المغترب داير الرجوع

[أيمن]

والله صاح
المغترب داير الرجوع.؟
داير تشخر تانى فوق ضل الصباح
وامك تجيك قوووم ياجنا
الملكه جاتك بى هنا
وقالت فطورك عندنا
وتفوت تلاقى الشله قاعده متفنه
ويجى الفطور . تحسبو فول؟
بى خدره بايته تخينه ذى مونه البنا
وان قلته فوقه امقيردون تقدل وتطرح للجناح
تب مابنقول كضبتنا
والبصله بى فد نتله فوق العنقريب الجمبنا
فضل الله بقدر يفرتنه
وتقعد تفر الطرقه فوق وش الملاح
وفى نصها حتت لحيمه تدفنه
تحواها بى السبابه شان ماتعلنه
تغشابه صحن الشطه فوقو تعطنه
وتستعدله وتلمها وتجكنه
وتجريبه ماشى على الخشم أحييييى أنا
ماتقولوا لى جهجهتنا
عشرين سنه رجعتنا
وفضل الله يرغى نهارنا راح
قوم ياجنا
زيدو الملاح
الملكه أرمى السنسنه
وربى العجين الناس دى مااااظنيت نصاح
والله قادر ربنا
الخلت عقولنا ممحنه
الحكمه نرجاهو الغدا
ذى التقول صايمين سنه
منعول أبوها الغربه دى
الناس دى عايشه بى هنا
وانا بى هناك نوم عينى راح

[motr1]لست مغتربا ولكن لعله لسان حال المغتربين[/motr1]

[الطيبة]

المغترب بارك الله فيك
فعل امك في انتطرك وانتطار رجوعك
شكرا وجزاك الله خيرا

[هامس]

اخى الصغير ايمن
لك تحية معطرة بى دعاش المطر النازل عندكم الايام دى
(والله صاح)
لقد صدقت والله هذا حال كل مغترب يعشق السودان وناسو الطيبين
فى كل لحظة فراغ تجد روحه تهيم فيما سطر قلمك , لقد (هبشته) وتر حساس فى وجدان كل مغترب سودانى .
انا واحد من الناس اعشق ضل الضحى و الفول مع الشلة المتفنه والعنقريب الهبابة و
قوم يا جنا زيدوا الكسرة دى وكترة+++وام قيردون تقدل فى المشية وتكسرة
الله الله عليك يا ايمن انت سودانى اصيل ,
(همسة) دمت بود

[هامس]

عزيزى ايمن

غدا تبحر سفنا عائدة,, لاوطان غير منسية... تتلاقا الاشواق.. تتشابك الايدى والاعناق..فى
حب قتلته الغربه..فرح,,مرح,,اشواق زايدة,و وجوه ضاحكة نضرة منتظرة سفن الاحباب.
وجوه تحكى وتقول_ انسه الغربه,,من قال ان الشوق فقط فى البعد,,حتى فى القرب تجد له مرفا

[عزالدين محمد]

اخي ايمن ليس هناك مايمكن قوله إلا الإستدلال بهاتين البيتين


فيا وطني هجرتٌك لا لبٌغضٍ ولا لاني مٌنحتٌ سواك وٌدا

فلا والله ما هجرت حتي جهدتٌ ولم اجد من ذاك بٌـــــدا

[أيمن]

(والله صاح)
انا واحد من الناس اعشق ضل الضحى و الفول مع الشلة المتفنه والعنقريب الهبابة و
قوم يا جنا زيدوا الكسرة دى وكترة+++وام قيردون تقدل فى المشية وتكسرة
الله الله عليك يا ايمن انت سودانى اصيل ,
(همسة) دمت بود

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
داير رقاد ضل الضحى ؟.............=
وامك ترسل لى بنيتك ..................=
امشى شوفى أبوك صحى؟...............=
والفطره من امك تجيك مصلحه........=
والبصله بى ايدك براك تفلحه؟.......=
وابوك يجيك شايل الفجل...............=
من الجروف ايديهو غبشه منفحه.......=
امسك بنيتك ياجنا الدحشه ديك ماتلفخه=
هامس أخوى الناس هنا...................=
شقيانه عله ملحلحه........................=
وبساطه فى كل الظروف.................=
لاقومه لابوبار ولاتشوف فخفخه.......=
ارجع وياهامس تعال .....................=
دى حياتنا نحن أبوالرخا..................=
والهم يمين راسمالو بس نومه ضحى...=[/poem]

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=right use=ex num="0,black"]
مشكور أخى هامس =
ونسأل الله أن يهون=
عليكم غربتكم........=[/poem]

[عشوقة]

يا اخوي ايمن..
انحناء اجلال وتقدير .
لروعة كلماتك..واحاسيس قدرت
توصلها..رغم عدم تعايشك للتجربه..
وانا خلاص جايه السودان ..زهجت من الغربه!!
[blink][blink]سلمت يداااااااااااااااااك..[/blink][/blink]

[فرحة العسولا]

(بابا بقول ليك شوقتنى وزكرتنى البلد بى قصيدتك دى
وبقول ليك مالك عايز تحمينى النوم ؟
وقال ليك ذكرتنى الغنيه الشايقيه البتقول
بى ونسه فوق العنقريب والنسمه جاى هواها هاب )

0قصيدتك حلوه لانها بى كلام سودانى بحت, دى مني انا )

[أيمن]

يا اخوي ايمن..
انحناء اجلال وتقدير .
لروعة كلماتك..واحاسيس قدرت
توصلها..رغم عدم تعايشك للتجربه..
وانا خلاص جايه السودان ..زهجت من الغربه!!
[blink][blink]سلمت يداااااااااااااااااك..[/blink][/blink]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعشوقه أرجعى لى محل أجدادك......=
لى وطنا يعزك رادك.....................=
فيهو مناك وفيهو رضاك وفيهو مرادك=
أدى العمه من أجوادك....................=
وقاسمى الخال ملاحك وزادك..........=
ووفى للحبيب ميعادك....................=
ياعشوقه ماااعاجبنى ياخى قعادك......=
أرجعى فى البلد أمجادك....................=
تعالى اتوظفى فى جيادك................=
على نقاطه من أمجادك..................=
يمشى الحال تربى اولادك..............=[/poem]

[أيمن]

(بابا بقول ليك شوقتنى وزكرتنى البلد بى قصيدتك دى
وبقول ليك مالك عايز تحمينى النوم ؟
وقال ليك ذكرتنى الغنيه الشايقيه البتقول
بى ونسه فوق العنقريب والنسمه جاى هواها هاب )

0قصيدتك حلوه لانها بى كلام سودانى بحت, دى مني انا )

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أفرحا رويدا أتانى نداك=
أقول اليك ونفسى فداك=
رعى الله عمرك وحفظ أباك=
ونلتى رضاهو ونال رضاك=
وأنتى بعين أباكى ملاك=
فما أن يحل عليك مساك=
فقولى أبى مبتغاى رضاك=
فنلنى عفوك ونلنى دعاك=
فلست بشئ أكون سواك=[/poem]

[ابراهيم الجيو]

[quote="أيمن"]والله صاح
المغترب داير الرجوع.؟
داير تشخر تانى فوق ضل الصباح
وامك تجيك قوووم ياجنا
الملكه جاتك بى هنا
وقالت فطورك عندنا
وتفوت تلاقى الشله قاعده متفنه
ويجى الفطور . تحسبو فول؟
بى خدره بايته تخينه ذى مونه البنا
وان قلته فوقه امقيردون تقدل وتطرح للجناح
تب مابنقول كضبتنا
والبصله بى فد نتله فوق العنقريب الجمبنا
فضل الله بقدر يفرتنه
وتقعد تفر الطرقه فوق وش الملاح
وفى نصها حتت لحيمه تدفنه
تحواها بى السبابه شان ماتعلنه
تغشابه صحن الشطه فوقو تعطنه
وتستعدله وتلمها وتجكنه
وتجريبه ماشى على الخشم أحييييى أنا
ماتقولوا لى جهجهتنا
عشرين سنه رجعتنا
وفضل الله يرغى نهارنا راح
قوم ياجنا
زيدو الملاح
الملكه أرمى السنسنه
وربى العجين الناس دى مااااظنيت نصاح
والله قادر ربنا
الخلت عقولنا ممحنه
الحكمه نرجاهو الغدا
ذى التقول صايمين سنه
منعول أبوها الغربه دى
الناس دى عايشه بى هنا
وانا بى هناك نوم عينى راح

[motr1]لست مغتربا ولكن لعله لسان حال المغتربين[/motr1][/quote]

احساس واقعي, وحروف أروع,, وخاتمة في منتهى الروعة,,, الله على كمال الحرف عندك,, والله على جمال الاحساس عندك,,
هي فعلاً جميلة عندما تأخذنا الكلمات لمدارات بعيدة, أو أبعاد سحيقة من التفكير فيما يدور بحياتنا,
مزيد من الحنين, مزيد من الشوق ياوطن,,,,

ومزيد من الإنبهار بأناملك,,, كن بود,,

[أيمن]

المغترب بارك الله فيك
فعل امك في انتطرك وانتطار رجوعك
شكرا وجزاك الله خيرا

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]الطيبه ماقصرتى جبتى الرد=
وكل زول يلزم الأمات كلامك جد=
باب الغربه لابد انو يوم ينسد=
أكان اليوم ياأخوانا كان الغد=[/poem]

[أيمن]

مزيد من الحنين, مزيد من الشوق ياوطن,,,,

ومزيد من الإنبهار بأناملك,,, كن بود,,

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حق الكفيل أرنب خلا مابتمسك=
والكوره يابراهومه لابد يوم تفك=
العاقل المتلك يطير ويرجع يرك=
والفرحه تغمر للجميع والقصه تصبح فى السلك=[/poem]

[أمير الشباب]

والله صاح
المغترب داير الرجوع.؟
داير تشخر تانى فوق ضل الصباح
وامك تجيك قوووم ياجنا
الملكه جاتك بى هنا
وقالت فطورك عندنا
وتفوت تلاقى الشله قاعده متفنه
ويجى الفطور . تحسبو فول؟
بى خدره بايته تخينه ذى مونه البنا
وان قلته فوقه امقيردون تقدل وتطرح للجناح
تب مابنقول كضبتنا
والبصله بى فد نتله فوق العنقريب الجمبنا
فضل الله بقدر يفرتنه
وتقعد تفر الطرقه فوق وش الملاح
وفى نصها حتت لحيمه تدفنه
تحواها بى السبابه شان ماتعلنه
تغشابه صحن الشطه فوقو تعطنه
وتستعدله وتلمها وتجكنه
وتجريبه ماشى على الخشم أحييييى أنا
ماتقولوا لى جهجهتنا
عشرين سنه رجعتنا
وفضل الله يرغى نهارنا راح
قوم ياجنا
زيدو الملاح
الملكه أرمى السنسنه
وربى العجين الناس دى مااااظنيت نصاح
والله قادر ربنا
الخلت عقولنا ممحنه
الحكمه نرجاهو الغدا
ذى التقول صايمين سنه
منعول أبوها الغربه دى
الناس دى عايشه بى هنا
وانا بى هناك نوم عينى راح

[motr1]لست مغتربا ولكن لعله لسان حال المغتربين[/motr1]

ههههههههههههههههههههه ... والله العظيم جهجهتنا يا (أيمن) ... بالجد قصيده رااااااااااااائعه جداً ومميزه ... حرووووووف جميلة لا تدل ... إلا على الإبدااااااااااع الحقيقي ... واااااصل المسير ... فأنت من أصحاب الأنااااااامل الذهبية في هذا المنتدى ... ودي ومحبتي

[كيمو]

الرائع دوما والفنان ايمن

مشكور يا ايمن علي الكلمات المعبره

والمشوقه في نفس الوقت

مشكور وتسلم وداعواتنا ليك بالرجعه يا مان

تقبل مروري يا حبوب

[أيمن]

الرائع دوما والفنان ايمن

مشكور يا ايمن علي الكلمات المعبره

والمشوقه في نفس الوقت

مشكور وتسلم وداعواتنا ليك بالرجعه يا مان

تقبل مروري يا حبوب

[poem=font="Simplified Arabic,7,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا أصلى قاعد فى البلد ماقمته تب=
أقبل أكان الحال سمح وأكان كعب=
أرضى القليله أخير لى من هلل العرب=
ياكيمو مابشفق أضيق وانا لييه رب=[/poem]

[asool22]

الله يرد كل مغترب مشكور وقلبت علي المواجع

[أيمن]

ههههههههههههههههههههه ... والله العظيم جهجهتنا يا (أيمن) ... بالجد قصيده رااااااااااااائعه جداً ومميزه ... حرووووووف جميلة لا تدل ... إلا على الإبدااااااااااع الحقيقي ... واااااصل المسير ... فأنت من أصحاب الأنااااااامل الذهبية في هذا المنتدى ... ودي ومحبتي

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أمير الشباب لازم نجيبكم=
نحرش ليك أبوقدحك نسيبكم=
فوق الغربه يا أخوى مابنسيبكم=
وحشتو قلوبنا ياخ انعل صليبكم=[/poem]

[ود أونسه]

مشتاقين يا أيمن فطوركم الا كيف بنضوق

كان بي خدره او بي روب او لايوق

لو ام بقبق او ايت ملاح مفروك

محفوظ من امس في السهله

ماختوهو في تلاجه قضت ليلا فوقو تسوق

مشتاقين بس ظنيت بطول الشوق

مشتاقين للحجاج ولليهم علينا حقوق

للبلد الرعتنا زمان وكت قمنا وكسرنا الطوق

لي اسمارنا لي اقمارنا لي اول هوى ومعشوق

للسدرات وللنخلات وللقمري البسوي القوق

وللادونا تاريخا صبح في هام الجبين ملصوق

للراعت خطاوينا

للغرست مبادينا

نمت فينا روح عزه علو وسموق

للحبان وللجيران

ولي لمة عريبنا الجونا يوم السوق

لي معزاتنا لي حمارنا لي نعجاتنا بل للنوق

لي كل ما قدل في بلدي في عزه من مخلوق

نعيش بي جاي ونار شوقكم ابت ما تروق

ما نسينا البلد والناس

ولا ضيعنا لي مبدأ ولا موثوق

بعون الله نعود نرجع

خلاص جات روحنا في الطقوق

وزي ما الغربه ليل طول

اكيد برضك بجينا شروق





تعرف يا أيمن انا صورة فضل الله وفرتينو للبصله فوق العنقريب مساهرا بي الليالي منتهى الراحه والتحرر يعطيك العافيه أخوي وكتر لينا من زي ناس فضل الله ديل .

[أيمن]

مشتاقين يا أيمن فطوركم الا كيف بنضوق
كان بي خدره او بي روب او لايوق
ما نسينا البلد والناس
ولا ضيعنا لي مبدأ ولا موثوق
بعون الله نعود نرجع
خلاص جات روحنا في الطقوق
وزي ما الغربه ليل طول
اكيد برضك بجينا شروق
.

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياوداونسه كم ليكم علينا حقوق=
علمتو وعالجتو ولتقتو البنا المشقوق=
وحولتوا الريالات بيها شلنا السوق=
اتسوقنا واتكسينا والدعاء ليك صبح مطبوق=
ياوداونسه هز ايدك وراسك فوق=
وقوقى متل ترانيم الدباسه ام طوق=
عشت لى جناها وعشعشتلو فوق=
ودارتو من مخاطر كافه المخلوق=
وماهماها ان شالت سماها بروق=
ديل انتو ماقصرتوا سايقين سوق=
لكن برضو راجين لى رجوعكم والرزق ملحوق=
كفى الجبتوهوياجنيات مقضى والمعانا بحوق=
ياوداونسه اعزرونا غلبنا الشوق=
وكلم باقى أخوانك وكلك زوق=[/poem]