الــلــــــيـــــلــــــه ديـــــــــــــــــــــك

[لبيب]

[align=center]في الليلة ديك
وانا جاي من تعب الدروب الأبعدت
شالت رويحتي وسافرت لى دار
من الغربة وسفر ........
احساسي بيك كان فوق خيال حد الوصف.....
اشتقت ليك والله شوق
كان مبتداي وانت الخبر .....
في الليلة ديك .......[/align][/b][/size]

[ام صبا]

[align=center]في الليلة ديك
وانا جاي من تعب الدروب الأبعدت
شالت رويحتي وسافرت لى دار
من الغربة وسفر ........
احساسي بيك كان فوق خيال حد الوصف.....
اشتقت ليك والله شوق
كان مبتداي وانت الخبر .....
في الليلة ديك .......[/align][/b][/size]

فى الليله ديك اشتقت ليك
شوقى ليك فات الحدود
وحنينى ليك من غير قيود
ليت زمانى يصفا
والايام بلقاك تجود
والقاك يا كل العمر
واغنى ليك لحن الخلود
والقاك قريب وتكون الليله ديك

[ام صبا]

اهداء للذى عاش الليله ديك
من خلال كلماتى

الليله ديك
ليلة من ذات الليالي
كنا قد تواعدنا للقاء
وكان علينا ان نلتقى
لنرتشف من خمرة الحب
كانت ليلة ماطرة
وكان الجو باردا
وكفتنى احضانك من قساوة البرد
فتدفيت منك حبا وعناقا وحنانا
وذبنا فى سموات الحب
فسكرنا في تلك الليلة
كان بي حنين جارف اليك
تمنيتك خيالا
وعشتك واقع
وكانت ليلة من عمرى
وما احلاها الليلة ديك

[الضراع]

سايق خطاي كان التقيك
الشوق قصف كل الدواخل
دافر اقدامي دفر....
ماشي متسرع شديد
كان التقيك وابرد حرور اشواقي بيك
والشوق دافرني دفر
كايس الحضن عشان الدفي
كايس الحنان كايس الوفي
كايس اعانقك واكتفي
انتي ياضي المظالم
عايز اقابلك واختفي

[ام صبا]

في الليلة ديك
شفتك هناك واقف بعيد
حنيت عليك
الدمعه من عينيك ابت النزول
والآهه بس كيفن تزول
حسرة سنين ضاعت بلاك
وعاينت في عيني كتير
كيف الوداع
وقلبى في هواك صبح اسير
وهواك خالد في الضمير
بس ايه اقول
قسمه ونصيب
وبكيت عليك
في الليله ديك

[ام صبا]

في الليله دى
فاض بي الحنين
الجو بديع
الدنيا غيم
شال السحاب
وبرق البرق
ونزل المطر
احساس عجيب
شعور بنشوه وهيام
طريت ايامنا ديك
تحت المطر
نتناجا باحلى الكلام
وكيف كنا عائشين في وئام
كان المنى افضل معاك
وتدينى من حنك وداد
وكان العتاب اجمل عتاب
ومنتظره بس منك ميعاد
نتلاقى في يوم المطر
وافضل معاك
واعيش معاك الليلة دى

[اركمانيه]

الليله ديك
وليلة على بساط
الدهشة
ليلة من الف الليالي
سامرني القمر
ومع النجوم
والليل يعزف ترانيم
الهوى
والريح تنثر عبق
ورياحين الانفاس
تتطايرُ
فراشات تملء
أفق المكان
تتلامس الأيدى
في رعشة
وتذوب أشواقنا
في كأس القبله
ونرتشف خمراً
يسكرنا
نترنحُ ما بين
نشوتها و دهشتها
وكانت ليلة اللقاء...........

[ام صبا]

اركمانيه يا حبيبه لك ودى
ليلة من ليالي الخريف الحالمه
واكيد انتى فى احلى اوقاتك

في الليلة ديك
شرحت ليك كل الظروف
وقلت انا آمنت بيك
وانك مقيم داخل الفؤاد
انساك ما ممكن يكون
وحبى ليك من غير ظنون
تعال قريب زيل الشجون
وامسح كمان دمع العيون
وخلى القليب دائما حنون
ونتفق نتلاقى يوم
نعيد الغرام
وننسى اسباب الخصام
ونعيش اللحظات وئام
ونحيا لحظات الهيام
ونقول كمان احلى الكلام
ونتلاقى يوم في الليلة ديك

[اركمانيه]

لعينيك
ليلة خريف
سايقاني
في دروب المسير
ولهان بعاين في النجوم
والقمر كيفن بكون
لحظة جمالك بين البدور
وهمسك وتر الخلود
وليلة خريف.

[ام صبا]

بحب الليل
وقتين اقعد براي
واتخيلك
واطرى ليلاتنا الزمان
واتخيلك
كان الزمن بالجد جميل
وكانت ظروف اللقيا
دائما مستحيل
وما احلى العذاب
شان الحبيب
الليل سكون
شفتك معاي
نتناجى بالشوق والهيام
تعال نعيد
لحظات الليله ديك

[ام صبا]

زارنى في الليله ديك
فذكرنى ايامى الخوالي
حينها رأيت طيفك يداعبنى
لم استطع نسيان تلك الامسيات
كيف وكانت امسياتى بك
شوقا وحبا وهمسا
كان حبى اليك لا تحده حدود
وكنت أنت حلم الليله ديك
قاعد قريب والناس تقول
مبروك عليك
اتخيلتك كتير
والليله عاودنى الحنين
وعايزه اعيش الليله ديك
ما اجمل المساء عندما يكون
معك حتى وأنت بعيد

[ود الهادى]

أُم صبااااااااااا ....
..............
فى الليلة ديك
إتوسدْ فينى
حنينها .....
ساقنى على
مُدنْ أنفاسها ..
جيتْ ولقيت
إنو ,, إتبرج
فى دربى صوتها ..
ختيتها قُبالةْ
إحساسى ...
وإتنهدتَ فيها
رحيقها ......
شميتْ من سور
عينيها أشكال
الصمتْ ...
وسألتها .....
كيف إتـبَـرَتْ
من جوفْ
مطاراتك شتلاتْ
العبور .......
وكيف ,,
رسمتى ما بين
المسافة و
إحتمال ضحكتك
تذاكرْ لونك .....
..............
وجاءنى من
تالها .. مطر
خديها ورذاذ
الحُمرةَ البانيه
عليه عنوانْ ..
سألتها وهى
مستوفيه شروط
الغيوم .....
يعنى شنو
إنك مُهجه ...
.............
قالتْ .....
اها
هى
نفس ترانيم
قلبى و تراتيلْ
الواقفين ..
..........
( عاينته ) .......
لقيتْ الساعه
قلبْ وحبةْ
شجون ...
وجزء من
الإنتظااااااارْ
......
وقلت ليها
قومى ( نقدمك )
تلقىِ ضلوعك
تتنفس و تفتشْ
عليك بين فريق
المطرة وحِـلةْ
حضورك و
طلّْةْ خدودك ..
..........
أُم صبا
بجى ( صــادْ )
................

[ام صبا]

أُم صبااااااااااا ....
..............
فى الليلة ديك
إتوسدْ فينى
حنينها .....
ساقنى على
مُدنْ أنفاسها ..
جيتْ ولقيت
إنو ,, إتبرج
فى دربى صوتها ..
ختيتها قُبالةْ
إحساسى ...
وإتنهدتَ فيها
رحيقها ......
شميتْ من سور
عينيها أشكال
الصمتْ ...
وسألتها .....
كيف إتـبَـرَتْ
من جوفْ
مطاراتك شتلاتْ
العبور .......
وكيف ,,
رسمتى ما بين
المسافة و
إحتمال ضحكتك
تذاكرْ لونك .....
..............
وجاءنى من
تالها .. مطر
خديها ورذاذ
الحُمرةَ البانيه
عليه عنوانْ ..
سألتها وهى
مستوفيه شروط
الغيوم .....
يعنى شنو
إنك مُهجه ...
.............
قالتْ .....
اها
هى
نفس ترانيم
قلبى و تراتيلْ
الواقفين ..
..........
( عاينته ) .......
لقيتْ الساعه
قلبْ وحبةْ
شجون ...
وجزء من
الإنتظااااااارْ
......
وقلت ليها
قومى ( نقدمك )
تلقىِ ضلوعك
تتنفس و تفتشْ
عليك بين فريق
المطرة وحِـلةْ
حضورك و
طلّْةْ خدودك ..
..........
أُم صبا
بجى ( صــادْ )
................

ود الهادى مساك الله بالخير
تجيد العزف على اوتار القلوب
اقف دائما عند كلماتك
وأنا فى رجاك


ما تعودنى عليك
ومن تانى تسقينى الألم
اصلى قبلك ما هويت
ولا حظى في يوم ابتسم
وانا ياما غنيتك حنين
وعزفت بهواك اجمل نغم
وكان مناي القاك قريب
واعيش معاك الليله ديك
بهجة وحنين وأنا بين ايديك
ده كلام جميل

[ام صبا]

في الليله ديك
اشتقت ليك
وشكيت حالي للغيم والمطر
آهـــ يامطر
ومشيت عليك سايقنى الحنين
واللهفه فى عيني عليك
طولت منك
واشتهيت نتلاقى فى غيمة
مطر
ونتناجا باحلى الكلام
ونبل اشواقنا بيك
والغيمة جات وما ارتويت
والله من شدة حبى ليك
وآهـــ منايا مشتاقه ليك

[ام صبا]

فى الليله ديك
اشتقت ليك
والغيم جانا بتحنان
عجيب بيسأل عليك
ليه الغياب؟؟
لقيتك بعيد
بين السحاب
اترجيت المطر
يعيد الحبيب
المنى غاب
وآهــ يامطر
الحبيب لي استجاب
ويا سلام من المطر
وجوالمطر

[نهر المحبه]

في الليله ديك...
بعد ما عودتني السهر...
وكلامنا في وقت السمر..
الليله ديك انت اختفيت..
سالتك عنك القمر...
قلت ليه وين الحبيب..
الليله مالو ما ظهر..
الليله شال قليبي معاه وارتحل..
شال قلبي معاه وذكرياتنا زاد السفر

...

[ام صبا]

في الليله ديك...
بعد ما عودتني السهر...
وكلامنا في وقت السمر..
الليله ديك انت اختفيت..
سالتك عنك القمر...
قلت ليه وين الحبيب..
الليله مالو ما ظهر..
الليله شال قليبي معاه وارتحل..
شال قلبي معاه وذكرياتنا زاد السفر

...

نهرالمحبه ياغاليه مساء الخير

فى الليله ديك
حلمت بيك
وغمرنى احساسى بيك
واشتقت لي لحظاتنا ديك
قلت تعال خليك قريب
وعشتك حلم
وقت عيني لاقت عينيك
ذوبنى الشعور
وما قدرت جد
اغالب شوقى ليك
مسكت ايديك بحنان
حسيت برعشة حنين
ولما خلاص دوبنى الحنين
عشتك شعور ماليك مثيل
وكان الحلم ذى مستحيل
وحضنتك شديد دايره الدليل
يا سلام كان حلم
اكتر من جميل

[شعنونة]

قلبي معاكى وتسلمى زكرتينا بايامن الجميلة بالحب والمودة ياريتا تعود تانى
اتمنيتك تبقا معايا
وطبل الفرحة يدق جوايا
اتمنيت ما الدنيا امانى

[ام صبا]

فى الليله ديك اشتقت ليك
عشتك معاي اجمل حلم
وانا حلمى بيك
ورجعت للزمن القديم
وكيف كنا عايشين فى نعيم
واتمنيتك معاي
فى ليله كان فيها الغمام
وسافرت بالاحلام بعيد
انا وانت فى اروع مكان
وسقيتنى من ريدك حنان
واديتنى احساس بالأمان
وعشنا فى نشوى وعناق
وآهـــ يا حبيب لما يبسم ليك زمان
ويهديك احلى الامسيات
غيم
دعاش
رزاز
مطر
وآهــــ من الليله ديك

[صلاح الدين محمد]

ما بحكي بي الشوق الحكم نفسي
وكتم في سري ريد زولن عرف
بي البعتلي الأفق المعطر بالشجن
والليل متشامخ صلف
ما هو العشق في عيوني باين
وصفه ما داير وصف