ديوان حبيب الناس

[حبيب الناس]

بجيلك وداير وصالك
إنت جاهلني وقاتلني بسماحتك
في يوم جيت أزورك واشرب في ريح جنونك
شلت الريد في قلبي عذبني بقسواتك
كلام بينا يوماتي في حنانك مافي زيك
يا سيد الذوق وأهلو أرحم قلبي من دلك
مستحيل في يوم أخونك وين تاني ألاقي زيك

[حبيب الناس]

منتظرك يا وديعي
................................

هل حتقدر تعرف في يوم أساي
وهم أيامي وسنيني وشقاي
ما حقتدر تلمس تحناني وشجوني
ولا ترسم البسمة في طيات جبيني
منتظر مني أشكي ليك عذابي
حاول أعرف إنت إحساسي وعناي
لمحت في عيوني حزن ومآسي
وآلام باينه في وشي وكلامي
جرب إنت تكون سميري وتبعد مُري ونهيدي
تكون إنت قريب فؤادي وتشعل أنواري وحنيني
داير منك بس إبتسامة تشفي روحي وتشيل سمومي

[حبيب الناس]

طاب لي السهر في عينيك أتغزلُ
وكل ألحاني باتت تغازلكي وتحلمُ
في عينيك سر جمال الكون وروعتو
ما لحظت مقلتاي في الشبيه مثلهً
والدُر الغوالي إن قورنت بثغرك لا توزنُ
مخملية يانعة الجبين والفاه المحمر ما أزينُ
الشعر والألحان في وصفك لم تطق صبرا ولا تحملُ
فكيف ذاك الشقي بحبك هل يستطيع صبراً وترجلً

[حبيب الناس]

كم تمنيت لو سألتي فيما حزني وإنكساري
ولما إختفت ضحكتي وغاب نومي وزاد بكائي
كم تمنيت لو إحتضنتيني لتري مدى همي وآهاتي
سهرت ليلاً طويلاً وما انقطعت أحبال أفكاري
في قلبي حريق ما انطفأ ليته أحرقني وانتهت شُعلة أيامي

[حبيب الناس]

سألت قلبي ليه بقيت في الغرام ساهل .....
تحب كل من قال بحبك وتبقى متهامل ......
صحيح بدون الريد الدنيا ما بتتجامل ......
صحيح بالريد كتير جنو وانا حكون مثيل ومتماثل .....
يا قلبي أوعى يغشك زولاً بالريده بعد ما كنت متجاهل ....
واعمل ليك ألف باب وابواب وكفاك بالطيبة متكامل ....
ما قالو زمان الريد ما عندو وطن وما تكون متفائل .....
ورجع ريعان شبابك ومجدك وزيد وما تبقى تحصيل حاصل .....
تلعن دوب الريد وتهرب من مجالس الحب وتتمايل .....
خليك جميل إحساس ما تنداس ولا تلعن الفعل والفاعل .....

[حبيب الناس]

في حضرتك صمت الكلام ....
حتى الغزل بقى ليك مقام ....
يا زينة الدنيا ويا طعم الوئام .....
من دونك نحن نشقى ونحلم بالمنام .....
حبك لي ديمه كان أجمل مرام .....
لا قدرت أوصلك ولا قدرت أمشي قدام .....
عيونك زي مطر شتويه شايلو الغمام .....
أرحم قلبي المعنى وكفاية عذاب والله حرام .....
كتير في الريده جنو وانا ايه حكون غير مجرد حطام ....
عاجباني فيك رقيبة الزراف وعطر الصندل والعجب الزمام ....
زينة والوصف فيك بيقصر دايرك لي واكون ليك أعذب غرام .....