معزومين الجاي يعمل مرور سريع

[عمار جبارة]

ياناس المنتدي كلكم معزمين
عندي مع الاجواء الخريفية السمحة دي
والله عاملين (( كشنة ))
حتاكلوا صوابعكم معاها
والما بقدر يجي انا حاكتب ليه وصفة (( الكشنة ))
المكونات :
كمية من البصل - فلفل اخضر - جزر - بطاطس - شطه خضراء - زيت - توابل - ثوم
طريقة عمل الكشنة :
اولا: يقطع البطل ونضع الزيت علي النار ونقوم بتحمير البصل حتى يصير لونه زهبيا
ثانيا : نستخرج البصل من الزيت ونضعه علي الخلاط ونخلط معه الفلفل الاخضر والجزر والبطاطس
ثالثا : نضع الخليط في الاناء الذي به الزيت وذلك علي نار متوسطة ونضيف له التوابل ( كسبرة ، وفلفل اسود ، وحبهان ) ونضيف له الشطة الخضراء دون تقطيع وقطع ليمون مقطعة علي شكل دوائر
رابعا : نتركها علي النار المتوسطة لمدة عشرة دقائق وبعد ذلك يضاف اليها عصير الطماطم او الصلصة
وتترك لمدة عشرون دقيقة
خامسا : يضاف اليها الثوم المفروم وتترك لمدة خمسة دقائق وبعد ذلك يتم انزالها من النار
كيفيتة التقديم :عيش ( خبز ) - صحن كبييييير
اولا : يتم تقطيع العيش ويوضع في الصحن ونقوم برشه بالكشنة
ثانيا : نقوم بتزينها بدوائر الطماطم والعجور واوراق الجرجير والبصل الاخضر
المقبلات :
شطه خضراء مفرومة يضاف اليها ( الدكوة ) والليمون والخل والفلفل الاسود
وبالهناء والشفاء
اها يا اخوانا الجاي منو؟؟؟؟

[بت أبوظبي]

ميه الميه أكل العزابه !
شكلها كشنه تمااااااااااااااااااااااااااام ..
والله شهيتنا لأكل الخريف ..
وجو الخريف ..
وجكس الخريف!!!

[عمار جبارة]

يا بت ابو ظبي
والله علي قولك تمااااام
حصليها قبال تبرد
واما جو الخريف ابداااااااااااااع
اما عن جكس الخريف
اااااااااااااااااااااااااااااااااااااااااااااااااااهـ عزاب شديد
كدي انتي تعالي بس
صدقيني كل شي حالم وساحر
وبحضورك انا متاكد سيزداد القا
البتاعة بردت

[بنت الكلاكلة]

باين عليها الكشنة دي سمحة انا جااااااااااااااااااااااااااااااااااااااااااااااااااااااية اجزولي طربيزة معاكم

انا جاااااااااية في الطريق ، اكل العزابه اظنه حلو مش كده

دايرين شئ تاني؟؟؟؟؟؟؟؟؟

بنت الكلاكلة

[عاشقة محمود عبد العزيز]

عمار عليك الله ما تكتر الشطه :(

وما تقعدوني في طاولة بت ابوظبي وبنت الكلاكله

الناس دي أكاله :079:

[عمار جبارة]

يا بت الكلاكلة
تعالي سريع مكانك محجوز
وحا اخصص ليك تربيزة براك
وكان دايرة شي تاني قولي
رقبتي سدادة
وشكرا علي قبول الدعوة يا بت الملووووووووك

[عمار جبارة]

يا عاشقة محمود
شكرا علي قبول الدعوة
ومنتظرك
ما تخافي حا اقعدك معاي
انفع ؟؟؟
شكري وتقديري علي المرور

[بنت الكلاكلة]

ما بتقصر يا عمار يديك العافية

[ضـــوء الشـــمــس]

والله يا مان 100%
لكن يا بت ابوظبى
الخريف ده كله حلو
اشمعنا الجكس ،،،،،،،،،،،
حاجه اضافيه:::ابوظبى فيها جكس؟؟؟؟؟؟؟؟؟؟؟؟؟
،،،،،،،،،،،،،،،،،،،،،،،،