حاجه أعجب لها في هذا المنتدى!!!!!.....

[Keeptown]

ما أعجب لهو في هذا المنتدى إنو الأعضاء بتطرح مواضيع بكون عدد الزوار لها مرات بالآلف وتجد عدد الردود لايتجاوز العشرات...
يعني الواحد من أخوانا الأعضاء بخش الموضوع لقاهو الواضعو واحد بعرفو برد ليهو غير كدا مابعبرو ذاتو وكأن الردود عليها ضرائب!!!....
عليكم الله ماحاجه تحير!!!...

[jasmina]

اخي كيب تاون

واهلا بيك ومرحب في انا سوداني

كلنا كنا اعضاء جداد في يوم من الايام

لقينا ردود في مواضيع ..وتجاهل في اخرى

بس استمرينا وبنستمر عشان نستفيد ونفيد ..

[Batta]

كيبتاون ,ما تكون عمر احساس.

يمكن ما عجبو؟ ويمكن ما كان داخل بعضويتو لما زاره؟

بكون في شللية طبعا,لكن ما دي المشكلة لان اعضاء المنتدى زي ما شايف كتيرين.

طول بالك ,واثبت جدارتك.

اديس خليتوها؟

[Keeptown]

أنا الكلام دا ما بقولوا عن المواضيع الأنا بوضعها بس لاحظتها في عدد من المواضيع المطروحه...
وبعدين أديس ماخليناها لسه والله إحتمال نقوم يوم 10 من شهر 7..

[بسمة الحياة]

اخوي كيب تاون ..
انت في اول الطريق
وتقريبا كده موضوعك ده من المواضيع الاساسية البكتبا اي عضو جديد
اول شي بوست ترحيب
تاني شي بوست زي بوستك ده

ما تخللي القصة دي تاثر فيك اثبت وجودك وبعد شوية حتزهج زاتو من كتر الردود