سؤال لمغتربين السعودية ؟؟؟

[غربة و شجن]

السلام عليكم و رحمة الله تعالى و بركاته ,,,,,, يا اخوان انا مغترب في الامارات ,,,,, و قاعد افتش على شغل في السعودية ,,,, لكن سمعتا انو مؤخرا فيز العمل للسعودية بقت صعبة و بالذات لمهنتي (مهندس ) ,,,,, هل الكلام دا صاح و لا اشاعات ساي ,,,, ارجو الافادة

[m96]

السلام عليكم اخي

بصراحة انا ما سمعت الكلام ده خالص

بس لو عندك احد يقرب لك في السعودية ممكن يشوف لك فيزة

[Mode]

وأنا برضو ماحصل سمعت بالكلام ده

ومادام شهادتك معاك ما اظن انه في حاجة بتصعبها الا اذا مالقيت ليك الزول اللي يسعى ليك فيها

واتمنى ليك التوفيق

[غربة و شجن]

تسلمو يا اخوان على التوضيح ,,,,, جزاكم الله خير

[جعلي حكيم]

انا بعرف مدير فرع شركة سالكو للهندسة في المدينة المنورة م/هاشم ابو الخير
وبكلمك ليهو يمكن حاجة ولا شيء ولا داير
راكب ركشة (جعلي حبوب )

[غربة و شجن]

ما بتقصر يا جعلي ,,,,, في ميزان حسناتك انشالله

[سامر عوض]

ربنا يوفقك في مسعاك
وانا ادعو ليك من مكة بالتوفيق
وبيتي في مكة مفتوح لكل اهل السودان
بس انا استاذ خصوصي
ومرحب بيك في مهنتنا

[رءوف]

اسمع انا معاى شهادة اداب ترجمة
تبدلنى وتدينى شهادة الهندسة دى

وتعال شوفنى بعد سنة واحدة بس


يا عم المهندسين مرغوبين جدا فى السعودية انت بس تعال

كلمنى بى هناك اديك الرقم تتصل

[غربة و شجن]

الاخ سامر ما بتقصر و الله و دي المحرية فيكم يا اخوانا ,,,,, الاخ رؤف تدفع كم فوق شهادتك

[توآضعي رفعتي]

ربي يوفقكـ

[غربة و شجن]

ربي يوفقكـ

و يوفقك كمان ,,,, تسلمي

[السودانى الاصيل]

الاخ سامر ما بتقصر و الله و دي المحرية فيكم يا اخوانا ,,,,, الاخ رؤف تدفع كم فوق شهادتك

ههههههههههههههههههه حلوه تدفع كم فوق شهادتك دى


انا بقول ليك تجى باى تاشيره حتى لو تاشيرة عامل
ودى متوفره ممكن تشتريها فى اى وقت سعرا تقريبا 10000 او اقل حسب الجهه

وبعد تجى تقدم اوراقك فى الشركات وبكل سهوله وبشروطك حتشتغل
والمهندسين هنا الكل فى الكل

وممكن اشوف ليك شركتنا بس انت تصل
اتمنى ليك التوفيق

[غربة و شجن]

ههههههههههههههههههه حلوه تدفع كم فوق شهادتك دىthumbup.gif


انا بقول ليك تجى باى تاشيره حتى لو تاشيرة عامل
ودى متوفره ممكن تشتريها فى اى وقت سعرا تقريبا 10000 او اقل حسب الجهه

وبعد تجى تقدم اوراقك فى الشركات وبكل سهوله وبشروطك حتشتغل
والمهندسين هنا الكل فى الكل

وممكن اشوف ليك شركتنا بس انت تصل
اتمنى ليك التوفيق

تسلم يا اصيل ,,,,, و انا كمان بتمنا ليك التوفيق في حياتك ,,,,, بإذن الله بتتسهل ,,,, ودي