شلاقه

[ود المطامير]

طبعاً هسى بكون فيكم اللى أكل وشبعان وشغال باااع بااع

ولأ يكون بيناتكم اللى على وشك يملى بطينتو و يردم بالطريقه الصاح
محمر ومجمر وتوابعها

وأنا قبيل لقيت الطباخ يعطس والساعه اليقول إتش غطاية الحله تهوّى وترجع
وقلت ليهو أنا ما داير عشاء

وهسى قرصت قرصة الجن اللحمر ومصارينى شغالين كُرر كُرر
أهااا .. أنوم جيعان ؟ لا والله والله أكان أمغصكم معاى والداير يأكل بسد نفسو
والأكل بخليهو يقول عووووووووع ويطلع اللى أكلو أمس كمان

الجداد .. أكتر حاجه بحبها فى الجداد ( أم زنقليت ) ( كرشة الجداد )
رغم صغر حجمها إلا أنها رائعه , تمسكها كدا وتشقها بالسكين
وتسلخ منها كيس الحُترب

والحترب دا هو شنو ؟ كان شنو ؟ مقوماتو شنو ؟

أيوااا .. الجداده من تفتح عويناتها الصباح وهاك يا حوامه فى الكوشه نبش جد ,
كريعاتها فى الكوشه يشتغلو بدال عجله بس ,
وتلهط وتلهط , تسل ليها دوده من لحمه عفنه وتزمطها بالطريقه الصاح

وتحلى بكم صرصوره وتمشى , فى الشارع تسمع صوت شفط هواء داخلى لمناخير زول ماشى فى الشارع
تقوم ترفع ضنبها كدا وتستعد ومن تسمع توووف تقوم تسابق الريح
وتلتقطها قبلما تكمل دردقتها على التراب وتديها كم لولحايه كدا وتزمطها بمتعه متناهيه
بعداك تمشى مكان مالوفة الشفع اللى عارفاهم بكبوا حمولة معداتهم ورا البيت
وهاك يا مزمزه .. وتحلى بحق حماده المرطبين لأنه غنى بالفتمينات
لكن حق جنيات ناس ود الكحيان دا حق الطوارئ والأيام العجاف
بعداك تمشى الزريبه ونبش وتنبش وتبلع كم صارقيله نظام شعيريه وكدا
وتمر على تى الماسوره المكسور والمويه العفنه وتشرب وتزمط معاها كم أبو الضبضوب

وفى الطريق للبيت تكون عمتت ليها كم قبوره وأبوالجعران وتقزقز بفضلات صاحبتها

ودا كلو بتردم فى أم زنقليت حقتها

وحكمة الله .. أم زنقليت دى أكتر شئ بريدها فى الجداد

[Batta]

ود المطامير!!!!!!!!!!!!!!!!!!!!!!!!!!!!!!!!!!!!!


الله يقرررررررررررررررررررررررررررررررفك

من الصباح؟قبال الشاي؟يشوي راسك الفاكي صامولة.

طبعا اتخيلت رحلة البحث عن القرف حقت الجدادة

[ود المطامير]

ود المطامير!!!!!!!!!!!!!!!!!!!!!!!!!!!!!!!!!!!!!


الله يقرررررررررررررررررررررررررررررررفك

من الصباح؟قبال الشاي؟يشوي راسك الفاكي صامولة.

طبعا اتخيلت رحلة البحث عن القرف حقت الجدادة

هع هع هع هع

أحسن قبل الأكل
عشان لو بعد الأكل بتبقى عووووووووووع
هع هع هع

[سودانيه في المملكه]

والله انا لسه مافطرته بس يمكن بعد الكلام ده مااكل اليوم كله شكرا ياود المطامير حا تاخد حسنات الناس الحايصوموا بسببك

[ود المطامير]

والله انا لسه مافطرته بس يمكن بعد الكلام ده مااكل اليوم كله شكرا ياود المطامير حا تاخد حسنات الناس الحايصوموا بسببك

هع هع هع هع

وكمان وفرت ليكم

هع هع هع

[اروع من الورود]

مره .. زمان قبل عيد الضحيه بيوم مشيت الزرايب وحجزت لى خروف تمام
بالله الساعه اللى يقدل ليك كدا فى الزريبه أسد بس ، ودفعت فيهو دم قلبى ووسمّتو ومشيت
تانى يوم و بعد صلاة العيد سقت معاى عمرو وأخوانو ومشينا الزرايب ، من وقفت عربيتى كدا
أكان الخروف حقى جا جمب السور وقعد يقلّب لى فى عيوناتو وقبلت منو كدا علشان ما يحننى
وبعد تعب سيد الزريبه ( سودانى ) قبضو وختيناهو فى الضهريه وفى اللحظه اللى قفلت
باب الضهريه ود الذين مد كراعو بره والباب إنقفل عليها لمّا سمعنا طق والكراع بقت مدلدله بره ذى الدلقان
سيد الزريبه والحاضرين كلهم ختّوا يديهم فى راسهم

وأنا بقيت فاتح خشمى ومقهى فى النصيبه الحصلت دى ، فتحت الضهريه ورميناهو فى الواطه
سيد الزريبه المجاوره كان شمتان علشان أبيت أشترى منو ، قال لى والله يا اللخو ضحيتك طرشقت
أكان أسمع ليك الخروف يقول .. باع .. هعهو .. باع
ومن المغسه إتخيلتو بقول لى كلام الزول دا صاح وطوالى مشيت عليهو أديتو ليك كفين بالطريقه الصاح
وقعدت ألبع فيهو لمّا الجماعه حجزونى ، ولأن معظم تجار البهائم هنى سودانيين إتلمو وقعدو
يشرّعو لى ، على شاكلة .. الخروف دا خلاص مابضحى ..
الخروف دا تشوف ليهو مباصره تانيه لكن للضحيه ما بنفع
وسيد الزريبه قال لى بديك فيهو 200 درهم وأنا مشتريهو منو أمس ب 800 درهم
وعاينت للخروف لقيتو يتبسّم ( نظام مبسوط )
وطوالى مشيت عليهو وأديتو كفين بالطريقه الصاح وعمار الصغيرونى طالع لأبوه قعد يشلّت فيهو
وهو ما فاهم الحاصل شنو ؟
قام سيد الزريبه قال لى ... خلاص بديك فيهو 300 درهم وهوذاتو داير شهرين يأكل ويشرب عشان يبقى كويس
وإمكن يموت ، قلت ليهو أقول ليك حاجه ؟ قال لى قول وقلت ليهو
_ على الطلاق لو أجلّى الضحيه ود الكلب دا السكين راكباهو راكباهو ، أرفعو ياخ

ورفعو وتانى ختيناهو فى الضهريه ، صاحبنا إتكرفس هنااااك جوّه الضهريه ولمّ كريعاتو عليهو
عاينت ليهو وقلت ليهو وأنا ممغوص منو
_ مِدّها .. مِدها تانى .. مِدّها
وبالحرقه جريت كراعو الورانيه بره الضهريه علشان أقفلها عليها قام نتلها منى وقلت ليهو
_ والله الليله يا ود الكلب ببقن عليك إتنين كسرة كراع وضبح

ومشينا المسلخ .. وكان زحمه شديده ونزلتو من ضهرية السياره وهو ماشى وكراعو القداميه مدلدله وتلولح ذى الهبابه
وكل زول شافو يقول لى .. يا زول الخروف دا ما بضحى
يقوم الخروف يعاين لى علشان يسمع ردى وأنا ساكت ولا كلمه
لحدّ ما جا دورى .. دكتور المسلخ فلسطينى وصاحبى .. قال لى
_ يا أبو عمرو الخروف دا مابيصلح للأضحيه

قام الخروف فرفر ووقف على حيلو ، عاد ما كلام دكاتره .. يعنى خلاص فُرجت
وقلت للدكتور
_ طيب ... ضحيه ما بيضحى لكن لو ضبحناهو ممكن ناكلو ؟
قال لى عادى طبعاً ، طوالى قلت للجزار الماسكو
_ أضبحو وعليك الله قبلما تضبحو أديهو طعنه طعنتين بالسكين .

وضجّ المسلخ بالضحك .

ههههههههههههههه
لكن موتني ضحك لين دموعي سالن

لكن مافظعان تعاملك مع الخروف ده

[اروع من الورود]

لكـــن ما ابدعت عديــــــــــــل كده

كل شلاقة احلى من التانية وبتفقع ضحك اكتر

وطريقتك في السرد مشوقة واكثر من رائعة

وااصل وماتحرمنا من جديدك

[ود المطامير]

ههههههههههههههه
لكن موتني ضحك لين دموعي سالن

لكن مافظعان تعاملك مع الخروف ده

هع هع هع
أروع من الورد

الخروف قال إيه ؟
يزوغ من الضحيه
يلقاها عند الغافل

[ود المطامير]

ههههههههههههههه
لكن موتني ضحك لين دموعي سالن

لكن مافظعان تعاملك مع الخروف ده

لكـــن ما ابدعت عديــــــــــــل كده

كل شلاقة احلى من التانية وبتفقع ضحك اكتر

وطريقتك في السرد مشوقة واكثر من رائعة

وااصل وماتحرمنا من جديدكthumbup.gif

الله يديك العافيه

ودا وسام أتشرف به

[waya]

ود المطامير ,,

[grade="00008b ff6347 008000 4b0082"]حقيقي الواحد بيستمتع بشلاقتك الحلوة دي ,,,
ومتابعنك ..

تشكراتي ,, [/grade]

[ود المطامير]

مره كان معانا فى جزيرتى دى سودانى مكنيكى ( الله يطراهو بالخير )

أهااا .. واحد من مكيفاتنا قعد ينونى وجاب هوا سموم بس

قام شال شاكوش وطلع بره وجا للمكيف بالخلف والمكيف شغال ولطش الكمبريسر
( مُش دا إسمو ؟ )

لطشو لطشه واحده بس والله المكيف دا فتح بالطريقه الصاح وجاب هوا باااارد

أهااا .. الطريقه دى عجبتنى وكيفتنى كيف شديد وقال لى البساتم كانت ماسكه
ومشيت البيت ماسكانى أم هلا هلا

أقيف جمب المكيف وأقول لأم عمرو

_ المكيف دا شكلو ما تمام ، صاح عليك الله ؟
_ يا راجل هوووى ذح منو والله شغال ذى الورد

ومرت فتره طويله ونسيت الموضوع ، أكان قبل كم يوم تجينى أم عمرو وتقول لى مكيف غرفة الأولاد بقى ما تمام
وبدون ما أشعر نطيت فوووق وشلت ليك الشاكوش قامت أم عمرو وقفت فى طريقى
وشبكتنى ليك .. ها راجل داير تعمل شنو ؟ قلت ليها ما داير أعمل حاجه
بس لطشه صغيرونه علمنى ليها عبدالله المكنيكى
وقعدت تكورك ، مكيف كيف تضربو بشاكوش شيلو وديهو لدكان الهندى
قلت ليها الهندى أحسن منى بشنو ؟ ولأ هو أشطر من عبدالله المكنيكى
وبقينا ندافر وتحجز فينى من المكيف ، وطلعت
وأم عمرو طلعت بوليداتها بره ( نظام خايفه يعنى )

وجيت ليك للمكيف من ورا ونيشت الكمبريسر تمام ولطشتو بطريقه ما صاح
جات بالجمبه والشاكوش جا فى المروحه وأضانك ما تسمع إلا كررب كررو كللعع
وأنا نطيت هناك ماسك يدى والدم يكب جررر

[نهـاد]

ههههههههههه
والله كنت داخلة المنتدى زهجانة
وأول ما دخلت هنا مت من الضحك
شلاقتك مبالغة

وسجل لي الزيارة الاولى
تحياتي

[ود المطامير]

ههههههههههه
والله كنت داخلة المنتدى زهجانة
وأول ما دخلت هنا مت من الضحك
شلاقتك مبالغة

وسجل لي الزيارة الاولى
تحياتي

هع هع هع هع

تسلمى أختنا نهاد

وربنا يبعد عنك الزهج

وتشرفينا فى أى وقت

تحياتى لك

[Batta]

ود المطامير والشاكوش!

خايفة يوم يسوي فيك اكتر من كدا . مالك ابيت الهداية؟

عندي شلاقة تراثية بستأذنك أحكيها في بوستك دا,إن رضيت خلاص ولا بمشي اسوي بوست شلاقة

براي.ولا برضو ممكن اكتبها حتى كان ما أذنت.

لالا منتظرة إذنك

[ود المطامير]

ود المطامير ,,

[grade="00008b ff6347 008000 4b0082"]حقيقي الواحد بيستمتع بشلاقتك الحلوة دي ,,,
ومتابعنك ..

تشكراتي ,, [/grade]

الله يديك العافيه

سرنى ردك للغايه

[ود المطامير]

ود المطامير والشاكوش!

خايفة يوم يسوي فيك اكتر من كدا . مالك ابيت الهداية؟

عندي شلاقة تراثية بستأذنك أحكيها في بوستك دا,إن رضيت خلاص ولا بمشي اسوي بوست شلاقة

براي.ولا برضو ممكن اكتبها حتى كان ما أذنت.

لالا منتظرة إذنك

هع هع هع هع هع

هو كلامك دا براهو شلاقه هع هع هع

أكتبى ، هو أنا لاقى يكون عندى زميل ؟

هع هع هع

[Batta]

طيب وانت أديت الإذن!!!!!!!!!!!!

في 2صاحبات شديييييييييييييييييييييد 1ة من الجماعة إياهم(البعاعيت)البقوموا بعد الموت

فهذه الواحدة زوجها مات وصاحبتها جات تبيت معاها نظام تعمل الواجب وكدا

بقت المرة تحنس فيها عشان ترجع أهلها,حق الله بقى الله ترجعي يا خيتي لوليداتك مهملين براهم وتشوفي

رجلك.......لالالا الصاحبة معزمة ت تتممها التالتة:هي بس دي بتجي يا ختي.ابدا الإ أحضر الصدقة

(يللا خمي وصري)المسيكينة ديك لقت انو مافي مفر الإ تفضح السر.

قالت ليها خلاص يختي انتي ماك غريبة دحين الراجل دا باكر بالليل بجي بدور حاجاتو!!!!!!!!!!!!!!!!!!!!

إت اوعك تفتحي عينك ومن المغيرب ادمدمي نومي واي شي تسمعي سوي نفسك ماك سامعي

اها جا اليوم الموعود وصاحبتناقامت تلملم في هيداماتو وحاجاتو وطفوا اللمبات من بدري الاتعشى اتعشى

والمالحق صباحاتو بيض.والصاحبة دقت الجرسة والنوم حلفوه طار مرة واحدة وبقت تسوي في

الككككككككككككككككككككككككك صوت سنيناتها وكركبة سريرها تجيب التايه موش بعاتي!!!

المهم امسى الليل والارملة حذرت صاحبتها تاني قالت ليها اكان ما حسى بيك صاحية مافي شي بجيك.

اكييد غالبها الشمار كل مرة تمرق من تحت الغطا عين وتدس عين,في عمايلها دي جا البعاتي وبدا الحساب

(حي مافي طريقة اقلد الصوت طبعا تخين وفيونخنخة)عندي 5قروش وبنطلون عند الترزي وود اختك

كان متسلف مني 10 قروش ماجابهم والسرة تسمع في الحساب(ها يا ابو مروة الحساب يوم الحساب)

صاحبنا قفل حساباتو وشرب موية من الزير ودار يبقى مارق اكان يشوف عين طالعة من طرف التوب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عاد يا سيدي ولقيت ايدي توووووش مشى عليهاوطبز العين المغطية(مابعاتي عاد اختلت عليو الاختصاص)

قاليها:عينك دي اخير من دي وقلبك دا الابى الهدوا(كان حتكون رهيبة بالمؤثرات الصوتية)

وتاني ام عمرو كان هدتك ماتابى هدايتها

[Batta]

هههههههههههههههههههههه من شلاقتك جيت تشوف شلاقة التراث

[ود المطامير]

هع هع هع هع هع
هههههههههههههه

شكيت محنك

بعاتى ومع المغارب وأنا فى جزيره فى نص البحر ؟


رائعه بإسلوب أروع

طيب .. دى من التراث

كدى أدينا كم واحده منك إنت

[ود المطامير]

هههههههههههههههههههههه من شلاقتك جيت تشوف شلاقة التراث

هع هع هع

وكمان ما تقولى شمارى طافح