منح بعض الجنوبيين جنسية

[brain]

المخرجات الجديدة لعملية الاستفتاء لتقرير مصير جنوب السودان والتى تتجه نحو الانفصال سيترتب عليها آثار داخلية وخارجية بأبعادها الأمنية والسياسية والاقتصادية والاجتماعية كلها تشكل تحديات جديدة للحكومة السودانية وتتطلب اتخاذ حيطة وحذر شديدين وبذل مجهودات كبيرة لبسط الأمن وخلق الاستقرار .ومن ضمن هذه الاجراءات تتناول الاوساط أن هنالك اتجاه قوي لمنح بعض الاخوة الجنوبين بعد الانفصال جنسيات سودانية !!لأعتبارات انسانية ، إجتماعية ( تقتضيه ظروف التزاوج والتسب ) فنية ( الاستفادة من بعض الخبرات )
فما هي الآثار المترتبة على ذلك على المدى البعيد ؟
هل ستخلق سوداناً مستقراً آمناً ؟
هل ستؤثر على الهوية السودانية الجديدة ؟
وهل الجنسية تمثل خط احمر يتطلب منحها حذر شديد ؟
.

[الدهمشي]

كلامك ليهو اعتبار كبير لكن فى تقديرى انا الشخصى
المسألة كانت خيار اذا كان الخيار الاول هو الانفصال تانى مافى حاجة اسمها بعض الجنوبيين
كلهم مع بعض مافى اى استثناءات ولا اى اعتبارات

[brain]

الاخ الدهمشي
الا ترى أن المسألة في النهاية تحتاج لبعض المعالجات والترتيبات قبل عملية الانفصال التام ؟
أنا من رأيي اذا كانت هنالك حالات خاصة تستدعي بعض المعالجات يجب ان لاتكون الجنسية مطروحة . ولكن إذا كانت هنالك ضرورة تقتضي بقاء بعض الجنوبيين بالشمال فلا بد من أن يعاملوا كأجانب تتوالى كفالتهم الحكومة أو الشركات أو الهيئات التي ينتسبون لها كعاملين على أن تجدد هذه الكفالة كل سنة .
مع التقدير

[الدهمشي]

كلامك دا عين الصح زى ماموجود فى كل الدول اقامه حتى تحفظ الدولة حقها ايضا ومواطنيها

[brain]

كلامك دا عين الصح زى ماموجود فى كل الدول اقامه حتى تحفظ الدولة حقها ايضا ومواطنيها

حتى الإقامة دي ما دايرنها تكون بسهولة وبساطة . وتشمل كل الاجانب الموجودين حبش وتشادين وغيرهم

[brain]

طيب لو افترضنا جدلاً بأنه تم منح الجنسية لبعض الجنوبيين لأي إعتبارات فما هي الآثار االاجتماعية والاقتصادية اللمترتبة عليه على المدى البعيد ؟ هل ستخلق سوداناً مستقراً آمناً ؟هل ستؤثر على الهوية السودانية الجديدة ؟

[السودانى الاصيل]

والله لا بسهوله ولا ببساطه جنوبى ما عايزنو فى الخرطوم
يعنى اختاروا الانفصال هم استمتعوا بى مواردم ونحن نبتلى بى همجيتم وتصرفاتم
فى الخرطوم


ابدا والله جنوبى اروح بلدو ناس جبرونا وطردونا ديل نهائى ما عايزنهم
لمن كنا عايزين الوحده والله ما حبا فيهم لكن بس عشان سمعة السودان
وعشان عارفنهم فى دولتم بلقطو اليهود والامريكان وتانى تبدا الحرب

[السودانى الاصيل]

وبعدين الاستفاده اوحيده من الانفصال هو رحيل الجنوبيين من الخرطوم
اجو اقولوا اخلوهم هنا وادوهم كمان الجنسيه ؟؟؟

والله ان شاء الله اكون كلام بس ما اكون من مصدر رسمى والا تبقى كارثه

[الدهمشي]

دا طبعا كلام ساى لكن بالجد البعض منهم ودا كلام مؤكد امثال الناس الكبار الكانوا شاغلين وظائف ومناصب كبيرة ح يدوهم جنسيات

[jasmina]

[glow=ffccff]
99% عايزين انفصال !!! اتوقع مافي شي غير كده يحكم !! الصورة واضحة !!

العايز يقعد في الشمال يقعد بإقامة يكون بشروط وتتحدد ليهم بنود بالنسبة للعمل والعمال

اما الناس العندهم روابط نسب في الشمال ..ليهم حق ياخد جنسية بس تكون عندها ظوابط

وشروط وماياخدها كل من هب ودب يعني لازم يكون عندها خطوط حمراء وليس خط واحد !!

بالنسبة لسؤالك : ؟ هل ستخلق سوداناً مستقراً آمناً ؟هل ستؤثر على الهوية السودانية الجديدة ؟

الحرب المرجعة البلد سنين لورا ..والمشاكل الكل شوية ظاهرة بسببهم ..انا بتوقع انو السودان

حيستقر نوعاً ما بعد الانفصال ...ده اذا ماظهرت نوايا مبيته لاحقاً !!! الله يستر !!!!

[/glow]

[brain]

انا برضو اتمنى أن يكون هذا مجرد كلام ساي وإجنهادات ليس الا . والله يكضب الشينة

[brain]

[size=6]في حوار اجرته جريدة اخر لحظة في عددها 1608 بتاريخ اليوم 2فبراير 2011م مع اللواء شرطة ( م) احمد المرتضى ابو حراز المدير الاسبق للجوازات والهجرة والجنسية بعنوان : خبير الاوراق الثبوتية حوار قريباً من القانون بعيداً من السياسة
أرج أن أعرض بعض النقاط التي وردت بالحوار مأخودة من مبادئ القوانين الدولية والمعاهدات . لعلها تثري النقاش ونخلص لرؤية حول هذا الموضوع .:
•يحظر ابعاد الاجانب بالجملة من الدولة . ( بنص الاعلان العالمي لحقوق الانسان 1948م)
•المادة ( 15 ) من نفس الاعلان تقول لكل فرد حق التمتع بجنسيته . كما لا يجوز تعسفاً حرمان أي شخص من جنسيته ولا من حقه في تغيير جنسيته على الاطلاق ..
•المادة 24 / 3 تقول لكل طفل الحق في اكتساب الجنسية
•لايمكن للدولة ان تتنكر للقوانين الدولية .اذن اذا طبقنا هذا على السودان فإن للدولتين الجيدة والقديمة الحق في اصدار تشريعات خاصة لكل واحدة منهما على ان لا تتعارض هذه التشريعات مع القوانين والمعاهدات الدولية .
هذه نقاط بسيطة من الحوار الطويل . المهم خرجت من هذا الحوار بما يؤيد فكرة إعطاء بعض الجنوبيين جنسية سودانية .
يعني في النهاية فصلوا الجنوب وأخذوا عائدات البترول كاملة ومحتفظين- أعني جزء منهم - بحق الجنسية[/font][/color][/size]

[brain]

الكلام ده كان زمان
اسع الجنوبيين قاعدين ساااااااااااااااااااااااكت
لا جنسية . ولا جواز . ولا اي شهادة
حتى شهادة ( لا إله الا الله محمد رسول الله ) الما محتاجة لغير الصدق والاخلاص دي زاتو كتار منهم ما عندهم
يعني اليوم الجنوبيين عايشين بين دولة السودان ودولة جنوب السودان ... يعني مستمتعين بالسودان الكبير الزمان داك ( مليون ميل مربع )