جميع المغتربين ((سؤال صعب جدا))...

[saro0ona]

سلام...
كيفكم؟
ان شا الله بخير....
جميع المغتربين اذا مثلا زول منكم فاز في مسابقة والجائزة كانت منزل كبير جدا وفاخر ...
وخيروكم عايزين المنزل ده في السودان ولا في بلاد الغربة ....
بصدق وصراحة حتختاروا اي واحد؟؟؟...ولماذا..؟
تحية كبيرة مني ليكم...
وانثر وريقات الزهور من قلبي ليكم...
محبتي واحترامي...saro0ona
عايزة تفاعل وردود...

[طائر مهاجر]

قد اقولها والاسف قد بلغ محله بان حلقت خارج حدود بلادي كي ابني هذا المنزل وفقدت المنزلة وماعلمت ان فراقك وطني تقليل للمقدار الا بعد ان وطئت بقدمي هاهناك
ونظرت ثم نظرت واعدته كرة اخرى وعلمت بعد ان ارتد الي بالبصيرة ان الوطن هو الدار وشمسه دفء الوقر فهاهنا مانبني غير الآمال التي هي سراب ببعد ذلك الحبيب الشامخ .. واستذرينا بذرى التأسي وماكانت نظرتهم الينا الا نظرت كاشح قد غلا في الامر وماعلم قيمة من يغلو عليه
وهكذا يظل توقيعنا على الماء يذهب مع الامواج تصفعه موجة وترمي به الى الاخرى .. عجبي بان احلق باسم الاغتراب لأبني لي دارا من خير هو ليس من خيرات بلادي
لي الله قبله ثم هو وطني الذي هو الدار ...

وانا لفراقك ياوطني لمحزونون
التحية اسوقها لصاحب الموضوع واتمنى ان لا اكون ذهبت بعيدا
تحياتي

[saro0ona]

شكرا لك كثيرا الاخ طائر مهاجر واتمنى لك التوفيق وتحقيق الاماني دائما وابدا...وأشكرك على المرور المذهل والبدييييع...

[احلى دلع]

انا حختار في السودان لان مستحيل اكمل بقية حياتي في الغربة الواحد مننا بجي هنا لان بيكون عنده هدف ولما يحققه برجع لبلده واهله

[MiSs PlAnEt]

بصراحة
برة السودان..
انا اصلا ما شفت السودان ابدا
ومرتاحة هنا ومبسوطة الحمد لله..
مشكورة سارونا

[saro0ona]

شكرا أحلى دلع ومس بلانيت على المرور...
وانا شخصيا معاك يا أحلى دلع في الرأي...

[بنت بلادها]

نانا بلاد الغربة

[استارو]

اكيد يالذيذة
واختنا الغالية
saro0ona
أي واحد بتمنا السودان بس الزمن بقي صعب
أنا شخصياً عشت في السودان 24 سنة مااحببذ السودان
نسبة الي تدهور المعيشة وحاجات كتيرة المهم لك خالص الود وتقبلي تحياتي

[غربة و شوق]

أول شي مشكورة على الطرح الحلو ده ..

تانيا : أممممممممممممممم .. ما عارفة صراحةً .. شي يحير .. زي ما لي السودان في معزة و شوق ..

مقالبلو .. حبي للبلد العايشة فيها .. فصعب الاختيار بينهم ... لاكن في النهاية استقرارنا أولا و أخيرا في

السودان ..

احترامي و تقديري ,,

غربة و شوق

[saro0ona]

بت بلادها واستارو وغربة وشوق تقبلوا شكري واحترامي الكبير على المرور الجميل...
دمتم بخير...

[شهر زاد]

والله بى صراحة الردود صدمتنى اصلو ما اتخيلتة انو فى سودانى يحب يعيش برة السودان

رغم انو السودان عيشتو صعبة لكن اللمة بين الاهل ما بتتعوض

وما ممكن الزول يعيش وحيد وعمر القرووش ما بتصنع السعادة

وبعد الكلام الكتير ده طبعا حاختار منزل فى السودان

وعلى نهج سودان بحت بيت سودانى يتمييز بالبساطة

(يا بلدى يا حبوب وجلابية وتوب )

وليكم التحية يا سودانيين

[جذاب وما كذاب]

سارونا موضوعك جد جميل (ما كسير تلج ولا حاجه)

بس الناس تتكلم بالمنطق وبواقع الحياه المريره

احيانا يا شباب الوطن ما بدي الزول الحاجه الي هو عايزها او ما بلقا كل طموحاتو

فببداء يبحث عن بديل موقت ريثما يتحقق الحلم المنشود ومن ثم يعاود الي الديار سالما غانما

شهر زاد

اي زول عندو ميولو بتختلف علي حسب حياتو الي عاشها والبيئه الاتربا فيها

واختلاف الراي لا يفسد للود قضيه

ويا غريب عن ديارك مصيرك تعود

بعد غربه سنين مصيرك تعود

[سيراف]

واللللللللللله يا ساونااااااااا
أنا عايشه حياتى كلها هنا في ماليزيا من ما ولدونى و فتحته عيونى لقيت روحى في البلد دى
لكن ما بحس بى الحاجات إلا لمن نمشى السودان إجازات


أنا كل حاجه بقت مرتبطه بالسودان
حتى القرايه البقراها على أساس الحاجات المحتاجين ليها في السودان عشان أمشى أفيد بلدى


ولو أدونى بيت حختو فى السودان



و أفتحو ملجأ

[saro0ona]

|؛¤ّ,¸¸,ّ¤؛|بشكركم على ارائكم ومرورركم وردودكم اللي بتعكس مدى حبكم للوطن ...|؛¤ّ,¸¸,ّ¤؛|

[asool22]

في السودان اكيد

[السقا]

يا ريت الكلام دا يتححق هسع
قبل بكرة وبدون مجاملة ولا
تردد في السودان اكيد ..

[saro0ona]

تسلمووو على المرور والردود...

ربي يحقق امانيكم قريب...

[saare]

سوال صعب
لاكن احب يكون جوا بلدى الى عمري ماشفتها واتمنا انى اشوفا وانشاء الله حاجى الثلاثاء الجاى
وابنيهو ياسارونا انا جاييكي

[عسولة وبس]

بصراحة بوست رائع وحختار يكون في السودان لاني ما بستحمل اقعد برا
السودان اكتر من كده

[صلاح حامد]

شكرا على الهدية القيمة اولا
كل الديار فى الغربة جربتها ولم اجد منزلا يأوينى الا فى بلدى الحبيب