الحبيب السابق

[جراح]

بعض البنات الوحده تكون بتحب ليها واحد حب شديد ونسبه لظروفو الماديه اواهلها ارفضو او اجيب لى عزر كدى وهمى واقنعه

المهم كل واحد اروح لحالو بس التواصل والعلاقه مستمره الى ياتى اخونا المسكين المغترب اقصد العريس الحقيقى

بعد كدى صحبك الحبيب السابق اكون لالالابد

اها ياجماعه دى حلها شنو حكاية الحبيب السابق دى والذمن دى بقن البنات اى بت يعنى لاتخلو من حبيب سابق....................

[ذكرى الجراح]

جراح المشكله ديه عندها افاق بعيده ومتشعبه شديد

انا اديك مثال

واحد بيحب واحده كم سنه وهو اكبر منها يمكن بسنتين إتخرج وكالعاده ماإشتغل

اغايت ماهي جات وإتخرجت وهو ما شغال والشغل مابيدو السودان مافيو شغل

المهم البنت إتخرجت وخلصت الخدمه الالزاميه وكعدت سنه في البيت

تنق للولد تعال اخطبني قاليها انا بحبك لكن ما بقدر اجي اقول لابوك شنو

اول سؤال حايكون شغال شنو

المهم البنت جاها عريس على قولك مغترب

وإتقدم والابو وافق

الولد بقى يقول للبنت إنت ارفضي بالعقل كيده لو رفضت حا تقول لابوها إنو انا بحب واحد ولسه ماإشتغل

وحتى لو قالت ليو كيده حاتنتظر كم سنه اغايت ما تعنس

ويكون مافي زول دايره وهو يمشي يعرس واحده صغيرونه

جراح صراحة الحب بيجي بعد الزواج

لك التحايا

[هندوسه]

يعني انت مشكلتك انك داير ليك بت ماهندها حبيب سابق؟؟
ول شنو..
جاوبني عشان اوريك الحل!

[جمال السودان]

ما دا المجننا والله لكن المفروض البنت حرصا على بيته تنسى كل شى
لكن القلب دا اعملو ليهو شنو كل ما زكرت حاجه الحبيب الاول
بجيك يا اخوى راجع

[king cairo]

الحب يا ذكرى الجراح ما اختيارى علشان تخليه قبل الزواج او بعدو
ثانيا هنا الخطأ بيكون مننا احنا البنات يعنى مفروض طالما اختارت انها تتزوج فتنسى الماضى كله
لكن طبعا الذكريات حتكون موجودة ودا شئ طبيعى . لكن هسى الزمن اختلف عن زمان يعنى البت دايرة تعرس وعلشان كدا ممكن تكون بتحب واحد وتعرس واحد تانى . علشان البورة وكدا ما تجى تلاقيها لسة بتحب .
مع ان مفروض ما يكون فى عجلة فى مواضيع الزواج اصلا الا لما تتأكد انها خلاص انتهت من علاقتها الاولى وفى كامل ادراكها انها داخلة حياة جديدة يعنى ما يقع الاختيار تحت تأثير حزنها او جرحها .

[جراح]

يعني انت مشكلتك انك داير ليك بت ماهندها حبيب سابق؟؟
ول شنو..
جاوبني عشان اوريك الحل!

ههههههههههههههههههههههههههههههههههههههههههههه هو فى لكن حسى لو قلت اى فى

ماكلهم حابات من زمان وتلاقى اكتر من واحد هههههههههههههههههههههههههه

[جراح]

شبابنا شكرا للمشاركه والادلاء باراءكم بس الموضوع كبير

حقو الناس تفكر بعقلانيه شويه هو صح العوامل المحيطه ليها تاثيره الانترنت والكلام الفارق دى

بس حقو الوحده تتمسك بعاداته وتقاليده وتحافظ على زوجها وتنسى كل السابق مافى حاجه اسمها حبيب


تقفل الحته دى ولا تسلم على حتى ................................. تحياتى

[a.w@fantom]

هههه وطيب عاااااااااااادي حتى الاولاد بكون عندهم حبيبات وحبيييبات سابقييين وكمان اكتتتتتتر من البنات .........على الاقل البنات بحبو باخلاص مازي الاولاد بلعبوو على مليوون وحده
يسلموووو تقبل مروري ...

[هندوسه]

ماعيب انك ترتبط بي وحده كانت مرتبطه قبلك...
المهم تكون بت اخلاق وذات دين..
بالعكس الايامات دي الاولاد بقو دايرين البت مع شهاده خبره!!
هههههههههههههههههههههههه

[احاسيس]

عليكم الله لمن تلقو حل للمشكلة دى كوركو لى عشان اجى انا

[ابو ايووودي]

عليكم الله لمن تلقو حل للمشكلة دى كوركو لى عشان اجى انا

هههههههههههههه
لقينا الحل يا عاشقة
بس انتي اول اعترفي كان عندك حبيب سابق والا ما عندك

[قرقوش]

اولا كل التحايا لك اخ جراح على البوست الجميل
ثاني ثان
الموضوع ممتد كما ذكرت الاخت ذكرى الجراح
لكن وللامانة انا احمل اولاد ادم شي من المسؤولية او جلها وقليل لحوا
يا اخوانا حواء هذه مخلوق مبني على الرقة والطبع الحلو
اما ( )فحدث وعدم المصداقية منذ بدء العلاقة يؤدي لهذه الاثار
والمسكينة عامياها الريدة والكلام الجميل وحبيب القلب ما اتخذ ولا خطوة واحدة جادة
وما لاقي شغل ووو كم من علة
واخيرا اهلها زوجوها فما في داعي هو يتسحلب تاني
ويجي يحفر في ذاكرة التاريخ وزمان كنا وكان وكان
ياخي لو صحيح حبيتها ابعد عن طريقها
وقول ليها ربي يعدل ليك طريقك
انتو بتقولو الكلام ده والتركيز على حوا
وادم ياما عاش مغامراتو وصاع وطلع مع دي ونزل مع دي
وفي الاخر هو ما دايرين ليهو بت خالتو

ولنا عودة فقط ارتب افكاري

[احاسيس]

هههههههههههههه
لقينا الحل يا عاشقة
بس انتي اول اعترفي كان عندك حبيب سابق والا ما عندك

اكيد كان عندى ومازلت بسميه حبيبى السابق مع انو مفروض الصفة دى تترفع عن كل ماهو ماضى عشان نقدر نستمر فى حياتنا الجاية ولا رايكم شنو؟؟؟

[الشمالي]

يعني انت مشكلتك انك داير ليك بت ماهندها حبيب سابق؟؟
ول شنو..
جاوبني عشان اوريك الحل!

الحل شنو يااا هندوسة غااااغ ؟

كاااااااااااااااك

[بنت الحلفايه]

بس ياعزيز الحكايه دى بقت مامقتصره على البنات واهلهم حاليا فى شباب بيبحثو عن الماديات و اول مايلقه بنات وضعها المادى تمام و حاتقدر تساعدو فى احلامو بيترك حبو وحبيبتو وراء طوالى بدون اى مقدمات اذن الشى ده مامقتصر لا على بنات ولا على ولد الشئ ده من نفسيت الشخص وتربتو واباحتو لاى شئ فى سبيل تحقيق احلامو وطموحو



تقبل مرورى

[مهاد الحصاحيصا]

ياجراح ياولدي ...

دي مامشكلة لانو كتير العندههم حبيب سابق
لكن في حاجة اسمها الاخلاق والالتزم
ودي برضو في بنات كتيرة عندهم حبيب سابق
والماديات ... كل البنات والاولاد بحبوها ؟؟

[نوسه2]

موضوع يستحق المناقشه بس الحبيب السابق دي حاجه انتهت وبقت ذكره والمهم الاخلاق والاحترام ياجراح وماترمو الحق كلو علينا انتو عندكم نص لانو ممكن الواحد منكم يبيع في دقيقه انا شخصيا مابثق في واحد