اذا نقصت من المليون
شعر المكاشفى محمد بخيت
اذا نقصت من المليون جلاليب النهر
حتضيق
دا هسه ونحن فوق البر والراجينا لسه
غريق
هملتك يا وطن مقسوم وخارج
القسمة فكه ريق
مليون ميل مجدعة هم موزعة فى قلوبنا
حريق
اذا نقصت من المليون حينقص فى
العروق الدم
تقيف النخلة تتظلم من الجدول اذا
استسلم
عيونك يا وطن ترمش ودمعات الاسف
فوق كم
دا تاريخ واتربط فى الايد وكسر ساعة
المعصم
امانة عليكى ياغنواتنا دسى لسانك
الابكم
اقيفى ورا النشيد كورال وبى كوراكنا
جرى النم
صباحك ياهو داك مدسوس ورا الحيط
البقت تفهم
تقلى اضانا للهمسات وتسمعا بى
عيون تحلم
واذا نقصت من المليون تشب فى حلقنا
الغابات
يكب الوادى فى الصحرا بواقى
الدهشة والكلمات
من القبلى مافى مطر ووسط السكة
مافى قطر
ومن حسرة زمنا الماشى تشرد لى الخلا
البسمات
السعيدى معجب جدا بالكلمات
اذا نقصت من المليون
المشرف: بانه
رد: اذا نقصت من المليون
فعلا والله ويا ريت الدايرين ينقصوا يسمعوا ويفهموا الكلام دا
رد: اذا نقصت من المليون
فات الوان
ربنا يحفظ الباقي
ربنا يحفظ الباقي
رد: اذا نقصت من المليون
شكرا لكم على المرور يابطوطة ويا دغرى ان شاء الله
الباقى يحفظ
السعيدى
الباقى يحفظ
السعيدى