هل حقيقة في كده؟

[مزاهر]

السلام عليكم اعضاء منتدى انا سوداني الحلوين اليوم موضوعي عن زول حكاها لي بس ما صدقتا وهي
اتعرفتا على الزول ده في الفيس بوك وقال غرضه الصداقة وافقتا بشرط في حدود الادب والاحترام اها اليوم الاول اتونسنا وقام سألني هل انتي مرتبطة وجاوبتا ليهوا انه ما من حقك تعرف ودي حاجة شخصية وانت قلتا غرضك الصداقة وليس الزواج المهم قال لي الظاهر انتي ما الصديقة الحقيقة قلتا ليهوا احتمال صح ما الصديقة الحقيقة وقلتا ليهوا سلام وبتلقى الصديقة انت بس اقعد كوس في البنات وبتلقى
اها قعد فترة وقام رسل لي وينك ومشتاقين والكلام ده ... الخ قمتا لمن دخلتا الفيس قعد يتكلم معاي
وفي اثناء الحوار قال لي انتي فهمتي الموضوع غلط قلتا ليهوا امكن اها سألتوا قلتا ليهوا حتى لو نحنا اصدقاء الصداقة بتنتهي بعد البنت تعرس قال لي لا وحكى لي قال هو مصادق ليهوا وحدة لحدي ما عرست وزوجها عارف وولدت وسمت عليهوا وعادي متواصل معاها انتو رايكم شنو هل الصداقة كده يعني الرجل هل بترضى انو زوجتك يكون عندها صداقات وتستمر لبعد الزواج؟ (رجال يعني) تقول ليك هم اصدقائي وبس
ارجو الصراحة عشان الكل يستفيد
والمراة كذلك هل بترضي زوجك يكون عندو صداقات لبعد الزوجات طبعا بقصد (بنات) يقول ليك هي صديقتي وبس
تقبلوا خالص الشكر والتقدير

[ابو الشوش]

السلام عليكم ورحمة الله تعالي وبركاته


والله يا اختي صراحة وحقيقه انا مابقبل كده واضعف الايمان لو قبلتا تسمي عليهو ده كلام تاني
والله اعلم احتمال كلامو صح ..................تقبلي مرورررررررري

[dream-lady]

حياك الله اختي مزاهر

من وجهة نظري مافي زوج يقبل بصداقة بين زوجته ورجل آ خر مهما كان نوعها ...ممكن زمالة عمل او تعامل في حدود-الزوجة ايضا لاتقبل بهذا-الآ ن دايما الناس بتقول صداقة بريئة-اخوة-بعد يومين يتغير الحال وتنكشف النوايا الحقيقية ...
مشكورة اختي -موضوعك مهم واتمنى من الجميع المشاركة -بصراحة -بلا مثاليات ان يدلي كل بدلوه ورأيه وقناعته وفهمه -للصداقة بين الرجل والمرأة-قبل وبعد الزواج-وحدودها ومضارها

[محسية]

عزيزتى مزاهر

تسلمى على الموضوع الهام والذى يتيح المساحة لجميع فى النقاش
اولا الصداقة باى فهم ؟ هل يلجاءلها ليشرح لها حزنه ؟ طيب انا وين؟
هل يلجاء لها ليهرب منى ومن مشاغلة الكثيرة ؟ طيب انا مهمتى شنو؟ هو زوجى ده ماحبيبى وصديقى؟
طيب لو فى واحدة تانية بتملى الحتة دى معناها انا نقصت علاقتى لانه فى جزء شالوه منى
اكون انا الزوجة والصديقة والحبيبة
وبالمقابل هل يرضى زوجى ان يكون لى صديق احكى له حزنى وارتاح عنده هل يرضى زوجى ان يشاركنى صديقى همى ؟ اريد اجابة من الرجال
تحياااااااااااتى