امك اسمها شنو...............؟؟؟

[بعد الزمن]

[align=center]بمناسبة عيد الام كل واحد يقولينا اسم امو ..........؟؟؟


برمه :

هل اسم الأم عورة ..............؟؟؟؟؟

وللا عيب ............؟؟؟
طيب ا الحسن والحسن رضي الله عنهما
يقال لهم ابنا فاطمة الزهراء ............؟؟؟



لما تسأل واحد من اسم أمو بفور فوقك زي الخروف ساعة الضبح
والعجب اذا كان السؤال قدام ناس بتلقاه ينتفض فوقك زي الديك الرومي.......؟؟


والبعض الاخر بستدل بحديث الرسول صلى الله عليه وسلم :
(الابن للفراش) يعنى البنادوه باسم امو الا ود الحرام
وده العرف المنتشر .......!!!!

وفى نوع تاني بقول ليك :
ادعوهم ل ابائهم ...........؟؟؟

وفي ناس بقولو ليك داير باسم امي شنو ..........؟؟؟
اسم ابوي ما مالي عينك ولا انت بتقصد شنو بالضبط بي سؤالك ده ......!!!

برمه تاني :
ليه الجكسي بقولو اسماء امهاتهم

الاجابة :
عشاااااااااااان جكسي


وختام الموضوع :
انك ما تسأل راجل من اسم امو , وانت كمان اذا واحد عرف اسم امك بي الصدفة
مافيها حاجة واسمها ماعيب وما تقعد تتعقد وتشاكل .......؟؟؟



اهاااا فى زول عند جرئة ويقولينا اسم امو ..........؟؟؟ [/align][/size]

[نهـاد]

ما بعرف المشكلة شنو بالنسبة لأسم الام انا شايفة الحكاية عادية

وبالنسبة للمنادة باسم الأم دي بتحصل كتير لما نكون مع أهل امنا

ولما نكون مع أهل ابونا بنادونا بأسم ابونا



والظريفة مرة بابا كان في مناسبة وبما أنو طول شديد من السودان

لقى ليه طفل ظريف شديد حب يعرف انو ابن منو

لأنو ما عرفو قام سألو من اسم أبوهو فما عرف الاب

قام قاليه طيب اسم امك منو

الطفل عمرو 6 سنة

رفع اصبعو لبابا وقال ليهو هواااااااي كلو ولا أمك

تخريمة
على فكرة قالو بعملو للزول السحر عن طريق اسمو واسم امو

[الشمالي]

والله يااا بعدو اخووووي نغيب نجي
نلقااااك جبت لينا محنة جديدة , كمان
المسعلة جابت ليها امهااات وكدة ,
بوستاتك بقت كلها الغاااام كدي نتخارج
قبال يقوم بينا واحد غاااااااغ

برمة
وحشة ياااا بعدو , يااا بعدو اخوي الميتة
من الحياة ما معروفة ممكن تجدع لي رقم
جوالك علي الخاص

برمة لنهاد
بالله انت يااا نهاد بتقولي لابوك بابااااا
كاااااااااااك
مرة قلت لي ابوي بابااااا قعد يتلفت ناحية
الباب وقال لي الباب مااالو غاااااااااااغ
نيااهاااهاهاهاااااااااااااع

[الأميرالحب]

انت يالشمّالي خجلان من اسم امك
شالتك في بطنها 9شهور
وارضعتك وشالتك في حكرها سنتين
والله يا بعدو انت نزلت البوست وما قلت لينا اسم امك ...........؟
انا اسم امي ( نور فضل السيد )(الله يرحمها ويحسن اليها )

[كيوبيد]

وه امك ما تقول

[nooon]

سلامااااااااااااات
يابعدو الموضوع دا بجيب ليك المشاكل اختاه
برمه :
بالمناسبة انت ماذكرت اسم امك مالك؟؟

[السنبلاية]

بالله ... انا اقول اسم أمى عشان يسحرونى .

[القلب الملك]

بالله ... انا اقول اسم أمى عشان يسحرونى .

هههههههههههههههه



الظاهر دا السبب ،،،

[jasmina]

والله زي ماقالت نهاد طبعا انا ابوي وامي من قبيلتين مختلفه .. وحبوبتي وجدي اهل امي

قبيلتين مختلفه ...يلا لما نمشي لاهل ابوي لما ننسال بنقول اولاد احمد لما نمشي ناس ماما

يانقول اسم امي او اسم حبوبتي على حسب جهة النسب ....بشتنة شديده بس عادي اسم الام

فخر وعزة ....وانا بت احسان

[shosho wbs]

امي اسمها هدى

[الأميرالحب]

والله زي ماقالت نهاد طبعا انا ابوي وامي من قبيلتين مختلفه .. وحبوبتي وجدي اهل امي

قبيلتين مختلفه ...يلا لما نمشي لاهل ابوي لما ننسال بنقول اولاد احمد لما نمشي ناس ماما

يانقول اسم امي او اسم حبوبتي على حسب جهة النسب ....بشتنة شديده بس عادي اسم الام

فخر وعزة ....وانا بت احسان

جاسمينا ( أمــــــــ.....؟ )
والله طلعتي ارجل من بعدو والسمّالي
ربنا يخليها ليك
انت

[سودانيه في المملكه]

والله انا بفتخر باسم امي اسمه .....الله يخليها لينا

[الغاليهـ بنت الغالي]

امي الله يسلمك
ويديكى لى طول العمر.
وفى الدنيا يوم ما يألمك


أمى يا دار السلام
يا حصنى لو جار الزمان
ختيتى فى قلبى اليقين
يا مطمنانى بطمنك


خيرك على بالحيل كتير
يا مرضعانى الطيبة بالصبر الجميل
يا سعد أيامى وهناى
لو درتى قلبى أسلمك

أنا مهما أفصح عن مشاعرى
برضو بيخونى الكلام
وقولة بحبك
ما بتكفى وكل كلمات الغرام
يا منتهى الريد ومبتداه


يا الليا الله يسلمك
ويديكى لى طول العمر
وفى الدنيا يوم ما يألمك
أمى الله يسلمك

مامتي اسمها(أُميَــــــــة )
بوست حلو بعدوو
وما فيها حاجة انو نقول اسماء امهاتنا
وربنا يخلي ليكم ماماتكم كلكم ياااارب

[فارماس]

الليلة اي واحدة قالت اسم امها هنا بكرة

بعمل ليها سحر وعندي واحد بكتب بدم الفار وبخلطو بالبيض

الا نخليكم تجرو وراي من جحر لي جحر

بعد الزمن انت امك اسمها منو ؟؟

[waya]

اممممممك

[السنبلاية]

اممممممك

[waya]

هوووي يا دلع السنبلة أنتي
الموضوع فيهو أممممك

[الغاليهـ بنت الغالي]

ههههههههههههههههههههههههههه :

[الأميرالحب]

بعدو ممكن تجدع لي جوالك علي الخاص عاهو اسم امك
لاتخاف يا جنا انت ابو الفرد ما بعمل لك حاجه
ودي تجي


برمـــــــــه
علي الجزيم الفار دا ماعندي اي ضمان

[dream-lady]

انا مامتي اسمها لولو(دا الدلع) وماعايزة ليها ذكاوة