اليوم كالعادة مشيت من الشغل الساعة اتنين وعلي البيت
واول ما دخلت لقيت الكاشف اخوي مرسال الشوووق
ما سك الجوال وشغال استشارات طبية ووصفات دوائية
وتركيبات كيمائية انا لما احترت ياا ربي الزول ده قراء
كلية الهندسية البشرية دي متين ؟! وكيف ؟ المهم زووولي ماسك الموبايل وشغال شرح لزووول وكان الحوار
كالاتي :-
مرسااال الشووق :-كيف يااخي انا الطب شاربو شراب
ومن يوم اشتريت حماري ده اتعلمت فيهو تب وجربت فيهو
كل النظريات الرياضية والمتواليات العددية والهندسية ,
الطرف التاني :- .............................. طبعا انا ما سامع
كلام الطرف التاني بس انتو براكم حا تفهو الوضع
مرساال الشووق :- كيف انا حماري ده عملته ليهو تركيبات
حيرت صيادلة الخرطوم , مرة عكّة عملته ليهو وصفة قام
جري .
الطرف التاني :- .................. برضو ما سامع
مرسال الشوق :- لا لا علاجك عندي , انا خبير في الهبوط
التنفسي والاستلهابات ,اي تجيبي ليك كركدي وتدقي عليهو
شوية كمووون وعليهو كباية موية صغيرة وطوالي
علي الريق ,يمين الكمدة بالرمدة
هنا المكالمة انتهت , مختار الله في الزول الماش اشرب
الكمون , الشمالي :- يالمرسال اخوي انت الطب ده قريتو
في ياتو كلية هندسة غاااغ,
مرسال الشوق : كيف ياااخ انا مارفدوني من كلية القانون
يعني ما عارفني .
الشمالي :- هي لكن الدخل الاقتصاااد في التربية الصحية
شنو يالمرسال اخوي .
والزول اتوهط في السرير وخت كراع فوق كراع وقعد
يشرح لي , المرسال : - ياا خي انا مرة حبوبتي جاها وجع
ضرس قلت ليها شيلي ليك سفة من حقّة جدي وختيها في
الضرس , وفعلا الحبوبة سرقت كيس التمباك حق الجد
والليل كلو شغالة سف طبعا الصباح جات مبسوطة
للمريسيل , عاد يالمرسال وصفتك نفعتني جنس نفعة
ووجع الضرس راح , وبعدين يالمرسال اخوي الحصل
شنو ؟ المرسال :- الحصل انو حبوبتي حقتها بقت قدر
الطش وهسه بنعالج فيها من ادمان التمباك
نسأل الله السلامة من دكتّرتك يالمرسال , المهم اتغدينا
واتمددنا والعصر كده وانا طالع رنّ جرس التلفون رفعت
السماعة وكان صوت الزول الكان بوصف ليهو المرسال
في الوصفة قبيل , ويبكي بطول حسو , خير يااا خوي
ايني مرسال الشوق , يازول في شنو ؟
زولك ده علي شوية كان مودرني كيف الكلام ده , قال
شرب الكركدي والكمون والكمدة بالرمدة علي المستشفي
طوالي وجاني هبوط في الدورة الدموية
و النفس عند الله والدكاترة بقوا ينقطوا لي في الموية
في عيني وفي خشمي , واكلوني صفيحة بتاعة جِبنة
الزول علي شوية كاتلني والله يااا جماعة انا ضحكت
جنس ضحك في الدنيا لمن الزول التاني بقي يضحك
معاااي ونسي مرضو اتاري الضحكة بترد الوووح مهم كفرت للزول وقلت ليهو انت
برضو غلطان والجاتك من المريسيل سامحتك ,
بعد داك قلت للمرسال خلينا نستفيد من دكترتك دي
ونعمل لينا عيادة انت الدكتور وانا الباشكاتب البرة
وخلينا نقرض نص الناس دي ::
البسمعوا في كلامك انت يا ابرويس سرج عجلة
يا زول هوووي
الزول إتلخبت عليهو الإختساس
من بيطره لبنو آدميين
والله عااالم أمبارح كان مقّهي
مع ملوووكي وهي بتشرح
أم عو عو النزله ..
أظنّو نا م علي كدا
وما إتغطّي كويّس
صاح يا أبو أيمن
أبو صديق كتب:يا زول هوووي
الزول إتلخبت عليهو الإختساس
من بيطره لبنو آدميين
والله عااالم أمبارح كان مقّهي
مع ملوووكي وهي بتشرح
أم عو عو النزله ..
أظنّو نا م علي كدا
وما إتغطّي كويّس
صاح يا أبو أيمن
أبو صديق كتب:يا زول هوووي
الزول إتلخبت عليهو الإختساس
من بيطره لبنو آدميين
والله عااالم أمبارح كان مقّهي
مع ملوووكي وهي بتشرح
أم عو عو النزله ..
أظنّو نا م علي كدا
وما إتغطّي كويّس
صاح يا أبو أيمن
هي لكن يااا ابو صديق اقوم يضيع ليهو روح
والله والعهدة علي كلام المريض وبلسانو قال
لي حال الهبوووط ما كان مودرو الممرضات
قعدن يشيلن وياكلن فيهو من الجبنة
عشان يعادل الهبوط , نسأل الله السلامة
الشمّالي كتب:
الاسبوع الفات قلت ليهو عندي لوِّز قال لي
جابها ليك السمك والجوافة , عليكم الله في
سمك وجوافة بعملو لوووز ,
مختار الله في الاستشارات الطبية غااااغ
ماسك الموبايل وشغال شرح لزووول وكان الحوار
وجاني هبوط في الدورة الدموية 
مهم كفرت للزول وقلت ليهو انت
