمال والشمال بقت
يمين ولو قابلتو ساااكت ماتعرفو ماشي هو ولا جاي
اها العندو نية يمشي معاي انا متبرع يدفع لي حق التذكرة

ها يازوول القروش وكتين ابت تتلما لك مالك ومال الغربة
مخلي وليداتك في شان شنو ياخوي !!
تضرب في البروست والكنتاكي لمن تكاكي .. كاااك كااك
اكرب نفسك شوي ولملك شوية قريشات فد مررة واشتري لك اب زيق (بوكس 86)
واعمل نايم مالك ومال الحال المايل .
في واحد قعد لو قعدة واحدة خمسة سنين وجاب ابزيق ورجع لوليداته .

[محمد نعيم]

ها يازوول القروش وكتين ابت تتلما لك مالك ومال الغربة
مخلي وليداتك في شان شنو ياخوي !!
تضرب في البروست والكنتاكي لمن تكاكي .. كاااك كااك
اكرب نفسك شوي ولملك شوية قريشات فد مررة واشتري لك اب زيق (بوكس 86)
واعمل نايم مالك ومال الحال المايل .
في واحد قعد لو قعدة واحدة خمسة سنين وجاب ابزيق ورجع لوليداته .

ياخي نقتك سمحة تب

[القلب الملك]

فكرة حلوة بزيف بزيف


صحي القدم ليه رافع ،،،


لا ايدي لا كراعي ،،، فضلا من ربي ،،،

لقيت نفسي استف في شنطتي من هسا ،،،

[GentleMan]

ياخي نقتك سمحة تب

[color=4B0082]يازوول هاا نقتي دي كلاام سااي اوعك من تمش السودان نهائي الايام الا لمن يتحدد المصير
ياوحدة يا انفصال وفي الحالتين ضايع .. ات ما سمعت الاخبار الحاصلة في الخرطوم
الجنوبيين اليومين ديل عاملين كومناج دي بدايته كده وقالو ممكن تقوم حرب جديدة واستنفار
علي الطلاق يلمو فيك ناس الخدمة الالزامية ماشي ببوكسيك الا يقلعو بوكسيك ويحلقوك
صلعة ويرموا بيك في معسكر فتاشة وما تلقي نفسك الا في مناطق العمليات ...
وتقول ياريتني ما استقريت ،، اكان اخير لي الكفيل من زي ده ..
ان داير نصيحتي قريشتك الشويه ديل اطلبن الوليدات خليهم يجوا زيارة وريح
نفسك واضررب الجداد المكفن والبروووست والكبسة وعيش حياتك مع ام العيال
مش اخير كدي وللا انا غلطان ياود النعيم ... علا انا بدور مصلحتك اكان بتسمع نصيحتي
ياود النعيم .... وكل سنة وانت طيب .. كاااااااك [/color]

[القلب الملك]

كلامك زي الدهب آ النقناق

وات يا ود نعيم الزم الجابرة ،،، اسمع نصيحتوا ،،،

الله يستر على البلد وناسا،،،

[معتبر]

فكرة حلوة بزيف بزيف

اعيد انا في كازا

[القلب الملك]

اعيد انا في كازا

ههههههههههههههههههههه


جبنتك ضاربة يا أبوسن ،،، سوقني معاك كازا انا ما بعرف شوارعا

[معتبر]

ههههههههههههههههههههه


جبنتك ضاربة يا أبوسن ،،، سوقني معاك كازا انا ما بعرف شوارعا

حبيبناياقلب

ماتقول واخد لي مكياتو هسي

وبقولو علي شوارعها وزقاقاتا
زنقة

والله تكون حاجة ما تخلص ياخوي برانا ولا معانا

[GentleMan]

كلامك زي الدهب آ النقناق

وات يا ود نعيم الزم الجابرة ،،، اسمع نصيحتوا ،،،

الله يستر على البلد وناسا،،،

شكرا اليك كتير .. يالقلب الملك ..
علا انا مابدور الجهجه للاخوان .. لكن بالشايفو داا الشافنا لاجئين ما كضب
تشوف التلفزيون تقول ديل الناس .
تمش السودان تلقي القيامة قايمة .. وانا دوبي جاي من اجازة من السودان
النشوف اخرتا شنو مع الجبهجيه الكرهوا الناس البلد الناس ديل من ما حكموا
ليهم 21 سنة والناس منها وما شافت راحة الناس هااجة اغتراب من يومه
كرهوا الناس العيشة ،، تقعد ما يريحوك تغترب وتنزل اجازة شئون المغتربين
دايرين حقهم قالوا ضرائب وزكاة ودمغة جريح .. وخلافو والله نتفونا نتف لمن
اتلسلفت انا من ناس عشاان اجي راجع هنا .. عليك الله ديل ا مة يرفعوله علم
ما باقي الا يحشوا الناس دي حش .. والله يكضب الشينة
وفتكم بعافية وكل عام والمختبئين بخير .. لانو ديل ما بقو مغتربين جااين نندس هنا
من الوضع الحاصل هناك .. ماعارفين نقبل وين زاتو ..

ماتقرا وتسكت رايك بهمني ياوو النعيم

[السنبلاية]

مكونات الشربوت بالتفصيل

شفتا يا محمد صاحبك شرحها ليك بالتفصيل الممل

طلع اسطة فى الشغلانية دى !!

اتاريهو ,, اقول انا من زمان الزول دا مالو كدا ,,

اول مرة اكتشف هو تابع للمجموعتى ديك !!

[محمد نعيم]

شفتا يا محمد صاحبك شرحها ليك بالتفصيل الممل

طلع اسطة فى الشغلانية دى !!

اتاريهو ,, اقول انا من زمان الزول دا مالو كدا ,,

اول مرة اكتشف هو تابع للمجموعتى ديك !!

هع

ما حصل شربتو لكن هو عايز يقنعني بيهو

شايفو اشترى المكونات من عيد الفطر


يالله السترة

[ذكرى الجراح]

ياريت اقدر اعيد في السودان

اي زول داير يمشي

يمشي طوالي

العمر ما معروف

ما معروف الزول يموت وين

وربنا يطول العمر ويدي العافيه

وإجازه سعيده من حسي يامرسال

لو ما غيرت رايك

[أبو صديق]

إنت أقعد زازي كدا وإتحاااوم بالكارو
ده لحدي ما الطيّاره تفوتك..

[محمد نعيم]

إنت أقعد زازي كدا وإتحاااوم بالكارو
ده لحدي ما الطيّاره تفوتك..

انت من زمن الطيارة

الزول دا روّق ياخي

[GentleMan]

ها يا زوول ... ياود النعيم .
سيبك من الشربوت والنضم الفاضي
ات يازوول انا نصحتك ، علا انت زولا راسو ناشف
كلامي دا ختو حلقة في اضانك
قالوا اسمع كلام الببكيك ولا تسمع كلام البضحكك
وقالوا الجمرة بتحرق الواطيه
اللهم قد بلغت فاشهد
مع خالص الود والاحترام

[سفيان علي ميرغني]

يا خوي والله شوقتني ارجاني أشد حماري ورابط الضناب وانفض بردعتي وأرافقك داء الكلام الصاح خلنا نحصل خروفنا الماكل النجيلي ؟؟؟؟؟؟

[مرسال الشوق]

ياريت اقدر اعيد في السودان

اي زول داير يمشي

يمشي طوالي

العمر ما معروف

ما معروف الزول يموت وين

وربنا يطول العمر ويدي العافيه

وإجازه سعيده من حسي يامرسال

لو ما غيرت رايك

يلاااا معاي انا متبرع
انك تتدفعي لي حق التذكرة