تعال لي بي جااااي يا اللخو

[عمار ود الشرفه]

سلاااام يا برمجاتيه ,,, وكل زووول عندو خبره في تحميل البرامج
عاوز احمل برنامج data recovery
كان حملتو بس نزل لي بي كود ولما اجي احفظ الملفات بطلب مني الكود ده ,, وانا يطرشني ويعميني فيهو الكود ده وقدر ما فتشت ليهو ما لميت فيهو
اها انا داير لي رابط وااااااحد وما داير اتقل عليكم رابط واحد بس يدخلني للتحميل تووووشك ويكون برنامج مجااااني لا كود ولا غيرو
اها يا القناص داير عربون ولأ اكلم ليك واحد من الكنترولات ديل يرقعك بي كم مشاركه اضافيه كدا

انا كتبت الموضوع ده هنا عشان الكل يستفيد
ولي الناس الماعارفين البرنامج ده برجع ليك كل البيانات الاتمسحت من جهازك او فلاشك او راسك ظااااااتو علي الجزيم يجيبها ليك لو مسحتها من زمن حفروا البحر


نحن في الانتظار

[The Sniper]

مساء الخير عمار :)

تفضل حمل البرنامج من هنا

ميديا فير

http://www.mediafire.com/?jvhcl6kbvgl9b98


او فورشيرد

http://www.mediafire.com/?jvhcl6kbvgl9b98



بعد تحمل البرنامج و تفك الضغط :

- ثبت البرنامج من ملف icaredrs.exe

- انسخ الملف iCare-MESMERiZE.reg لفولدر ثبيت البرنامج و غالبا ما يكون
C:\Program Files\iCare Data Recovery

- اتأكد انو البرنامج ما شغال واذا شغال اقفلو و امشي علي فولدر تثبيت البرنامج و شغل الملف iCare-MESMERiZE.reg

- حيطلب منك تختار يا اما يس او نو اختار yes

- و بكدا مبروك عليك البرنامج كامل و لا كود و لا غيرو


بالمناسبة ما عايز عربون او مشاركات زيادة بس دعوة صغيرة في رمضان

دمت بخير

[عمار ود الشرفه]

يا زووول هه ... انت ما ايي كوكب ,, من ويييين انت ؟؟؟
المعبود بالحق ريحتني في حناني وتش البرنامج اشتغل ورجع لي الداتا بتاعتي ,, وتاني ماف مجال للخطأ ,, نمسح ساااااي وبطنا بااااارده

ماشاءالله عليك يا مان وما قصرت تب والله

ومن هذا المنطلق وبشده ,, بدعو المراقب العام يمنحك تاااااني وسام لي مجهوداتك ومساعتك للاعضاء ولو مافيها وسام يدوك مشاركات زياده بس بالنص يا فرده
واكان علي الدعاء .. حرم ما اقصر معااااك وقدر ما تنبسط اتزكر انو انا كربت ليك دعوووه

تحياااااتي يا فرده