** البوست ده حقك :

[الماسة الخماسية]

ياسلااااام ،،،،،






لمن الواحد يجى داخل المنتدى البحبو .. عشان يلاقى الناس البعزهم ويكنّ ليهم أحلى المشاعر ..

ويتفاجا !!!

بأنو فى زول نزل ليهو بوست خاص بيهو ب " أسمو " يعنى

يكون " إحساسو " كيف ؟؟

بالله قولوا لينا بصراحة ..
مامهم : تجى الدغش ، تجى عزّ الهجير ، تجى العصارى ..
تجى المغيرب ، تجى عشية ، تجى السحور ..
تجى بعد يوم ، بعد أسبوع ، بعد شهر ..

المهم لما تلقى زول جاتو الفكرة أصلا يكتب عشانك ..
وبعدين صمم بعزيمة يخصص بوست ليك ..
واوجدو بسببك وحدد ليهو عنوان يخصك ..
وكتب فيهو كلمات تعنيك يعنى البوست ليك ..
يا اللهّ .. يا الله .. ياالله .. ياالله .. إحساس جد حلو .

طيب مادام إحساس حلو خلونا نتبحرّ شوية ونغرق فيهو حبيتن .. ونضوق طعمو اللذيذ ..

** خلونا نبدأ بالمشهيات البتفتح الشهية :

يجى زول مابتعرفو نهائيا" ينزّل ليك بوست تهنئة مثلا" :
أهلا" بيك "عضو جديد" نورتنا ياسلاااام دى شنو البداية الحلوة دى الناس ديل على فكرة كرماء خلاص ..
ولا بوست كل سنة وانت بألف خير "عيد ميلاد سعيد" الله ريقى جرى ..
أنا مرات ناس البيت مابتذكروا عيد ميلادى
دى شنو الناس الرااائعة دى ..
إذاسمحتوا خلونى _هنا_أذكر على سبيل المثال

الرااائعة جد "مها" ..

وتجيك تهنئة حلوة وتورتة أحلى وباقة ورد كملت الحلاة .. ياالله ..
بالله قول لينا إحساسك شنو ..

خصوصا" لما تلاقى بعد الروعة دى روعة تانية وتالتة رابع وحتى خامسة ..
فيها أجمل أمانى وتهانى ومباركات فى البوست حقك ..
البوست المعمول عشانك من ناس قمة فى الروعة دخلت بس شان تبارك ليك وتكتب ليك أحلى الكلام ....
قبال تعرفك ...
بالله تقدر فى يوم تفكر أو تخطر ليك خاطرة زول فيهم كان يوم قصرّ معاك تتجرأ توجه ليهو ملام ..
حاشا لله .

طيب ماتجو نقول بسم الله ياستار وياشافى ونبدأ بالفطاير والمحاشى :

يجى زول لمتك بيهو حبة عرفة .. يلقاك إختفيت حبة يسأل بكل إلفة .. وينك .. عيان سلامتك .. ولا المريض زول قريبك ..
وينزل ليك بوست يجوا الناس الحنان الراقين ضمان يحمدلوا ليك فى البوست حقك ..
خلونى على سبيل المثال لا الحصر أحىّ الشاعر المرهف أخوى " لبيب "

طيب كيف الحال كان فقدت عزيز "يا لطيف"
تبكى سااى تتجرس وتحزن حزن "مخيف"
ويجى زول حنين مشفق عليك .. ماكنت تتخيل الايام بينكم تلم إنت فى بلد وهو فى بلد ..
يادوب عرف ليك رقم داير يتعرف عليك ..
بس تعتزر عندك "خبر"
وينزل ليك بوست :
فيهو من الذكر الحكيم ودعاء بقلب سليم
ويجوك أصحابك ومعارفك
وناس اول مرة يجوك جابهم بس قلب رهيف .. وإحساس إنسان لطيف ومن كل حدب وصوب يعزوك ..
يواسوك تحسهم أهلك العزاز عليك
باكين معاك وبالصبر يوصوك ..
نفسك تروق تهدأ وتطيب ..
تقول مع ناس طيبين زى ديل مابجنى شر وتحمد ربك ..

ورغم كثرة الناس فى الحالة دى البدوك الأمان وإطمئنان ..
لكن إذا سمحتوا هنا تحديدا"
خلونى أخصّ بالشكر والعرفان
صاحبة الكلمة الطيبة والحنان "نبرة فرح"

والعجيب فى ناس مابتعرفهم يتصلوا ..
بيك تطيب نفسك بالتعازى ..
ويفاجئوك لمن تسأل عرفتو كيف يقولوا ليك .. "ما من البوست " حقك ..
المؤسف بجد تجى شان تخفف من حزنك تدخل تتشهد وتتصبر ..تشاهد ديك فلانة "ميم" بعد الشر عنى حرفى ذى حرفها داخلة تقرأ فى التعازى وماتكلف روحها بكلمة حتى ..رغم إنها مشهودليها بوقت كبير من الفراغ تملاه كيف غير بالفضول والشمشرة .. وفى كل فارغ جااارة قلمها وكتار الزيها .. بس حمد لله ربنا داير يصبرك .. ويوريك منوالناس القلوبها متحجرة .. "ماتعزى" حتى "تعزية" والله أبررررررى وكر علىّ وأنا إنشاء الله الحق الميت كمان أنا كان اشوف زولا" بعزوهو وما اقيف .. أواسى أو اعزىّ كلنا الموت علينا حقّ "يالطيف". سامحونى معليش : الظاهر قرشنا لينا ملحة فى البوست دا .. ماهو الملح لابد منو حتى فى أحلى الحلا ..
ويجيك زول "معين" يرجع ليك إحساسك بالصمود والأمان ويبعدك من سوء مظنة " تستغفر الله " والدنيا مازالت بخير ..زولا قمة فى الحنية والطيبة .. بعد كم يوم يعدو .. يتصل بيك " شان يعزيك" من غير يقول : تحس بى قلبو مفطور عليك ..ما داير يشوفك فى الحالة ديك .. وتانى يرجع يعزيك فى البوست حقك ..أها : بعد دا ..

يكفينا شر الحزن خلونا نمشى لقدام كمان ..

ندخل على الوليمة الدسمة دى :

زول يجى يبدع ويسطر ليك أجمل حروف ..
ذى ضابح ليك خروف ..
شان يقولك مبروك عليك تميت ألوف ..
ده مازول ولووف عدييييييييييل وكمل معاك كل الولف ..
تحس بالشبع والإبتهاج وتضحك كمان والناس تشوف ..
وياركوا ليك كل الناس المليانين حلاوة وطعامة
من جووووووه الدواخل ..
ويتخيروا الكلام الحيقولوا ليك ..
وفى ناس تجيب هدايا ورود وتحايا ..
وألعاب نارية وفراشات طيارية ..
ومرات فى ناس ذى حلاتى كده
مابعرفوا ليهو الذى ده
لكن وقت يباركوا ليك
تحس الكلمة من جواااهم طالعة ليك ..
بجد فرحوا ليك .. وفرحوا بيك ..
وفى ناس حسب الظروف ..
لكن مرات والله وحده مطلع على قلبك يشوف ..
يكفيك من زول " معين" فد حرف مش 4 ، 5 حروف ..
شوف بالله كيف يرسموا الفرحة جواك شان تبين فى جبينك ..
حتى البجيك بس شان يجامل تبقى فرحان بيهو ودار تطير من سريرك ..
تتجارى من الصباح شان تشوف الجاك منو يبارك ليك .. فى البوست حقك ..

مش بالله صح ..






أها عاد بعد الشبع والتخمة دى إلا كان نجى للتحلية ..

مبروك النجاح ،
والتخريج كمان ،
عقبال الماستر و الدكتوراة ،
جالك .. ولد / بت : يتربىّ فى عزك ،
مباركات حتى لناس أسرتك أوأهلك البعاد والقراب إنشاء الله كان عرسوا حبوبتك ..
برضو بتلقوا زولا فضييييييل عسسسسسسسل عدييييل ينزل "بوست" بس شان حبوبتك .



وأحلى التحليات ..
التباريك ال بجنبة ديك ..
تكون بس للإفتخار بيك ..
أو بشيتا" سمحا" عملتوا ..
وتستاهل يشيدوا ويباركوا ليك ..
دى بتكون ذى المكسرات لذيذة .. وفيها قزقزة ..
والله دى مابدخلوها إلا ناس الفضول ..
ويمرقوا ساااى40 ،50 نفر يقزقزو .. ويشتتوا .. " يعنى يمشوا "
لأنهم ما " بشتتوا " ليك حتى " قشر " كان الفستق ولا السودانى ب يبلعوهو ليك ..
أحسن تانى البيعمل بوست ذى ده يخلى المكسرات كلها "كاجو" وفى ألذ " منو " بالله عليك ..






أها طبعا ختامه : عصير .. من النوع المثلج المثير ..

يذوب فى " خشمك " وتحس بطعمو بعد داك بمدة برضو رائع فى حلقك ..

دى ما بوستات :
الخطوبة والزواج ..
طبعا" كل واحد من البايرين
بنات بنين .. قعد يتبسم بخجل :: التقول قلنا ليهو " مبروك عليك "

الله :

طبعا" ليك

" مبروك مقدم "

ما قلنا ليك ..
البوست ده حقك ..

[عمار ود الشرفه]

فعلا احساس جميل جدا لما تلقي بوست مخصص ليك وكل المشاركات بتحكي عنك ... ويا سلام عليك انتي يا الماسه الخماسيه وعلي كلماتك وزوقك ..


برمهـ
انا بخصص مواضيع لبعض الاعضاء لكن بشتغلهم فيهو وبطلع عويناتهم ,, يمكن عشان هم ناس لذاذ وظريفين منهم ابو صديق والكاشف اخوي غاااااااااااغ ,,, وعلي الجزيم لو ما خاتي في بطني بطيخه صيفي انهم ما بزعلوا ما بفكر اصلا اكتب عنهم ,,,

[dream-lady]

الماسة الخماسية ............دوما اركض لمواضيعك لاني اعلم انها قمة

اجمل مافي الدنيا انو انسان يتذكرك وتكون في بالو وانت مافي .....وكمان يسطر احرف لاجلك قمة السعادة والشعور بالامتنان

[الماسة الخماسية]

** عمار : ياذوق ..كلامك كلو مية مية ..

** تسلم على مشاركتك والطلة الحلوة ديه ..

** وزورنا دايما واعمل لينا بوست هدية ..

** بصراحة: أنا الشمالى وأبوصديق زيد عليهم بعدالزمن ومرسال الشوق من الناس البحب اشاغلهم دايما" وعارفاهم قلبهم ابيض ما بزعلوا منى مهما قلت . وبسميهم "فاكهة المنتدى" بدخل الراكوبة دى عشانهم .



** دريم ليدى يا أرقى ليدى :

** بتخجلينى دوام بكلامك التمام ..

** تسلمى لى انت يا أحلى مدام ..

** وليك ودىّ واحلى سلام ..

[ابن عوف]

الماسة الخماسية

يديك العافية واجمل الكلمات الطيبة

ديل ناس انا سودانى ديل اهلى محل قبلت القاهم معاى معاى زى ضلى


انا سودانى وافتخر انى احد اعضاءه


مودتى لكم جميعا

[The Sniper]

المتميزة الماسة الخماسية

احييك علي ابداعك في انتقاء الكلمات و الجمل و حسن الصياغة

و كلماتك و لا اروع ما شاء الله عليك

و فعلا اجمل مافي المنتدي الاعضاء الطيبين و الحلوين ديل

ربنا ما يحرمهم من بعض و لا يحرمنا منهم



تـحـيـاتـي

[الماسة الخماسية]

الماسة الخماسية

يديك العافية واجمل الكلمات الطيبة

[align=center]
** ويديك ألف عافية وكل ماتتمنى ويدخلك الجنة * آمين [/align][/color]


ديل ناس انا سودانى ديل اهلى محل قبلت القاهم معاى معاى زى ضلى


انا سودانى وافتخر انى احد اعضاءه

[align=center]** والله معاك حق .. وكلامك صدق .. [/align] [align=center][/align]



مودتى لكم جميعا[/color]

** نورت البوست حقك

[بعد الزمن]

[align=center][quote="الماسة الخماسية"]** [color=#000

** بصراحة: أنا الشمالى وأبوصديق زيد عليهم بعدالزمن ومرسال الشوق من الناس البحب اشاغلهم دايما" وعارفاهم قلبهم ابيض ما بزعلوا منى مهما قلت . وبسميهم "فاكهة المنتدى" بدخل الراكوب .. Happy0005.gif[/quote]

الرائعة جدا (كلماتك تخترق الاعماق وتتوغل في الدواخل وتتحكر في الوجدان)
برمه :
ان شاء الله في يوم ما (ستجدين) بوست باسمك في الراكوبة لما

شكرا يا شريان المنتدى[/align][/size]

[رءوف]

الماسة اقول ليك حاجة انت فعلا ماسة لا لا انت الماظ انت بالجد مميزة
ربنا يحفظك

[ود النصر]

[align=center]عارفة ايتها الماسة خماسية الابداع

قريت (لا ما قريت) حسيت البوست ده وعجبني
والله عجبني عجب شديد خلاص.

انتي كتبتي باحساسك اجمل الكلمات

وده شعوري لمن لقيت حاجات بتخصني
مخصص ليها مساحة من اهتمام من اشخاص
حلوين وراقين.

تسلمي وربنا يديم الاحساس بالسعادة.
تقبلي مروري.[/align][/size]

[الماسة الخماسية]

المتميزة الماسة الخماسية

احييك علي ابداعك في انتقاء الكلمات و الجمل و حسن الصياغة

و كلماتك و لا اروع ما شاء الله عليك

و فعلا اجمل مافي المنتدي الاعضاء الطيبين و الحلوين ديل

ربنا ما يحرمهم من بعض و لا يحرمنا منهم



تـحـيـاتـي

**عزيزى : Sniper

** الناس الحلويين الذين يدعموننا ويشرفوننا مثلك بحضورهم

** وكلماتهم المشجعة الراقية .. وذوقهم الرفيع .. هم السبب فى إبدا ع أقلامنا ..

** لك تقديرى وودىّ

[الماسة الخماسية]

[align=center]الرائعة جدا (كلماتك تخترق الاعماق وتتوغل في الدواخل وتتحكر في الوجدان)
برمه :
ان شاء الله في يوم ما (ستجدين) بوست باسمك في الراكوبة لما

شكرا يا شريان المنتدى[/align][/size]

** عزيزى : بعد الزمن

** أنت الأروع بلا شك .. ويسعدنى وجودك فى بوستك وفى كل كتاباتى ..

** ولك مثله آمين .. ولجميع ال أما إذا كنت أنا شريان المنتدى فأنتم دماؤه التى تغذيه ..

** لك تقديرى وودىّ

[الماسة الخماسية]

الماسة اقول ليك حاجة انت فعلا ماسة لا لا انت الماظ انت بالجد مميزة
ربنا يحفظك

**عزيزى : رءوف

** أقوليك شنو .. ح اهديك باقة فلبيضاء وأوركيدة زرقاء ..

** ربنا لا يحرمنا منك أخى العزيز ولا من كلماتك الطيبة ..

** لك تقديرى وودىّ

[الماسة الخماسية]

[align=center]عارفة ايتها الماسة خماسية الابداع

قريت (لا ما قريت) حسيت البوست ده وعجبني
والله عجبني عجب شديد خلاص.

انتي كتبتي باحساسك اجمل الكلمات

وده شعوري لمن لقيت حاجات بتخصني
مخصص ليها مساحة من اهتمام من اشخاص
حلوين وراقين.

تسلمي وربنا يديم الاحساس بالسعادة.
تقبلي مروري.[/align][/size]

** عزيزى : ود النصر

** إنما كتبت بإحساسى لمن يملكون إحساسا عاليا مثلك ..نورت البوست حقك ..


** وإهتمام بعض منا بالأمر يدل على إحساسهم الصادق ..ولاينفى روعة من جال بخاطرهم الكتابة لنا ولم تسعفهم الكلمات او الظروف .. فأحلى الكلام ما لم نسمعه من أحباؤنا بعد ..

** لك تقديرى وودىّ

[الماسة الخماسية]

الأعضاء الكرام :

خلال فترة غيابى .. تعددث الأحداث وعجزت عن إيفاؤكم العبارات التى تستحقونها ففكرت فى الحضور هنا حيث أعتبر بكل صدق وصفاء قلب ان هذا المكان يخص كل الأعضاء الأعزاء ..


جئت كى أقدم

أحر التعازى لكل من فقد عزيز لديكم

وأصدق الأمنيات بشفاء ودوام صحتكم

أجمل تهانى لمن حالفه الحظ بالتكريم

*·~-.¸¸,.-~*ثم*·~-.¸¸,.-~*

دعونى أهنىء من صميم قلبى وأهدى حروفى هدية

*** *** ***

ألف مبروك لكل من أكمل ألفية ** وعقبال مائة ألفية

ألف مبروك لكل من جاءه مولود** ولد أو بنية

ألف مبروك لمن تزوج أو خطب أو لديه النية

الف مبروك لكل عيدميلاد ** سنة هنية

ألف مبروك لكل *حدث سعيد* مية مية

مبروك بكل ودّ ** واروع التحية

وتقبلوا منىّ ** باقة وردية

[لبيب]

[align=center]الأخت الغالية ماسة


حقيقة يعجز التعبير عن الروعة الفي البوست دا

بركة الرجعتي لينا بالسلامة والله مقصرين في حقك كتير لكن اعفي لينا بالله عليك



الواحد لما يتعامل مع ناس في روعتكم وروعة المنتدى دا يا إما يرد المعاملة بالمثل يا إما ينسحب عشان كدا انتوا باحترامكم وتقديركم للناس يخلي الواحد يتعلم التعامل[/align][/size]

[الماسة الخماسية]

**عزيزى لبيب

** وينك ياخ مشتاقين .. زمن ما شفناك عساك بخير وفى نعم الحال ..

** كلماتك هذة أصلها التعامل الذى عودتنا اياه ..

** وروعتها التفاعل من شاعر مثلك يحب منتداه ..

** وثمارها تواجدك الدائم فى جميع أرجاءوه ..

** لك تقديرى وودىّ .

[الماسة الخماسية]

اليوم : مزاجى رااااايق قلت أدلّع روحى فى البوست " حقك "

دلوعة

www.youtube.com/watch?v=lsSgKEHiQpE‏

***** ***** ***** ***** *****

دلوعه دلوعة .. هاي الحلوة دلوعة
الله يعين اللي يحبها .. تشعل نار بضلوعه

شوفوها ياناس ابنيه لو بلوه
مشيتها غزال وجانا يتلوى
قلبي من وراها بيه الف لوعه

***** ***** ***** ***** *****

دلوعه دلوعة .. هاي الحلوة دلوعة
الله يعين اللي يحبها .. تشعل نار بضلوعه

مدام الحلوة عندنا اليوم
السهرة صباحي

لاتغفى ابد ياقلبي
ظل صاحي

ميلادك الليلة نور
شموعى

***** ***** ***** ***** *****

دلوعه دلوعة .. هاي الحلوة دلوعة
الله يعين اللي يحبها .. تشعل نار بضلوعه

طفي النور هي منورة الحفله
شقد حلوين هي الاجمل والاحلى
وهى للجمال اصبحت موسوعه

***** ***** ***** ***** *****

دلوعه دلوعة .. هاي الحلوة دلوعة
الله يعين اللي يحبها .. تشعل نار بضلوعه


معذورة ياناس بهاي
معذورة
من حقها علينا تصير
مغرورة
بيها كل حلاة الدنيا
مجموعة

دلوعه دلوعة .. هاي الحلوة دلوعة
الله يعين اللي يحبها .. تشعل نار بضلوعه

***** ***** ***** ***** *****

[الأميرالحب]

الماسه :
تيقنت تمامآ توجد لنا هنا اقلام لها طابعها الخاص
كيف لاوانتي ترسمين بروعه حروفك اجمل الكلامات
واصدق المشاعر التي تخرج من داخلك كالؤلؤ
كوني بخير الماســــه
وحمد الله علي السلامه وتاني ما تغيبي

خالص الود

الامير الحب

[امال الناس]

[align=center]الرائعة جدا (كلماتك تخترق الاعماق وتتوغل في الدواخل وتتحكر في الوجدان)
برمه :
ان شاء الله في يوم ما (ستجدين) بوست باسمك في الراكوبة لما

شكرا يا شريان المنتدى[/align][/size]

جنس كثير تلج
اوع تسمعي كلامه
يا الماسة الخماسية
ده بهناك عنده مراح كلاب
سعرانة عايز يفكها ليكم