صحيح والله العرس السوداني تكاليفة تساوي 10عروسة فى باقي دول العالم!!!
أجراءات العرس السوداني طويييييييييييييييييييييييييييييييييلة ومعقدة
مفروض تختصر بشدة
لان 99% منها بلا معني في يومنا هذا
الحكاية كلها إنتظار في إنتظار..
ومظاهر للناس التانيين
وصرف قروش لإسعاد الأخرين
ومفاخرة وتباهي
وليلة وراء ليلة من نفس الإجراءات
مرة عند العريس ومرة عند العروس ..
مفروض كل عريس وعروس ينفذوا عرسهم بحيث تتعظم سعادتهم
وليس لإسعاد الآخرين فقط
الشمّالي كتب:يااا عشوقة ادفع شنو ؟ غااااااغ
نحن ناااس مفتحين , قلنا نستفيد من وجاهتنا دي
وشفت لي زولة كسرتها في فيني زمان والشهادة
لي الله انا ذاتي اتكسرت فيها ومن اول
يوم قلت ليها يااا بت الناس خلينا نتلمي علي بعض
بدري بدري والعوائق المالية والحفر والمطبات دي
خلينا نتجاوزها الزولة ما صدقت وواقت علي طول
وانا كمان وافقت وباسرع من الخيال اتزوجنا شنطة
ستة ستة بمليون ونص وخلاص المال مليون والريحة
500 الف وحق الوليمة مليون نص والحفلة جبت
الطيب ابلغوفة وعلي كفتة ودورناها حفلة صباحي
دفعنا بس حق الساوند 100 الف يعني اربعة مليون
وستمائة الف غااااغ وهسة
الحمد لله عندي امورة زي العسل (يمني) اربعة
سنوات وعندي الوجيه (ايمن ) وده العسل ذاتو
سنتين صورتو في البروفايل بتاتعي فوووق
تمااااام احى الوجاهة والله وربنا يخلي ليك الحلوين ديل يارب
لكن انتو زمنكم كان غير اظنك انت عرست زمن المليون دى كانت حاجة كتيرة وغير كدا مرتك ساعدتك بفهمها وقناعاتها غايتو ما شالله عليك عندك حظ زى الورد (دى ما حسادة ههههه)
زي الضحيه هسي قالوا في فكره تكون مرطبات ..
كــــــــــــــــــــع
ههههههههههههههههه بررررضو دا ما بحلك من ال30 مليون انت قايل الفواكه دى رخيييصة
اها وبعدين فرضنا انو مافى عشا ولا نادى حتعمل شنو فى ناس اشيلة والمهر وسد المال والدهب وباقى الحاجات
كع: سيك سيك معلق فيك
منور ود الشرفة لكن كدى راجع حساباتك ولو عايز توفر اعقد مع الضحية عشان توفر حق الخروف
بس صعبتو الشغلانه عديل كده والبنات الماليات السوق العربى ديل اودوهم وين نصدرن يعنى ولا كيف
بقن اكتر من التراب محل ماتمش تلاقيك شله لافه بس الله كريم عليكن يابنات الناس براكم صعبتو الحكايه
عاشقه بوست رائع والله بس كدى زى ماقال الشمالى العندو نيه بصرف النظر كدى صلحيها شويه
وشوفى الاسباب والحلول والعوامل الداخليه والخارجيه..............تحياتى لنا عوده
ياجراح طيب انت فى نظرك بتشوف شنو الحاجات المهمة والمامهمة عشان نقدر نخفض التكلفة دى وهل فى طريقة انو ممكن البنات يساعدو بيها عشان المركب دى تعدى بدون ماتغرق؟؟ارجو الرد
مرورك اسعدنى كثيرا عزيزى جراح لك التحية وفى انتظار ردك
عاشقة الاحزان كتب:ههههههههههههههههه بررررضو دا ما بحلك من ال30 مليون انت قايل الفواكه دى رخيييصة
اها وبعدين فرضنا انو مافى عشا ولا نادى حتعمل شنو فى ناس اشيلة والمهر وسد المال والدهب وباقى الحاجات
كع: سيك سيك معلق فيك
منور ود الشرفة لكن كدى راجع حساباتك ولو عايز توفر اعقد مع الضحية عشان توفر حق الخروف
اصلك ما بطمني ... كدي راجعي حساباتك ...
انت عااارفه عندنا واحد هنا داير يعرس من حلتنا وهم ناس بسيطين شديد اها جاء لي ابو البنت واتقدم ابو البنت قال ليهو مهرك كم قال ليهو عندي غنمايه حلابه ... قال ليهو خلاص رضيان ... العريس قال ليهو انت قايلني داير اديك الغنمايه انا داير ابيع الغنمايه ونتقاسم القروش النص ... وافق والعرس تم في مان الله
تخريييمه عـــ السريع
لا لا لا اكعب عرس عرس الضحيه ... انت بتيني حساباتك علي المستقبل يعني مرتك حا تلد ليك مع عيد الضحيه الجايي يعني داير ليك خرووووفين ...
صحيح والله العرس السوداني تكاليفة تساوي 10عروسة فى باقي دول العالم!!!
أجراءات العرس السوداني طويييييييييييييييييييييييييييييييييلة ومعقدة
مفروض تختصر بشدة
لان 99% منها بلا معني في يومنا هذا
الحكاية كلها إنتظار في إنتظار..
ومظاهر للناس التانيين
وصرف قروش لإسعاد الأخرين
ومفاخرة وتباهي
وليلة وراء ليلة من نفس الإجراءات
مرة عند العريس ومرة عند العروس ..
مفروض كل عريس وعروس ينفذوا عرسهم بحيث تتعظم سعادتهم
وليس لإسعاد الآخرين فقط
عشوقة تسلمى على موضوعك العسل
تحياااااااااتى
هههههه ما عشان كدا يا محسية الشباب كلو بقى يمشى الهند عاملين فيها بقرو لكن فى الحقيقة هم بفتشو فى عروسات لانوهناك بدوك العروس وكل التجهيزات والتكاليف على اهلها يعنى البعرس بيك هناك هنا بادوب باكلك فى مطعم راقى هههه واللله مفارقات عجيبة نسال الله السترة بس
وكلامك مية مية انو العرسان مفروض يشوفو محل مصلحتهم وسعادتهم هم بس ما عشان يسعدو الناس واصلا مهما عملو حيكونو فى نظر الناس برضو لسة مقصرين ووتعالى شوفى القطيعة وفضيحتهم بجلاجل وما عشونا والحفلة كانت ضاربة والعروس مكياجها ما حلو هههههههه وياحليلو العريس بكون قلبو اتقطع وهو بلم فى قروش الحاجات الماعاجبة الناس دى
تسلمىى حبيبتى محسية على المشاركة المميزة لك التحية
ود الشرفه كتب:اصلك ما بطمني ... كدي راجعي حساباتك ...
انت عااارفه عندنا واحد هنا داير يعرس من حلتنا وهم ناس بسيطين شديد اها جاء لي ابو البنت واتقدم ابو البنت قال ليهو مهرك كم قال ليهو عندي غنمايه حلابه ... قال ليهو خلاص رضيان ... العريس قال ليهو انت قايلني داير اديك الغنمايه انا داير ابيع الغنمايه ونتقاسم القروش النص ... وافق والعرس تم في مان الله
تخريييمه عـــ السريع
لا لا لا اكعب عرس عرس الضحيه ... انت بتيني حساباتك علي المستقبل يعني مرتك حا تلد ليك مع عيد الضحيه الجايي يعني داير ليك خرووووفين ...
هههههههههه والله دا رهييييييييييييب عديييل
يعنى حتى الغنماية مستكترة فى اهل البت غايتو الكلام دا لازم ندسو عشان الاولاد ما يقومو يعملو لينا كدا بعد دا
خايفة يضبحو لينا جدادة بس فى العقد لكن لقيتك مفتح فى موضوع السماية دا (الحسانية فى شنو وانت فى شنو ؟ههههههههه)
عاشقة الاحزان كتب:تمااااام احى الوجاهة والله وربنا يخلي ليك الحلوين ديل يارب
لكن انتو زمنكم كان غير اظنك انت عرست زمن المليون دى كانت حاجة كتيرة وغير كدا مرتك ساعدتك بفهمها وقناعاتها غايتو ما شالله عليك عندك حظ زى الورد (دى ما حسادة ههههه)
ياا عشوقة زمنا ده ما بعيد ده في شهر 2006/08م
المليون يااا هو المليون وسعر الريال 730 جنية ,
ولتاريخ اليوم في زيجات بتم في حلتنا بمليونين بس
وده غير عرس الكورة الب الف , وغير الزيجات
المهر بكيلة تمر وحق الكيلة اديك ليهو ابو العروس
غااااااااااااااغ صدقيني عقدة مصروفات
الزواج دي عقبة يضعها اهل العروس , ولو كانت
البنت متفهمة واهلها متفهمين الموضوع بتم بكل
يسر والمصروفات البذخية اولي بها العرسان
لتعينهم في الحياة , واقلهن مهرا اكثرهن بركة غاااغ
هههههههههههههههههههههههههههههههههههههههههههههههههههههههههههههههههههههههههههههههههههههههه
بعد دا كله دايرة الشباب يتزوجو ؟
لو العرس بالطريقة دى معناها مافى داعى ليه ؟
مالو الزواج من مغتربة على الاقل الاولاد ما حيتكلفو قدر دا ولا احنا البنات
ياا عشوقة زمنا ده ما بعيد ده في شهر 2006/08م
المليون يااا هو المليون وسعر الريال 730 جنية ,
ولتاريخ اليوم في زيجات بتم في حلتنا بمليونين بس
وده غير عرس الكورة الب الف , وغير الزيجات
المهر بكيلة تمر وحق الكيلة اديك ليهو ابو العروس
غااااااااااااااغ صدقيني عقدة مصروفات
الزواج دي عقبة يضعها اهل العروس , ولو كانت
البنت متفهمة واهلها متفهمين الموضوع بتم بكل
يسر والمصروفات البذخية اولي بها العرسان
لتعينهم في الحياة , واقلهن مهرا اكثرهن بركة غاااغ
وحاة الله كان كدا زمنك دا ماهو بعيد شى وكلامك مية المية لكن عاقل بحكى ومجنون بسمع ياريت كل ام تقبل بالكلام دا عشان ماتخرب على بناتها (لانو المصايب دى كلها بتجى من ام العروس )
سلم لى على ايمن ويمنى
king cairo كتب:هههههههههههههههههههههههههههههههههههههههههههههههههههههههههههههههههههههههههههههههههههههههه
بعد دا كله دايرة الشباب يتزوجو ؟
لو العرس بالطريقة دى معناها مافى داعى ليه ؟
مالو الزواج من مغتربة على الاقل الاولاد ما حيتكلفو قدر دا ولا احنا البنات
والله لو حسبتيها حتلقى انها هى هى وبعدين العرس فى السودان ليهو طعم خاااص
وحنا عارفين انو التكلفة عالية واى شى لكن احنا هنا بصدد اننا نقللها ونختار الاهم فالاهم
[overline] عشوقة ... سلامات
بس عايز اقول ليك حاجة الشباب الفي السودان كلهم بيتزوجوا
وانا في اجازتي الفاتت يا ما حضرت ولائم عرس وحفلات للفرد والجيران .
مع انو الوضع كعب بس اظنهم بيكونوا مجكسين من بدري ومتفقين ومتفاهمين
قبل الزواج وهي قبلانة باليجيبوا ليها بس المغتربين كان الله في عونهم
الواحد قاعد هنا كم سنة ونزل اجازة وهاك يا الفشخرة والجماعة يختوا الثلاثين مليون
دي عادي وممكن يرفعوليو جاز اتقل من كده .. طالما شافوه مرطب ،
النقناق كتب:[overline] عشوقة ... سلامات
بس عايز اقول ليك حاجة الشباب الفي السودان كلهم بيتزوجوا
وانا في اجازتي الفاتت يا ما حضرت ولائم عرس وحفلات للفرد والجيران .
مع انو الوضع كعب بس اظنهم بيكونوا مجكسين من بدري ومتفقين ومتفاهمين
قبل الزواج وهي قبلانة باليجيبوا ليها بس المغتربين كان الله في عونهم
الواحد قاعد هنا كم سنة ونزل اجازة وهاك يا الفشخرة والجماعة يختوا الثلاثين مليون
دي عادي وممكن يرفعوليو جاز اتقل من كده .. طالما شافوه مرطب ،
النقناق كتب:هووي ياعشوقة بوستيك دا جاب لينا الهوا زاتو .. وخليتنينا نغير راينا فيكن
ونقبل علي بنات المغتربين .. رغم الحنكشة بس نعمل شنو!!
طالما رفعتن لينا القزاز .. يبقي البديل بنات المغتربين
وبعدين مرمطينا ومسحتي بينا الواطة .. وفضلتن علينا يتاعين الكواري (المعذرة لمريسيل)
دا ماكان العشم !!! يابنات الخرطوم محل الرئيس بنوم والطيارة تقوم [/font]
يا نقة انت لو ملاحظ انا ما قاعدة اتكلم بصيغة انو احنا كدا انا بورى فيك فى الشى الحاصل ولو رجعت ورا بتلقى فى كلامى انو احنا عايزين نقيف معاكم ونصلح الوضع الحاصل دا لانو اساسا ماعاجبنا والكلام دا لو هنا ولا عند بنات المغتربين يااها نفس الحسبة وامكن تزيد عشان كدا انت بدل ما تقعد تندب فى حظك وفى بنات الخرطوم ساعدنا بالحلول الممكنة والاقتراحات وشكرا
والعفو كرامتكم فى الحفظ والصون
عاشقة الاحزان كتب: سلام طبعا فى ناس ما عندهم فكرة عن التفاصيل الدقيقة فى تكاليف الزواج عشان كدا اختصرت ليكم المشوار دا كلووو وعشان كمان ما يدقسوكم لازم تكون عارفين البحصل شنو
دى تكاليف الزواج السودانى من قولة تيييت لحدى الفنان ما ينزل من الحفلة وخلونا نتحاور شوية فى التكاليف دى حسب اهميتها
أول ما العريس يجى يطلب البنية بجو الرجال من طرف اهل العريس لفتح خشمهم (يعنى يقولو أحنا طلبنا بتكم لولدنا دا) وطبعا هذة الخطوة لا تتم الا بعد سؤال اهل العروس عن العريس عن اهلو واخلاقة ووظيفتة وغيره حتى بعد ذلك بجى الرجال ويتم وقوف أحد كبار الاسرتين بالقاء كلمة حلوة وعن نسبهم وتنتهى بالدعاء والموافقة وتنتهىالجلسة بقراءة الفاتحة.... يتم فى هذة الجلسة توزيع المشروبات الباردة والخبيز بكافة اشكاله (كحك بتفور - والمكسرات) ويتم بعد ذلك توزيع صحن ملى بالفواكهه والجاتو وبعض الاسر تقدم البيتزا والفطائر تقديرا" لجيتهم اول مرة...
نجى بعد كدا لقولة الخير ودى مخصصة للنسوان بجيبو معاهم طبق حلاوة وهدية العريس لعروسة وهيا كريمات وعطور وبعضا" منهم مبلغ مالى بسيط وفى ناس بتجيب دهب (حسب قدرتك المالية) هنا عديل بعملو ناس العروس صحانات العشاء لعدد بسيط من اهل الاسرتين (ليلة مختصرة). وينتهى الليلة بدري.
سد المال:-
يحدد اهل العريس موعد لاهل العروس لاحضار سد المال وهو عبارة عن المهر والشيلة ، تحتوي الشيلة على ملابس للعروس والعطور ، عطور ناشفة مثل الضفرة والمسك والقرنفل والعطور السائلة مثل الفلير دمور وعطر الصاروخ والصندلية والمحلبية والسرتية والمجموع ، بالاضافة الي المواد التمونينية اللازمة لصنع الوليمة ومنها السكر وزيت الطعام ودقيق القمح ودقيق الزرة ، وفي ليلة سد المال تتم التجهيزات في منزل العروس حيث تتم دعوة الاهل والاقارب والجيران وتقدم المرطبات والحلويات وتحرص والدة العروس على دعوة قريبات العروس الاخريات من النساء الطاعنات في السن وخالاتها وعماتها وجاراتها ، ويحضر من اهل العريس النساء فقط لجلب الشيلة وهن يرددن الاغاني التي تمجد حسبه ونسبه وتتحدث عن كرم اصله ومن الأغاني التي تتداول في هذه المناسبة
أم العروس إحنا جينا
البيت ما بشيلنا
دقي لينا خيمة
أم العروس إحنا جينا
غدانا بقرة وعشانا ناقة
وبعد انتهاء طقوس ومراسيم استلام المهر تستعد ام العروس للتحضير لحفلات الفرح
ايضا تُردد
يا نسيبتو شن بدوري جبنا ليك عقيد اللولي ..يا نسيبتو شن بدوري
جبنا ليك الغالي علينا وجبنا ليك نور عينيننا يا نسيبتو شن بدروي .. جبنا ليك دهب ما نحاس جبنا ليك وليد الناس يا نسيبتو شن بدوري
الشيلة غالبا" فى هذة الايام تحتوى على:-
1/ شنطة الملابس تبتدى بي(6-8-12) عدد قطع الملابس + الثوب السوداني مابين شفون وتوتل - احذية - شنط يد وغيره(حسب العدد بتكلفك مابين مليون ونص - و4 مليون)
2/ شنطة فيها العطور البلدية والافرنجية والناشف ودى بتكلفك ما بين(مليون - وبين 2 مليون).
3/ علبة المكياج (حسب ذوق العريس واهله لا تكلف كثير)
4/ دهب الشبكة ويبتدى بى (طقم بسيط 3 مليون - مفتوح المبلغ للاغنياء)
6/ المهر المادي(فى ناس بتدى 5 مليون - وفى ناس بتدى 50 الف دولار فى زمننا هذا).حسب حالة العريس
يتم الأتفاق على ايجار النادي من قبل ناس العروسة وما تدقس ياعريس النادى على العروسة والعشاء..
العريس عليهو الكوفير - الحنة- التصوير- الفنان (واذا طلعت العروس ظريفة بتتقسم معاهو الحاجات دي حسب درجة الحب بق))
أها يا جماعة الخير انتهينا من مرحلة الخطوبة وبعد كدا يجى إتفاق البحبو بعض وترتيباتهم مع بعض فى مصاريف العرس والعقد والحفلة ..أكيد أى بنت بتتمنى اليوم دا بفارغ الصبر..زمان كان شراء فستان الفرح واجب على الزوج كان كسر رقبتو يشتريهو وطبعا الشراء ما زي الايجار المهم!!
البت الفالحة الواعية تفكر لو إشتريت الفستان حوديهو بعدين وين؟ فأحسن حاجة تأجري فستان الزفاف بتاعك وطبعا الاسعار الايام دي خرافية لكن عموما المبلغ ما كبير عشان تشوفى فستان مناسب ..الايجار بملغ 750- لحدى مليون ونص حسب الفستان والماركة يبقى دا خيارك بعد ما يدوك المهر ..
نرجع للمهر ياسيدي العريس زي ما قولتا سابقا حسب مدى تقارب وجهات النظر بينك وبين حبيبتك فى مسالة القروش لكن عشان انتا تكون منصف وعشان ما تسمع كلام كتير من أمها وخالتها وعماتها تدي الشىء الوسط وريح نفسك من هم شراء الشيلة والجوطة الكتيرة ديك واديها مستكفي(المستكفي : هو مال يعطى للعروس شامل المهر وكل حاجاتها الشخصية من فستان وكوفير وحنة) ماعدا الفنان والتصوير عليك ياعريس – التصوير معرفو بي 500-600 جنية اما تصوير الحفل من مليون لفوق حسب الجهة الحتصور حفلك ..الفنان يختلف والخيار متروك ليك وللعروس تجيب فنان درجة اولى او عشرومية..!! اهم شىء وألفت نظر العريس بإنو النادي والعشاء على العروسة ..على العروسة!! ما يمقلبوك ويورطوك فى النادي فهمتا سمح؟!! الا اذا قدرت العروس وأقنعتك بإنك تشيل الشيلة كلها وتكون هنا دخلتا الشرك !! اوعا تتمقلب!
النادي فى حدود 5 مليون – لحدى الريفيرا والخليل ..الخ أسعارهم عالية شوية عموما العشاء بالنادي مثال فى النادي السوري بيكون فى حوالي 20 مليون عشاء + ايجار لكن لو عاوز الغالي امشى ناس كزام- الريفير وغيرهم الايجار بالعشاء يكلفك 27- 30 مليون ..طبعا فى صالة جديدة اسمها القاعة الذهبية فى بحري العشاء بالايجار 40 مليون وطبعا دا للناس المرتاحة شديد..
تخطيط الزفاف يتم بالورقة والقلم تقعد مع العروس وتحسبو الحاجات المحتاجينها شنو تشوفو اسعار كروت الفرح واختارو الشىء المعقول لنو فى النهاية الكروت دي حيرموها الناس وحاولو ما تكتبو اسم الله فيها عشان الناس بتجدعا فى القمامة !! وجب التنبيه..
قبال العرس بشهر لازم الراحة النفسية والجسدية بقدر الامكان عشان ما يحصل مشاكل بينكم فى ترتيبات الفرح ..المساج ضرورة للاسترخاء ..البعد تماما عن المكيفات القهوة والسجائر والصعوط..(عارفة روحى بنفخ فى قربة مقدودة).
نجي لحجز السفر لشهر العسل ودا يعتمد على ميزانتك سواء داخل العاصمة ام برة البلد والخيار شخصى ليكم ..
حجز النادي يتم قبل العرس بمدة وكذلك ترتيب العشاء..
لحدى الان عرفتو النادي العشاء والتصوير وفستان الزفاف فى الجزء الأخير حتكلم عن الشيلة ومكوناتها وليلة العرس...
بيت مال وعيال ..العديلة والزين
الجزء الأخير...
طبعا حكلمكم عن الشيلة عشان أكيد فئة كبيرة من الرجال ماعارفين الشيلة فيها شنو ..
ياسيدي الشيلة هي تقدير خاص منك لعدد ماتريد شراءة لزوجتك من ملابس يعنى أقل عددية للشيلة عدد (6) قطع من كل حاجة مثال: ستة شنط يد..ستة ثياب سودانية فيها الشيفون وفيها التوتل العادي ..ستة جزم أو شباشب + ستة قطع ملابس جزء سهرة وجزء عادي ...الخ
كدا دي شنطة الشيلة عندك كملان شنطة الريحة الهيا لأقل تقدير يكون عدد (2) مثل الضفرة والمسك والقرنفل والعطور السائلة مثل الفلير دمور وعطر الصاروخ والصندلية والمحلبية والسرتية والمجموع...بالاضافة للعطور الباريسية ودي على حسب تقديرك ..نجي بعداك للمواد التمونينة ودي بسموها (الدكان )عشانم يجيبو ليكم فطور العريس أما اذا والدة العروس رفضت الفطور فخلاص مافى داعي تودي الدكان...عموما الدكان يحتوي على.. السكر وزيت الطعام ودقيق القمح ودقيق الزرة..شعيرية مكرونة فحم بصل..و 2 خروف او خروف واحد حسب قدرتك..
شنطة الهدوم بتكلفك لو اشتريتا من سعد قشرة(4-5 مليون) + الريحة (1800- 2 مليون) ممكن الحسبة كلها تطلع (6) مليون لو اشترت المهم فقط ..
الدكان ممكن يكلفك مليون ونص على الأقل..
المهم تغلفو الحاجات وبالحلاوة والقروش ..اها نسيت اوريكم المهر كم والمستكفي..
عشان تريح روحك من شراء كل الجوطة دي وتدي العروس مهرها احسن تديها القروش وهي تشتري براها المبلغ ممكن يكون (15)مليون لو عاوز تفرحها كويس اما اذا وضعك أسوء فيمكن تديها (10) مليون وتشيل انتا قصة النادي لو خايف من زعل أهلها اما اذا كانت قنوعة وبتحبك حتكتفى بالمبلغ دا وأبوها يتم الباقى ..
ممكن تتم اتفاقية بينك وبين أبوها انك تجيب النادي لو عاوز تساعد والدها ..او اى حاجة شايف انو انتا مفروض تعملا..
طبعا المكياج فى حدود مليون ونص لى 2 مليون عند هند حمدتو أو غادة شرفي + الحنة بي 300 لحدى 500 الف جنية دا تبع المستكفى ماعندك شغلة بيهو ..لكن عليك التصوير وطبعا عند ماجستيك بي 600 الف جنية وعليك الفنان فى حدود 4 مليون لو فنان خطير لو كشا مشا بي مليون او مليون ونص حسب مرتك برضو!! تصوير الحفلة+ موسيقى الدخول عليك برضو..
للعلم العشاء ممكن يكلف ابو العروسة 10 مليون ولفوق على حسسب العددية والنادي...العروسة عليها عدة المطبخ والستائر لفرش شقتها وبرضو لو وضعها المادي كويس ممكن تساهم مع العريس ..
اهم شى ما تخلو زول يتدخل فى خصوصياتكم فى الاعداد ممكن تشوفو الأفكار المتحة لكن فى الاول والاخير رأيك انتا كرجل وكزوج وحبيب ومع الاتفاق مع عروستك كل شى ممكن يمشى بسهولة بدون مشاكل وضجة..وكل ما كنت قريب من والدة العروس كل ما كانت ظريفة معاك وكل ما خلقت حواجز وما اشتغلتا برأيها كل ما هي حتعاند وتقلب حياتك جحيم..والاولو شرط أخرو نور..وريهم ظروفك المالية من الأول والليك والعليك فالتفاهم أساس الحياة الناجحة...
شهر العسل بتقديرك انت وظرفك المالي على حسب ماعاوز وتحب ممكن تقلل تكلفة العرس عشان تمشى شهر عسل برة البلد أو تقضو فترة اسبوع او 10 ايام بشقة فاخرة فى حدود 50-60 جنية لليوم وتمشو شقتكم بعداك او بيتكم وبعد الاستقرار بمدة ممكن تمشو شهر عسل كلو بعتمد على وضعك المادي...
حنة العريس ممكن تتندمج مع حنة العروس بعد العقد وبكدا تقللو التكلفة كتييير بدل حفلتين منفصلتين وتنادو الاصدقاء المقربين والاهل ..وتتجرتكو بعدها وخلاص...وبس..والدفع مشاركة بينك وبين والدها عموما والد العروس ما منو خوف دائما متفاهم .. خليك قريب من والدة العروس عشان تكسبا وماتحاول تبرهن ليها بأنو بنتها خلاص بقت حقتك وانها ماليها كلمة معاها..كل ما كنت ظريف حتكون ظريفة معاك وتكسبا... خلى حبيبتك تقرب من أمك عشان تكون علاقتوم مع بعض حلوة وتعيش بلا نكد لقدام..
الدهب حق العرس ممكن يكون طقم او طقمين او تلاتة على حسب قدرتك برضو عموما الطقم فى حدود 3-4 مليون على حسب ارتفاع الجرام عموما الايام دي الدهب بقى بي 100 ويمكن ينزل او يرتفع انتا وحظك!! لو جبتو من برة السودان بيكون احسن وانا شايفة طقم واحد كفاية فى الوقت الحالي...الكوشة بتاعت العرس فى حدود 500- مليون جنية
العرس انتهى كدا بكل حاجاتو ممكن تنتهى بتكلفة فى حدود 30-50 مليون جنية بكل التفاصيل الصغيرة ..
ياريت تقنع والدتك مافى داعي لفطور العريس لأنو تكلفتو فى حدود 4 مليون جنية ..
ممكن تعرس بأقلا كتيييير أو أكثر بكثييييير على حسب قدرتك المالية..
اتمنى لكل العزاب الزواج بنات واولاد والعقبة لينا..
وفى انتظار مشاركاتكم
ومن اول
