يا جمااااااعة البعرف يسااااعدني ضروري !!!!!!

[الحلم السوداني]

كمبوتري يا جماعة حصل فيه حاجة غريبة !!!!!!


كل الايقونات والملفات بقت بدون اسم وكما البلوتوث لما افتحه بقى يظهر البوكس بدون كلام داخله الحصل شنو والحل شنوووو؟؟؟!!!

منتظره اي حل رجاءا حل سريييييييييييييع يا باشمهندسين

[ود الزوحي]

معليش الحلم السوداني للتأخير ..

بس لو مازالت المشكلة بتاعتك موجودة .. حاولي أعملي إعادة نقطة النظام !!

ولو ماعارفة الطريقة ياريت توريني نوع الوندوز عشان أقدر أكمل معاك

بالتوفيق

[الحلم السوداني]

سلام يا ود الزوجي ....وشكرا كتير على الرد

..لا للاسف المشكلة مستمرة

نوع الوندوز فيستا

وتقريبا الحكاية ليها مده معاي حاولت كم حاجة ومانفع وطبعا ما عايزة افرمت وكدا

وانشالله القى حل في ايدك

تحياتي

[ود الزوحي]

في حركتين ياالحلم وان شا الله تزبط معاك

الاولى حاولي اعملي تنظيف للفيروسات عن طريق الانتي فايرس العندك .. وياريت تعملي ليه update قبل اي شي

الشي التاني حاولي اعملي اعادة اصلاح للنظام .. جيبي نفس اسطوانة النظام العندك وركبيها وشغليها حتجيك خيارات اختاري صيانة بدون فرمتة ولو ماعارفة الطريقة حقت الصيانة جهزي الاسطوانة وانا بشرحها ليك بالتفصيل

[الحلم السوداني]

ايوا انا عندي نورتن 2011 انتي فايرس وعامله ابديت وعملت فحص بس كان في شوية كوكيز

بالنسبة لموضوع القرص ....انا مرة صحبتي عملت لي حركة زي القلتها دي بس بدون قرص يعني من نظام الباكاب اللي في الجهاز قبل فترة وظبطت طبعا انا لا بعرف دي ولا دي فاكيييد ح احتاج شرح من سيادتكم على موضوع السيدي لاني من النوع الخواف وممكن اتهور واضغط على اي حاجة غلط واجيب العيد ....!!!!

وانشالله نقول خير

[ود الزوحي]

الشي العملتو ليك صاحبتك احتمال يكون استعادة لاخر ريكفري اتوجد عندك .. فلو عندك حاولي تستخدميه مع الاخذ في الاعتبار انو ممكن بعض البرامج تروح فياريت تاخدي نسخ من الحاجات المهمة من الملفات والمستندات في فلاش أو قرص .. للضمان يعني !!

وطريقة استعادة الريكفري كالاتي :

حتلقي في قائمة start برنامج اسمو Manage Recovery شغليهو وحتلقي خيارات منها عمل ريكفري وتانية مكتوب فيها استعادة الريكفري .. اختاري الاستعادة وكملي الخطوات بناء على الشي البظهر ليك بالمناسبة ماتخافي الحاجات دي سااااااااهلة جدا ..

بالنسبة لموضوع السيدي .. كالاتي !!

جيبي اسطوانة فيستا وركبيها في الجهاز واعملي ريستارت

الجهاز حيقلع معاك من السيدي .. ولما تجيك الخيارات حتلقي خيار اسمو Formate وتاني Repair ده طبعا غير الخيارات التانية نحن هنا مهم عندنا الصيانة Repair اضغطي عليه

الجهاز حيقوم يفتش عن النظام الموجود وينسخ الملفات المعطوبة ويصين النظام بنفسه .. وبرضو ماااااااااتخافي الموضوع بس عايز شوية تركيز ..

ولو في شي غلبك نحن جاهزين !!

[الحلم السوداني]

طيب معليش ولو ح اغلبك معاي حكاية الباكاب هي نفسها الريكفري

والشي التاني السيدي العندي طبعا هو اتعمل لما اشتريت الجهاز بمعني الجهاز جا بدون سيدي بس فيه نظام الباكاب ان اول ما تشغله تعمل نسخة باكاب في دي فيدي او سي دي ولما عملتها طلع بحتاج سيديهين فهل بكونوا بيحتوا بس على برامج الفيستا التشغيل وكذا ولا البرامج الجات مع الجهاز

وتحياتي يا باش مهندس

[ود الزوحي]

لا ولايهمك في الخدمة

البكب هو عبارة عن عمل نسخة احتياطية لملفات ما وعندك في الجهاز يا الحلم البكب هو عمل نسخة احتياطية لملفات النظام عشان لو قدر الله وحصل مشكلة تقدري ترجعي الجهاز لآخر مرة عملتي فيها بكب

الريكفري هو البرنامج البتعمل بيهو البكب .. وأكيد إنو االبكب الفي السيدي خاص فقط ببرامج فيستا لما اشتريتي الجهاز أول مرة

[الحلم السوداني]

نخدمك في الافراح يا ود الزوجي

بس الظاهر الحكاية اكبر من الاسماء الاختفت

امبارح بعد ما سويت اسكان ونسخت كل ملفاتي على الهاردسك الخارجي ويلا كلي حماس اسوي باكب

احاول اضغط على الاوامر ما في استجابة ....قصدي على اوامر الباكب وكمان حاولت اعمل ريبر للمشاكل برضوا في خلل معين ....

فرايك الفرمته الحل ؟؟!!!

معليش( بريتك) معاي بالمشكلة دي

[ود الزوحي]

لسه بدري ع الفرمته هاتي السيدي وتعالي علينا جاي !!

[ahamed morjan elromey]

عندى مشكلة لم اتعرف استعمل الفاكس الفى الكميوتر ممكن ارسل من فاكس كمبيوتر الى فاكس جهاز فاكس

[The Sniper]

الاخت الحلم

ما شاء الله الغالي ود الزوحي ما قصر معاك

بس لو رفعتي لينا صورة من المشكلة :)

في زر الكيبورد اسمو prt sc

اضغتيهو و امشي الرسام Ctr + v

سوي حفظ للصورة و تعالي ارفعيها هنا


بالتوفيق

[The Sniper]

عندى مشكلة لم اتعرف استعمل الفاكس الفى الكميوتر ممكن ارسل من فاكس كمبيوتر الى فاكس جهاز فاكس

اخي الكريم

يمكن استعمال الفاكس من خلال الكمبيوتر اذا كان لديك مودم عادي باستخدام خط الهاتف

اما اذا كان الانترنت لديك من خلال دي اس ال او برودباند فلا يمكن الاستفادة من الخدمة


هنا شرح لضبط اعدادت الفاكس




كل الود

[الحلم السوداني]

لسه بدري ع الفرمته هاتي السيدي وتعالي علينا جاي !!

والله ودا الناوية اعمله بالظبط يا ود الزوجي اجيب السيديهااااات والجهاز واجيكم طوالي

وخلاص السيديهات جاهزه والجهاز نظيف وشلت كل الاملفات البتهمني والباقي عليه العوض

ومستعده لتوجيهاتكم


وشكر اكييد موصول لكم

الاخت الحلم

ما شاء الله الغالي ود الزوحي ما قصر معاك

بس لو رفعتي لينا صورة من المشكلة :)

في زر الكيبورد اسمو prt sc

اضغتيهو و امشي الرسام Ctr + v

سوي حفظ للصورة و تعالي ارفعيها هنا


بالتوفيق

Sniper

الله يديكم يسلمكم كلكم على المساعده تسلمو كتييير

وشكرا على معلومة كيف اخذ صورة للمشكلة بالفعل حفظتها


بس في مشكلة تانية الرفع كييف وخصوصا لاني بستخدم ال google chrome وفي واحد من الكنترولات الله يسلمه قال الصندوق الماسي ما بشتغل معاي عشان المتصفح وبالفعل دي المشكلة العندي فهل في طريقة تانية لرفع الصورة غير من الصندوق الماسي


معليش اسئلتي كتيرة بس لاني مالي في المنتديات كتير


وشكرا لكم جميعا ود الزوجي وSniper

[The Sniper]

وشكرا على معلومة كيف اخذ صورة للمشكلة بالفعل حفظتها


بس في مشكلة تانية الرفع كييف وخصوصا لاني بستخدم ال google chrome وفي واحد من الكنترولات الله يسلمه قال الصندوق الماسي ما بشتغل معاي عشان المتصفح وبالفعل دي المشكلة العندي فهل في طريقة تانية لرفع الصورة غير من الصندوق الماسي

معليش اسئلتي كتيرة بس لاني مالي في المنتديات كتير

وشكرا لكم جميعا ود الزوجي وSniper

بالنسبة للصورة في موقع عربي اسمو عرب شير

http://www.arabsh.com

افتحي الموقع بتحصلي زر مكتوب عليه browse
اضغطي عليهو و حددي الصورة و اضغطي اوكي

انزلي تحت و اضغطي زر مكتوب عليه

ارفع

حيرفع الصور و يظهرو معاك كم رابط

المهم عندنا كود مكتوب عليه كود المنتديات انسخيهو و نزليهو في المشاركة الجاية

و لا صندوق ماسي و لا بطيخ



و بث

[الحلم السوداني]

معليش بس اتاخرت في حاجة تانية انشغلت بيها ودي محاولة الرفع الاولى لي انشالله تظبط معاي

[الحلم السوداني]

ثانكس

يلا اهي المشكلة بالدليل وغير مشكلات تانية بسيطة اتوقع لنفس السبب

ومشكورين مسبقا

[The Sniper]

تمام يا حلم

كنت مفتكر المشكلة مع الملفات يعني في الاسوسييشن مع السيستم ( ما عارفة ترجمتها شنو )


المشكلة بسيطة مع الاسماء بس

علي حسب كلام ناس مايكروسوفت انو المشكلة دي شائعة مع الفيستا

و الحل واحد من الاتي

- من داخل الفولدر الفيهو الاسماء مختفية سوي customize this folder

من الليست optimize this folder for

اختاري pictures and videos

لما ترجعي للفولدر مرة تانية و تضغطي كليك يمين ومن قائمة view حيظهر خيار مكتوب عليه

hide the file names

المهم اختاريهو و الغيهو لحد ما تظهر معاك الاسماء



حل تاني

اضغطي علي كنترول و شيفت و اثناء ما انتي ضاغطة عليهم اضغطي كليك يمين و من قائمة view غيري طريقة العرض لاي شئ تاني غير الحالي



حل تالت اعملي فحص للديسك check disk

كليك يمين علي البارتيشن دي
اخر خيار properties
اختاري التاب tools
check now



جربي الطرق دي و قولي النتيجة

[الحلم السوداني]

جربت الطرق التلاتة ما في فايده وكمان الطريقة التالته الاخيرة
فحص للديسك check disk

كليك يمين علي البارتيشن دي
اخر خيار properties
اختاري التاب tools
check now

بيطلع رسالة انه ما مممكن اعمل الفحص لان الجزء دا قيد الاستخدام

الظاهر المشكلة اكبر....

لان زي ما قلت فوق لما جربت اعمل باكاب زي ما قالي الاخ ود الزوجي الامر ما بيتفعل اضغطه قوم البوكس يختفي .

[The Sniper]

جربت الطرق التلاتة ما في فايده وكمان الطريقة التالته الاخيرة
فحص للديسك check disk

كليك يمين علي البارتيشن دي
اخر خيار properties
اختاري التاب tools
check now

بيطلع رسالة انه ما مممكن اعمل الفحص لان الجزء دا قيد الاستخدام

الظاهر المشكلة اكبر....

لان زي ما قلت فوق لما جربت اعمل باكاب زي ما قالي الاخ ود الزوجي الامر ما بيتفعل اضغطه قوم البوكس يختفي .

سوري يا حلم كنت مشغول شوية

بالنسبة لفحص القرص اذا قال ليك قيد الاستخدام حيطلب من تسوي ريستارت للجهاز

وافقي عليهو حيقفل الجهاز و يفتحو و يصير خير ان شاء الله


علي العموم جربي تسوي فحص و اصلاح كامل للنظام

امشي علي ستارت
تشغيل run

اكتبي sfc /scannow

ما تنسي تدخلي اسطوانة الوندوز قبل تشغلي الامر دا


و انتظريهو لما يخلص و قولي النتيجة