يالمغتربين هوووووي

[مجاديف الامل]

اكتر حاجة بتغيظني في المغتربين ديل لما تجي تتكلم معاهم وتقول ليهم شوفوا لي شغل معاكم يرد يقولوا ليك والله انت قاعد في نعمة ما عارفها ساااااااااي قاعد في بلدك وسط اهلك وتعمل العايزه وما في أي زول بيسالك ( نحن ولاد بلد نقعد نقيف علي كيفنا ) اها تقوم تقتنع بكلامه دا وتقول ليه طب ياخ ما ترجع لبلدك دي المانعك شنو من الرجوع ؟؟
يقول ليك لالا ما بقدر بعد كدا اعيش في السودان انا خلا كيفت وضعي علي العيشة برة البلد !!!!!
اها يالمغتربين مالكم وحالكم حال الزينين وعدوا معاي لا عندكم سخانة جو لا كهرباء قبل ما تجي زي الناس تقطع تاني لا اولادكم بيمرضوا – مافي زول يجي بكرة يقول في زول سحر ليي اولادي – مبسوووووووووووطين اربعة وعشرين قيراط بياكلوا الشكولاتات بالانواع والاشكال ويشربوا الالبان والعصائر بالعلب احنا شفعنا يالله الله تلقي ليهم وقية لبن في الاسبوع يشربوها وتغسلوا هدومكم باريل وكمان معاه لمسة داوني احنا كان غسلنا هدومنا ياهو صابونه الغسيل دي بالله الصابونة الواحدة تغسل بيها خمسة دست وكان علي الاكل شبعااااااااااااااااااااااانين شبع السنين والجكن دا ما مخلين فيه شئ ، اها شئ بروست وشئ رضوي وشئ كنتاكي وشئ ما بعرف شنو احنا من الاسم بس تقوم جاري (جدادة ) ومرة كل خمسة شهور تتلما فيها الحلة كلها
وكله كوم ومعاجين الاسنان بتاعتكم كوووم براه شئ ضد التسوس وشئ بنكهة شنو ما بعرف وشئ للاسنان الحساسة وشئ للاسنان اللي ممكن تكون حساسة وشئ للاسنان الحساسة واللي ما نفع معاها بتاع الاسنان الحساسة واحنا لينا الله وعيشة السوق ياهو ابو وردة دا اذا وجد يعني ولو ما وجد الواحد يكشح وشه بحبة موية ويجي طالع
هووووووووي اسمعوا مافي زول يقول الزول دا عندو حقد طبقي دفين وطهر من خلال البوست دا لكن بالجد والله بستغرب انكم عائشين عيشة هنية وما راضين ليها نجي نقول ليكم بدلونا تقولوا لا اها نفهم شنو بس احنا !!!

[batota]

اكتر حاجة بتغيظني في المغتربين ديل لما تجي تتكلم معاهم وتقول ليهم شوفوا لي شغل معاكم يرد يقولوا ليك والله انت قاعد في نعمة ما عارفها ساااااااااي قاعد في بلدك وسط اهلك وتعمل العايزه وما في أي زول بيسالك ( نحن ولاد بلد نقعد نقيف علي كيفنا ) اها تقوم تقتنع بكلامه دا وتقول ليه طب ياخ ما ترجع لبلدك دي المانعك شنو من الرجوع ؟؟


و الله يا مجاديف الامل اسمع انت فعلا قاعد في نعمة ما عارفها قاعد في بلدك وسط اهلك وتعمل العايزه وما في أي زول بيسالك والنعمه دي مستحيل تعرفها لو ما فقدتها انا نفسي النعمه دي ماعرفتها الأ
لما فقدتها.... اللي مانعني انو ارجع السودان ظروف لا اكتر ولا اقل واي زول عنده ظروفه يعني و نحن ما ذنبنا انو عايشين نوع الحياه دي و يمكن نحنا فعلا عايشين عيشه هنيه لكن من جوه قلبنا يتقطع من شوقنا لبلدنا..
ونصيحه مني ليك : عمرك عمرك عمرك عمرك ماتفكر تغترب لأنك ما حتعرف قيمة بلدك و حلاوتها الا لمن تفقدها.

[batota]

موضوعك حلو شديد و هادف ...
و بالعكس ده ما حقد نهائيا لكن هو وجهة نظر ولازم احترمها.

[حموودى]

في علم النفس توصل العلماء الى ان افضل طريقه للتعلم هى المحاوله والخطأ والتصويب
وهى تنبنى على المحاوله في المقام الاول
فلماذا لايمنح كل شخص فرصته كامله في المحاوله والتجريب
والتوفيق في الامور غير مرتبط ببلد معينه ولا يعرف اى واحد منا باى ارض يموت
ولايدري مصيره ورزقه
رجاءا يا المغتربين
كل من يحاول الاغتراب وبوسعكم مساعدتهم ساعدوهم ويمكن ان توضح له كل الامور والمشاكل وتتركه يحدد هو هل سيحاول ام لا؟



رمضان كريم

.

[كوجاك]

اكتر حاجة بتغيظني في المغتربين ديل لما تجي تتكلم معاهم وتقول ليهم شوفوا لي شغل معاكم يرد يقولوا ليك والله انت قاعد في نعمة ما عارفها ساااااااااي

أسأل مجرب ما تسأل طبيب

ياخ ما ترجع لبلدك دي المانعك شنو من الرجوع ؟؟يقول ليك لالا ما بقدر بعد كدا اعيش في السودان انا خلا كيفت وضعي علي العيشة برة البلد !!!!!

انا داير ارجع واستقر حتشغلوني شنو؟ اذا كان الشغل الا عندك واسطه

لا اولادكم بيمرضوا

في مرض اخطر من المرض النفسي وعدم معرفه تاريخ البلد

شئ بروست وشئ رضوي وشئ كنتاكي

عليك الله في احلي من الكسري والويكه ولمة الناس

هووووووووي اسمعوا مافي زول يقول الزول دا عندو حقد طبقي دفين

هههههههههههه
عندك

العفو اكيد ما قصدك شئ لانو بيكون فيهم اخوك قريبك صديقك
لكن ربنا يجبك وتشوف وتلقي واحد يسألك نفس الاسئله بتعرف هووووووووووووي

يسلمووووو علي البوست الراقي والحلو
تقبل مروري
يديك العافيه وما نتحرم منك

[wissam]

اول شي بشكرك علي الموضوع
تاني شي المفروض تقول ماشألله عشان الله يزيدنا ويزيدك
انا بستنا اجازة الصيف بفارق الصبر عشان اجي لبلدي
ومنو القال انو الاكل والا التمتع بالحياه حرام ولا عيب
انتا اذا جربتها حاتقول عايز ارجع بلدي وبالزات في العيد
الواحد لو عايز يعيش في السودان لازم يكون عندو قروش وشرطه في بيتو (عشان الحراميه)
بتقول المكيفات كلامك صح
لاكن مافي مكيفات في الشارع ههههههه تعال شوف الرطوبه والحر
صحي انا عايش في قطر لاكن كل يوم بتمنا اني ارجع لبلدي الحبيب
شكرا ليك
تقبل مروري