أحداث الثلاثــــــــاء الدامية بجامعة الخرطــــــوم

[بت مختبرات]

[align=center]قامت مجموعة تابعة لطلاب المؤتمر الوطني بالإعتداء علي طلاب و (طالبات) كلية علوم المختبرات الطبية ،، جامعة الخرطوم (بسوبا) بالضرب و الحرق مستخدمين أسلحة بيضـــاء من السيخ و العصى و قنابل الملتوف مما أسفر عن إصابات في وسط طلاب و طالبات الكلية إستدعى نقلهم إلى المستشفى .........
ما حدث أثار الذعر والغضب بين الطلاب والطالبات خصوصا" وأن الضرب والحرق طال الطالبات ايضا" حيث احترق وجه ويدان طالبة فى المستوى الثانى ( اصابة بالغة) اثناء تواجدها بالمصلى ( المعزول تمـــــــاما" عن بقية أجزاء الكلية) حيث ان الملتوف الذى أصابها لمن يكن عن خطأ وان الفاعل كسر الزجاج ثم القى الملتوف داخل المصلى

حدث هذا فى يوم الثلاثـــاء 9/11/2010
تم القبض على بعضهم ،، ومـــــا زال التحقيق مستمــــــــرا"...............[/align][/color]

[مرسال الشوق]

ماليهم حق في البعملوهو ...
والنقاش وحل القضايا عمرو مابجي بالضرب او الشتيمة بل بالوعي والفهم والجلوس في طاولة حوار
حتي يخرج الجميع من هذه الجلسة بالتراضي والوفاق مش بالمهزلة والتخريب والتعدي علي حقوق الغير
التي سوف تعمل بلبلة وانشقاقات نحن في غني عنها الان وخاصة بالظروف التي تحيط بالسودان
واوكد لك عزيزتي الغالية بان هذه الافعال الشنيعة وراها اشخاص كي ياججوا نار
الفتنة في سوداننا الحبيب وهذا ليس باسلوب حضاري وفهم راسخ
بل اعتبره عدم مسئوليه لكل من تسول له نفسه في توتر
واشعال الفتن بين الناس ....
وربنا يكفينا شر الجهل
ويجنب بلادنا الحبيبة الشر من بعيد او من قريب


وتقبلي مروري
مرسال الشووووووق ،،،

[الشمالي]

لا حولة ولا قوة الا بالله
معقول مسألة السيخ والعصي
دي لسه ما انتهت , الله المستعان

[بت مختبرات]

[align=center]والنار يا الشمالى ما تنساها ،،، انا شفت البت الاتحرقت بى عينى ( حاجة لا توصف) راقدة مستشفى لحد هسة ومن عملية لى جراحة تجميل ولو ما أضمن انها توافق أنزل صورها قبل وبعد الحصل ليها ،، وصدقنى البت دى ماليها دعوة بأى حاجة لا سياسة لا انتخابات لاغيرو والناس الراقدة مستشفيات برضو ومن عملية لى خياطة ونظافة جرح .......... ادعوا ليهم ربنا يشفيهم ياخوانــــــــــا،، [/align]

[الشمالي]

[align=center]والنار يا الشمالى ما تنساها ،،، انا شفت البت الاتحرقت بى عينى ( حاجة لا توصف) راقدة مستشفى لحد هسة ومن عملية لى جراحة تجميل ولو ما أضمن انها توافق أنزل صورها قبل وبعد الحصل ليها ،، وصدقنى البت دى ماليها دعوة بأى حاجة لا سياسة لا انتخابات لاغيرو والناس الراقدة مستشفيات برضو ومن عملية لى خياطة ونظافة جرح .......... ادعوا ليهم ربنا يشفيهم ياخوانــــــــــا،، [/align]

الله يعينها ويصبرها , وفعلا الوضع اصبح
مذري , ومصدقك لاني عشت مثل هذه الاحداث
بنفسي فانا خريج اقتصاد الخرطوم ,وعشنا مسلسل
العصي والسيخ وقنابل الغاز بس لما كانوا كيزان
ومشكورة علي النقل والمشاعر الجميلة تجاه الضحية

[بت مختبرات]

ماليهم حق في البعملوهو ...
والنقاش وحل القضايا عمرو مابجي بالضرب او الشتيمة بل بالوعي والفهم والجلوس في طاولة حوار
حتي يخرج الجميع من هذه الجلسة بالتراضي والوفاق مش بالمهزلة والتخريب والتعدي علي حقوق الغير
التي سوف تعمل بلبلة وانشقاقات نحن في غني عنها الان وخاصة بالظروف التي تحيط بالسودان
واوكد لك عزيزتي الغالية بان هذه الافعال الشنيعة وراها اشخاص كي ياججوا نار
الفتنة في سوداننا الحبيب وهذا ليس باسلوب حضاري وفهم راسخ
بل اعتبره عدم مسئوليه لكل من تسول له نفسه في توتر
واشعال الفتن بين الناس ....
وربنا يكفينا شر الجهل
ويجنب بلادنا الحبيبة الشر من بعيد او من قريب


وتقبلي مروري
مرسال الشووووووق ،،،

شكرا" على المرور مرسال الشووووووق
فعلا" كلامك صح، العنف اسلوب مرفوض تماما"
طبعا" هم قالوا انو ده كان رد على الاعتداء على بعض أعضائهم ( وهو طالب واحد ومن الكلية برضو)من قبل بعض طلاب الكلية
والحصل زى ما ذكروهو شهود عيـــان هو ان طالب المؤتمر الوطنى هو البادئ بالأعتداء على طالب اخر ، فتدخل بعض الطلاب لصالح المعتدى عليه ،، وبعدها أجرى طالب المؤتمر الوطنى اتصالا هاتفيا وبعد برهة جاء عدد من 40 الى 50 رجل مسلحين كما ذكرت انفا" وذكر ان الطالب اياه سلم عليهم وبدأوا الضرب فى الطلاب والطالبات ( من طرف زى ما بقولوا)
ومـاذا بعد أن عرفت السبب أخ مرسال الشووووووق؟؟؟

[ودالعاصمة]

مامن الجديد ولا المثير للاحداث وجود هذا الاعمال فى الجامعات السودانيه ..... فتعودنا داخل جامعاتنا وجود السيخ والملتوفات والمطاوى والسكاكين والاطواق وحتى المسدسات ابتداء من عيار 6ملم وما الجديد او المثير فى ذلك ومنذ مقتل اول شهيد من الحركات الطلابيه والى حمل الاستاز الطيب سيخه للسيخ داخل جامعه الخرطوم والى يومنا هذا والسبب واضح ومعلوم للكثيرين (( ولكن الجبن والخوف الذى اصبح يسيطر على الشعب السودانى )) والمصالح الفرديه ومن المعلوم ان طلبه وطالبات المؤتمر الوطنى داخل الجامعات هم اصحاب الشغب وهم من يجد المسانده الكامله والواضحه بدون خجل او مبآلآه من الاجهزه النظاميه السودانيه المتمثله فى جهاز الامن والاجهزة الشرطيه المختلفه والمساعدات الماديه فى توفير البكاسى لهؤلا الطلاب فى اى زمن بمجرد رنه هاتف يتجمعون ليمارسوا الضرب والحرق فى الطلاب ومن يتحدث تناله ماتناله من الرفد والضرب والاعتقالات لانننا فى ظل دوله تحكم بلا قانون للحريات ناهيك عن حقوق الطلاب ونحن فى ظل دوله تتمتع بها بجمبع الحريات الا المساس بافراد النظام الحاكم فهم يمثلون الاسياد ونحن العبيد .. طبعا على حيب اعتقاد المؤتمر الوطنى واعضائه... ونحمد الله على اننا وقفنا ما استطعنا ضدهم وتحملنا ماتحملنا ايام الجامعه ولكن لا يستطيع الطلاب الوقوف وحدهم اما طلاب امثالهم ودوله كامله ... والله المستعان على القوم المتقطرسين وربنا يرحم المتوفين ويعافى المصابين ويجبر كسر المتالمين امثالك عزيزتى (( بت مختبرات )) لكى كامل الود والتحايا ...

[احاسيس]

لا حول ولا قوة الا بالله العلى العظيم
والله حرااااام عليهم البعملو فيه دا يعنى الناس دى ماشة عشان تتعلم وتتخرج وتنفع روحها وبلدها ولا ما شة تخش معركة ؟؟؟؟

والمصيبة انو الخير بخص والشر بعم يعنى فى ناس كتااار ابرياء وماليهم اى ذنب غير انهم عايزين يتعلمو وبس
لكن يبقى السؤوال ليييييييييييييه دا كلو عشان شنو انا اذى لى طالب معاى وبعيش نفس ظروفى وامكن اكعب عشان استفيد شنو فى النهاية واللله متمينى القى اجابة صادقة
ربنا يشفي زميلتك ويشفى كل المساكين الماعندهم زنب
تقبلى مرورى عزيزتى

[نهر المحبه]

لاحول ولا قوة الا بالله العلي العظيم وحسبنا الله ونعم الوكيل
هي الحكايه دي طالعه موضه ولا شنو قبل شهر تقريبا اتكرر نفس الشي ده في جامعة سنار
وطالبه من طالبات كلية الهندسه المدنيه في المستوى الخامس والسمستر الاخير اتكسر فكها
بسبب المشاكل دي احتمال تضطر تتاخر وما تتخرج مع زملائها بسبب ذنب ما اقترفتوه
بس نقول حسبنا الله ونعم الوكيل وربنا يصلح الحال

[بنت الناس ماتنداس]

عاااااااااااااااااااااااااااااااادي في ظل حكومة الإنقاذ كل شي متوقع ...

وزي ماقال جردل ولا بنبر اسمو شنو ياخ حلة ده ولا جك ايواااااا كوز في جامعة الخرطوم
( البلد بلدنا والبشير بشيرنا )

انا بشوف انو الجملة مابتعني الا انو الناس ديل استملكونا حسب وجهة نظرهم طبعآ

هم يظلموا العاوزين يظلموه ويساعدوا العاوزين يساعدو

وصلو السودان لحافة الهاوية وإتسببوا في انفصال جزء من تراب الوطني وبعدين جرو جري الكلاب ولهثوا ورا الوحدة ولكن هيهات ....
والإعتداء علي البنات ما غريب عليهم لأنهم سمحو لنفسهم قبل كدة إنهم يدخلوا داخلية البنات ودخلوا غرف نوم البنات وهم من غير حجاب وكان فيهم بعض الأخوات منقبات !!!!!

بس انا بقول يستاهلوا الطلبة لأنهم رضو بالذل يستاهل الشعب السوداني كلو لأنو ساكت وخايف منهم

[غربة و شجن]

لا حول و لا قوة الا بالله العظيم ,,,,
يعني ذنبها شنو المسكينة دي يتحرق و شها ,,,, غايتو ربنا يصبرا و يصبر اهلها و يتوالاها بالعافية ,,,, (و ما زالت المهزلة مستمرة )

[GentleMan]

[overline] عشان كده في مغتربين كتار بيدرسوا عيالهم خارج السودان
زي الهند وماليزيا .. الخ بدل يوديه السودان ويروح الخدمة الوطنية
ويجيهم راجع شهيد . قال دبابين جاهزين للموت تقول عيالو
وفي النهاية شيخ الترابي طلعهم فطايس واي كلام
نسال الله السلامة
[/overline]

[محسية]

لا حول ولاقوة الا بالله


ان العنف لايولد الى العنف ناسف لى طاقه الوطن التى تذهب هدرا لابد من الحوار الطلابى الطلابى لى انقاذ الوطن
اعمال العنف ليس فيها منصر ولامهزوم واسفى على جيل يقاد ولايقود

ولكن الخطاء علي الجامعات عندما تفتح خطاً مباشراً للسياسه والتعصب
اللهم انا لا نسألك رد القضاء ولكن نسألك اللطف فينا

[بنت العمدة]

المشاكل دى كلها كانت بسبب الانتخابات بتاعت الاتحاد بتاع الجامعة
عشان ما تم النصاب وما فاز الكيزان فى الاتنخابات عشان كده عملوا
كده

[السودانى الاصيل]

السلام عليكم ورحمة الله

الحقيقه ان ما يحدث فى الجامعات فى ما يسمى بالممارسه السياسيه للاحزاب ما هو الا
فرص للفوضى ولفت اهتمام الطلاب عن الغرض الاساسى الذى من اجله دخلوا الجامعات

وكنت حريصا فى بعض الاحيان من باب الفضول والعلم بالشئ ان احضر بعض اركان النقاش

منذ السنه الاولى حتى اغتربت ثم رجعت الاجازه اى حوالى 10 سنوات ثم رجعت وحضرت
ركن نقاش لم يتغيير اى شئ
وهو ركن سب وشتيمه وتفنن فى الاستفزاز والاستهتار للغير !!!!
هل لو استمر العمل السياسى بهذه الطريقه لمدة خمسين سنه هل سيتغير شئ او يستفيد الناس بشئ

بل العكس مزيدا من حصد الابرياء

اخى وحبيبى شريف حسب الله شريف الشهيد الذى اصطادته رصاصه احد الضباط وهو بعيد
تماااما عن الاحداث ؟؟!!!!!

والماسى لا حصر لها اذكر حينما كان طالب وزميلته راجعان وهنالك مسيرة لنصرة العراق فجاء عسكرى
لو قالوا ليك اشتغل عامل نظامه بى واسطه ما تشغلوا شايل خرطوش وبطلب منهم اجروا!!!
وقبل ما اجروا ضرب الطالب والالبه بخرطوش اسود ؟؟؟ هو يضرب وهم يجرون كالاغنام

الحكيم من يبعد نفسه من مثل هذه الممارسات السياسيه الغير نافعه والتى تخدم اشخاص بعينهم
لديهم اجنده خاصه والطلاب اله يحركونها وهدفهم كل شئ عدا التعليم

حسبنا الله ونعم الوكيل

[هندوسه]

انا طالبه بجامعه الخرطوم..
كليه الطب البيطري..
حقيقه ماسمعت بالاحداث دي!!
وكل العارفاهو انو الانتخابات فشلت وحيعيدوها بعد العيد اسي..
والمؤتمر الوطني ضامن نفسو ؟؟ عشان كده ما اتوقعنا انهم يعملوا اي اعمال شغب..

لكن اتمنى انو الطلبه يتكاتفوا ضد الكيزان ويصوتوا لسواهم لنعيد جامعه الخرطوم لامجادها كما كانت..