ملاكم في رحلة

[ود أونسه]

[poem= font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عزالدين عزرك نى مادام بى جريك قريت=
كان تركز تشلت وتحمل الشليت=
لكن تجرى من ماشفتو قولت تيت=
مابنعفاك وموضوعك قعد فى الذااكره والتثبيت=[/poem]

عز الدين سلامتك بركة المرقت جريت

اخترت السويهله حين ضـاقت انزريت

قلت اخير نخـــارج لا زعلت لا لاويت

قلنا نضاري فعلك روحــك براك فتيت

[ود أونسه]

عزالدين قال ملاكم في الشغله ماخد كاس

قاتل ضــربو عنوانو الوجـــه والراس

مسكين عاد ولدنا مقطـــوع قليبو خلاس

مساهر بيهو تايسون ومجننو اب كباس

[هامس]

اخوى السنجك قعاد البيت ده نان ما شين

يجافى اصحابو واهلو بعده يقبل وين

كان ما عزرناهو انا وانت وايمن و الباقين

السنجك حرم الكلام ده فى حقنا مو زين

[هامس]

عز الدين ده زول راجل ضو قبيلة

ما بسوى العوجه الماها عديلة

عله الشيطان خف قلبو بس بالحيلة

كدى شوف بوستاتو بالله ماها جميلة

(همسة) اخوانىايمن وود السنجك وعز الدين اعزرونى فى دخولى الغلط ده لكن والله

لقد احببت كل ما تكتبوه من شعر ونثر واى طرح آخر
ارجو منكم العزر فى محاولاتى المتواضعة دى ودمتم قناديل مضيئة فى سماء المنتدى

[ود أونسه]

السنجك وايمــن عزالدين خلـــو اعفــو

مســـافر عنـدو دورة مبـــارزه وكونفو

ناس الصـين هناك من الجـــري بيشفو

بجيكم يرازي ضلو ان شفتو ما تعرفـو

[هامس]

افو يا ود اونسه عزو البتحاما بيك

ود السنجك وايمن ديل شن قالو ليك

غيرو رايك ولا شنو ولعبو عليك

البشتنه لزومه شنو فى عزالدين بيك

[أمين السنجك]

السنجك وايمــن عزالدين خلـــو اعفــو

مســـافر عنـدو دورة مبـــارزه وكونفو

ناس الصـين هناك من الجـــري بيشفو

بجيكم يرازي ضلو ان شفتو ما تعرفـو

حنيت علي أخونا الخاف على حتفـو
صينك ما بتفيد زولاً مكسر شايل كتفو
أحسن ليك علي لبنان فسراع تحدفـو
يسولو سمكره وهم شطار بيعرفــو

تخريمه
حبيبنا ( هامس ) لك التحية والأحترام
وحقيقة أنا سعيد جداً بوجودك معنا
ونسأل الله لا يحرمنا منك .

تقبل تحياتي
من الطائف / السعودية

[wadkarma]

هههههههههههههه
تسلم ياما ن ع البوست
شنو شبكتونا نانا وماعارف جاتنا هههههههه
حيرتونا ذاتنا
تقبل مرووي ياعسل

[أيمن]

عز الدين ده زول راجل ضو قبيلة

ما بسوى العوجه الماها عديلة

عله الشيطان خف قلبو بس بالحيلة

كدى شوف بوستاتو بالله ماها جميلة

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مالمناها بوستاتو وقلنا جميله=
لمنا جريهو فى غابتا ملانه نجيله=
ياهامس جريه زولنا ماهه قليله=
ات قايل الرجاله جمال حرف وتفعيله؟=[/poem]

[أيمن]

السنجك وايمــن عزالدين خلـــو اعفــو

مســـافر عنـدو دورة مبـــارزه وكونفو

ناس الصـين هناك من الجـــري بيشفو

بجيكم يرازي ضلو ان شفتو ما تعرفـو

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كتل بالغابه متشبح وحودب كتفو=
يعظم فى الملاكم شان نقدر ظرفو=
ياوداونسه لوم عزوزنا نفرين فيهو مابختلفو=
ديل ناس لقمه مشهادم ذيدو وأغرفو=[/poem]

[أيمن]

افو يا ود اونسه عزو البتحاما بيك

ود السنجك وايمن ديل شن قالو ليك

غيرو رايك ولا شنو ولعبو عليك

البشتنه لزومه شنو فى عزالدين بيك

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
موزون فى القوافى وفى كتالو ركيك=
عاصر ديمه فوق كرعيهو ساكى سكيك=
يوم فى الغابه زردوهو فكه فكيك=
ماتلوموهو ياهامس قال تكتيك=[/poem]

[هامس]

خبرنى ايمن شن نسوى عشان نرضيك

تصفح عنووصفحك يوم لا ظل الا ظله ينجيك

تبقى عتره وعزنا ما بتعتر تانى انابضمن ليك

مش من ملاكم سودانى حتى لو كان من المكسيك

(همسة) اخى أيمن بدون مواربه ورياءانتا فاكهة المنتدى الله لا يحرمنا منك

[أيمن]

خبرنى ايمن شن نسوى عشان نرضيك

تصفح عنووصفحك يوم لا ظل الا ظله ينجيك

تبقى عتره وعزنا ما بتعتر تانى انابضمن ليك

مش من ملاكم سودانى حتى لو كان من المكسيك

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هامس أخوى ماتشكرو بالله عليك=
اسمع كلامى وزيد صلاتك فوق نبيك=
زولك ده ضاق درب الجرى من ديك وعيك=
ان شاف ملاكم يترقط يرجف متل قالب جليك=[/poem]

[عزالدين محمد]

[grade="FFA500 FF6347 008000 4B0082"]انا يا ايمن اتمني ان تري هذا الملاكم( الله لا غزتّ فيهو بركة) وانت لو ملاحظ انا

مابزكر اسمه الا متبوعا بدعاء عليه ومفروض تعرف انه لا مجال للوقوف امامه لذا

الانسحاب التكتيكي من ساحة المعركة في العُرف العسكري يُعتبر إنجاز ولكن انا بصراحة

انسحابي كان إستراتجياً يعني تركنا له الجمل بما حمل وانت وود السنجك عاوزين ليكم رحلة؟[/grade]

[عزالدين محمد]

انا يا ايمن اتمني ان تري هذا الملاكم( الله لا غزتّ فيهو بركة) وانت لو ملاحظ انا

مابزكر اسمه الا متبوعا بدعاء عليه ومفروض تعرف انه لا مجال للوقوف امامه لذا

الانسحاب التكتيكي من ساحة المعركة في العُرف العسكري يُعتبر إنجاز ولكن انا بصراحة

انسحابي كان إستراتجياً يعني تركنا له الجمل بما حمل وانت وود السنجك عاوزين ليكم رحلة؟

[أيمن]

[poem= font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عزالدين بى صح بالى داير أعزرك=
أفتش ليك فى عزرا يعظم قدرك=
أطرى جريك أرجع أتقلب وأتكدرك=
مابعفاك أصبر ساى ووسع صدرك=[/poem]

[عزالدين محمد]

دي مارحلة يا ايمن بقت سفر البُن


دق وحرِق

خلاص بعد كدة الواحد مضطر ينزذل الفديو

بس الجماعة المعاي جرسة شوية

شكرا اخي ايمن علي هذه المساجلة

[عزالدين محمد]

دي مارحلة يا ايمن بقت سفر البُن


دق وحرِق

خلاص بعد كدة الواحد مضطر ينزل الفديو

بس الجماعة المعاي جرسة شوية

شكرا اخي ايمن علي هذه المساجلة

[أمين السنجك]

[poem= font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عزالدين بى صح بالى داير أعزرك=
أفتش ليك فى عزرا يعظم قدرك=
أطرى جريك أرجع أتقلب وأتكدرك=
مابعفاك أصبر ساى ووسع صدرك=[/poem]

ما بيعـفاك إن كتر نضمـك و عـزرك
وما بيشفع هامس إن حمـل عنك وزرك
السترة والفضيحة متباريات ياخي حُزرك
نصحتك وما سمعت صدقني أيمن بجزرك

[أيمن]

دي مارحلة يا ايمن بقت سفر البُن


دق وحرِق

خلاص بعد كدة الواحد مضطر ينزل الفديو

بس الجماعة المعاي جرسة شوية

شكرا اخي ايمن علي هذه المساجلة

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان نزًلتو ان خليتو ماك معزور=
ومابنقدر نرضى عليك ونشهد زور=
عزالدين ..ماتقعد تلف وتدور=
جيب الفيديو أو خليهو ماك مجبور=[/poem]