الــلــــــيـــــلــــــه ديـــــــــــــــــــــك

[ام صبا]

فــــــى الـلــيــلـــه ديـــــك

فى الليله ديك فاض الهيام
ورسلت ليك اجمل سلام
كتبت ليك اسرع تعال
نشتل فرح نعيد الغرام
فى الليله ديك
كان على ان القاك
كنت اود ان ابوح
بحبى اليك
ذلك الحب الذى الذى لم
استطع كتمانه
حملت اشواقى واحلام عمرى
واتيتك وقلبى يرقص طربا وفرحا
بذلك اللقاء الذى سوف يكون
حبك جعلنى ارى الدنيا
بالوان ورديه
شربت من رحيق حبك حتى غبت
ولم اعد ارى سواك
كنت حاضرى وامسى وغدى
وجلست اترقب مجئيك
كان الليل صامتا وكانت السماء
تنذر بالمطر
والغيم حجب القمر
كنت قمرى فى تلك الليله
طال الانتظار
ناديتك يا انا
أين أنت
هذه ليلتى وحلم حياتى
فاسرع فقد طال انتظارى
ولم تأتى
وياعيونى اسكبى دمع الحنين
لو يفيد الدمع او يجدى الانين

[ام صبا]

فى الليله ديك
ساقنى ليك اجمل حنين
واتذكرت ايامنا الزمان
وآه من السنين لما تمر
وترمينا فى الزمن العنيد
لمحتك من بعيد
ساقنى ليك شوق العمر
وجيتك قريب
حسيت حبى ليك
وانا يا انا
ياما جار بي الزمان
شفتك معاي
اروع خيال
وزمن فريد
فى الليله دي
ما تخلينى للآلام براي
اصلى من غيرك ما بقدر اعيش
ادينى من عمرك حنين
واشهد واقول
والله صافانى الزمن
واعيشك فى ليلة عمر
وخليها تكون الليله ديك

[ام صبا]

____________________________________________________________


فى الليله ديك
زارنى طيفك فى ذلك المساء
ناجيتك كثيرا وعتبت عليك
لما البعاد بحثت عليك فى كل المزارات
(واتيت قبلك)
واحضرت القهوة بطعم الحنين
الاماكن كلها تشتاق اليك
فى هذه الليله حدثنى قلبى بلقاك
واتيت اليك احمل الحب ولتكن
ليله من تلك الليالى
وليكن ليلنا طويلا طويله
فكثير اللقاء كان قليلا
دعنى اتزود منك حبا وحنينا
ياحبيبى سوف تلهو بنا الحياة وتسخر
فتعال احبك الآن اكثر
ولتكن هذه ليلتنا

[عصافير الخريف]

في الليلة ديك
القصة ذاتها بقت عليك يا عبدو وأدوك الشريط
يوم قولنا ليك أنضم معاها وكلّمها
لكن أبيت تسمع كلامنا
بقيت لميض وقلتَ.. أحسن أكون تقيلأ
قلنا يا جميل باكر بعد باكر
بكهربها ليك بي نظرة
كتيل وبقيت تقيللا
في الليل ديل
من سقوك موية الغسيل
يوم جيت تنطط زي زمان
وتباري بقعور الشجر
كايس كراسي الخيزران ..
وقعدتَ يا زينة الرجال
كهربجي قال رفعوا الستار
والبت تجي وتمشي و تلف
ومرات تقيف ومعاها كان زولاً حريف
والوقفة كان وقفة ولف
وصاحبنا بالاحساس عرف
وسألتَ والناس كلّموك
ملعون أبوك دنيا أم قدد
بقت البقت ووقعتَ في شارع الزلط
تبكي وتجعّر والعيون اتورّمت
يد القميص.. ضهر القميص.. كم القميص
حتى الفنيلة اتشرّطت
يا عبدو عيب قوم يلا صلي على الحبيب
الواطه صبحت داير ننوم
يا أخوانّا لأ أنا عايزأموت
أقع البحر يا عبدو عيبا لدنيا حر ..
والموية بتسخّن عليك
ثلاثة ساعات في الطريق
وزولنا قاعد يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
شي كلام عن الدنيا أم قدود
وعلاقة بين يوما لسبت وعين الحسود
ومقارنات بين الجمال والجهل وسوء الإختيار
قال شينة قال ...! قال شينة
قلنا كلام صحيح و خطيبها زاتو ولد قبيح
بس ياخي قوم الواطة ليل..
دايرين ننوم
في الليل ديك
وقام تاني جاب سيرة البحر

[ام صبا]

اشتقت ليك قول ليه
كان البعاد
ليه تحرمنى من حنانك
وتخلينى لليل والسهاد
وانا ياضناي هناي بيك
اوفينى يوم بس فى المعياد
ورينى ايه اسباب صدودك
احكى قول سيب العناد
فى الليله ديك جد اشتقت ليك
ساقنى الحنين ذكرنى ايامنا الزمان
وسرحت مع طيفك بعيد
وياما كنا وياما كان
فى الليله ديك جيتك عشان القى الحنان
وانا هناي بيك جيت حاضنه الفرح
القاك كيف وانت هناك بعيد
وبكيت عليك وبكيت عليك
فى الليله ديك

[بحلم]

فى الليله ديك
الحلو لما انعطف
اخجل جميع الغصون
والخد لما انقطف
ورده بغير العيون
ياللى بليت الهوى
وصرت مغرم
خلى اصطبارك دوا
حتى يهون الهجر
حبيت اشوف لى سبب
ابنى عليه الكلام
لكن لقيت الطلب
بعيد وصعب المرام
وده كان حالى فى
الليله ديـــــــــك

[ام صبا]

فــــــــــــــى اللــــــــــيــــــلـــه ديـــــــــك
فى الليله ديك من تانى عاودنى الآلم
لميت جراح الفرقه جيت حاضنه الآسى
ذكراك معاي
وانا جوايا حزن غلب الفرح
فى ليله من عمر الزمان
شفت هنايا بيك
وجيتك اشيل منك امل
وانا كل آمالى فيك
اصله الزمن ما انصفنى يوم
الابلقايا بيك
كان الحلم دائما معاي
مشوار طويل
وحلمت بيك وآهــ من الحلم
لما الحلم يصبح سراب
وانا كان حلمى معاك
فى الليله ديك

[ام صبا]

فى الليلة ديك
اشتقت ليك جابنى الحنين اسأل عليك
وانا يا انا بالجد مشتاقه ليك
وهام الخيال ذكرنى ايامنا الزمان
سرحت بالخاطر بعيد
احكى واعيد
جمال لحظاتنا ديك
يوم كنا عايشين فى نعيم
وكنت لي وكنت ليك
واحتجت اليك
وعشان القاك فتشت ليك
بين الحروف
فى كلمة غرام فى لحظة آمان
فى ضمة حنان
وكانت كل الحروف فى الليلة ديك

[نهر المحبه]

في الليله ديك
ساقاني الغرام
واتوعدني انه يطلعني من الاوهام
ويعيشني دوم في سلام
لكن في لحظه غاب السلام
في لحظه لقيت نفسي من غير امان
مشيت ..وتهت في الدروب
وعالجت جروح القلوب
الا جرح قلبي ماليه.....
الرائعه ام صبا دائما انت مبدعه
تقبلي مروري

[امرأه نخلة]

في الليله ديك شلت خطواتي ومشيت ورحت بعيد من زولاً نسى الألفة
أطوف من مرسى لمرسى أسوي شنو ؟ سهاد ليل ووحشة وغربة ..
ورحلت وجيت في بعدو لقيت كل الأرض منفى

[ام صبا]

الغيم حجب حبك فجر جواي سيل من حنين
والمطرغسل الآلم الفينى عايش من سنين
واتلاقينا في ليلة كان الجو جميل والنسيم هادى عليل
وانا من حبك انهل واشيل
غيوم تمشى وتجى ونحنا في نشوى وهيام
ساعه من عمر الزمن عشناها تحنان وانسجام
ونسينا ايام الخصام واتعاهدنا نرعاه الغرام
ونعيش حياتنا هنا وسلام
وآهــــــــــــــــ من الغيم والمطر
ويا جمال الليله ديك

[بحلم]

فى الليلة ديك
فرحت فرحه طفلة تلعب وتلهو
من دون هم او احزان
فى الليلة ديك كانت ضحكتى تعلو
على اى صوت من حولى على اى
هم او حزن او حتى الم
كانت اجمل ليلة فى عمرى
هى الليلة ديك
ليتها لم تمر ليتها لم تذهب مثل ماذهب العمر
ليتها بقت مثل ما بقا الحزن والدمع
الليلة ديك كونت اقول لنفسى هو ده الحلم
هو ده الحلم يتحقق لى مع كل ضحكة
كانت تطلع من قلبى مع كل ضحكة كانت تنطلق
منى فى الليلة ديك
ولكنى الان اقولها من قلبى
ليتها لم تاتى فى عمرى
الليلة ديك

[الضراع]

في الليلة ديك كان المني
تلحفت مشاعري بالهناء
صبرت قلبي بالرجاء
همهمت وهممتو بنطق المحال
تخيفني خطواتي ......
تهزني انفاسي.......
تمنيت ان يمضي الوقت
فاليلة لم تكن كاليلة ديـــــــــــــك

[ام صبا]

في الليلة ديك كان المني
تلحفت مشاعري بالهناء
صبرت قلبي بالرجاء
همهمت وهممتو بنطق المحال
تخيفني خطواتي ......
تهزني انفاسي.......
تمنيت ان يمضي الوقت
فاليلة لم تكن كاليلة ديـــــــــــــك

الليله ديك
كانت ليلة مطر
شفتك هناك
مشيت عليك
كان الغمام كاسيك جمال
نزل السحاب
اترجيته لو لحظات يقيف
ويدينى بس حبة يقين
انا قلبى بيك مفتون شديد
وادينى احساس الآمان
وخليه يكون فى الليله ديك

[الضراع]

الليله ديك
كانت ليلة مطر
شفتك هناك
مشيت عليك
كان الغمام كاسيك جمال
نزل السحاب
اترجيته لو لحظات يقيف
ويدينى بس حبة يقين
انا قلبى بيك مفتون شديد
وادينى احساس الآمان
وخليه يكون فى الليله ديك

في الليلة ديك كان المطر
ينزل رزاز يقطر نقط
القلب يرف طاريك تجي
الروح تفرفر للخروج
خايف المواعيد تتلقي
ماالمطر عم الطرق
والغمام عم المكان
وانا مابين حضور وبين غياب
حاس بيك قريب في الديار
غمضت عيوني في انتظار
ماالمطر صعب وصولك
والوقت ماشي علي ضياع
وفجأه طليت زي هلال
وسط السماء ضوء الارض
البسمة عمت للمكان
واطلقت للفرح العنان
كان الحضور المرتقب
الحب جمع والريد قلب
والشوق ضرب بين الضلوع
ذال الالم الكان زمان,,,,,,,, شال الوجع
كلو كان
في الليلة ديــــــــــــــك

[ام صبا]

الضراع مساء الخير
فى الليله ديك
عاودنى الحنين
واشتقت ليك
سرحت بعيد معاك
غيم ومطر وجو رهيب
حسيت الألم
لقياك محال
وعشتك خيال
واتذكرت جمال ايامنا ديك
وحنيت اليك

[الضراع]

الضراع مساء الخير
فى الليله ديك
عاودنى الحنين
واشتقت ليك
سرحت بعيد معاك
غيم ومطر وجو رهيب
حسيت الألم
لقياك محال
وعشتك خيال
واتذكرت جمال ايامنا ديك
وحنيت اليك

في ليلة من ضمن الليالي
الحلوه في موسم الربيع
المزن متراكم .....عم السما
والغيوم حاجبة الرؤية عن ضوء القمر
في الليلة ديك
الجو رهيب ..النسيم بارد عليل
فكرت في لقياك كيف
ماالعواصف والبروق
عقــــــــدت الوصول
وسرحت اتخيل خيال
اتأملك بين النجوم
مشتاق اشوفك ....مستحيل
في الليلة ديك
الشوق كسر حاجز الظروف
وترجم الواقع حروف
شاع نورك الضو المكان
كان اللقاء وكان اللي كان
في ليلة من اجمل ليالي العمر
مع ست الحســــــــــان
كلو كان في الليلة ديــــــك
ام صبا
اسعد الله اوقاتك بكل خير

[ام صبا]

الضراع لك التحيه
فى هذه الليله الماطره
فى الليله ديك
كان الجو لطيف
والدنيا غيم
والغيم عامل رزاز
اتخيلتك معاي
تحت المطر
سحابة جات بجنبنا
ظلتنا بتحنان عجيب
وآهــ من الحبيب
لمن يكون جنبك قريب
الدنيا عاد ليك تبتسم
اديني من عندك حنان
ودنيا بقربك آمان
خليني انسى عذاب سنين
واغنى ليك
الغيمه ديك لمتنى بيك
وانا قلبى حانى ومشتهيك
وانا يامناي اشتقت ليك
واشتقت ليك
فى الليله ديك

[بحلم]

الليلة ديك
واااااااااااه من الليلة ديك
الليلة ديك كانت هى ليلة
الحزن الذى ملىء قلبى
رغم قسوة الليلة ديك
رغم حبى لها نعم
رغم قسوتها رغم حبى لها
لان الليلة ديك هى ليلة
الحقيقة عندما افقد من اجمل حلم
عندما عودة من ارض الاحلام التى
كونت احلم فيها بالوان الحب واشكال
الحنان التى اختها منك وسااخذها
ولكنى استيقظت من حلمى الجميل
فى الليلة ديك
استيقظت على واقع ان من
ياخذ لا يعلم كيف يعطى
وكل هذا حدث لى
فى الليلة ديك
ويالها من ليلة
الليلة ديك

[الضراع]

في ليـــــلة كل الكون سكون
ريحة الدعاش والهمبريب
وانا والقمره ......ممكن تقول
في اللـــــــيلة ديك ...........
جفــي النوم العيــــــــــــــون
حاولت كل المستحيل
فكرت اعد كل النجوم
حسبت كم نجمات اكيد
وسرحت في لحظة ......خيال
استرجع الماضي الزمان
اتخيل معاااي ايه اللي كان
حضرت معالي البنت .....
حنان شرفتي.....
نورتي المكان.....
وقفت في حالة
حالةزهول.......
مامصدق البحصل معااااااااي
مسكت ايدك في هــــــــــــدوء
اهتــــــــز اركان المكان
اتعانقنا .... زي طفلا صغير
فاقد حنااااااان
ماالشوق مولع في القلوب
في الليلة ديك
طاب الجرح الفي قلبي كان
نسيت الحصل منك زمان
في الليلة ديك اتمنيت انه الليل يطول ..يطووووووووووول
والشمس ماتعاود الشروووق
فجأة افقت.......
من الخيال
بقيت في حالة جنون
الحسرة غــــــــــاصت في الحلق
والدمعة سالت في الخدود
رجعت تاني من جديد
بديت احسب في النجوم
كلو كان في الليلة ديك