أخواتى وأخوانى الاعزاء بكل المنتديات التى أشارك فيها يسعدنى وأنا أطل عليكم يومياً بدرس الصباح من مسجد برمنجهام والشيخ عبدالجليل الباكستانى أن أواصل الاطلالة فى مجال الشعر والمسادير المنجورة حتى تصبح فى الذاكرة محفورة والبينا معمورة وإن شاء الله تسكنو المعمورة وتنجح فى سودانا الكورة ،والمسدار الصباحى ليس حكراً على بشرى مبارك ولا ملك خاص له فأطلب من الجميع أن يشاركوا بإضافة مسادير صباحية وعليكم أن تجتهدوا والمابعرف بنساعدوا والحكاية لمن يرغب أسهل ما يكون والان دعونى أقول بسم الله نبدأ ونسأل الله أن يوفقنا فى إختيار الخفيف والظريف من المسادير .
مسدار الصباح بسم الله ببدابو
ولملم كل ناسو ولملم أصحابو
نبدأ بى الصباح مع شاينا وشرابو
وندعو للجميع الصحة الصحة وعقابو
ما فينا البغيب البغيب ويلوّم يلوّم أنسابو
فى النيّة الرجوع لكنى جد مشغول
بى تعليم صغارنا وخايفين من المجهول
بندور يعرف صغارنا البنقولو ليهو يقول
ويعرف يقرأ سورة ويحفظ ليها شورى ويعرف كمان لى إصول
أخواتى وأخوانى الاعزاء بكل المنتديات التى أشارك فيها يسعدنى وأنا أطل عليكم يومياً بدرس الصباح من مسجد برمنجهام والشيخ عبدالجليل الباكستانى أن أواصل الاطلالة فى مجال الشعر والمسادير المنجورة حتى تصبح فى الذاكرة محفورة والبينا معمورة وإن شاء الله تسكنو المعمورة وتنجح فى سودانا الكورة ،والمسدار الصباحى ليس حكراً على بشرى مبارك ولا ملك خاص له فأطلب من الجميع أن يشاركوا بإضافة مسادير صباحية وعليكم أن تجتهدوا والمابعرف بنساعدوا والحكاية لمن يرغب أسهل ما يكون والان دعونى أقول بسم الله نبدأ ونسأل الله أن يوفقنا فى إختيار الخفيف والظريف من المسادير .
مسدار الصباح بسم الله ببدابو
ولملم كل ناسو ولملم أصحابو
نبدأ بى الصباح مع شاينا وشرابو
وندعو للجميع الصحة الصحة وعقابو
ما فينا البغيب البغيب ويلوّم يلوّم أنسابو
مسدار الصباح والله جد سرانا
ياكل الشباب مرحب تعالوا معانا
من كل الجهات نسم الهبوب تغشانا
والزول البعيد ذكراهو تبقى حدانا
فى النيّة الرجوع لكنى جد مشغول
بى تعليم صغارنا وخايفين من المجهول
بندور يعرف صغارنا البنقولو ليهو يقول
ويعرف يقرأ سورة ويحفظ ليها شورى ويعرف كمان لى إصول
المكتوب عليك لابد ليهو وصول
ياود الكرام العزة ليك أصول
أولادنا الصغار لابد يعروفوا القول
وفي البيت الكبير لابد يكونوا نزول
التصويت بدأ للانفصال فى بلادنا
ونسينا الوصية الاوصو بيها أجدادنا
وصونا على الوطن الفى التراب ميلادنا
لكن الطمع الشجع الظلم ظهّر جميع أحقادنا
بدينا نقسمو لى كم قسم ونديهو لى نديهو لى أحفادنا
الاربعاء 12 يناير رابع أيام الاستفتاء---------------------------------------------------------------------
الفتن الزمان وصانا بيها نبينا
نصلى على ونسلم وندعو الكريم يحمينا
من شر التآمر ومن شر اليهود من شر اليهود يكفينا
نتمسك بى كتابنا وبى سنه نبينا ماظن نلقى شىء يلاوينا
التصويت بدأ للانفصال فى بلادنا
ونسينا الوصية الاوصو بيها أجدادنا
وصونا على الوطن الفى التراب ميلادنا
لكن الطمع الشجع الظلم ظهّر جميع أحقادنا
بدينا نقسمو لى كم قسم ونديهو لى نديهو لى أحفادنا
الاربعاء 12 يناير رابع أيام الاستفتاء---------------------------------------------------------------------
الفتن الزمان وصانا بيها نبينا
نصلى على ونسلم وندعو الكريم يحمينا
من شر التآمر ومن شر اليهود من شر اليهود يكفينا
نتمسك بى كتابنا وبى سنه نبينا ماظن نلقى شىء يلاوينا
يارب العباد من النعم تدينا
تحمي بلدنا شر الفتنة ماتلاقينا
ننصاع للأوامر وماكان عنه نهينا
في آخر المطاف في جنتك علينا
(آميييييييين)
أمييين يا لبيب دعاك يلقى إجابه
نشوف سودانا فوق ونارو نار تقابه
نحفظ فى السور ونحفظ للمعانى نعرف لكل أنسابه
لسانه لسان عرب وقرآن كريم وبالسيرة ما بنضل ونمشى فى أسرابه
أمييين يا لبيب دعاك يلقى إجابه
نشوف سودانا فوق ونارو نار تقابه
نحفظ فى السور ونحفظ للمعانى نعرف لكل أنسابه
لسانه لسان عرب وقرآن كريم وبالسيرة ما بنضل ونمشى فى أسرابه
الكلمة الرصينة نقول حبابا حبابا
وحسن الجيرة نحن نقولا نتوصابا
والبلد الكبير الناس تكون احبابا
بتشيل الجميع فيها ونكون في رحابا
سودانا الجديد بى صغرو حا نبنيهو
وأساسو الدين شريعة ورب العباد حاميهو
كل زول يجتهد يحسن فى العمل وعملو حا يباريهو
يخلى شعاور إخلاص ورع صلاتو وصبحو حا يواليهو
سودانا حايكون أحسن من زمان وما تجييب القديم ولا تكون ضاريهو
نحنا نحلم بالوصال وهى تحلم وهى تحلم إنفصال
مبروووك عليك أتهنىء بيهو أصبح حقيقة ولا محال
ورينا فى كل المدن مدن الجنوب ورينا وقفى إقتتال
وأتذكرى يا نا نحنا المابنجافى ونحنا ديل أهل الشمال
مسكينه تحلم إنفصال وحاتشوفى كيف شرد الغزال
أعذرونى ...وأعذرنى يا صاحب سفر
اللوم بقع مرات عليك غفله ...وقدر
أعذرنى أرمى اليوم على أعذرنى يا الحسنك أمر
والله ردك كان على دايماً دايماً جميل ظل الشجر
والله ما عاتب عليكم وشايف العتاب أدهى وأمرّ
بعد حادثة إحراق الشاب التونسى البوعزيزى لنفسه والتى فجرت غضب الشعب التونسى حتى أسقطت الطاغية زين العابدين بن على ... حاول بعض الشباب إحراق أنفسهم آخرهم شاب من أبناء دارفور أحرق نفسه فى أمدرمان وأصيب بجروح من الدرجة الثانية وتم حجزة بالمستشفى ولم يتفاعل معه اى شخص !!!!لماذا؟؟؟؟ الظروف التى تعرض لها البوعزيزى لا تتكرر بالساهل شاب بيع الخضار فى عربه خضار منعته السلطات ومعها ضابط شرطة (بنت شابه ملازم شرطة ولم تكتفى بالمنع ودفق الخضار وجر العربة بل ناولته كف جامد وإستفزازى من يدها وتخييل حرمه !!) كل ذلك أدى الى فوران الغضب المنطقى ومستحق !!!نحن لانقول حكام مصر أو السودان عادليين ولكن لن يصلوا ما وصل له الطاغية زين العابدين بن على والذى حارب الله ورسوله لذلك سخر الله هذه الشرطية أن تضربه كف وترمى عربه الخضار التى يسترزق منها ويؤدى به الغضب الى إحراق نفسه لكى ينجى الشعب التونسى كله بعون الله وتوفيقة !! لذلك هل منعت الانقاذ والبشير تحديداً هل منعوا الصلاه أو الجهاد ربما نجد حاله أن هناك شخص يحرق نفسه إستنكاراً للحكومة والبشير والذى عطل الجهاد حتى قامت نيفاشا التى فصلت السودان !!ربما يكون هذا الفعل منطقى أما عدا ذلك فهو عمل أشبه بالانتحار وقتل النفس التى حرم الله إلا بالحق ولذلك كتبت هذا المسدار كمسدار صباح ليوم الاثنين 24 يناير 2011م :
البوعزيزى....... البوعزيزى حرق وصّب الجاز
صبّ الجازصبّ الجاز من قهر الشرطة والاستفزاز
من كفّ الشرطية .... لكن الكف لكن الكف قد فاز
صحّى الشعب النايم الشعب النايم محكوم بالالغاز
المنعو صلاتو زكاتو حجو حجابو والمضروب عكاز
وأردفت المسدار بمسدار أخر :
وهاج الشعب وأحتسبوا عن المولى فوق الميه شهيد
شعب الشابى أراد الحياه أراد يعيش أراد يعيش ويعيد
لى كل مسلم مسلوبه إرادتو عبادتو زكاتو صلاة العيد
يعيد الزيتونة منارة جسارة حضارة وراها ألف وألف عنيد
وشاف العالم أجمع (هرب بن على ) وسمعنا الكلمة شعار ونشيد
بدأت من الاسبوع المنصرم كورس متقدم فى اللغة الانجليزية (إسول إتنين )esol two الحمد لله المجموعة مناسبه فى حدود 12 طالب أتنين من السودان شخصى والاخ مهند مراد و3 صوماليين و4 عراقيين أكراد و2 صينيين وأثيوبية تبدأ الدراسة من التاسعة والنصف حتى الثالثة والنصف ثلاثه أيام فى الاسبوع وتسمتمر حتى 8 يوليو إن شاء الله .
على العموم ربما أصبح تواجدى فى المنتديات قليل بسبب الكوورس ثلاثة أيام إضافة للعمل وكذلك المدرسه السودانية فأتمنى أن تعذرونا بارك الله فيكم . رأيت أن أضيف مسدار لهذه المناسبه :
التعليم فى الكبر والله حار بالحيل
بديت كورس فى اللغة وأسأل التسيهل
المعهد مرتب منظّم ومجهّز قمّة فى التأهيل
معلمنا الضليع معلمنا الضليع فاهم إصول توصييل
من مختلف الدول صومال عراق الصين أثيوبيا وسودانى برضو أصيل
نكتة : فى ميونيخ عندما حضرت زوجه أحد الاصدقاء وشرح لها أن اللغة هى أهم مشروع ولابد أن تدخل فى اللغة أسرع مايمكن وبالفعل بعد شهرين دخلت كورس لغة ألمانية مكثف وأتصل أحد أصدقاء صديقنا هذا وعرف منه أن زوجته فى كورس اللغة فأرد أن يدردش معها فى حضور زوجها هاتفياً فبارك لها الكورس وأعطاها بعض النصائح بحكم خبرته الطويله الممتازة وأراد أن يقول لها معاكم سودانيين أو سودانيات فقال لها ؟ معاكم أجانب فيبدو لى أنها لها علاقه بالرباطاب فقالت له لا كلهم ألمان !!!!!وإن شاء الله النكته مفهومة لانه فهم النكته (نصف الضحكة وفى رواية كل الضحكة !!) وخليتكم عافية وضاحكيين ومبسوطين قولوا آميييين .
